ဝဏ္ဏမာန်၊ မေ ၁၁၊ ၂၀၂၂
ပ္ဍဲကဵုကောံဓရီုပရေၚ်ဂကူမန် (သၞာံ ၂၀၂၂) ဂှ် သ္ပဏာဒတန် သၞောဝ်ဒက်ပ္တန် ဂကောံပံၚ်ကောံဂကူမန် (Mon Solidarity Association-MSA) ဂှ် သ္ပဏာဒတန် (ယာယဳ) တုဲ သွက်ဂွံဒက်ပ္တန်အာ ဂကောံပံၚ်ကောံဂှ် ပံက်လဝ်ဂ ကောံဆက်စၠောံမွဲဂကောံရ။
ဂကောံဆက်စၠောံ သွက်ဂွံဒက်ပ္တန် ဂကောံပံၚ်ကောံဂကူမန်ဂှ် ညးစၞးဗော်ဍုၚ်မန်တၟိ (၃) တၠ၊ ညးစၞးဗော်ညဳသၟဟ်မန် (၃) တၠ၊ ညးစၞးဗွိုၚ်ဂကောံမဟာဇန်+ဗွိုၚ်ညးဘိက်ထေက် (၅) တၠ ပံၚ် (၁၁) တၠ ပံက်လဝ်နွံရ။
“ဂကောံပံၚ်ကောံဂကူမန်ဏံဂှ် ဟိုတ်နူပ္ၚံက်အကာဲအရာ ပရေၚ်ဍုၚ်ကွာန် ကၠးကၠးမးမး ဟွံတီဏီတုဲတှေ် လ္တူဗော်မွဲ ကဵုဗော်မွဲ လ္တူဂကောံမွဲကဵုမွဲ ဂွံအာမွဲစွံဂှ် ဒှ်မံၚ်ပရေၚ်ဆိုအ်ဗနွံညိတုဲတှေ် သၞောဝ်ဒက်ပ္တန်ဂကောံဂှ်ရ သ္ပဏာဒတန် ဗွဲ ယာယဳကၠာ၊ သွက်ဂွံချပ်ဇန်အာ ပရေၚ်ဂကောံဂွံဒှ်ဂှ်တှေ် ပံက်ဏာလဝ် ဂကောံဆက်စၠောံမွဲ၊ ဆေၚ်ကဵုကိစ္စပရေၚ် အလုံဂကူမန်တှေ် ဂကောံဆက်စၠောံဏံ ချပ်သဳကၠဳအာညးသ္ကံဏောၚ်” သာ်ဝွံ ညးဂွံအခေါၚ်ဟီုဂး နာဲအံၚ်မ္ၚဵု ဟီုထ္ၜးရ။
ပ္ဍဲကဵုဂကောံဆက်စၠောံ သွက်ဂွံဒက်ပ္တန် ဂကောံပံၚ်ကောံဂကူမန်ဂှ် ယၟုညးပါလုပ်ဂှ် ဗွိုၚ်ညးကဵုညး ဒးရုဲစှ်ပလံၚ်စရၚ် တုဲ အခိၚ်လဵု ဒးပလံၚ်ယၟုစရၚ်ဂှ် ဟီုဖျေံလဝ် ဟွံမွဲရ။
ဂကောံပံၚ်ကောံပရေၚ်ဂကူမန်ဝွံ ဆေၚ်စပ်ကဵုပရေၚ်ဂကူမန်အိုတ်သီုမ္ဂး တုဲကၠုၚ်သၞာံ (၂၀၀၇-၂၀၀၈) တေံ ဗော်ပ ရေၚ်ဍုၚ်ကွာန်မန်၊ ဂကောံမန်ဗွိုၚ်ပယျဵု ကေုာံ မန်ဍုၚ်သေံ၊ ဗွိုၚ်မန်ဍုၚ်သၟာၚ်၊ ဗွိုၚ်မန်ပ္ဍဲဍုၚ် (၄) ဗွိုၚ် ပံၚ်ကောံတုဲ ဒက် ပ္တန်ကၠုၚ်လဝ်ရ။
သွက်ဂွံဒက်ပ္တန်အာ ဂကောံပံၚ်ကောံဂကူမန်ဂှ် တုဲကၠုၚ်သၞာံ (၂၀၂၁) ဂိတုမာတ် (၁၈) ဂှ် ဗော်ဍုၚ်မန်တၟိ၊ ဗော်ညဳ သၟဟ်မန်၊ ဗွိုၚ်ဂကောံမဟာဇန် ပိသွာၚ်ဆဵုဂဗသဳကၠဳညးသ္ကံ ပ္ဍဲခရိုၚ်သဓီုတုဲ ပ္ဍဲကဵုဒက်ပ္တန် ဂကောံပံၚ်ကောံဂကူမန်မ္ဂး ညးစၞးဗော်ဍုၚ်မန်တၟိ (၅) တၠ၊ ညးစၞးဗော်ညဳသၟဟ်မန် (၅) တၠ၊ ညးစၞးဗွိုၚ်မဟာဇန်ဂမၠိုၚ် (၉) တၠ၊ ပံၚ် (၁၄) တၠ ဂွံလဝ်တၚ်တုပ်စိုတ်ရ။
