ဝဏ္ဏမာန်၊ အံက်တဝ်ဗာ ၁၀၊ ၂၀၂၀
ပေဲါရုဲမာဲ ၂၀၂၀ ဏံ ပ္ဍဲတွဵုရးဍုၚ်မန်ဝွံ အတိုၚ်ကေၚ်ပတိုန်ထ္ၜးလဝ် တုဲကၠုၚ်တေံဂှ်ရ ဒေသဇၞးမာန်နွံဂၠိုၚ်၊ ဒေသဇၞးမာန် မွဲဒကုတ်မွဲဒကဴ၊ ဒေသအကာဲအရာဇၞးမာန်အောန် ပါ်ထ္ၜးလဝ် (၃) ဒေသရ။ ပ္ဍဲကဵု ဒေသဇၞးမာန်နွံဂၠိုၚ်ဂှ် စပ္တံနူကဵု ပွိုၚ်ဍုၚ်ရေဝ်၊ ပွိုၚ်ဍုၚ်ဇြပ်ဗု၊ ပွိုၚ်ဍုၚ်မုဟ်ဍုၚ် ကဵု ပွိုၚ်ဍုၚ်ကျာ်မြဟ် (၄) ပွိုၚ်ဍုၚ်ရ။
ဒေသဇၞးမာန် မွဲဒကုတ်မွဲဒကဴဟီုဂှ် ပွိုၚ်ဍုၚ်ၜါသွာၚ်ကဵု ပွိုၚ်ဍုၚ်ပံၚ် (၂) ပွိုၚ်ဍုၚ်ရ။ ဆဂးဂှ် အလန်ပေဲါရုဲမာဲ ၂၀၂၀ ဏံဂှ် ပွိုၚ်ဍုၚ်မတ်မလီုဂှ် ဟိုတ်နူကဵု ညးစၞးလုပ်ဒုၚ်ရုဲ စၞးဗော်ညဳသၟဟ်မန်ဂှ် ဒှ်ညးစၞးပြာကတ် ပ္ဍဲကဵုဂကူဂလိုၚ်ကီု၊ ဒှ်ညးတီပြာကတ်ဂၠိုၚ်ကီုတုဲ အောန်အိုတ်မွဲမွဲသွာၚ် အကာဲအရာသွက်ဂွံဇၞးရ။
ဒေသဇၞးမာန်အောန်ဟီုဂှ် ဗီုကဵုပွိုၚ်ဍုၚ်သဓီု၊ ပွိုၚ်ဍုၚ်ၜဳကလေၚ်၊ ပွိုၚ်ဍုၚ်ကျာ်ထဝ် (၃) ပွိုၚ်ဍုၚ်ဂှ် ပ္ဍဲပွိုၚ်ဍုၚ်ကျာ်ထဝ် ဂှ်ရ စၞးဗော်ညဳသၟဟ်မန် လုပ်ပြိုၚ်နွံရ။ သှေ် (၂) ပွိုၚ်ဍုၚ်ဂှ် ဟိုတ်နူလၟိဟ်ဂကူမန်နွံအောန်တုဲ လုပ်ပြိုၚ်ဟွံမာန်ရ။
ပ္ဍဲကဵုဒေသပါ်ထ္ၜးလဝ် (၃) ဒေသဂှ် ဒေသဇၞးမာန်နွံဂၠိုၚ်ဂှ် ပတိုန်ထ္ၜးဏာ သွာၚ်ကၠတ်ထဝ်အဆံၚ်ဆံၚ်ရ။ အဆက် ဂတတေံ ဗီုအကာဲအရာကဵု ဗီုဂွံအခိၚ်ဂှ် ဆက်တုဲသ္ၚဳဂၠိပ်ပတိုန်ထ္ၜးအာပၠန်ရောၚ်။
ပွိုၚ်ဍုၚ်ရေဝ်၊ ကၠတ်ထဝ်ညးဍုၚ်ကွာန်
ပ္ဍဲကဵုပွိုၚ်ဍုၚ်ရေဝ် သွာၚ်ကၠတ်ထဝ်ညးဍုၚ်ကွာန်ဂှ် နာဲဗညာအံၚ်မဵု စၞးဗော်ညဳသၟဟ်မန်၊ (ဦးနီဝၚ်း) စၞးဗော် (ပြည် ထောၚ်စုကောၚ်းကျိုးဆောၚ်ပါတီ)၊ (ဦးမျိုးဝၚ်း) စၞးဗော် (အမျိုးသားဒီမိုကရေစီအဖွဲ႕ချုပ်ပါတီ)၊ (ဒေါ်မြၚ့်မြၚ့်ကြူ) စၞးဗော် (ပြည်ထောၚ်စုကြံ့ခိုၚ်ရေးနှၚ့်ဖွံ႕ဖြိုးရေးပါတီ)၊ (ဦးအေးတၚ့်) စၞးဗော် (ညီညွတ်သောဒီမိုကရက်တစ်ပါတီ) ဖအိုတ်ညးစၞး (၅) ဗော် သွက်ဂွံလုပ်ပြိုၚ်နွံရ။
သွဟ်ပေဲါရုဲမာဲ ၂၀၁၅ ပ္ဍဲပွိုၚ်ဍုၚ်ရေဝ် ကၠတ်ထဝ်ညးဍုၚ်ကွာန်ဂှ် ညးစၞးဇၞးမာဲဂၠိုၚ်အိုတ် နူဗော်အေန်အေဝ်ဒဳ ဂွံ (၃၀၄၀၆) မာဲ၊ လၟေၚ်ဒုတိယဂှ် ညးစၞးနူဗော်ကောန်ဂကူမန် ဂွံ (၁၈၇၁၂) မာဲ၊ လၟေၚ်တတိယဂှ် ညးစၞးနူဗော်ဒဳမဵု ကရေဇြဳအလုံရးမန် ဂွံ (၁၃၀၄၃)၊ ညးစၞးဗော်ခိုၚ်ကၠိုက်ဖေါအ်ဗြေဝ် ဂွံ (၁၁၂၀၀) မာဲ၊ မာဲဗော်မန်ၜါ ဗော်ပံၚ်တုဲ ဂွံ (၃၁၇၅၅) မာဲရ။ မာဲဗော်မန်ၜါဗော်ပံၚ်တုဲ ဇၞးမာဲ ညးစၞးအေန်အေဝ်ဒဳ (၁၃၄၉) မာဲရ။
ကၠတ်ထဝ်ကောန်ဂကူ စၟတ် (၆) ဒကုတ်သၟဝ်ကျာ
