ပ္ဍဲကဵုဂိတု မေ စၟတ်တ္ၚဲ ၁၀ နူကဵုဌာန်ပရိုၚ်မဇ္ဇျိမ မဓမံက်လဝ် ပရိုၚ်ပ္တောံမွဲဂှ် အခိၚ်ကာလ ကံၚ်သဳပၞာန်တအ် ဗက်ကၟာတ်ဒၟံၚ်လာၚ်ဇြေန် ဌာန်ပရိုၚ်လ္ၚဵုတအ်ကီု၊ အဃောဂ္စါန်ကၟာတ်ဒၟံၚ် ပရိုၚ် လ္ပာ်ဒစဵုဒစးကံၚ်သဳပၞာန် ဂမၠိုၚ်တအ်ဂှ် ညံၚ်ကောန်ဍုၚ်ကောန်ကွာန်တအ် ဂွံထေၚ်ဗၠေတ်မာန်ဂှ် ဗက်ဗလးဒၟံၚ် Live ပရိုၚ်ပ္တောံလ္ၚဵု တိုက်ရိုက်တအ်ဂှ် ဂွံဆဵုကေတ်ဒၟံၚ်ရ။ နကဵု ဗဳဒဳယိုဝ်တြေံ ဒဒှ်ရကံၚ်သဳပၞာန် တအ် ဗတိုက်သရိုဟ် ဒၟံၚ် ကုရဲထ္ၜးဆန္ဒ တံ ဂှ် တုပ်တဴညံၚ်ရဴက္တဵုဒှ်ဒၟံၚ် ဗီုအခိၚ်လၟုဟ်ကီု ဗလးဒၟံၚ် Live ဖန်ဗဒှ်ဒၟံၚ် ပရိုၚ်ပ္တောံတအ်ဂှ် နူကဵုအကံက်ပ္တောံမွဲတၠ ဗလးလဝ်ရ။

ဗွဲတၟေၚ်မ္ဂး ပ္ဍဲကဵု Live ပရိုၚ်ပ္တောံဂှ် မၞိဟ်ဗၞတ် ၄၀ ပြၚ်ချိုတ်အာနွံဂှ် တုပ်ညံၚ်ရဴ ပ္ဍဲဂိတု မာတ် ၁၄ ဗီုဗီဒဳယိုဝ် က္တဵုဒှ်ဒၟံၚ် ပ္ဍဲရးဒဂုၚ် ပ္ဍဲပွိုၚ်ဍုၚ် လှိုၚ်သာယာကီု၊ ပ္ဍဲကဵုရးအၚ်ဝ ကဵု ရးမကွေကီုတအ်ဂှ် ဖန်ဗဒှ်လဝ် Live ပ္တောံတုဲ ဗက်ဗလးဒၟံၚ်တအ်ဂှ် ဂွံဆဵုကေတ်ရ။

ဗီုဖန်ဗဒှ်လဝ် Live ပ္တောံတအ်ဂှ် မၞိဟ်ဗဵုနွံ ဗၞတ် ၂ လက်ပြၚ်တုဲ ကလေၚ်တြးပ္တိတ်လဝ် ပ္ဍဲ group facebook တအ်ဂှ် နွံဗၞတ် ပိလ္ၚီုပြၚ်ကီု ဂွံတီကေတ်လဝ်ရ။ သၟဝ်ကဵု Live ဝွံ မၞိဟ်လ္ၚဵုတအ်ဂှ် ပရိုၚ်ဏအ်ဂှ် ပရိုၚ်ပ္တောံရောၚ် ချူလဝ်လိက် ပ္ဍဲကဵု comment တုဲ ကလေၚ်ပါ်ပရအ်လဝ် လညာတ်နွံဒၟံၚ်ကီုရ။သ္ပဟိုတ်နူကဵု ပရိုၚ် Live ပ္တောံတအ် ပရးတိတ်အာ ဗွဲမလောဲသွာဂှ်ရ ပရိုၚ်ဇေတ်တ် ပရိုၚ်ဍာံဍာံတအ် ဂွံစိုပ်ဂတမုက် ညးဍုၚ်ကွာန်တအ်ဂှ် လဇုဲလဇအာမာန်ရ။

ဟိုတ်ဒှ်သာ်ဂှ်ရ ပရိုၚ်လ္ၚဵု ဗလးမံၚ် Live ဖန်ဗဒှ်လဝ် ဗီုဏံတအ်ဂှ် ညံၚ်ဟွံကလေၚ်တြးပ္တိတ်ကီု အကံက် ဗလး Live ပ္တောံတအ်ဂှ် ညံၚ်ဂွံပလီုကၠေံထောံကီု၊ မၚ်ဗဵုရံၚ် ပ္ဍဲကဵုဋ္ဌာန်ပရိုၚ်လုပ်သၞောဝ်တအ် ညိဂှ်လေဝ် နွံပၟိက်ဒၟံၚ်ရ။

Reference>>Mizzima – News in Burmese