သ္ကိိုပ်ဗိုလ်ဇၞော် ဝေန်နာၚ်ဥူ (ဝန်ဇၞော်ဂီုကၠီုပယျဵု တွဵုရး) ဍုၚ်မန်
ဒၞဲါဝန်ဇၞော်ဂီုကၠီုပယျဵု တွဵုရးဍုၚ်မန် စၞးသ္ကိုပ်ဗိုလ်ဇၞော် ဋ္ဌေမျေအ်အံၚ်ဂှ် ပြံၚ်သၠာဲစုတ် သ္ကိုပ်ဗိုလ်ဇၞော် ဝေန်နိုၚ်ဥူရောၚ် ပ္ဍဲကောံဓရီုကၠတ်ထဝ်တွဵုရး ကာမံက်တိုန်ဂှ် သ္ပဒ္တန်ခါန်ကၞက်ရ။
ပရေၚ်ပြံၚ်သၠာဲ ဒၞဲါညးစၞးဒပ်ပၞာန်သာ်ဏံဂှ် အယာံမာတ်တွဵုရးဍုၚ်မန်သၟးဟွံသေၚ် ညးစၞးကၠတ်ထဝ်သွာၚ်ဒပ်ပၞာန် (၁၀) တၠ မၞုံပ္ဍဲ (၁၀) တွဵုရး ကေုာံ ရးဒေသတံဂှ်လေဝ် ပြံၚ်သၠာဲထ္ပက်စုတ်အဇာစၞးရောၚ် နူကဝ်မယှေန်ရုဲမာဲကၟိန်ဍုၚ် လလောၚ်ပ္တိတ်ကဵုလဝ် ပ္ဍဲဂိတုအဝ်ဂေတ် (၂၀) ဂှ်ရ။
သ္ကိုပ်ဗိုလ်ဇၞော်ဋ္ဌေမျေအ်အံၚ်ဝွံ ပေဲါရုဲမာဲ ၂၀၁၅ ဂိတုနဝ်ဝေန်ဗါ (၈) ဏံမ္ဂး နဒဒှ်အလံၚ်ညးစၞးကၠတ်ထဝ်တွဵုရး ပ္ဍဲပွိုၚ် ဍုၚ်သဓီု ဒၞဲါမာဲဆန္ဒစၟတ် (၁) ဂှ် သ္ပစၞးဗော်ပျဳခိုၚ်ဖျဵုတုဲ လုပ်ပြိုၚ်အာရောၚ်။
ပ္ဍဲတွဵုရးဍုၚ်မန်ဝွံ ညးဒေံါဇူနူဒပ်ပၞာန်တုဲ လုပ်ပြိုၚ်ပေဲါရုဲမာဲ စၞးဗော်ပျဳခိုၚ်ဖျဵုဂမၠိုၚ်ဂှ် ဒု-သ္ကိုပ်ဗိုလ်ဇၞော်တြေံ ဥူမျေအ် ယှုၚ် ညးစၞးကၠတ်ထဝ်ကောန်ဂကူ လုပ်ဒုၚ်ရုဲပ္ဍဲပွိုၚ်ဍုၚ်မတ်မလီု ဒၞဲါမာဲဆန္ဒ (၁)၊ ဂအုပ်သ္ကိုပ်ဗိုလ်တြေံ ဥူအံၚ်ကျဝ်ဂှ် ကၠတ်ထဝ်တွဵုရး လုပ်ပြိုၚ်ပ္ဍဲပွိုၚ်ဍုၚ်ပံၚ် ဒၞဲါမာဲဆန္ဒ (၂) ကေုာံ ဒုသ္ကိုပ်ပၞာန်ဇၞော်တြေံ ဥူတိတ်နိုၚ်ဝေန်ဂှ် ကၠတ် ထဝ် တွဵုရး ဒၞဲါမာဲဆန္ဒ (၁) ပ္ဍဲပွိုၚ်ဍုၚ်ကျာ်ထဝ်တံဂှ် လုပ်ပြိုၚ်အာရောၚ် ဂွံတီကေတ်ရ။