ကၠတ်ထဝ်ကောန်ဂကူဂှ် စၟတ် (၆) ပွိုၚ်ဍုၚ်ရေဝ် ဒကုတ်သၟဝ်ကျာဂှ် နာဲသဳဟ စၞးဗော်ညဳသၟဟ်မန်၊ (စောဖိုးချစ်) စၞးဗော် (ပြည်ထောၚ်စုကြံ့ခိုၚ် ရေးနှၚ့်ဖွ႕ံဖြိုးရေးပါတီ)၊ (ဦးတၚ်ဝေ) စၞးဗော် (ညီညွတ်သောဒီမိုကရက်တစ်ပါတီ)၊ (ဦးဗညာအောၚ်ခိုၚ်) ပူဂဵု၊ (ဦးမျိုးအောၚ်) (ခ) နာဲမျဵုအံၚ် ပူဂဵု၊ (ဦးမြသောၚ်း) စၞးဗော် (အမျိုးသားဒီမိုကရေစီအ ဖွဲ႕ချုပ်ပါတီ)၊ (ဦးဟန်စိန်) (ပြည်ထောၚ်စုကောၚ်းကျိုးဆော်ပါတီ)၊ (ဦးအောၚ်နိုၚ်ဝၚ်း) ပူဂဵု ဖအိုတ် ညးစၞးနူဗော် (၅) ဗော်ကဵု ပူဂဵု (၃) တၠ သွက်ဂွံလုပ်ပြိုၚ်ရ။
သွဟ်ပေဲါရုဲမာဲ ၂၀၁၅ သွာၚ်ကၠတ်ထဝ်ကောန်ဂကူ (၂၀၁၅ ဂှ် ကၠတ်ထဝ်ကောန်ဂကူ စၟတ် ၈) ပွိုၚ်ဍုၚ်ရေဝ် ဒကုတ်သၟဝ်ကျာဂှ် နူဗော်ကောန်ဂကူမန် ဂွံ (၁၀၈၃၂) မာဲ၊ လၟေၚ်ဒုတိယ ညးစၞးဗော်အေန်အေဝ်ဒဳ ဂွံ (၁၀၃၉၇) မာဲ၊ လၟေၚ်တတိယဂှ် ညးစၞးဗော်ဒဳမဵုကရေဇြဳအလုံရးမန် ဂွံ (၇၂၉၃) မာဲ၊ သွာၚ်ကၠတ်ထဝ်ကောန်ဂကူ စၟတ် (၇) (အခိၚ်ပေဲါရုဲမာဲ ၂၀၁၅) ဂှ် ညးစၞးဗော်မန် ဇၞးလဝ်တုဲတုဲရ။
ကၠတ်ထဝ်ကောန်ဂကူ စၟတ် (၇) ဒကုတ်သၠုၚ်ကျာ
ကၠတ်ထဝ်ကောန်ဂကူ စၟတ် (၇) ပွိုၚ်ဍုၚ်ရေဝ်ဒကုတ်သၠုၚ်ကျာဂှ် မိလွဳဟာန် စၞးဗော်ညဳသၟဟ်မန်၊ (ဦးစိုးထိုက်) စၞးဗော် (တိုၚ်းရၚ်းသားစည်းလုံးညီညွတ်ရေးပါတီ)၊ (ဦးရာဇာထွန်း) စၞးဗော် (ညီညွတ်သောဒီမိုကရက်တစ်ပါတီ)၊ (ဦးဝၚ်းမောၚ်) စၞးဗော် (ပြည်ထောၚ်စုကောၚ်းကျိုးဆောၚ်ပါတီ)၊ (ဒေါ်အိအိ) စၞးဗော် (အမျိုးသားဒီမိုကရေစီအ ဖွဲ႕ချုပ်ပါတီ)၊ (ဦးအောၚ်ကိုဝၚ်း) စၞးဗော် (ပြည်ထောၚ်စုကြံ့ခိုၚ်ရေးနှၚ့်ဖွံ႕ဖြိုးရေးပါတီ)၊ (ဦးအောၚ်ဆန်းဦး) ပူဂဵု ဖအိုတ် (၇) တၠဂှ် ညးစၞးနူဗော် (၆) တၠ ကဵု ပူဂဵု (၁) တၠ သွက်ဂွံလုပ်ပြိုၚ်ရ။
သွဟ်ပေဲါရုဲမာဲတုဲကၠုၚ် ၂၀၁၅ တေံဂှ် ညးစၞးဇၞးမာဲဂၠိုၚ်အိုတ် နူဗော်အေန်အေဝ်ဒဳ ဂွံ (၂၀၀၇၇) မာဲ၊ လၟေၚ်ဒုတိယဂှ် ညးစၞးနူဗော်ကောန်ဂကူမန် ဂွံ (၇၉၉၄) မာဲ၊ လၟေၚ်တတိယဂှ် ညးစၞးနူဗော်ခိုၚ်ကၠိုက်ဖေါအ်ဗြေဝ် ဂွံ (၅၃၃၅) မာဲ၊ မာဲညးစၞးဗော်ဒဳမဵုကရေဇြဳအလုံရးမန် ဂွံ (၄၉၈၁) မာဲ၊ ဗော်မန်ၜါဗော်ပံၚ်တုဲ ဂွံ (၁၂၉၇၅) မာဲ၊ ဗော်မန်ၜါပံၚ်တုဲ ကျ (၇၁၀၂) မာဲရ။
ကၠတ်ထဝ်တွဵုရး စၟတ် (၁) (ဒကုတ်သၟဝ်ကျာ)
ပ္ဍဲပွိုၚ်ဍုၚ်ရေဝ် သွာၚ်ကၠတ်ထဝ်တွဵုရး စၟတ် (၁) ဂှ် နာဲခေန်သဵု စၞးဗော်ညဳသၟဟ်မန်၊ (ဦးထွန်းမြၚ့်) စၞးဗော် (ပြည် ထောၚ်စုကောၚ်းကျိုးဆောၚ်ပါတီ)၊ (ဒေါ်ပိုးဇာသွၚ်) စၞးဗော် (ပြည်ထောၚ်စုကြံ့ခိုၚ်ရေးနှၚ့်ဖွံ႕ဖြိုးရေးပါတီ)၊ (ဒေါ် မြၚ့်ဝၚ်း) စၞးဗော် (အမျိုးသားနိုၚ်ၚံရေးဒီမိုကရက်တစ်ပါတီ)၊ (ဦးသက်နိုၚ်) စၞးဗော် (အမျိုးသားဒီမိုကရေစီအဖွဲ႕ ချုပ်ပါတီ)၊ (ဦးအောၚ်ထက်လၚ်း) စၞးဗော် (ညီညွတ်သောဒီမိုကရက်တစ်ပါတီ) ဖအိုတ် ညးစၞးနူဗော် (၆) ဗော် သွက်ဂွံလုပ်ပြိုၚ်ရ။
