ဝန်ဇၞော်ကွဳပၟတ် ဥူအံၚ်မေန် ကေုာံ က္ဍိုပ်သကိုပ် ကေအေန်ယူတံ ဆဵုဂဗသဳကၠဳ

by | Dec 24, 2011 | ပရိုၚ် | 0 comments

မာံသုတ – ညးက္ဍိုပ်ဓမံက်ပတိုန် ပရေၚ်ၜိုဟ်လလမ် ကဆံကၟိန်ဍုၚ် အလဵုအသဳဗၟာ ဂကောံဝန်ဇၞော်ကွဳပၟတ် ဥူအံၚ်မေန် ဍိုက်က္ဍိုပ်ကဵု က္ဍိုပ်သကိုပ် ဗော်သွးကရေၚ် (ကေအေန်ယူ) တံ ပ္ဍဲဒဳဇြေမ်ပါ ၂၁ ဂှ် ဆဵုဂဗသဳကၠဳညးသကအ် ပ္ဍဲဍုၚ်မာဲဆံက် မဒှ်ပယျဵုသေံ-ဗၟာရ။

ဒပ်ပၞာန်ကရေၚ် KNU ပ္ဍဲဒေသ ပယျဵုသေံမွဲဒၞဲါ

ဒပ်ပၞာန်ကရေၚ် KNU ပ္ဍဲဒေသ ပယျဵုသေံမွဲဒၞဲါ

အခိၚ်နူဂယး ၜိုတ် ၁၀ နာဍဳဂှ် ညးစၞးၜါလပါ်တံ ဆဵုဂဗညးသကအ် ပ္ဍဲဟဝ်တေဝ် မၞုံပ္ဍဲအရာပ်နံၚ်ဘွာ ဍုၚ်မာဲဆံက်တုဲ အခိၚ်ဒေါဝ်တ္ၚဲ ၁၂ နာဍဳဂှ် သဳကၠဳတုဲဒှ်အာရောၚ်ဂှ် ညးမၞုံတာလျိုၚ် ကေအေန်ယူ ဟွံမိက်ဓမံက်ယၟုမွဲတၠ ဟီုရ။

“ဂိတုဂတဏံတှေ် ညးစၞး KNU ကဵု ညးစၞးအလဵုအသဳတံ သွက်ဂွံဆဵုဂဗ ပ္ဍဲဍုၚ်ဖာအၚ်ဂှ် ပ္ညဳပ္ညပ်လဝ် ဗွဲပဏာမဏောၚ်၊ ကာလဂှ်မှ ဆက်သဳကၠဳသောဲသောဲဗြောဲဗြောဲဏောၚ်” သာ်ဝွံ ညးတာလျိုၚ် ကေအေန်ယူဂှ် ဟီုရ။

ပ္ဍဲညးစၞး ကေအေန်ယူ ဆဵုဂဗသဳကၠဳဏံဂှ် ဒု-ဥက္ကဌ ဒေဗေတ်တာကပဝ်၊ ညးအုပ်ကာနာနာ နဝ်ဇြဳဖဝ်ရာသိၚ်၊ သကိုပ်ဗိုလ်ဇၞော် မူတူသေဖဝ်၊ ဗဒဝ်အာတဵု၊ ဗဒဝ်ဒေဗေတ်ထဝ်၊ ဗဒဝ်သဝ်အံၚ်မဝ်အေတံ ပါလုပ်ရောၚ်ဂှ် ဂွံတီကေတ်ကီုလေဝ် နူလပါ်ကေအေန်ယူ သ္ပဒတန်ဟီုဂး ဟွံမွဲဏီရ။

နူဂိတုနဝ်ဝေမ်ပါ ၈ စဵုစိုပ်နဝ်ဝေမ်ပါ ၁၁ ဂှ် KNU သ္ပကောံဓရီုကာတၟေၚ်တုဲ ဒက်ပ္တန်ကၠုၚ် ကမ္မတဳဓမံက်ပတိုန် ပရေၚ်ၜိုဟ်လလမ် မပါလုပ် ညး ရ တၠရ။ ပ္ဍဲဝွံ ဥက္ကဌ ဒေဗေတ်တာကပဝ်၊ ဒု-ဥက္ကဌ သကိုပ်ပၞာန် မူတူသေဖဝ်၊ ညးအုပ်ကာ ဗဒဝ်ဒေဗေတ်ထဝ်တံ မဒှ်တုဲ နဝ်ဇြဳဖဝ်ရာသိၚ်၊ သကိုပ်ဗိုလ်ရဝ်ဂျာဃေန်၊ ဗဒဝ်အာတဵု ကေုာံ ဗဒဝ်အံၚ်မဝ်အေတံဂှ် ပါလုပ်နဒဒှ်ကောန်ဂကောံရ။

ကြဴဂှ်တုဲ ပ္ဍဲဂိတုနဝ်ဝေမ်ပါ ၁၉ ဂှ် ညးစၞးအလဵုအသဳဗၟာ ကေုာံ KNU တံ ပ္ဍဲသၞာံဏံ ဆဵုဂဗသဳကၠဳညးသကအ် အလန်ဒုတိယ ပ္ဍဲဍုၚ်မာသာဲ၊ ခရိုၚ်ဇၚ်ရာဲ မဒှ်ပယျဵုသေံ-ဗၟာရ။

