နူတနေံဏံ ဂိတုဂျောန်စၟတ်တ္ၚဲ (၂၂) အခိင်ဗ္တံ ပ္ဍဲကၟိန်ဍုင်သေံ ကွာန်ထံက်ခၞောန်ဂှ် ဗၠာဲသၟိင်သေံဍုင်ကမ္မရဳတအ် ဗက်အာစိုပ်ရပ်ဂွံလဝ် ကောန်ဍုင်ဗၟာရဲညးကၠတ်လုပ်ဍုင်လၟိဟ် (၄၁) တၠ သွက်ဂွံလုပ်အာကၠောန်ကမၠောန် ပ္ဍဲဍုင်မလေဝ်ယှာ ကဵု ဍုင်သေံတေံရောင် ဂွံတီကေတ်ရ။
နူတနေံဏံ ဂိတုဂျောန်စၟတ်တ္ၚဲ (၂၂) အခိင်ဗ္တံ ပ္ဍဲကၟိန်ဍုင်သေံ ကွာန်ထံက်ခၞောန်ဂှ် ဗၠာဲသၟိင်သေံဍုင်ကမ္မရဳတအ် ဗက်အာစိုပ်ရပ်ဂွံလဝ် ကောန်ဍုင်ဗၟာရဲညးကၠတ်လုပ်ဍုင်လၟိဟ် (၄၁) တၠ သွက်ဂွံလုပ်အာကၠောန်ကမၠောန် ပ္ဍဲဍုင်မလေဝ်ယှာ ကဵု ဍုင်သေံတေံရောင် ဂွံတီကေတ်ရ။
ပ္ဍဲကဵုမရပ်ဂွံလဝ်မၞိဟ် (၄၁) ဏံဂှ်ဝွံ မၞိဟ်တြုံ (၃၃) တၠ ကဵု မၞိဟ်ဗြဴ (၈) တၠပါလုပ်မံင်တုဲ အာဗက်စၟဳစၟတ်ရပ်ဂွံ လ္ပါ်ကဵုဂၠံင်ဍာန်ထလုက် အကြာဂြိုပ်ဒဵုကွာန်ဝၚ်္က ကဵု ကွာန်ထံက်ခၞောန်ဂှ်ရောင် ဂးရ။
ကောန်ဍုင်ဗၟာတဏံဂှ်ဝွံ လုပ်ကၠုင်နူကဵုပၞော်ဂၠံင်ဍာန်ဒေသပယျဵုကျာ်ပိတေံတုဲ သွက်ဂွံလုပ်စိုပ်အာစကၠောန်ကမၠောန် ပ္ဍဲဍုင်မလေဝ်ယှာဂှ် (၃၃) တၠ ကဵု လုပ်ဍုင်သေံ (၈) တၠ နွံတုဲ ညးလုပ်ဍုင်မလေဝ်ယှာဂှ် ဒးကဵုကၠုင်လဝ်စရိတ်ဂၠံင်လုပ် ကုညးပၠုပ်မၞိဟ်တံ ညးမွဲတၠမ္ဂးတှ်ေ ဩန်သေံ ၅၅,၀၀၀ ၝာတ် ကဵု ညးလုပ်ဍုင်သေံဂှ် ၁၅၀၀၀ ၝာတ် ဒးကဵုကၠုင်လဝ်နွံရ။
လၟိဟ်မၞိဟ် (၄၁) တၠဏံဂှ်ဝွံ ကၠုင်နူကဵုလ္ပါ်ရးဒေသဇၞော် လ္ဂုင်၊ အင်ဝ၊ မတ်မလီုတေံရောင်တုဲ ဟိုတ်နူကဵုပရေင်ဍုင်ကွာန် အပ္ဍဲကၟိန်ဍုင်ဗၟာဟွံၜိုဟ်သြိုဟ်ဂှ်ရ တိတ်အာကၠောန်စကမၠောန် ပ္ဍဲကဵုဍုင်သ္အာင် ဇရေင်ကြပ်ဍုင်ဇိုင်ဝုတ်ဒိုဟ် သာတုဲဂၠိုင်တိုန်မံင်အရိုဟ်ဒဒှ်တ္ၚဲနွံရောင် ဂွံတီကေတ်ရ။
ဒှ်သာ်ဂှ်ရ ကောန်ဍုင်ဗၟာတဏံဂှ် ဟိုတ်နူကၠတ်လုပ်ကၠုင် နကဵုဂၠံင်ဟွံလုပ်သၞောဝ်သာ်ဏံဂှ်ရ နူကဵုဗၠာဲသၟိင်သေံဍုင်ကမ္မရဳတအ် စၟဳစၟတ်တၞးလိက်သက်သဳတုဲ သီုကဵုကၠောန်သ္ပ ပရေင်စၟဳစၟတ်စၟယဲကီုရောင် ဂွံတီကေတ်ရ။
ပ္ဍဲကဵုဂိတုဂျောန်ဏံမံက်တုဲဂှ် နူကဵုဗၠာဲသၟိင်သေံဍုင်ကမ္မရဳ၊ ဗၠာဲသၟိင်သေံသၚ်္ခဠၜူရဳ (ကွာန်ဝၚ်္က) ကဵု ဒပ်ပၞာန်သေံ (တၞံပကုက်) မင်ဒေသပယျဵုတအ် ဟိုတ်မပတေင်လဝ် ပရေင်ဂီုကၠီုနွံဂှ်ရ စၟဳစၟတ်ရပ်ဂွံမံင်ကောန်ဍုင်မန်ဗၟာ ရဲညးကၠတ်လုပ်ဍုင်သေံတံ အဆက်က်နွံကၠုင်တုဲ လၟုဟ်ဏံမ္ဂး ရပ်ဂွံလဝ်မၞိဟ် လၟိဟ်ဗ္ဒါဲ (၂၀၀) တၠနွံကၠုင်ယျရောင် ဂွံတီကေတ်ရ။