ကာလသွဟ်ပေဲါရုဲမာဲ ၂၀၁၅ တုဲကၠုၚ်တေံ သွာၚ်ကၠတ်ထဝ်တွဵုရး စၟတ် (၁) ဂှ် ညးစၞးဂွံမာဲဂၠိုၚ်အိုတ် နူဗော် ကောန်ဂကူမန် ဂွံ (၁၂၉၄၄) မာဲ၊ လၟေၚ်ဒုတိယ ညးစၞးနူဗော်အေန်အေဝ်ဒဳ ဂွံ (၁၀၁၉၉) မာဲ၊ လၟေၚ်တတိယ ညးစၞးနူဗော်ဒဳမဵုကရေဇြဳအလုံရးမန် ဂွံ (၅၆၅၆) မာဲ၊ ညးစၞးနူဗော်မန်ၜါဗော်ပံၚ်တုဲ ဂွံမာဲ (၁၈၆၀၀) မာဲ၊ သွာၚ်ကၠတ်ထဝ်တွဵုရး စၟတ် (၁) ဂှ် ဇၞးမံၚ်ဒတုဲရ။
ကၠတ်ထဝ်တွဵုရး စၟတ် (၂) (ဒကုတ်သၠုၚ်ကျာ)
သွာၚ်ကၠတ်ထဝ်တွဵုရး စၟတ် (၂) ဂှ် (မၚ်းအောၚ်ထူး) စၞးဗော်ညဳသၟဟ်မန်၊ (ဦးကျော်မိုးအေး) စၞးဗော် (အမျိုးသား ဒီမိုကရေစီအဖွဲ႕ချုပ်ပါတီ)၊ (ဦးကျော်သူရ) စၞးဗော် (ပြည်ထောၚ်စုကြံ့ခိုၚ်ရေးနှၚ့်ဖွံ႕ဖြိုးရေးပါတီ)၊ (ဦးဇော်ဇော် အောၚ်) စၞးဗော် (ညီညွတ်သောဒီမိုကရက်တစ်ပါတီ)၊ (ဦးရဲသီဟထွန်း) စၞးဗော် (ပြည်ထောၚ်စုကောၚ်းကျိုး ဆောၚ်ပါတီ)၊ (ဒေါ်သီတာခၚ်ကျော်) စၞးဗော် (အမျိုးသားနိုၚ်ၚံရေးဒီမိုကရက်တစ်ပါတီ) ဖအိုတ် ညးစၞး (၆) ဗော် သွက်ဂွံလုပ်ပြိုၚ်ရ။
ပ္ဍဲကဵုပွိုၚ်ဍုၚ်ရေဝ်ဂှ် သ္ၚဳဂၠိပ်သရောပ်စမ်ရံၚ် သွဟ်ပေဲါရုဲမာဲ တုဲကၠုၚ် ၂၀၁၅ တေံမ္ဂး ကၠတ်ထဝ်ညးဍုၚ်ကွာန်ဂှ် ညးစၞး ဗော်အေန်အေဝ်ဒဳ (အမျိုးသားဒီမိုကရေစီအဖွဲ႕ချုပ်) ဂှ် ဇၞးလဝ် (၃၀၄၀၆) မာဲတုဲ တၟော်ကဵုဗော်မန်ၜါဗော်ပံၚ်တုဲ ဂွံလၟိဟ်မာဲ (၃၁၇၅၅) မာဲ၊ ကျမံၚ် (၁၃၄၉) မာဲရ။
သွာၚ်ကၠတ်ထဝ်ကောန်ဂကူ စၟတ် (၆) ဒကုတ်သၟဝ်ကျာဂှ် နူဗော်ကောန်ဂကူမန် ဂွံ (၁၀၈၃၂) မာဲတုဲ ဇၞးမံၚ်ရ။ ယဝ်မမာဲနူဗော်ၜါပံၚ်သရောပ်ထောံမ္ဂး ဂွံလၟိဟ်မာဲ (၁၈၁၂၅) မာဲ၊ လစှေ်နူဂှ် မာဲညးစၞးဗော်အေန်အေဝ်ဒဳ ဂွံ (၁၀၃၉၇) မာဲ၊ တၟော်ရံၚ်မ္ဂး ဇၞးမံၚ် (၇၇၂၈) မာဲရ။
သွာၚ်ကၠတ်ထဝ်ကောန်ဂကူ စၟတ် (၇) ဒကုတ်သၠုၚ်ကျာဂှ် ကာလ (၂၀၁၅) တေံ ညးစၞးဗော်ဂွံမာဲဂၠိုၚ်အိုတ် ညးစၞး ဗော်အေန်အေဝ်ဒဳ ဂွံ (၂၀၀၇၇) မာဲ၊ ဗော်မန်ၜါဗော်ပံၚ်တုဲ ဂွံ (၁၂၉၇၅) မာဲ၊ ဗော်မန်ၜါပံၚ်တုဲ ကျ (၇၁၀၂) မာဲရ။
သွာၚ်ကၠတ်ထဝ်တွဵုရး စၟတ် (၁) ဒကုတ်သၟဝ်ကျာဂှ် ညးစၞးဂွံမာဲဂၠိုၚ်အိုတ် နူဗော်ကောန်ဂကူမန် ဂွံ (၁၂၉၄၄) မာဲ၊ လစှေ်ဂှ် လၟေၚ်ဒုတိယ ညးစၞးနူဗော်အေန်အေဝ်ဒဳ ဂွံ (၁၀၁၉၉) မာဲ၊ မမာဲဗော်ၜါပံၚ်တုဲ ဂွံလၟိဟ် (၁၈၆၀၀) မာဲ၊ ဇၞးလဝ်မာဲအေန်အေဝ်ဒဳ လၟိဟ် (၈၄၀၁) မာဲရ။
