မၞိဟ် ဒးဒုၚ်ရပ်ဏာ ၄ တၠ လ္တူဍုၚ်ကျာ်ပိဂှ် ကလေၚ်ဗလးကၠုၚ်

by ဌာန်ပရိုၚ်ဗၠးၜးမန် | May 11, 2012 | ပရိုၚ် | 0 comments

မိလျးထဝ် – ဂကောံတံၚ်ရပ်မၞိဟ်အာတ်မိက်သြန်တံ ကော်ရပ်ဏာလဝ် မၞိဟ် ၄ တၠ လ္တူဍုပ်ကျာ်ပိဂှ် ပ္ဍဲစၟတ်တ္ၚဲမေ ၁၀ အခိၚ် သဝ်တ္ၚဲ ၄ နာဍဳပြၚ်ၚ်ဂှ် ကလေၚ်ဗၠးကၠုၚ်ယျရောၚ် ရဲဍုၚ်ကျာ်ပိတံ ဟီုရ။

“ဒးကဵုသြန်သေံ ၜါတ် ၄ ဠက်ဘာ်တုဲ နူကဵုဂကောံတံၚ်ရပ်မၞိဟ်တံ ကလေၚ်ဗၠးနၚ်ကဵု သီုမၞိဟ် ၄ ဂှ်ယျ” သာ်ဝွံ ရဲဍုၚ်ကျာ်ပိမွဲတၠ ဟီုရ။

ပ္ဍဲဂိတုမေ ၈ ဂှ်ဝွံ နူကဵုဂကောံတံၚ်ရပ်မၞိဟ် ရ တၠတံ တံၚ်ရပ်ဏာ ကောန်ဍုၚ်ကျာ်ပိ ၄ တၠတုဲ အာတ်မိက်လဝ်သြန်သေံ ၅ ကိုဋ် ၜါတ်ရ။

“ပ္ဍဲဍုၚ်ကျာ်ပိဏံဂှ် ကိစ္စတံၚ်ရပ်မၞိဟ်အာတ်မိက်သြန်ဏံဂှ် က္တဵုဒှ်ကၠုၚ်မံၚ် မွဲနှေဟ်မွဲနှေဟ်ရ ဆဂး ညးတာလျိုၚ်ဗၟာ လ္တူဍုၚ်ကျာ်ပိဏံဂှ် ပရေၚ်ဂီုကၠီုကီု၊ ပရေၚ်စဵုဒၞာကီု ညိလေဝ်ကေတ်ကဵုတာလျိုၚ်ဟွံမွဲ၊ လအ်ကၠုၚ်မ္ဂးတှေ် လ္တူဍုၚ်ကျာ်ပိဏံဂှ် မၞိဟ်ဂွံဂံၚ်မံၚ်ဂှ် ဍေံအောန်ကၠုၚ်မာန်ဏောၚ်” သာ်ဝွံ ညးတာလျိုၚ်ဂကောံလိက်ပတ်ယေန်သၞာၚ်မန် လ္တူဍုၚ်ကျာ်ပိမွဲတၠ ဟီုရ။

ဂကောံတံၚ်ရပ်မၞိဟ်အာတ်သြန်တံဏံဂှ် ပ္ဍဲသၞာံ၂၀၁၁၊ ဂိတုနဝ်ဝေမ်ဗာတေံဂှ်လေဝ် နကဵုဖုၚ်ကီု၊ သီုကဵုလိခ်ကီု ကေၚ်အာတ်မိက်လဝ်သြန်ကု ညးတၠပိုန်ဒြပ်၊ ညးတၠကၠအ်၊ ညးတၠကမၠောန်လ္တူဍုၚ်ကျာ်ပိနွံကၠုၚ်ရ။

