ဟွံပလေဝ်သ္ဇိုၚ်သၞောဝ်ကၠာလေဝ် ပေဲါသဳကၠဳဒေံါပန်ပှော် ယောၚ်ယာအာဟွံသေၚ် နာဲဟံသာဟီု

by ဌာန်ပရိုၚ်ဗၠးၜးမန် | Nov 20, 2014 | ပရိုၚ် | 0 comments

သ္ဇိုၚ်သၞောဝ်အုပ်ဓုပ်ဍုၚ်၂၀၀၈ ပလေဝ်ကၠာဟာ၊ ဟွံပလေဝ်ဟာဟီုဂှ် ပေဲါသဳကၠဳပရေၚ်ဒေံါပန်ပှော်အလုံဍုၚ် ယောၚ်ယာအာဟွံသေၚ် သာ်ဝွံ ညးအာက္ဍိုပ်ဂကောံ NCCT ပရေၚ်ဒေံါပန်ပှော်အလုံဍုၚ် နာဲဟံသာ ဟီုကဵုဌာန်ပရိုၚ်ဗၠးၜးမန် IMNA ရ။

Nai Hong Sar(internet)

“ဍာံဍာံတေံဂှ် သၞောဝ်ဥပဒေ ၂၀၀၈ ဏံဂှ် ချုဓဇက်လဝ် နူလက်ထက်အလဵုအသဳ နအဖ တေံ၊ ဟိုတ်နူအလဵုအသဳပၞာန်တံ ချုဓဇက်လဝ်ဂှ်ရ ပၞာန်တံ ဍေံဟွံမိက်ပလေဝ်ပုဟ်၊ ပိုယ်တံလေဝ် ဒးသဳကၠဳမံၚ် ညံၚ်ဂွံဓပက်ကဵုစၟတ်တဲ ဒေံါပန်ပှော်အလုံဍုၚ်မာန်ဂှ် ဂစါန်အာကၠာဏောၚ်၊ အဃောဏံ သွက်ဂွံ ပလေဝ်သၞောဝ် ၂၀၀၈ ဂှ် ပိုယ်သဳကၠဳ ဟွံမာန်ဏီပုဟ်၊ ထ္ပက်ကဵုစၟတ်တဲတုဲ အခိၚ်ကၠောန် သ္ပပေဲါသဳကၠဳပရေၚ်ဍုၚ်ကွာန်တေံမှ ဆေၚ်ကဵုသၞောဝ်ဏံ ကလေၚ်သဳကၠဳအာဏောၚ်၊ ဟိုတ်ဂှ်ရ သွက်ဂွံထ္ပက်ကဵုစၟတ်တဲ ပရေၚ်ဒေံါပန်ပှော်ဂှ် ကၠောန်ပေဲါသဳကၠဳတံဏံ ယောၚ်ယာအာဟွံမာန်ပုဟ်＂ သာ်ဝွံ နာဲဟံသာ ဟီုရ။

ၜိုန်ဂှ်လေဝ် ဆေၚ်စပ်ကဵု သ္ဇိုၚ်သၞောဝ်အုပ်ဓုပ်ဏံတုဲ တၚ်ဒးပလေဝ်တံဂှ် ဟိုတ်နူညးဍုၚ်ကွာန်တံ အာတ်မိက်လဝ်နွံဂှ်ရ ဗီုလၟုဟ်ဏံ သွက်ဂွံပလေဝ်ကဵုဟွံမွဲ၊ ပေဲါရုဲစှ်မာဲ၂၀၁၅ တုဲမှ ပလေဝ်သၞောဝ်ဟီုမ္ဂး ညးဍုၚ်ကွာန်တံ ဟွံဒးဂၞပ်စိုတ်၊ ဒၞာဲဒေသကောန်ဍုၚ်အရၚ်တံလေဝ် ကောန်ဍုၚ်အရၚ်တံ ညံၚ်ဂွံဂွံအခေါၚ်အရာရုဲစှ်ကေတ် ဝန်ဇၞော်ပ္ဍဲတွဵုရးဇကုမာန်ဂှ် ဟိုတ်နူ ဟွံပလေဝ်သၞောဝ်ဂှ်ရ ဟွံဂွံတၚ်တုပ်စိုတ်ဏီ၊ ဗီုသ္ပဒၟံၚ်လၟုဟ်ဂှ် ဒှ်မံၚ်နဲ တံၚ်အခိၚ်မွဲသာ်ဏောၚ် သာ်ဝွံ နာဲဟံသာ ဆက်ဟီုရ။