သွာၚ်ကၠတ်ထဝ်တွဵုရး စၟတ် (၂) ဒကုတ်သၠုၚ်ကျာဂှ် ညးစၞးဗော်အေန်အေဝ်ဒဳ (အမျိုးသားဒီမိုကရေစီအဖွဲ႕ချုပ်) ဂှ် ဇၞးလဝ် (၃၀၄၀၆) မာဲ၊ တၟော်ကဵုဗော်မန်ၜါဗော်ပံၚ်တုဲ ဂွံလၟိဟ်မာဲ (၃၁၇၅၅) မာဲ၊ ကျမံၚ် (၁၃၄၉) မာဲရ။ သရောပ်မ္ဂး ကၠတ်ထဝ်တွဵုရး စၟတ် (၁) ဂှ် ဇၞးလဝ်၊ ကၠတ်ထဝ်ကောန်ဂကူ စၟတ် (၆) ဂှ် ဇၞးလဝ်၊ သှေ်ကၠတ်ထဝ် ညးဍုၚ်ကွာန်၊ ကၠတ်ထဝ်ကောန်ဂကူ စၟတ် (၇) ကဵု ကၠတ်ထဝ်တွဵုရး စၟတ် (၂) ဂှ် ကျမံၚ်လၟိဟ်မာဲ ဂၠိုၚ်အိုတ် (၇၀၀၀) ပြၚ်ကဵု အောန်အိုတ် (၁၀၀၀) မာဲပြၚ်ရ။
ပေဲါရုဲမာဲ ၂၀၂၀ သွက်ဂွံကၠောန်ပ္ဍဲဂိတုနဝ်ဝေမ်ဗာ ၈ ဏံဂှ် အကာဲအရာပ္ဍဲပွိုၚ်ဍုၚ်ရေဝ်ဂှ် နကဵုညးစၞးဗော်ညဳသၟဟ် မန်ဂှ် ကၠတ်ထဝ်ညးဍုၚ်ကွာန်ကီု၊ ကၠတ်ထဝ်ကောန်ဂကူ စၟတ် (၇) ဒကုတ်သၠုၚ်ကျာကီု၊ သွာၚ်ကၠတ်ထဝ်တွဵုရး စၟတ် (၁-၂) ကီု အကာဲအရာခိုဟ်မံၚ်တုဲ ပ္ဍဲကဵုသွာၚ်ကၠတ်ထဝ်ကောန်ဂကူ စၟတ် (၆) ဂှ်ရ ညးစၞးဗော်ညဳသၟဟ်မန်ကဵု ညးစၞးပူဂဵု ညးဒေသတံထံက်ဂလာန် ဒးပြိုၚ်ညးသ္ကံအကြာမန်ကဵုမန်နွံတုဲ အကာဲအရာသွက်ဒးကျနွံမာန်ရောၚ် သၟာသ္ၚဳဂၠိပ်ပရေၚ်ပေဲါရုဲမာဲ လတူဍုၚ်ရေဝ် နာဲလောန် သ္ၚဳဂၠိပ်ရ။
ပွိုၚ်ဍုၚ်ဇြပ်ဗု၊ ကၠတ်ထဝ်ညးဍုၚ်ကွာန်
ပ္ဍဲပွိုၚ်ဍုၚ်ဇြပ်ဗု ညးစၞးကၠတ်ထဝ်ညးဍုၚ်ကွာန်ဂှ် နာဲဗညာအိန် (ခ) (ဦးအောၚ်မြၚ့်စိန်) ညးစၞးဗော်ညဳသၟဟ်မန်၊ (ဦး ကြည်ဇော်) ညးစၞးနူဗော် (ပြည်ထောၚ်စုကြံ့ခိုၚ်ရေးနှၚ့်ဖွံ႕ဖြိုးရေးပါတီ)၊ (ဦးဉာဏ်ဟိန်း) ညးစၞးဗော် (အမျိုးသား ဒီမိုကရေစီဖွဲ႕ချုပ်ပါတီ)၊ (ဦးသက်တၚ်စိုး) ညးစၞးဗော် (ညီညွတ်သောဒီမိုကရက်တစ်ပါတီ)၊ (ဦးသိန်းအောၚ်) ညးစၞးဗော် (ပြည်ထောၚ်စုကောၚ်းကျိုးဆောၚ်ပါတီ)၊ ဖအိုတ်ညးစၞး (၅) ဗော်ရ။
ဒၞာဲကၠတ်ထဝ်ညးဍုၚ်ကွာန်ဝွံ ကာလပေဲါရုဲမာဲ ၂၀၁၅ တုဲကၠုၚ်တေံမ္ဂး ညးစၞးမာဲဇၞးဂၠိုၚ်အိုတ်ဗော်အေန်အေဝ်ဒဳ ဂွံ (၂၃၈၈၉) မာဲ၊ လၟေၚ်ဒုတိယဂှ် ညစၞးဗော်ခိုၚ်ကၠိုက်ဖေါအ်ဗြေဝ် ဂွံ (၁၃၀၀၀) မာဲ၊ လၟေၚ်တတိယဂှ် ညးစၞး ဗော်ကောန်ဂကူမန် ဂွံ (၉၇၈၀) မာဲ၊ ညးစၞးဗော်ဒဳမဵုကရေဇြဳအလုံရးမန်ဂှ် ဂွံ (၃၁၀၉) မာဲ၊ ဗော်မန်ၜါ ဗော်ပံၚ်တုဲ ဂွံ (၁၂၈၈၉) မာဲ၊ တၟော်ကဵုမာဲညးစၞးဇၞးဂၠိုၚ်အိုတ်ဂှ်မ္ဂး ညးစၞးဗော်မန် ကျ (၁၁၀၀၀) မာဲရ။
ကၠတ်ထဝ်ကောန်ဂကူ စၟတ် (၈)
ကၠတ်ထဝ်ကောန်ဂကူ စၟတ် (၈) ပ္ဍဲပွိုၚ်ဍုၚ်ဇြပ်ဗုဂှ် နာဲတၠဆာန် (က) (ဦးနိုၚ်ဦး) ညးစၞးဗော်ညဳသၟဟ်မန်၊ (ဦးပါစိန်) ညးစၞးဗော် (ပြည်ထောၚ်စုကြံ့ခိုၚ်ရေးနှၚ့်ဖွံ႕ဖြိုးရေးပါတီ)၊ (ဦးမြၚ့်စိုး) ညးစၞးဗော် (ပြည်ထောၚ်စုကောၚ်ကျိုးဆောၚ် ပါတီ)၊ (ဒေါ်မြတ်သီတာထွန်း) ညးစၞးနူဗော် (အမျိုးသားဒီမိုကရေစီအဖွဲ႕ချုပ်ပါတီ) (ဦးလှဝၚ်း) ညးစၞးဗော် (ညီ ညွတ်သောဒီမိုကရက်တစ်ပါတီ) ဖအိုတ် ညးစၞးနူဗော် (၅) ဗော် သွက်ဂွံလုပ်ပြိုၚ်ရ။
