ဂၠာဲသွဟ် နကဵုဥပဒေမဳဒဳယာညိ ဂကောံပရိုၚ်မဳဒဳယာတံ ဖတိုက်ဖအောဝ် ကုအလဵုအသဳ ရးဒေသလ္ဂုၚ်

by | Nov 16, 2016 | ပရိုၚ် | 0 comments

အလဵုအသဳရးလ္ဂုၚ် စကာဥပဒေဆက်စၠောံပရိုၚ် ခေတ်အလဵုအသဳတြေံတေံတုဲ ဘဒၟံၚ်အခေါၚ်သၠးပွးပရိုၚ်မဳဒဳယာဂှ် ဒေါံကဵုပြဟ်ဟ်တုဲ ပံၚ်ကောံကၠောန်ၜိုတ် ကရောံကံၚ်ဇြဳပရိုၚ်မဳဒဳယာဍုၚ်ဗၟာတုဲ ဂၠာဲသွဟ်ပြသၞာပရိုၚ် အတိုၚ် ဥပဒေပရိုၚ်မဳဒဳယာညိ ဖတိုက်ဖအောဝ်ဏါရ သာ်ဝွံ ဂကောံပရိုၚ်မဳဒဳယာဍုၚ်ဗၟာ ၅ ဂကောံတံ ပ္တိတ်ဏာ လိက်လလောၚ်တြး နစၟတ်တ္ၚဲ နဝ်ဝေမ်ဗာ ၁၃ ရ။

ဟိုတ်နူပ္တိုန်အမှုကေတ်အရေဝ် လ္တူ အေဝ်ဒဳတာဇၞော် ကေုာံ CEO Eleven Mdia နကဵုဥပဒေဆက်စၠောံပရိုၚ် ၝောံပိုဒ် ၆၆ (ဃ) ဂှ်ရ “မြန်မာနိုၚ်ၚံသတၚ်းစာ ဆရာများအသၚ်း(MJA)၊ မြန်မာဂျာနယ်လစ်ကွန်ယက်(MJN)၊ မြန်မာစာနယ်ဇၚ်းသမဂ္ဂ (MJU)၊ မြန်မာ မီဒီယာရှေ႕နေကွန်ရက်(MMLN)၊ နိုၚ်ၚံတကာမြန်မာ့သတၚ်းမီဒီယာအဖွဲ႕ (BNI)” တံ ပံၚ်တောဲတုဲ နစၟတ်တ္ၚဲနဝ်ဝေမ်ဗာ ၁၃ ပ္တိတ်လဝ်လိက်လလောၚ်တြး ပရေၚ်လစွံစိုတ်ညးတံရ။

ဂကောံပရိုၚ်မဳဒဳယာဗၟာ ၅ ဂကောံ (MNA)

ဂကောံပရိုၚ်မဳဒဳယာဗၟာ ၅ ဂကောံ (MNA)

သ္ကိုပ်ဝန်ဇၞော်ရးလ္ဂုၚ် စောဲလဝ်အမှု ကု Eleven Mdia နကဵုဥပဒေဆက်စၠောံပရိုၚ် ၝောံပိုဒ် ၆၆ (ဃ) ဂှ် ဒှ်ညံၚ်မသ္ပမဇ္ဇျှဟ်ကဵု ဥပဒေပရိုၚ်မဳဒဳယာကေုာံ ကံၚ်ဇြဳပရိုၚ်မဳဒဳယာသၟးဟွံက ညံၚ်မကၟာတ်ကၠေံ အခေါၚ်ဟီုသၠးသၠးပွးပွးကီုရ သာ်ဝွံ ဂကောံပရိုၚ်မဳဒဳယာဗၟာတံ ထံက်ထ္ၜးဏာရ။

အလဵုအသဳရးလ္ဂုၚ် မတိုန်ကၠုၚ်နကဵုမာဲဆန္ဒညးဍုၚ်ကွာန်ဝွံ အခေါၚ်စကာ ဥပဒေပရိုၚ်မဳဒဳယာနွံဒၟံၚ်ဖိုဟ် ဟွံစကာတုဲ ကလေၚ်ကပှ်စကာဥပဒေ အလဵုအသဳတုဲတုဲကၠုၚ်တေံပၠန်ဂှ် ညံၚ်မဖျေံဂုန်သိက္ခာအလဵုအသဳကီုရဂှ်လေဝ် ဓမံက်လဝ် ပ္ဍဲလိက်လလောၚ်တြးဂှ်ကီုရ။