စပ်ကဵုပလေဝ်သၞောဝ် ၂၀၀၈ တုဲ ဥက္ကဌ ကၠတ်ထဝ်ကၟိန်ဍုၚ် သူရယှိုဲမာန်ဟီုလဝ်ဂှ် ပေဲါရုဲမာဲ ၂၀၁၅ တုဲ ကၠတ်ထဝ်တၟိမံက်ကၠုၚ်တၟိမွဲပၠန်မှ ဆက်ပလေဝ်အာသ္ဇိုၚ်ရောၚ် သာ်ဝွံ ပ္ဍဲပေဲါသောၚ်ကလးပရိုၚ် ကၠောန်သ္ပလဝ်ဒၞာဲနေပျဳတဝ် ၁၈၊ ၁၁၊ ၂၀၁၄ တေံဂှ် ဟီုထၟံက်ထ္ၜးလဝ်နွံရ။

ကၠာဟွံဂွံ ကၠောန်သ္ပ ပေဲါရုဲမာဲ ၂၀၁၅ ဏီ စိုပ်ဂိတုမေမ္ဂး သွက်ပလေဝ်သၞောဝ်ဂှ် ကၠာန်သ္ပပေဲါကေတ်ဆနမ္ဒဲညးဍုၚ်ကွာန်တုဲ လ္တူတၚ်နၚ်ဂွံနၚ်တံဂှ် ရုဲမာဲတုဲ ကာလကၠတ်ထဝ် တၟိမံက်တိုန်မွဲမှ ဆက်ပလေဝ်အာသၞောဝ်ရောၚ် ဥူယှိုဲမာန်ဟီုဂးလဝ်ရ။

ညံၚ်ဂွံပလေဝ်ကဵုသၞောဝ် ၂၀၀၈ ဂှ် နကဵုကၠတ်ထဝ် ဒက်လဝ်ကမ္ပတဳသ္ၚဳဂၠိပ်ပလေဝ်သၞောဝ်ကီုလေဝ် အတိုၚ်ကမ္ပတဳတံ ပၠောပ်နၚ် တၚ်နၚ်သွက်ဂွံ ပလေဝ်သၞောဝ်ဂှ် နူကဵုကၠတ်ထဝ်တးပဲါကၠေံတုဲ ပေဲါရုဲမာဲ ၂၀၁၅ ဏံ ကၠောန်သ္ပအာ အတိုၚ်သၞောဝ်ဥပဒေ ၂၀၀၈ တေံပၠန်ဏောၚ်ဂးရ။

ဆက်တုဲ နာဲဟံသာဂှ် ＂တၚ်ဒးပလေဝ်သၞောဝ် ၂၀၀၈ ဂှ် နွံမံၚ်ဟလိုၚ်ရ၊ တၚ်အဓိကဂှ်တှေ် သၞောဝ် ၂၀၀၈ ဂှ်မ္ဂး ဒပ်ပၞာန်တံရ ကေတ်လဝ်ဒၞာဲဏောၚ်၊ သၞောတ်ဒဳမဵုကရေဇြဳဟွံသေၚ်ပုဟ် ဒၞာဲဏံဂှ်မွဲတၚ်၊ မွဲတၚ်ပၠန်ဂှ် ဥပဒေဏံ ၜိုတ်ဒုၚ်လဝ်ယၟု ကၟိန်ဍုၚ်ပံၚ်ကောံသက်သက်ရ၊ ရးကဵု တွဵုရး တံ အတိုၚ်သၞောဝ်ဂှ်တှေ် မုလေဝ်အဝဵုဟွံမွဲပုဟ် ဒၞာဲတံဏံ ဒးပလေဝ်ဏောၚ်＂ သာ်ဝွံ ညးဟီုရ။