ကၠတ်ထဝ်ကောန်ဂကူ စၟတ် (၈) ပ္ဍဲပွိုၚ်ဍုၚ်ဇြပ်ဗု တုဲကၠုၚ်ပေဲါရုဲမာဲ ၂၀၁၅ တေံဂှ် ညးစၞးဂွံမာဲဂၠိုၚ်အိုတ် ဗော် အေန်အေဝ်ဒဳဂှ် (၂၄၃၇၅) မာဲ၊ လၟေၚ်ဒုတိယ ညးစၞးဗော်ခိုၚ်ကၠိုက်ဖေါအ်ဗြေဝ်ဂှ် ဂွံ (၁၀၇၅၅) မာဲ၊ လၟေၚ်တတိယ ညးစၞးဗော်ကောန်ဂကူမန် ဂွံ (၉၆၈၇) မာဲ၊ ညးစၞးဗော်ဒဳမဵုကရေဇြဳအလုံရးမန် ဂွံ (၃၄၈၃) မာဲ၊ ဗော်မန်ၜါဗော် ပံၚ်တုဲ ဂွံ (၁၃၁၇၀) မာဲတုဲ ကျမာဲညးစၞးအေန်အေဝ်ဒဳ (၁၁၂၀၅) မာဲရ။
ကၠတ်ထဝ်တွဵုရး စၟတ် (၁) (ဒကုတ်သၟတ်ကျာ)
ပ္ဍဲပွိုၚ်ဍုၚ်ဇြပ်ဗု ဒၞာဲကၠတ်ထဝ်တွဵုရး စၟတ် (၁) ဂှ် (ဦးထွန်းမြၚ့်ကျော် (ခ) နိုၚ်မၚ်းလတ်) စၞးဗော်ညဳသၟဟ်မန်၊ (ဦး ကျော်ကျော်နိုၚ်) စၞးဗော် (ပြည်ထောၚ်စုကောၚ်းကျိုးဆောၚ်ပါတီ)၊ (ဦးစိုးနိုၚ်) စၞးဗော် (ပြည်ထောၚ်စုကြံ့ခိုၚ်ရေး နှၚ့်ဖွံ႕ဖြိုးရေးပါတီ)၊ (ဒေါ်စန်းစန်ဒးရီ) စၞးဗော် (ညီညွတ်သောဒီမိုကရက်တစ်ပါတီ)၊ (ဦးတၚ်ထွန်း) စၞးဗော် (တိုၚ်း ရၚ်းသားစည်းလုံးညီညွတ်ရေးပါတီ)၊ (ဦးမြၚ့်ဦး) စၞးဗော် (အမျိုးသားဒီမိုကရေစီအဖွဲ႕ချုပ်ပါတီ) ဖအိုတ်ညးစၞး (၆) ဗော် သွက်ဂွံလုပ်ပြိုၚ်ရ။
ဒၞာဲဝွံ တုဲကၠုၚ်ပေဲါရုဲမာဲ ၂၀၁၅ တေံမ္ဂး ညးစၞးဂွံမာဲဂၠိုၚ်အိုတ်ဗော်အေန်အေဝ်ဒဳ ဂွံ (၁၄၃၄၅) မာဲ၊ လၟေၚ်ဒုတိယဂှ် ညးစၞးဗော်ခိုၚ်ကၠိုက်ဖေါအ်ဗြေဝ် ဂွံ (၅၆၆၄) မာဲ၊ လၟေၚ်တတိယဂှ် ညးစၞးဗော်ကောန်ဂကူမန် ဂွံ (၂၄၁၂) မာဲ၊ ညးစၞးဗော်ဒဳမဵုကရေဇြဳအလုံရးမန် ဂွံ (၁၇၅၀) မာဲ၊ မာဲညးစၞးပူဂဵု (မန်) မွဲတၠ ဂွံ (၂၃၅၉) မာဲ၊ ဗော်မန်ၜါဗော်ကဵု ပူဂဵုမွဲတၠတုဲ ဂွံ (၆၅၂၁) မာဲ၊ ကျမံၚ် ဗော်ဂွံမာဲဂၠိုၚ်အိုတ်ဂှ် (၇၈၂၄) မာဲရ။
ကၠတ်ထဝ်တွဵုရး စၟတ် (၂) (ဒကုတ်သၠုၚ်ကျာ)
ပွိုၚ်ဍုၚ်ဇြပ်ဗု ကၠတ်ထဝ်တွဵုရး စၟတ် (၂) ဂှ် နာဲလျးတၟး (နိုၚ်လယိတမ) စၞးဗော်ညဳသၟဟ်မန်၊ (ဒေါ်ခၚ်မိုးရီ) စၞးဗော် ညီညွတ်သောဒီမိုကရက်တစ်ပါတီ)၊ (ဒေါ်တၚ်အေး) စၞးဗော် (အမျိုးသားဒီမိုကရေစီအဖွဲ႕ချုပ်ပါတီ၊ (ဦးမောၚ်စိန်) စၞးဗော် (ပြည်ထောၚ်စုကြံ့ခိုၚ်ရေးနှၚ့်ဖွံ႕ဖြိုးရေးပါတီ)၊ (ဦးရေႊသိန်း) စၞးဗော် (ပြည်ထောၚ်စုကောၚ်းကျိုးဆောၚ်ပါ တီ) ဖအိုတ် ညးစၞး (၅) ဗော် သွက်ဂွံလုပ်ပြိုၚ်ရ။
