ဝဏ္ဏမာန်၊ ဂျောန် ၂၃၊ ၂၀၂၀
သွဟ်ပေဲါရုဲမာဲ ၂၀၂၀ ဏံတုဲမ္ဂး ကောန်ဍုၚ်အရၚ်ဂမၠိုၚ်တံ ဇၞးမာဲဂၠိုၚ်တုဲ ဒက်ပတန်အလဵုအသဳ ပံၚ်ကောံရောၚ် ဥက္ကဌဗော်ညဳသၟဟ်မန် ဟီုရ။
‘ကောန်ဂကူမွဲမွဲဇၞးမာဲတုဲလေဝ် ဂွံပလေဝ်သ္ဇိုၚ်သၞောဝ်ဥပဒေ ၂၀၀၈ ဂှ် ဟွံလောဲပုဟ်၊ ဆဂးတှေ် နွံမွဲဂၠံၚ် ဗော်ကောန်ဍုၚ်အရၚ်ဂလိုၚ် ဇၞးမာဲလၟိဟ်ဂၠိုၚ်ဂၠိုၚ်တုဲ ပံၚ်ပကောံထောံ ကလေၚ်ဒက်ပတန် အလဵုအသဳပံၚ်ကောံ ဂၠံၚ်ဏံနွံမွဲနဲ’ သာ်ဏံ ဥက္ကဌဗော်ညဳသၟဟ်မန် (ဗဟဵု) နာဲတၠနန် ဟီုဏာ အဃောသ္ပပေဲါသောၚ်ကလး သၞောတ်သၞောဝ်ရုဲစှ် ညးစၞးအလံၚ်အမာတ် ပ္ဍဲရုၚ်ဗော်ညဳသၟဟ်မန် ပွိုၚ်ဍုၚ်မုဟ်ဍုၚ် တုဲကၠုၚ်ဂိတုဂျောန် ၁၈ ဂှ်ရ။
‘ပ္ဍဲတွဵုရးဍုၚ်မန် ၁၀ ပွိုၚ်ဍုၚ်ဂှ် ၜိုတ် ရ ပွိုၚ်ဍုၚ် မန်ဇၞးဏောၚ်၊ ပ္ဍဲဒေသမန်ဂှ် လၟိဟ်ညးစၞးမန်ဂၠိုၚ်ဏောၚ်၊ ပံၚ်ပကောံ ကဵု ညးစၞးကောန်ဍုၚ်အရၚ် ဂကူတၞဟ်တၞဟ်တံတုဲ ဒက်ပတန်အာ အလဵုအသဳ ပံၚ်ကောံဏောၚ်’ သာ်ဝွံ ဥက္ကဌ နာဲတၠနန်ဂှ် ဆက်ဟီုရ။
ပေဲါရုဲမာဲ ၂၀၂၀ ဏံ ပ္ဍဲကဵုတွဵုရးဍုၚ်မန် ၁၀ ပွိုၚ်ဍုၚ်ဂှ် ရ ပွိုၚ်ဍုၚ်ဂှ် ဂကူမန်သွက်ဂွံဇၞးနွံတုဲ ဗွဲမဂၠိုၚ်ဂှ် ညးစၞးမန် သွက် ဂွံစိုပ်ကၠတ်ထဝ်ပ္ဍဲဗၠိုၚ်နာနာ (ကၠတ်ထဝ်တွဵုရး၊ ညးဍုၚ်ကွာန်၊ ကောန်ဂကူ) နွံရောၚ်ဂှ်လေဝ် ညးဆက်ဟီုရ။
ဗော်ကောန်ဂကူကောန်ဍုၚ်အရၚ်တံ ပံၚ်ကောံအာတုဲ ၅ ဗော်ဂှ် ဗော် (လူမျိုးပေါၚ်းစုံဒီမိုကရေစီပါတီ (ကယား ပြည်နယ်)၊ ကဵု (ကယားလူမျိုးစုဒီမိုကရေစီပါတီ) ပံၚ်ကောံတုဲ ဗော် (ကယားပြည်နယ်ဒီမိုကရက်တစ်ပါတီ)ကီု၊ ဗော် (ကရၚ်ပြည်နယ်ဒီမိုကရေစီနှၚ့် ဖွံ႕ဖြိုးတိုးတက်ရေးပါတီ) ကဵု (ကရၚ်ဒီမိုကရက်တစ်ပါတီနှၚ့် စည်းလုံးညီညွတ် သောကရၚ်အမျိုးသားဒီမိုကရက်တစ်ပါတီ) ပံၚ်ကောံတုဲ ဗော် (ကရၚ်အမျိုးသားဒီမိုကရက်တစ်ပါတီ) ကီု၊ ဗော် (ကချၚ်ဒီမိုကရက်တစ်ပါတီ၊ ကချၚ်ပြည်နယ်ဒီမိုကရေစီပါတီ) ကဵု ဗော် (စည်းလုံးညီညွတ်ရေးနှၚ့်ဖွ႕ံဖြိုးရေးပါတီ) တံ ပံၚ်ကောံတုဲ ဗော် (ကချၚ်ပြည်နယ်ပြည်သူ႕ပါတီ) ကီု၊ ဗော် (ချၚ်းအမျိုးသာဒီမိုကရက်တစ်ပါတီ၊ ချၚ်းတိုးတက် ရေးပါတီ) ကဵု ဗော် (ချၚ်းဒီမိုကရေစီအဖွံ႕ချုပ်) တံပံၚ်ပကောံတုဲ ဗော် (ချၚ်းအမျိုးသားဒီမိုကရေစီအဖွဲ႕ချုပ်) ဂှ်ကီု၊ ဗော်ဒဳမဵုကရေသဳအလုံရး၊ ဗော်ကောန်ဂကူမန်ကဵု ဇြဟတ်ပရေၚ်ဍုၚ်ကွာန်ဗွိုၚ်မ္ၚးတံ ပံၚ်ပကောံတုဲ ဗော်ညဳသၟဟ် မန်ကီု ကောန်ဂကူကောန်ဍုၚ်အရၚ်တံ ပံၚ်ပကောံကၠုၚ် ဂွံ ၅ ဗော် (၅ ဂကူ) ရ။
အပ္ဍဲကဵုဗော်ပရေၚ်ဍုၚ်ကွာန် ကောန်ဂကူကောန်ဍုၚ်အရၚ်ဂမၠိုၚ်တံ တ္ၚဲဏံဂှ် ဇြဟတ်ဒပ်ပံၚ်ကောံ လက္ကရဴနူကဵု ပေဲါရုဲမာဲ ၁၉၉၀ တေံတုဲ ဒက်လဝ် (စည်းလုံးညီညွတ်သော တိုၚ်းရၚ်းသားလူမျိုးများမဟာမိတ် United Nationalities Alliance – UNA မွဲဇြဟတ်ကဵု လက္ကရဴနူကဵု ပေဲါရုဲမာဲ ၂၀၁၀ တုဲဂှ် ဒက်လဝ်ဇြဟတ် (ညီနောၚ် တိုၚ်းရၚ်းသားပါတီ များ ဖက်ဒရေးရှၚ် – Nationalities Brotherhood Federation – NBF မွဲဇြဟတ် သီုၜါဇြ ဟတ်ဂှ် ရုန်ဂစာန်ဒၟံၚ် ဂၠံၚ်တရဴ သွက်ဂွံဒက်ပတန် ကၟိန်ဍုၚ်ဖေဝ်ဒရေဝ်ရ။