“မၞိဟ်ပိုဲရပ်နၚ်တံဂှ် ဝါတ်ကျာတ် သြန်သွက်ဂွံကဵုပိုဲဂှ် ဂၠာဲဟွံဂွံ၊ ညးတံလေဝ် ဒုၚ်ဂုဏ် လရိုဟ်ယာံ ကရေဝ်ရောတ်မံၚ်တှေ် ပိုဲလေဝ် သြန်မုစိ ဟွံကေတ်တုဲ ကလေၚ်ဗလးဖျဴဏာရ” သာ်ဏံ နူဂကောံတံၚ်ရပ်မၞိဟ် နာဲထောန် ဟီုထ္ၜးကဵုရ။

ပ္ဍဲဂိတုနဝ်ဝေမ်ပါ ၂၂ သၞာံ ၂၀၁၁ လောန်ကၠုၚ်တေံဂှ်လေဝ် ရဲကၠအ်ထၜိုတ် ကောန်ဍုၚ်ကျာ်ပိ ၃ တၠဂှ် ဒးဒုၚ်တံၚ်ရပ်ဏာ ဘဲဂကောံရဲရပ်လွဟ်အာတ်သြန်တံ ကေၚ်က္တဵုဒှ်ကၠုၚ်နွံရ။

လ္တူဍုၚ်ကျာ်ပိဝွံ ဒပ်ပၞာန်ဗၟာ၊ ဒပ်ပၞာန်မၚ်ပယျဵု၊ ဒပ်ဗၠာဲသၟိၚ်၊ ဒပ်ပၞာန်မၚ်ကွာန် (ပြည်သူ့စစ်) တံ ကေတ်လဝ်တာလျိုၚ်ဂီုကၠီုအိုတ်တုဲ အပ္ဍဲပွဳပွူမ္ၚးဍုၚ်ဂှ် ဗော်ဍုၚ်မန်တၟိ၊ ဗော်သွးကောန်ဂကူကရေၚ် KNU၊ ဒဳကေဘဳအေ၊ ကံၚ်ဇြဳပရေၚ်ၜိုဟ်လလောမ်ကရေၚ်တံ ချဳဒရာၚ်ဒၟံၚ်နွံရ။

← ဂကောံညးဗြဴမန် မိစဴဗု သွက်ဂွံပတိုန်လိက် နဒဒှ် ဂကောံလုပ်ကဵုသၞောဝ်နွံ တ္ၚဲအဒိုက် သ္ၚိသဝ်ဟေၚ် ဂွံအခေါၚ်ဗတောန်လိက်မန် →

Written by

ပၠန်ဂတးပိုဲဂှ်လေဝ် “ဗၠတေအ်ဗၠတေအ်” ၊ ပရေင်ဍုင်ကွာန်ဂှ်လေဝ် ညံင်ဗြဲဂူ “ဖြေအ်အ်”

