ဟိုတ်နူကဵုယဲကပ်ကဝ်ဝေဒ်တုဲ ပရေၚ်ပကောံမၞိဟ်တံ ကၠောန်သ္ပဟွံလောဲဂှ်ရ ညံၚ်ညးဂမၠိုၚ်ဂွံတီအာ ပရေၚ်ချဳဓရာၚ် (၁၆)တ္ၚဲဏံဂှ် ကၠောန်သ္ပပေဲါဍိုက်ကွဳလိုန်ရောၚ် ညးတာလျိုၚ်ဂကောံညးဗြဴမန် ဟီုထ္ၜးရ။

“ဂွံကၟာတ်ဂၠံၚ်ကၟာတ်ဍာန် အတိုၚ်ကွာန်ဖအိုတ်ဂှ်ဟွံကၟာတ်၊ အရာပ်ဂှ်ဒှ်တှ်ေ အရာပ်ဂှ်ကၟာတ်၊ ဗွဲမဂၠိုၚ်တှ်ေ အရာပ်ညးအရာပ်အဲ ကၟာတ်လဝ်သီုဖအိုတ်ရ” သာ်ဝွံ ဥက္ကဌ ကွာန်ကအ်ပံက် နာဲမေန်မျဵုထောန်ဨ ဟီုရ။

ပ္ဍဲကဵုတွဵုရးဍုၚ်မန်လေဝ် မၞိဟ်ယဲကဝ်ဝေဒ်ဂှ် (၁၀၀၀) တၠပြၚ်တုဲ မၞိဟ်ဒးချိုတ်အာဂှ် (၁၀) တၠရောၚ်။ မၞိဟ်ဒးတိုန်မံၚ်ရုၚ်ဂဥုဲလၟုဟ်ဂှ် ဗၞတ် (၃၀၀) တၠနွံတုဲ အတိုၚ်အသိၚ်ဏံ မၞိဟ်ယဲကၠောံထၞာန်အာမ္ဂး သွက်ဂွံစွံမၞိဟ်ယဲဂှ် ခက်ခုဲဒၞာဲဒှ်အာမာန်ရောၚ် ဌာနထတ်ယုက်တွဵုရးဍုၚ်မန် ဂးလဝ်ရ။