ပ္ဍဲတွဵုရးဍုၚ်မန် ညးစၞးအလံၚ်အမာတ် စရာဲဍာ်ဒ္ကေဝ်လီု (၅) တၠဂှ် နူဗော်ကောန်ဂကူမန် ပါလုပ်မွဲတၠရောၚ် ဂွံတီ ကေတ် နူရုၚ်ကဝ်မယှေန်ပါ် တွဵုရးဍုၚ်မန်ရ။
ညးစၞးအလံၚ်အမာတ် ဒၞာဲကၠတ်ထဝ်တွဵုရး ပွိုၚ်ဍုၚ်သဓီုလၟိဟ် (၁) ဥူမျဵုဝေ (ဗော်ကောန်ဂကူမန်) ကၠတ်ထဝ်ညးဍုၚ်ကွာန် လုပ်ပြိုၚ်ပ္ဍဲပွိုၚ်ဍုၚ်ကျာ်မြဟ် နူဗော် (NDF) ဒဝ်မေဝေန်နာၚ်ဥူ၊ ကၠတ်ထဝ်ကောန်ဂကူ နူဗော် (အမျိုးသားတိုးတက်ရေးပါတီ) ပွိုၚ်ဍုၚ်ကျာ်ထဝ် ဥူခေါန်ဝေန်မိုၚ်၊ ပွိုၚ်ဍုၚ်ၜဳက လေၚ် ဥူတုၚ်လွေန် ကေုာံ ပွိုၚ်ဍုၚ်သဓီု လၟိဟ် (၂) ဥူအံၚ်ဌေ (၈၈ ဒီမိုကရေစီပါတီ) တံ ဟွံပတိုန်လဝ်စရၚ်စကာသြန် အဃောစန်ဒက်မာဲဂှ်ရ နကဵုသၞောဝ် ကဝ်မယှေန်ဂှ် ဒးဒုၚ်စၟတ်သမ္တီ ညးစၞးအလံၚ်အမာတ်စရာဲဍာ်ဒ္ကေဝ်လီုရောၚ်။
အလာံဗော်ကောန်ဂကူမန်(MNP)
“ပရေၚ်ကေတ်အရေဝ်တံဂှ် နူကဵုကဆံၚ်ကၟိန်ဍုၚ်တေံ ညးတံကၠောန်စကေတ်တ်ရ။ အတိုၚ်ပါမံၚ်ပ္ဍဲသၞောဝ် နဲဥပဒေ တံဂှ်ရ နူကဵုခရိုၚ်ဂှ် မၞိဟ်စရာဲဍာ်ဒ္ကေဝ်လီုတံဂှ် ပတိုန်လဝ်စရၚ်ကဵုကၟိန်ဍုၚ်တေံ၊ ကဆံၚ်ကၟိန်ဍုၚ်တံရ ရေၚ်တၠုၚ်အာ ပၠန်ဏောၚ်” သာ်ဝွံ ညးလျိုၚ်ပေဲါရုဲမာဲတွဵုရးဍုၚ်မန် ဥူဟုၚ်လေန်ထိတ် ဟီုရ။
ညးစၞးအလံၚ်အမာတ်လုပ်ပြိုၚ်လဝ် ပ္ဍဲပေဲါရုဲမာဲတံ သီုဖအိုတ်ဂှ် တီမံၚ်သၞောဝ်ဥပဒေတံဂှ်တုဲ ပ္ဍဲပွိုၚ်မွဲဂိတုဂှ် စရိတ် စကာလဝ် ပ္ဍဲပေဲါရုဲမာဲ ပတိုန်ကဵုကဝ်မယှေန်ရောၚ်။ ညးစၞးနူဗော်ကောန်ဂကူမန် ပါလုပ်မံၚ်မွဲတၠကီုဂှ် အခိၚ်ကဝ် မယှေန်လလောၚ်တြးဂှ်မှ ဂွံတီကေတ်ရောၚ် ညးအုပ်ကာဗော်ကောန်ဂကူမန် နာဲလျးတၟး ဟီုရ။
ပ္ဍဲတွဵုရးဍုၚ်မန်ဂှ် ညးစၞးအလံၚ်အမာတ်ကၠတ်ထဝ်ညးဍုၚ်ကွာန် (၆၄) တၠ၊ ကၠတ်ကောန်ဂကူ (၇၉) တၠ ကေုာံ ကၠတ် ထဝ်တွဵုရး (၁၃၇) တၠ သီုဖအိုတ်ကၠတ်ထဝ်နာနာ (၂၈၀) တၠတံ လုပ်ပြိုၚ်လဝ်ပေဲါရုဲမာဲ ဂွံတီရ။
ကောံဓရီုကၠတ်ထဝ်တွဵုရးဍုၚ်မန်အလန်ဒုတိယဂှ် စကၠောန်အာ ပ္ဍဲဖေဖဝ်ဝါရဳ (၈) တေံတုဲ ကောံဓရီုကၠတ်ထဝ်ညး ဍုၚ်ကွာန်၊ ကၠတ်ထဝ်ကောန်ဂကူ က္ဆံၚ်လ္တူတံဂှ် စကၠောန်အာ ပ္ဍဲဂိတုဖေဖဝ်ဝါရဳ (၁) ဏံရောၚ် ဂွံတီကေတ်ရ။
0 Comments