ပ္ဍဲလိက်ဒ္စဵုဒ္စး နူဂကောံ (ဥပဒေအထောက်အကူပြုကွန်ရက် Legal Aid Network ) စၟတ်တ္ၚဲနဝ်ဝေမ်ဗာ ၁၁ ဂှ်လေဝ် “ပ္တိုန်ဒုဟ်ကေတ်အရေဝ် နကဵုဥပဒေဆက်စၠောံပရိုၚ်ဂှ် ဗၠေတ်အာယျ၊ Eleven Media Group ဂှ် ဒှ်ဌာန်ပရိုၚ်မဳဒဳယာမွဲတုဲ ဟိုတ်နူကၠောန်ဒၟံၚ်ကမၠောန် လလောၚ်ပရိုၚ် သွက်ညးဍုၚ်ကွာန်ဂှ်ရ မိက်ဂွံကေတ်အရေဝ်တှေ် နကဵုဥပဒေပရိုၚ်မဳဒဳယာ သၞာံ ၂၀၁၄ ဂှ်ရ ဒးကေတ်ဏောၚ်” ချူဓမံက်လဝ်သာ်ဏံရ။

ပ္တဝ်က္ဍိုပ်ကဵုပရေၚ်ဗ္တိုက်သၟးပွစလာဘ်တုဲ လိက်ပရိုၚ် Daily Eleven ပါ်ပါဲထံက်ထ္ၜး သွက်ဂွံဒှ်ဂုန်ဖဵုညးဍုၚ်ကွာန်ဂှ် ဥူဖျဵုမေန်တိၚ် ကဵု အလဵုအသဳ NLD တံ ထေက်ကဵုဒးစွံၚုဟ်၊ ထေက်ကဵုဒးသ္ပသမ္တီ သၠးပွးပရိုၚ်မဳဒဳယာ၊ သီုဒးကဵုဒြဟတ်မဏီရောၚ်။ စွံပၞောတ်ပရေၚ်ပူဂဵုတုဲ ပလန်တဲဇၞော်ဇၞော်ဗီုဏံဂှ် ဒှ်ဟွံထေက်ရဂှ်လေဝ် ဂကောံ (ဥပဒေအထောက်အကူပြုကွန်ရက်) ချူလဝ်ပ္ဍဲလိက်ဒ္စဵုဒ္စးဂှ်ကီုရ။

ဒှ်သာ်ဂှ်ရ ပ္တိုန်လဝ်အမှု လ္တူ အေဝ်ဒဳတာဇၞော် ကေုာံ CEO Eleven Mdia နကဵုဥပဒေဆက်စၠောံပရိုၚ် ၝောံပိုဒ် ၆၆ (ဃ) ဂှ် ကလေၚ်ရုပ်ကဵုညိ နူ “PEN Myanmar ၊ နိုၚ်ၚံတကာ ဂျာနယ်လစ်များ ကာကွယ် စောၚ့်ရှောက်ရေးကော်မီတဳ (CPJ)၊ အာရှသတၚ်းကွန်ရက် Asian News Network-ANN” တံလေဝ် အာတ်မိက် ပ္တိတ်လိက်လလောၚ်တြး ကီုရ။

ပ္ဍဲဍုၚ်ဗၟာဏံ ပရေၚ်ချူပရိုၚ် ဓမံက်ထ္ၜးပရိုၚ် ညံၚ်ဂွံဒှ်အတိုၚ်လၟေၚ်ဒ္ဂေတ်ဝတ်မဳဒဳယာဂှ် ဥပဒေပရိုၚ်မဳဒဳယာ ကဵု လၟေၚ်ဒ္ဂေတ်ဝတ်ပရိုၚ်မဳဒဳယာ သွက်ဂွံဒ္ဂေတ်ဗက်ဂှ်လေဝ် ခၞံပ္တိတ်လဝ်တုဲဒၟံၚ်ရ၊ပြသၞာဆေၚ်ကဵုပရိုၚ်မဳဒဳယာ နွံကၠုၚ်မ္ဂး သွက်ဂွံရပ်စပ်ပသောၚ်ကဵုဂှ်လေဝ် ပံက်လဝ်ကံၚ်ဇြဳပရိုၚ်မဳဒဳယာတုဲဒၟံၚ်ကီုရ။