ဒၞာဲဝွံ သွဟ်ပေဲါရုဲမာဲ တုဲကၠုၚ် ၂၀၁၅ တေံမ္ဂး ညးစၞးဂွံမာဲဂၠိုၚ်အိုတ်နူဗော်အေန်အေဝ်ဒဳ ဂွံ (၉၅၃၄) မာဲ၊ လၟေၚ်ဒုတိယဂှ် ညးစၞးဗော်ကောန်ဂကူမန် ဂွံ (၈၀၁၃) မာဲ၊ လၟေၚ်တတိယ နူဗော်ခိုၚ်ကၠိုက်ဖေါအ်ဗြေဝ် ဂွံ (၄၅၀၇) မာဲ၊ ညးစၞးဗော်ဒဳမဵုကရေဇြဳအလုံရးမန် ဂွံ (၂၅၃၉) မာဲ၊ မမာဲဗော်မန်ၜါဗော်ပံၚ်တုဲ ဂွံ (၁၀၅၅၂) မာဲ၊ မမာဲဗော်မန်ၜါဗော်ပံၚ်တုဲ ဇၞးမာဲညးစၞးဗော်အေန်အေဝ်ဒဳ (၁၀၁၈) မာဲရ။
အလန်ပေဲါရုဲမာဲ ၂၀၂၀ ဏံမ္ဂး ဟိုတ်နူဗော်ပရေၚ်ဍုၚ်ကွာန်မန် မွဲဗော်ဓဝ်တုဲ ဗော်တၞဟ်တၞဟ်တံ ဒးပြိုၚ်ပ္ကာန် ကဵုဗော်မန် ဇၞော်ကဵုဇြဟတ်နွံရ။ သွာၚ်ကၠတ်ထဝ်ညးဍုၚ်ကွာန်ကီု၊ သွာၚ်ကၠတ်ထဝ်ကောန်ဂကူကီု၊ သွာၚ်ကၠတ် ထဝ်တွဵုရး စၟတ် (၂) (ဒကုတ်သၠုၚ်ကျာ) ဂှ် အကာဲအရာ ညးစၞးဗော်ညဳသၟဟ်မန် သွက်ဒးဇၞးနွံဂၠိုၚ်ရ။
ကလေၚ်သ္ၚဳဂၠိပ်ရံၚ် သွဟ်ပေဲါရုဲမာဲတုဲကၠုၚ် (၂၀၁၅) တေံမ္ဂး သွာၚ်ကၠတ်ထဝ်ညးဍုၚ်ကွာန်ဂှ် ညးစၞးမာဲဇၞး ဂၠိုၚ်အိုတ် ဗော်အေန်အေဝ်ဒဳ ဂွံ (၂၃၈၈၉) မာဲ၊ ဗော်မန်ၜါဗော်ပံၚ်တုဲ ကျမံၚ် (၁၁၀၀၀) မာဲ၊ သွာၚ်ကၠတ်ထဝ်ကောန်ဂကူဂှ်မ္ဂး ညးစၞးဂွံမာဲဂၠိုၚ်အိုတ် ဗော်အေန်အေဝ်ဒဳ ဂှ် (၂၄၃၇၅) မာဲ၊ မာဲဗော်မန်ၜါဗော်ပံၚ်တုဲ ကျမံၚ် (၁၁၂၀၅) မာဲရ။ သွာၚ်ကၠတ်ထဝ်တွဵုရး စၟတ် (၁) ဂှ် ညးစၞးဂွံမာဲဂၠိုၚ်အိုတ် ဗော်အေန်အေဝ်ဒဳ ဂွံ (၁၄၃၄၅) မာဲ၊ မာဲမန်ၜါဗော်ပံၚ်တုဲ ကျမံၚ် ဗော်ဂွံမာဲဂၠိုၚ်အိုတ်ဂှ် (၇၈၂၄) မာဲရ။ သွာၚ်ကၠတ်ထဝ်တွဵုရး စၟတ် (၂) ဂှ် ညးစၞးဂွံမာဲဂၠိုၚ်အိုတ် နူဗော်အေန်အေဝ်ဒဳ ဂွံ (၉၅၃၄) မာဲ၊ မမာဲဗော်မန်ၜါဗော်ပံၚ်တုဲ ဇၞးမာဲညးစၞးဗော်အေန်အေဝ်ဒဳ (၁၀၁၈) မာဲရ။
သရောပ်ရံၚ်မ္ဂး သွာၚ်ကၠတ်ထဝ်တွဵုရး စၟတ် (၂) ဂှ် ဇၞးမံၚ် (၁၀၀၀) မာဲပြၚ်တုဲ သှေ်နူဂှ်မ္ဂး ကျမံၚ်မာဲလၟိဟ် (၁) လက်မာဲပြၚ် ကဵု (၇) လ္ၚီပြၚ်ရ။
‘ရံၚ်ကေတ်အကာဲအရာတ္ၚဲဏံတှေ် ကၠတ်ထဝ်ညးဍုၚ်ကွာန်၊ ကၠတ်ထဝ်ကောန်ဂကူကဵု ကၠတ်ထဝ်တွဵုရး စၟတ် (၂) ဂှ် အကာဲအရာသွက်ဂွံဇၞးနွံမာန်တုဲ ဒၞာဲကၠတ်ထဝ်တွဵုရးစၟတ် (၁) ဒကုတ်ကျာ်ခမဳဂှ်ရ သွက်ဒးဂွိၚ်နွံညိ၊ ယဝ်ဂစာန် ကွေံကွေံတှေ် ဂွံဇြဟတ်ထံက်ဂလာန်ဂၠိုၚ်ညိတှေ် ကာလဇၞးသီု (၄) ဒၞာဲလေဝ် ဇၞးမာန်မံၚ်ဏောၚ်’ ညးစၞးအလံၚ် အမာတ်ညးဍုၚ်ကွာန် နာဲဗညာအိန် သ္ၚဳဂၠိပ်လဝ်ရ။
ပွိုၚ်ဍုၚ်မုဟ်ဍုၚ်၊ ကၠတ်ထဝ်ညးဍုၚ်ကွာန်
ပွိုၚ်ဍုၚ်မုဟ်ဍုၚ် သွာၚ်ကၠတ်ထဝ်ညးဍုၚ်ကွာန်ဂှ် နာဲသာန်တေန် (ဦးစံတၚ်-နိုၚ်စံတၚ်) စၞးဗော်ညဳသၟဟ်မန်၊ (ဦး စောထွန်း) စၞးဗော် (အမျိုးသားဒီမိုကရေစီအဖွဲ႕ချုပ်ပါတီ)၊ (ဒေါ်ဝၚ်းရေႊ) စၞးဗော် (ညီညွတ်သောဒီမိုကရက်တစ် ပါတီ)၊ (ဦးသက်လွၚ်) စၞးဗော် (ပြည်ထောၚ်စုကြံ့ခိုၚ်ရေးနှၚ့်ဖွံ႕ဖြိုးရေးပါတီ)၊ (ဦးအောၚ်ထွန်းမြၚ့်) စၞးဗော် (ပြည် ထောၚ်စုကောၚ်းကျိုးဆောၚ်ပါတီ) ဖအိုတ်ညးစၞး (၅) သွက်ဂွံပြိုၚ်ရ။
