ရာၚ်မြဟ်၊ ဌာန်ပရိုၚ်ဗၠးၜးမန် – ညးကတဵုဟရိုၚ်ဒယှ် ဇာဂနာ (ကော်) နာဲသူရ ကလေၚ်ဗၠးတိတ် နူထံၚ်တုဲ ကောန်ကွးညး သှေ်မံၚ်ပ္ဍဲဍုၚ်သေံ ကောန်ဂကောံတဳလေဝ်တဳ ညးကတဵုဟရိုၚ် ပါန်တဳ (ပန်းသီး) ၊ ကျေဝ်တဳ (ကြယ်သီး) ကေုာံ ကောန်သၟိၚ်ဗြဴ မျစပေဝ်ၚုၚ် (မြစပယ်ၚုံ) တံ ကလေၚ်စဴဍုၚ်ဗၟာအိုတ်ရောၚ်။
မာံသုတ – ပ္ဍဲဂိတုဝှ်ပေၚ် (ဂိတုအံက်တဝ်ဗာ ၁၂) ဂှ် အလဵုအသဳဗၟာ သၠးဒုဟ်ဒဏ် ကုကောန်ထံၚ် ၆၃၅၉ တၠကီုလေဝ် ကောန်ထံၚ် သၟာပရေၚ်ဍုၚ်ကွာန်မန် ယၟုပြာကဋ်တံ ဟွံကလေၚ်ဗၠးတိတ်ကၠုၚ်ဏီရောၚ် ဂွံတီကေတ်ရ။
စၠန်ထဝ် – အတိုၚ်အလဵုအသဳလၟုဟ် လလောၚ်ပတိတ်လဝ်မ္ဂး ပ္ဍဲဝှ်ပေၚ်ဏံ သၠးကဵုဒုဟ်ဒဏ် ကုကောန်ထံၚ် (၆၃၅၉) တၠတုဲ ပ္ဍဲဂှ် ကောန်ထံၚ်ပရေၚ်ဍုၚ်ကွာန်မန်လေဝ် ပါကၠုၚ်မာန်ရောၚ်ဂှ် မသကောံဒေံညးတံ စၟဳပတှေ်မံၚ်အိုတ်ရ။
မာံသုတ – နူဂကောံ ကံၚ်ဇြဳပရေၚ်ၜိုဟ်လလမ် KNU/KNLA မၞုံဇြဟတ် (၁၅) တၠဂှ် ပ္ဍဲဂိတုအံက်တဝ်ဗာ ၂၀ ဖျေံလွဟ် ပ္ဍဲၝောံဗဒမ်တွဵုရးမန် ဍုၚ်မတ်မလီုရောၚ် ဓမံက်ထ္ၜးလဝ် ပ္ဍဲလိက်ပရိုၚ်အလဵုအသဳ ဂိတုအံက်တဝ်ဗာ ၂၁ ရ။
မာံသုတ – ညးစၞး အလဵုအသဳတွဵုရးမန် ကေုာံ ဗော်ဍုၚ်မန်တၟိ ၜါလပါ် ပ္ဍဲဂိတုအံက်တဝ်ဗာ ၆ အခိၚ်နူဂယး ၉ နာဍဳဂှ် ဗွဲပဏာမ စသဳကၠဳ ပ္ဍဲဗွိုၚ်တမ်ဒပ် ခလရ ၆၁ ဍုၚ်ရေဝ်တုဲ အခိၚ်တ္ၚဲစေၚ်ဂှ် တုဲဒှ်အာရောၚ် ဂွံတီကေတ်ရ။
မိလျးထဝ် – တၞးဂဥုဲၜူမာဲ ယၟုဒယှ်မံၚ် ပ္ဍဲဒေသမန် ကော်ခဴစ တၞးဘိၚ်၊ နကဵုယၟုသေံ ကော်ခဴ “ကရဓံၚ်” ဂှ် ဖက်နှဴကဵု ကပေါတ်တၞဟ်တၞဟ်တုဲ နဒဒှ်ဂဥုဲၜူမာဲ သၟတ်မန် ပ္ဍဲဒေသတွဵုရးမန် သၠုၚ်ကျာတံ သုၚ်စောဲမံၚ်အိုတ်ရောၚ် ဂွံတီကေတ် နူညးဒေသတံရ။
မာံသုတ – သွက်သ္ဂောံဆဵုဂဗသဳကၠဳတၟိ မွဲဝါပၠန်ဂှ် ညးစၞးအလဵုအသဳတွဵုရးမန် ကေုာံ ညးစၞးဗော်ဍုၚ်မန်တၟိတံ စိုပ်မံၚ်ဍုၚ်ရေဝ် တွဵုရးမန်အိုတ်ရောၚ်ဂှ် ညးမစုက်လုက်ကဵု ဝန်ဇၞော်မန်မွဲတၠ ဟီုလဴကဵု ဌာန်ပရိုၚ်ဗၠးၜးမန်ရ။
စၠန်ထဝ် – ကၞုကိတ်ပလီုတၞံသြောံ ပ္ဍဲတကအ်ခၟိုၚ် (ပွိုၚ်ဍုၚ်ၜါသွာၚ်) မံက်ကၠုၚ် ပ္ဍဲကသီုသၞာံဏံဂှ် စဟွံထေက်ရောၚ်ဂှ် အမာတ်ကၠတ်ထဝ် တွဵုရးဍုၚ်မန် ဒံက်တာအံၚ်နာၚ်ဥူ ဗက်ဟီုတွံ ကဵုပညာ ကုကောန်ကွာန်ဒေသတံဂှ်ရ။
မိလျးထဝ် – ပ္ဍဲပယျဵုသေံ-ဗၟာ ပွဳပွူဒေသကျာ်ပိဂှ် ဆုအောန်ကၠုၚ်တုဲ ကမၠောန်ပရိဘောဂတံ ဒှ်မံၚ်အခက်အခုဲရောၚ်ဂှ် ဂွံတီကေတ် နူတၠကမၠောန်ပရိဘောဂ ကောန်ဍုၚ်ကျာ်ပိတံရ။
မာံသုတ – ကောန်ဂကောံ ဂကောံပံၚ်ကောံ ကံၚ်ဇြဳဖိတ်ဒရေဝ် ကောန်ဍုၚ်အရၚ် (UNFC) သီုဖအိုတ် ဟွံပါလုပ်မ္ဂး ညံၚ်ဂွံတးပဲါ ပရေၚ်ပညဳပညပ်