ဂွံပလေဝ်သၞောဝ်မာန်ဂှ် ထ္ပက်စၟတ်တဲ ပရေၚ်ဒေံါပန်ပှော်အလုံဍုၚ်တုဲ ကၠောန်ပေဲါကောံဓရီုဇၞော် က္ဆံၚ်ကောန်ဂကူမွဲတုဲ ဂၠိုက်ဂၠာဲအာသွဟ် သွက်ဂွံပလေဝ်သၞောဝ်ထေက်ရောၚ် နာဲဟံသာ ဟီုရ။

← မူဖေဝ်ဒရေဝ်ဒှ်ကၠုၚ်မ္ဂး ပရေၚ်ၜိုဟ်လလမ်ဍုၚ် ပြဟ်ပြေဟ်ကၠုၚ်ဏောၚ် အမာတ်မန်ဟီုကဵု သမ္မတအမေရိကာန် သၟာတိၚ်တက်ဂဳတမန် ညာဏ်လွဳမာန်(Bass)စုတိ →

Written by

ပ္ဍဲအရာလိင်မၞိဟ်သ္ပကောန်ပၞာန်ဗၟာစၞးအရာပ်ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု ဒးကၠတ်ဗပေင်စုတ်လဝ်ဩန် သွာင်ပရဟိတကွာန်

by ဌာန်ပရိုၚ်ဗၠးၜးမန် | Jul 3, 2025 | ပရိုၚ်

သွက်ဂွံဗပေင်လဝ်ဩန် ဒၞာဲလိင်မၞိဟ်သ္ပကောန်ပၞာန်ဗၟာစၞးအရာပ်-ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု မ္ဒးကၠတ်ဗ ပေင်စုတ်လဝ်ဩန် သွာင်ပရဟိတကွာန်နွံမံင်ရောင် ညးလုပ်ဂကောံအုပ်ဓုပ်ကွာန် ဒေသဍုင်မန်မွဲတၠ ဟီုလဴ ထ္ၜးရ။

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

by ဌာန်ပရိုၚ်ဗၠးၜးမန် | Jun 30, 2025 | ပရိုၚ်

ပိုဲမၞိဟ်တံမ္ဂးဂှ် ဇၟာပ်ပ်တ္ၚဲ မ္ဒးဆဵုဂဗမံင်ကဵုပြသၞာဂမၠိုင်တုဲ ဇၟာပ်ပ်တ္ၚဲ ပိုဲမၞိဟ်တံ မ္ဒးပသောင်ဒၟံင် ပြသၞာရ။ စပ်ကဵုပသောင်ပြသၞာဂှ် ယဝ်ရစိစောန်မံင်အရာဇဳသာ်မ္ဂး က္လိဂွံဂုဏ်ဖဵု ဗွဲမဂၠိုင်မာန်ရ။ ပြသၞာလ္ၚဵု မဆဵုဂဗလၟုဟ်ဂှ် ကြံင်မ္ၚိုဟ်နူကဵု ပြသၞာကေင်ဆဵုဂဗလဝ် လောန်ကၠုင်တုဲတုဲတေံ ဂၠိုင်ကဵုဆလေဝ်ဒှ်မာန်ရ။ ပြသၞာဂှ် ဗွဲမဂတာပ်တဲ သီုဟွံမွဲကဵုပရေင်ခက်ခုဲ သောင်က္လးမာန်မ္ဂး ဒှ်ညးမၞုံကဵုအစောန်စရာဲခိုဟ်ရ။ ဇၟာပ်ပ်ပြသၞာ နဲသောင်က္လးဍေံ နွံမွဲဗီုဓဝ်ဟွံသေင်ရ။ သွက်သ္ဂောံသောင်က္လးပြသၞာဂှ် ဗီုလဵုပိုဲပလေဝ်ပလေတ်လဝ်နွံနွံ အရာပိုဲဟွံတီလဝ်တံ နွံမံင်လၟိုန်ရ။ ဟိုတ်ဂှ်ရ ပြသၞာညံင်ဟွံဂွံဒှ်ဂှ် မ္ဒးစွံလဝ်သတိလၟိုန်တုဲ ဒှ်ပြသၞာရမ္ဂး မ္ဒးပသောင်ကၠေံ ဍေံပြဟ်ဟ်ရောင်။

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

by ဌာန်ပရိုၚ်ဗၠးၜးမန် | Jun 30, 2025 | ပရိုၚ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

0 Comments

Submit a Comment Cancel reply

This site uses Akismet to reduce spam. Learn how your comment data is processed.