by ဌာန်ပရိုၚ်ဗၠးၜးမန် | Jun 14, 2025 | ပရိုၚ်

အလန်ဏံ ဍုင်အမေရိကာန် ကလေင်ဒှ်ပၞာန်အပ္ဍဲဍုင်မာန်မံင်ရောင်ဂှ် တၠပညာလ္ရဵုတအ် တော်ဆဗှ်လဝ်နိမိတ်ပရဟ်ဟီုလဝ်နွံဂှ် စွံရံင်သတိမဂး တီကေတ်မာန်ရ။ ပ္ဍဲပရိုင်ဍုင်အမေရိကာန်တ္ၚဲဏံ ချူလဝ်နာနာသာ်ဂှ် အကြာသမ္မတကဵုညးစဍုင်ကာလဳဝှဝ်နဳယျာ Governor အရေဝ်ဂၠိုင်ညးသကအ် စပ်ကဵုအရာစကာအဝဵုတွဵုရးကဵု အဝဵုကၟိန်ဍုင်၊ သမ္မတစကာအဝဵုကၟိန်ဍုင် ၜက်တိတ်အာနူ မပိုင်ကၞာတ်လဝ်ဂှ်တုဲ၊ အဝဵုတွဵုရးဂှ် ဒးဆောံလေင်အာ။ အရာမဒးစကာအဝဵု စပ်ကဵုဂွံစကာဇြဟတ်ဒပ်ပၞာန် ဂွံလိုန်ပိန်ကၠေံ ရဲထ္ၜးဆန္ဒတအ်ဂှ် ဒးတတ်ရုင်ညးစဍုင်ကာလဳဝှဝ်နဳယျာကၠာရောင်။ သၟိင်စဍုင်ကာလဳဝှဝ်နဳယျာ ဟွံအာတ်မိက်မွဲသာ် ပလံင်နင်ဒပ်ပၞာန်တအ်ဂှ် ဗၠေတ်နူသၞောဝ်ရောင် မပ္တံသာ်ဏံ သေက်ဇဵုကယျာန်ဓဝါတ်ညးသကအ်အိုတ်ရ။ ပိုဲကေင်တီလဝ်မွဲသာ်ဂှ် အဝဵုတွဵုရး ပ္ဍဲကၟိန်ဍုင်အမေရိကာန်ဂှ် ဇၞော်မံင်ဂှ်တုဲ အဝဵုကၟိန်ဍုင်ဂှ် ဍောတ်မံင်ရောင်။ တုဲပၠန် အကာဲအရာပစ္စုပ္ပန်ဝွံဂှ် ပိုဲသ္ရေဝ်မၠာ်ရံင်မဂး ဂတဏံ သွက်ဂွံလုပ်ပြိုင်သမ္မတပၠန်ဂှ် သၟိင်စဍုင်ကာလဳဝှဝ်နဳယျာဂှ် ဒှ်ပူဂဵုဒယှ်တှ်အိုတ်မွဲ သွက်ဂွံသ္ပစၞး ကဵုဗော်ဒဳမဝ်ကရိတ်ဂှ်တုဲ ယဝ်ရဟွံဖျေံကၠေံညးတေံ နူလၟုဟ်မဂး သွက်ဗော်ရဳပါဗ္ဗလဳကေန်ဂှ် အန္တရာဲနွံရောင်။

သၟိင်ဍုင်ယုတ်ကြာန်မ္ဂး ကောန်ညးဍုင်ကွာန်လေဝ် စရိုတ်သဝ်စှ်ေမာန်

by ဌာန်ပရိုၚ်ဗၠးၜးမန် | Jun 13, 2025 | ပရိုၚ်

ဂလာန်မ္ဂး “အဒါတ်ဗက်ဗျ ကောန်တုပ်ဗက်မိမ” ဂှ် ဒှ်ဂလာန်တၠပညာ ညးတမၠာတံရ။ ဗွိုင်လဵုပိုဲရံင်င် တၠုင်လအာတုပ်ဒၟံင်သာ်ဂှ် ကြပ်သီုဖအိုတ်ရ။ ဟီုကၠးကၠးမ္ဂး သီုဖအိုတ်ရဂှ်ဟွံသေင် ဗွဲတၟေင်ကၠာဲအာညိညိနွံရ။ ပ္ဍဲဂြောဝ်ဂတာမွဲမွဲ တၞဟ်ခြာနူမဇ နွံမွဲတွဵုရ။ ဂလာန်သာ်ဏံလေဝ်နွံရ။ ဍာံပြတဴဗွဲမလောန်ရ။ ပရေင်ပရောတံဏံ ယဝ်သ္ဒးချူဗွဲတြးမ္ဂး ပြးသၠဲတိတ်အာ ဗွဲမဂၠိုင်မာန်တုဲ လိက်ပရေင်ဏံ ချူပတဝ်ဏာကဵု သၟိင်အုပ်ဓုပ်ဍုင်ဗၟာတံ ကဵု ကောန်ညးဍုင်ကွာန် ကောန်ဍုင်ဗၟာတံ ဒဒှ်ကာလပစ္စုပ္ပန် လၟုဟ်ဏံရ။

0 Comments

Submit a Comment Cancel reply

This site uses Akismet to reduce spam. Learn how your comment data is processed.