ကာလ (၂၀၁၅) ပ္ဍဲပွိုၚ်ဍုၚ်မုဟ်ဍုၚ် ဒၞာဲကၠတ်ထဝ်ညးဍုၚ်ကွာန်မ္ဂး ညးစၞးမာဲဇၞးဂွံဂၠိုၚ်အိုတ် ဗော်အေန်အေဝ်ဒဳ ဂွံ (၂၈၆၆၃) မာဲ၊ လၟေၚ်ဒုတိယ မာဲညးစၞးဗော်ကောန်ဂကူမန် ဂွံ (၁၈၁၂၇) မာဲ၊ လၟေၚ်တတိယ ညးစၞးဗော်ခိုၚ်ကၠိုက် ဖေါအ်ဗြေဝ် ဂွံ (၁၄၃၅၇) မာဲ၊ ဒၞာဲဏံဝွံ ညးစၞးဗော်ဒဳမဵုကရေဇြဳအလုံရးမန် ပြဟ်လလုဲအာတုဲ မမာဲဗော်ဒဳမဵုကရေဇြဳအလုံရးမန် ဟွံမွဲရ။ ဆဂး ဗော်ညးဗြဴ (မန်) ဂွံ (၈၉၂) မာဲရ။ မမာဲဗော်မန် ပံၚ်မ္ဂး ဂွံ (၁၉၀၁၉) မာဲရ။ တၟော်ကဵုမာဲဇၞးဂၠိုၚ်အိုတ်တေံမ္ဂး ညးစၞးဗော်မန် ကျ (၉၆၄၄) မာဲရ။
ကၠတ်ထဝ်ကောန်ဂကူ စၟတ် (၃)
ပ္ဍဲပွိုၚ်ဍုၚ်မုဟ်ဍုၚ် ဒၞာဲကၠတ်ထဝ်ကောန်ဂကူ စၟတ် (၃) ဝွံ နာဲအမ်သဝ် (က) (ဦးဌေးနိုၚ်) စၞးဗော်ညဳသၟဟ်မန်၊ (ဦး ဇော်မြၚ့်) စၞးဗော် (ပြည်ထောၚ်စုကြံ့ခိုၚ်ရေးနှၚ့်ဖွံ႕ဖြိုးရေးပါတီ)၊ (ဦးဉာဏ်ထွန်း) စၞးဗော် (တိုၚ်းရၚ်းသားစည်းလုံး ညီညွတ်ရေးပါတီ)၊ (ဒေါ်တၚ်မွန်) စၞးဗော် (အမျိုးသားဒီမိုကရေစီအဖွဲ႕ချုပ်ပါတီ)၊ (ဒေါ်အေးအေးသန်း) စၞးဗော် (ညီညွတ်သောဒီမိုကရက်တစ်ပါတီ)၊ (ဦးအောၚ်ဘန်း) စၞးဗော် (ပြည်ထောၚ်စုကောၚ်းကျိုးဆောၚ်ပါတီ) ဖအိုတ် (၆) ဗော်သွက်ဂွံလုပ်ပြိုၚ်ရ။
ကာလပေဲါရုဲမာဲ ၂၀၁၅ ပ္ဍဲပွိုၚ်ဍုၚ်မုဟ်ဍုၚ် ဒၞာဲကၠတ်ထဝ်ကောန်ဂကူဝွံ ညးစၞးဂၠိုၚ်အိုတ် မာဲဗော်အေန်အေဝ်ဒဳ ဂွံ (၃၀၁၂၆) မာဲ၊ လၟေၚ်ဒုတိယဂှ် ညးစၞးဗော်ကောန်ဂကူမန် ဂွံ (၁၆၈၃၈) မာဲ၊ လၟေၚ်တတိယဂှ် ညးစၞးဗော်ခိုၚ် ကၠိုက်ဖေါအ်ဗြေဝ် ဂွံ (၁၃၅၁၇) မာဲ၊ ညးစၞးဗော်ဒဳမဵုကရေဇြဳအလုံရးမန်ဂှ် ဂွံ (၇၀၇၀) မာဲတုဲ ဗော်မန်ၜါပံၚ် ဂွံမာဲ (၂၃၉၀၈) မာဲရ။ တော်ကဵုမာဲဇၞးဂၠိုၚ်အိုတ်ဂှ်မ္ဂး ဗော်မန်ၜါဗော်တုဲ ကျမံၚ် (၆၂၁၈) မာဲရ။
ကၠတ်ထဝ်တွဵုရး စၟတ် (၁)
ပ္ဍဲပွိုၚ်ဍုၚ်မုဟ်ဍုၚ် ဒၞာဲကၠတ်ထဝ်တွဵုရးစၟတ် (၁) မ္ဂး နာဲတၠညး (က) (နိုၚ်မြၚ့်လွၚ်) စၞးဗော်ညဳသၟဟ်မန်၊ (ဒေါ်ခၚ် ကျော့ဖြူ) စၞးဗော် (အမျိုးသားဒီမိုကရေစီအဖွဲ႕ချုပ်ပါတီ)၊ (ဦးခၚ်မောၚ်ဦး) စၞးဗော် (ပြည်ထောၚ်စုကောၚ်းကျိုး ဆောၚ်ပါတီ)၊ (ဒေါ်မြၚ့်ဝေ) စၞးဗော် (ညီညွတ်သောဒီမိုကရက်တစ်ပါတီ)၊ (ဦးဝၚ်းနိုၚ်ဦး) စၞးဗော် (ပြည်ထောၚ်စု ကြံ့ခိုၚ်ရေးနှၚ့်ဖွံ႕ဖြိုးရေးပါတီ)၊ (ဦးဝၚ်းသိန်း) စၞးဗော် (အမျိုးသားဒီမိုကရေစီအၚ်အားစုပါတီ) ဖအိုတ်ညးစၞး (၆) ဗော် သွက်ဂွံလုပ်ဒုၚ်ရုဲရ။