သအာၚ်နူဂှ်ပၠန် ညးစၞးအလဵုအသဳဗၟာ ကေုာံ က္ဍိုပ်သကိုပ် KNU တံ ပ္ဍဲဂိတုအံက်တဝ်ပါ ၉ ဂှ် ဗွဲပဏာမ သဳကၠဳညးသကအ် ပ္ဍဲဍုၚ်မာဲဆံက် အလန်ပထမရ။

“ကောန်ဂကောံ UNFC တံဂှ် မွဲမွဲဂကောံ ဆဵုကဵုအလဵုအသဳမာန်မံၚ်။ ကာလဆဵုတှေ် အတိုၚ်မူ UNFC ဟေၚ် ဒးဒတူလိုၚ်အာဏောၚ်ဂှ် ဖျေံလဝ်သ္ဂုတ်သွာတ် နွံ” သာ်ဝွံ ညးအုပ်ကာနာနာ UNFC နာဲဟံသာ ဟီုရ။

ဗော်သွးကရေၚ် KNU ဂှ် မဒှ်ကောန်ဂကောံ ကံၚ်ဇြဳဖိတ်ဒရေဝ် ညဳသၟဟ်ဂကူကောန်ဍုၚ်အရၚ် UNFC ရ။

KNU ဂှ် သွက်ဂကူ ကဆံၚ်တုပ်သၟဟ် ကေုာံ သွက်အခေါၚ်ကံကုသဵုဇကု ဇကုဖန်ဖက်ကေတ်မာန်ဂးတုဲ သ္ပပ္တံနူသၞာံ ၁၉၄၉ ဂိတုဂျာန္နဝါရဳ ၃၁ ဂှ် ပၠန်ဂတးကၠုၚ် အလဵုအသဳဗၟာ အဆက်ဆက်ရ။

Written by

Related Posts

ပ္ဍဲအရာလိင်မၞိဟ်သ္ပကောန်ပၞာန်ဗၟာစၞးအရာပ်ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု ဒးကၠတ်ဗပေင်စုတ်လဝ်ဩန် သွာင်ပရဟိတကွာန်

ပ္ဍဲအရာလိင်မၞိဟ်သ္ပကောန်ပၞာန်ဗၟာစၞးအရာပ်ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု ဒးကၠတ်ဗပေင်စုတ်လဝ်ဩန် သွာင်ပရဟိတကွာန်

သွက်ဂွံဗပေင်လဝ်ဩန် ဒၞာဲလိင်မၞိဟ်သ္ပကောန်ပၞာန်ဗၟာစၞးအရာပ်-ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု မ္ဒးကၠတ်ဗ ပေင်စုတ်လဝ်ဩန် သွာင်ပရဟိတကွာန်နွံမံင်ရောင် ညးလုပ်ဂကောံအုပ်ဓုပ်ကွာန် ဒေသဍုင်မန်မွဲတၠ ဟီုလဴ ထ္ၜးရ။

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ပိုဲမၞိဟ်တံမ္ဂးဂှ် ဇၟာပ်ပ်တ္ၚဲ မ္ဒးဆဵုဂဗမံင်ကဵုပြသၞာဂမၠိုင်တုဲ ဇၟာပ်ပ်တ္ၚဲ ပိုဲမၞိဟ်တံ မ္ဒးပသောင်ဒၟံင် ပြသၞာရ။ စပ်ကဵုပသောင်ပြသၞာဂှ် ယဝ်ရစိစောန်မံင်အရာဇဳသာ်မ္ဂး က္လိဂွံဂုဏ်ဖဵု ဗွဲမဂၠိုင်မာန်ရ။ ပြသၞာလ္ၚဵု မဆဵုဂဗလၟုဟ်ဂှ် ကြံင်မ္ၚိုဟ်နူကဵု ပြသၞာကေင်ဆဵုဂဗလဝ် လောန်ကၠုင်တုဲတုဲတေံ ဂၠိုင်ကဵုဆလေဝ်ဒှ်မာန်ရ။ ပြသၞာဂှ် ဗွဲမဂတာပ်တဲ သီုဟွံမွဲကဵုပရေင်ခက်ခုဲ သောင်က္လးမာန်မ္ဂး ဒှ်ညးမၞုံကဵုအစောန်စရာဲခိုဟ်ရ။ ဇၟာပ်ပ်ပြသၞာ နဲသောင်က္လးဍေံ နွံမွဲဗီုဓဝ်ဟွံသေင်ရ။ သွက်သ္ဂောံသောင်က္လးပြသၞာဂှ် ဗီုလဵုပိုဲပလေဝ်ပလေတ်လဝ်နွံနွံ အရာပိုဲဟွံတီလဝ်တံ နွံမံင်လၟိုန်ရ။ ဟိုတ်ဂှ်ရ ပြသၞာညံင်ဟွံဂွံဒှ်ဂှ် မ္ဒးစွံလဝ်သတိလၟိုန်တုဲ ဒှ်ပြသၞာရမ္ဂး မ္ဒးပသောင်ကၠေံ ဍေံပြဟ်ဟ်ရောင်။

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.