နာဲမာန် – အလဵုအသဳပၞာန်ကဵုလဝ်အမိၚ်ကဵု ရဲဂကောံဒေံါပန်ပှော်ဂမၠိုၚ်တအ် ကြပ်ကၠုၚ်ကဵုတ္ၚဲလက္ကရဴအိုတ် သေတ်တေန်ဗါ (၁) ဂှ်တုဲ ပွဳပွိုၚ်ရုၚ် ဒပ် အကြာပွိုၚ်ဍုၚ်မုဟ်ဍုၚ်ကဵု ဇြပ်ဗု နူကဵု အဝ်ဂေတ် (၃၀) နူတနေံဏံဒပ်ပၞာန်တအ် ချဳဒရာၚ်တၟေၚ် မံၚ်ရောၚ် သ္ကိုပ်ဗိုလ် ဗော်ဍုၚ်မန်တၟိဗွိုၚ်အပ္ဍဲဍုၚ် မွဲတၠ ဟီုရ။
“နူတနေံတေံ နူကဵုဒပ် (၆၂) ဇြပ်ဗုဂှ် ဇြဟတ်ၜိုတ် (၅၀) ကဵုကယျိုၚ်ပေၚ်ၚ် ဍေံတအ် မၚ်ကေတ်လဝ်ဒၞာဲပ္ဍဲကဵုပါၚ်ဂၠံၚ် လုပ်ရုၚ်ပွိုၚ်ဍုၚ်မုဟ်ဍုၚ် ကွာန်လှာယေန်ဒံၚ်ဂှ်ဆဵုမံၚ်၊ ဆဂး မုဍေံတအ်ပဂှ် ဟွံတီချိုတ်တ်ပၠိုတ် တၟေၚ်ဂှ် တ္ၚဲဍေံဍေံတအ် ချိၚ်လဝ် အေၚ်္ဂလိက် (၁) ဏံ ကြပ်ကၠုၚ်တှေ် ဍေံတအ်မၚ်ပန် ရဲပိုဲဟာ ဟွံသေၚ် မုမုကမၠောန်ဍေံတအ်ဂှ် ဟွံတီရ တၟေၚ်ဂှ် တၟေၚ်မံၚ်” သာ်ဏံ သ္ကိုပ်ဗိုလ်ဂှ် လဴကဵုရ။
ဟိုတ်နူအကာဲအရာတၟေၚ်မံၚ်သာ်ဂှ်တုဲ ရုၚ်/ဒပ် မၞုံပ္ဍဲဍုၚ်ဂမၠိုၚ်ဂှ် ညးတာလျိုၚ်တအ် ကဵုလဝ်စၞောန်ပၟိၚ် ညံၚ်ဂွံမၚ်ကေတ်လဝ်ဂွန်တုဲ ညံၚ်ဟွံဂွံပရးလဝ်မၞိဟ်ဂှ် တၟံဌာနညးတအ် ကဵုလဝ်စၞောန်နွံရ။
ရဲဂကောံဒေံါပန်ပှော်ဂမၠိုၚ်တအ်ကဵု အလဵုအသဳပၞာန်ဗၟာဝွံ စပ်ကဵုဒပ်မၚ်ပယျဵုကဵု ဒပ်ပၞာန်ညးဍုၚ်ကွာန်ဂှ် တ္ၚဲလက္ကရဴအိုတ် သေတ်တေန်ဗါ (၁) ဏံ ယဝ်ဟွံဒုၚ်တဲမ္ဂး ဖျေံလွဟ်တှေ်ဖျေံ ဟွံဖျေံလွဟ်မ္ဂး ကေတ်အရေဝ် နကဵုဇြဟတ်ပၞာန်ရောၚ်ဂှ် တုဲကၠုၚ် မုဟွံလအ်ဏံ သ္ကိုပ်ပၞာန်ယျေဝ်မျေအ်ဆဵုလဝ် ဂကောံဒေံါပန်ပှော်ဂမၠိုၚ်တအ်တုဲ ကဵုလဝ်ဇြဟတ်ဓရိုဟ် ဂကောံဒေံါပန်ပှော် ဟွံဒုၚ်တဲ ပ္ဍဲလှာဲဗီုပြၚ်ဒပ်ဂှ် တုပ်ပ်ညးကအ်ဖၟိုတ်ရ။
“နူဗ္တံဏံ ထေၚ်ခယျကေတ် ရမျှာၚ်သေနာတ်ဗြုဏေါဝ် လ္ပာ်ရုၚ်ဇြပ်ဗု ဒပ်ဇြပ်ဗုယျေဝ်တဂေါန်တေံလေဝ် ကာပၞာန်ဍေံတအ် ဇက်မံၚ်ကီု တၟေၚ်မံၚ် ပါၚ်ဂၠံၚ်လုပ်ကျာ်ပိပၞော်ရုၚ် ဒပ်ပိုဲဂှ် ဍေံမၚ်မံၚ်၊ ပါၚ်ဂၠံၚ်ဒပ် ရုၚ်မုဟ်ဍုၚ် ပိုဲ ဍေံမၚ်မံၚ် ခယျကေတ် ဍေံတအ်လုပ်စိုပ်ဏေါဝ် ယဝ်ရဍေံတအ် လုပ်တှေ် ဒှ်ပန်ညးကအ်ဏေါဝ်” သာ်ဏံ သ္ကိုပ်ဗိုလ်ဂှ် ထပ်လဴကဵုရ။
အကာဲအရာတၟေၚ် ယဝ်ရဒပ်ပၞာန်ဗၟာတအ် ဇက်လုပ်စိုပ်အာ ဒပ်/ရုၚ် ပွိုၚ်ဍုၚ်တအ်မ္ဂး ညံၚ်ဂွံပန်ဂှ်လေဝ် ညးတာလျိုၚ်တအ် ကဵုလဝ်အမိၚ်နွံတုဲ ရုၚ်/ဒပ် မၞံုဒၟံၚ် ဗွိုၚ်အပ္ဍဲဍုၚ်တအ် မၚ်ဒၟံၚ်ကဵုဂွန်အိုတ်ရ အကာဲအရာသေတ်တေန်ဗါ (၁) ဏံဝွံ အကာဲအရာကလေၚ်ဒှ်အာ ဗီုတုဲကၠုၚ် အေဗရာ (၂၂-၂၈) တေံပၠန်ရောၚ်။
0 Comments