အ္စာဗြဴဗ္တောန်လိက် ဒးတာလျိုၚ်မၚ်ရုၚ်မာဲတံ ကၠတ်မမာဲဂးတုဲ ဥက္ကဌကမ္မယှေန်ပေဲါရုဲမာဲကၟိန်ဍုၚ် ဥုလှတုၚ် ဒုၚ်ဝန်ယျ ဟီုဂှ် ပြးတဴဒၟံၚ်လတူမုက်လိက် Facebook ဂမၠိုၚ်ဂှ် ဒှ်ပရိုၚ်ဗၠေတ်ဗၠေတ်မွဲရောၚ် နူဂကောံ “ဟုတ်တယ် Vs မဟုတ်ဘူး”တံ စၟဳစၟတ်လ္ၚတ်ဂၠိုက်ဂၠာဲလဝ်ဂှ် နူဌာန်ပရိုၚ်မန် (MNA) ဏံ ထပ်ပတိုန်ထ္ၜးဏာရ။
မုဟိုတ်သာ်လဵု ဂွံဒှ်ပရိုၚ်ဟွံဍာံ-ဒှ်ပရိုၚ်ဗၠေတ်ဗၠေတ်မွဲရော ဟီုမ္ဂး ပိုဲလ္ၚတ်ဂၠိုက်ရံၚ်မ္ဂး-
-အ္စာဗြဴဒးတာလျိုၚ်မၚ်ရုၚ်မာဲတံ ကၠတ်မမာဲတုဲ ဥက္ကဌကမ္မယှေန်ပေဲါရုဲမာဲကၟိန်ဍုၚ် ဥုလှတုၚ် ဒုၚ်ဝန်ဟီုဂှ် ပ္ဍဲမုက် လိက်ဌာန်ပရိုၚ်ဂမၠိုၚ် ချူလဝ်ပရိုၚ် ဟွံဆဵုလဝ်ရ။
–ပ္ဍဲမုက်လိက် Facebook ကမ္မယှေန်ပေဲါရုဲမာဲကၟိန်ဍုၚ် ဂွံလဝ် Blue Mark ဂှ်လေဝ် ဒဒှ်ရ ဥုလှတုၚ် ဟီုဓမံက်ဒုၚ် လဝ်ဝန်ဂှ် ဟွံချူလဝ်မွဲသာ်ရ။
-ပ္ဍဲကဵုမုက်လိက် social media ဂမၠိုၚ်တံ ပြးဇးမံၚ် ပရိုၚ်အ္စာဗြဴဗ္တောန်လိက်တံ ကၠတ်မမာဲဂှ် ဒှ်ပရိုၚ်ဗၠေတ်ဗၠေတ် ရောၚ် ပ္ဍဲကဵုမုက်လိက် ကမ္မယှေန်ပေဲါရုဲမာဲကၟိန်ဍုၚ်တံ လလောၚ်ပတိတ်လဝ်ရ။
ဟိုတ်သာ်ဂှ်တုဲ ဒဒှ်ရ ပရိုၚ်အ္စာဗြဴဗ္တောန်လိက် ဒးတာလျိုၚ်မၚ်ရုၚ်မာဲတံ ကၠတ်မမာဲတုဲ ဥက္ကဌပေဲါရုဲမာဲ ဥုလှတုၚ် ဒုၚ် ဝန်ဟီုလဝ် ပရိုၚ်ပြးဇးတဴဒၟံၚ်တံဂှ် ဒှ်ပရိုၚ်ဗၠေတ်ဗၠေတ်မွဲရောၚ် သက်သဳမံက်ဒၟံၚ်ရ။