ဥပဒေဆက်စၠောံပရိုၚ် ၝောံပိုဒ် ၆၆ (ဃ) ဏံ ပ္တိတ်လဝ် နူသၞာံ ၂၀၁၃ တေံတုဲ နူ ၂၀၁၃ ဒဵုကဵု ၂၀၁၅ ဂှ် ညးဒးဒုၚ်စောဲအမှု နကဵုဥပဒေဏံ နွံ ရ တၠဟေၚ်တုဲ လက်ထက်အလဵုအသဳတၟိဏံ ပ္ဍဲပွိုၚ် ရ ဂိတုဓဝ်ဂှ် ညးဒးဒုၚ်စောဲအမှု နကဵုၝောံပိုဒ် ၆၆ (ဃ) ဏံ နွံကၠုၚ်ဒဵုကဵု ၂၉ တၠဣရ ဂွံတီကေတ်ရ။

Written by

Related Posts

ပရေင်တြးပၟတ်ဓာတ်လလဳ ပ္ဍဲဒေသရေဝ်သၟဝ်ကျာ ဖအောန်ဖျေံလဝ်အခိင်

ပရေင်တြးပၟတ်ဓာတ်လလဳ ပ္ဍဲဒေသရေဝ်သၟဝ်ကျာ ဖအောန်ဖျေံလဝ်အခိင်

ဟိုတ်နူပရေင်ခက်ခုဲကၠေင်စက်တုဲ ဓာတ်လလဳဒေသရေဝ်သၟဝ်ကျာ ဖအောန်ဖျေံအခိင် ဗလးပၟတ်ရောင် နူကဵုတၠကမၠောန် ဗလးဓာတ်လလဳ ပတိတ်လလောင်လဝ်ရ။

သွက်ဂွံလိင်မၞိဟ်ယိုက်ဝန်ပၞာန်ဗၟာ စၞးကွာန်ဂှ် အုပ်ဓုပ်ကွာန်တံ ကၠတ်ဗက်မံင်ဩန် နဲညးကဵုညးနွံ

သွက်ဂွံလိင်မၞိဟ်ယိုက်ဝန်ပၞာန်ဗၟာ စၞးကွာန်ဂှ် အုပ်ဓုပ်ကွာန်တံ ကၠတ်ဗက်မံင်ဩန် နဲညးကဵုညးနွံ

လဂွံကဵုသၞောဝ်ဥပဒေ ညးဍုင်ကွာန်တံ ဇၟာပ်အာယုက်စိုပ် ဒးလုပ်ယိုက်ဂၠေင်သ္ပကောန်ပၞာန်ဗၟာဂှ် အုပ်ဓုပ်ကွာန်တံ နဲကဲညးကဵုညး ကၠတ်ဗက်မံင်ဩန်တုဲ ဂၠာဲလိင်ဗပေၚ်စုတ်လဝ်မၞိဟ် စၞးကွာန်နွံ ရောင် ညးလုပ်ဂကောံအုပ်ဓုပ်ကွာန် ပွိုင်ဍုင်ရေဝ်သၟဝ်ကျာ မွဲတၠ ဟီုလဴထ္ၜးရ။

ပ္ဍဲတ္ရဲကောန်ဂကူမန်ဂှ် ဟွံကၟာတ်ဘာလေဝ် ကွးဘာတိုန် ဟွံမွဲ

ပ္ဍဲတ္ရဲကောန်ဂကူမန်ဂှ် ဟွံကၟာတ်ဘာလေဝ် ကွးဘာတိုန် ဟွံမွဲ

ပ္ဍဲတ္ၚဲကောန်ဂကူမန် မာ် (၁) စွေက်ဂှ် ၜိုန်ရဘာဟွံကၟာတ်ကၠာလေဝ် နကဵုဓဝ်သမ္တီဇကုကဵုဇကု ကွးဘာတံ ဟွံတိုန်ဘာအိုတ်ရောင် မိမတံကဵု ကွးဘာတံ ဟီုရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.