ဒၞာဲဝွံ တုဲကၠုၚ်ပေဲါရုဲမာဲ ၂၀၁၅ တေံမ္ဂး ညးစၞးဂွံမာဲဂၠိုၚ်အိုတ် ညးစၞးဗော်အေန်အေဝ်ဒဳဂှ် (၁၇၇၆၃) မာဲ၊ လၟေၚ် ဒုတိယ ညးစၞးဗော်ခိုၚ်ကၠိုက်ဖေါအ်ဗြေဝ် ဂွံ (၁၀၃၆၁) မာဲ၊ လၟေၚ်တတိယ ညးစၞးဗော်ကောန်ဂကူမန် ဂွံ (၅၀၇၆) မာဲ၊ မာဲညးစၞးဗော်ဒဳမဵုကရေဇြဳအလုံရးမန် ဂွံ (၃၇၇၅) မာဲ၊ ဗော်မန်ၜါဗော်ပံၚ်တုဲ ဂွံ (၈၈၅၁) မာဲရ။ တၟော်မ္ဂး ဗော်ၜါပံၚ်တုဲလေဝ် ကျ (၈၉၁၂) မာဲရ။
ကၠတ်ထဝ်တွဵုရး စၟတ် (၂)
ဒၞာဲကၠတ်ထဝ်တွဵုရး စၟတ် (၂) ဂှ် နာဲမန်ရာဇာ (က) (ဦးစိုးဝၚ်း) စၞးဗော်ညဳသၟဟ်မန်၊ (ဒေါက်တာဘုန်းဝေဦး) စၞး ဗော် (အမျိုးသားဒီမိုကရေစီအဖွဲ႕ချုပ်ပါတီ)၊ (မၚ်းအောၚ်မြၚ့်) စၞးဗော် (ပြည်ထောၚ်စုကြံ့ခိုၚ်ရေးနှၚ့်ဖွံ႕ဖြိုးရေးပါတီ)၊ (ဦးလၚ်းအောၚ်) စၞးဗော် (ညီညွတ်သောဒီမိုကရက်တစ်ပါတီ)၊ (ဦးအောၚ်ဆန်းဦး) စၞးဗော် (ပြည်ထောၚ်စုကောၚ်းကျိုးဆောၚ်ပါတီ) ဖအိုတ် ညးစၞး (၅) ဗော် သွက်ဂွံလုပ်ပြိုၚ်ရ။
ပ္ဍဲပွိုၚ်ဍုၚ်မုဟ်ဍုၚ်ဝွံ ကလေၚ်ရံၚ်အာ သွဟ်ပေဲါရုဲမာဲ (၂၀၁၅) တုဲကၠုၚ်တေံမ္ဂး မာဲဂၠိုၚ်အိုတ်ဂှ် ညးစၞးဗော်ကောန် ဂကူမန် ဂွံ (၁၂၃၇၇) မာဲ၊ လၟေၚ်ဒုတိယ ညးစၞးဗော်အေန်အေဝ်ဒဳ ဂွံ (၉၈၂၂) မာဲ၊ လၟေၚ်တတိယ ညးစၞးဗော်ဒဳမဵုကရေဇြဳအလုံရးမန် ဂွံ (၅၂၁၅) မာဲ၊ ညးစၞးမာဲဗော်ခိုၚ်ကၠိုက်ဖေါအ်ဗြေဝ် ဂွံ (၃၉၂၆) မာဲရ။ မာဲဗော်မန်ၜါဗော်ပံၚ်တုဲ ဒှ် (၁၇၅၉၂) မာဲရ။ ကၠတ်ထဝ်တွဵုရး စၟတ် (၂) ဂှ် ညးစၞးဗော်မန် ဇၞးလဝ်တုဲတုဲရ။
သရောပ်ကၠတ်ထဝ်သီုပန်ဗၠိုၚ်မ္ဂး သွာၚ်ကၠတ်ထဝ်ညးဍုၚ်ကွာန်ဂှ် ညးစၞးမာဲဇၞးဂွံဂၠိုၚ်အိုတ် ဗော်အေန်အေဝ်ဒဳ ဂွံ (၂၈၆၆၃) မာဲ၊ မာဲဗော်မန်ၜါဗော်ပံၚ်တုဲ ကျ (၉၆၄၄) မာဲ၊ သွာၚ်ကၠတ်ထဝ်ကောန်ဂကူဂှ် ညးစၞးဂၠိုၚ်အိုတ် မာဲဗော်အေန်အေဝ်ဒဳ ဂွံ (၃၀၁၂၆) မာဲ၊ ဗော်မန်ၜါဗော်တုဲ ကျမံၚ် (၆၂၁၈) မာဲ၊ သွာၚ်ကၠတ်ထဝ်တွဵုရး စၟတ် (၁) ဂှ် ညးစၞးဂွံမာဲဂၠိုၚ်အိုတ် ညးစၞးဗော်အေန်အေဝ်ဒဳ ဂှ် (၁၇၇၆၃) မာဲ၊ ဗော်ၜါပံၚ်တုဲလေဝ် ကျ (၈၉၁၂) မာဲ၊ သွာၚ်ကၠတ်ထဝ်တွဵုရး စၟတ် (၂) ဂှ် မာဲဂၠိုၚ်အိုတ်ဂှ် ညးစၞးဗော်ကောန်ဂကူမန် ဂွံ (၁၂၃၇၇) မာဲ၊ လၟေၚ်ဒုတိယ ညးစၞးဗော်အေန်အေဝ်ဒဳ ဂွံ (၉၈၂၂) မာဲရ။ မာဲဗော်မန်ၜါဗော်ပံၚ်တုဲ ဇၞးမံၚ်လၟိဟ် (၇၇၇၀) မာဲရ။
အလန်ပေဲါရုဲမာဲ (၂၀၂၀) ဏံလေဝ် လ္ပာ်သွာၚ်ကၠတ်ထဝ်တွဵုရး စၟတ် (၂) ဂှ် ဇၞးလဝ်တုဲတုဲရ။ သွာၚ်ကၠတ်ထဝ် ညးဍုၚ်ကွာန်ကဵု ကၠတ်ထဝ်ကောန်ဂကူလေဝ် အယောၚ်အလာ သွက်ဂွံဇၞးနွံမာန်တုဲ သှေ်ကၠတ်ထဝ်တွဵုရး စၟတ် (၁) ဒကုတ်သၟဝ်ကျာဂှ် ဇြိုၚ်မံၚ်ညိရ။ ဆဂးဂှ် ညးတၠအလံၚ်အမာတ်ကၠတ်ထဝ် ဒးပြိုၚ်ပ္ကာန် နာဲတၠညး ဟီု ‘ၜိုဟ် ၜိုဟ်ရဏောၚ်’ သ္ဂးရ။
