ဂိတုမေ ၁၆ ဂှ် အလဵုအသဳ တွဵုရးဍုၚ်မန် ကေုာံဗော်ဍုၚ်မန်တၟိ NMSP ဆဵုဂဗသဳကၠဳညးသ္ကံတုဲ နကဵုဗော်ဍုၚ်မန်တၟိ NMSP ညံၚ်ဂွံဒှ်ထ္ပက်စၟတ်တဲပြဟ်ဟ် ကုလိက်ကသုက်တုပ်စိုတ်ဒေံါပန်ပှော်အလုံမွဲဍုၚ် NCA ဂှ် နူအလဵုအသဳ တွဵုရးဍုၚ်မန် ဟီုဖ္တိုက်ဖၟောဝ်လဝ် ဗော်ဍုၚ်မန်တၟိရောၚ် အ္စာသဝ်နာဲဟံၚ်ဍုၚ် ဝန်ဇၞော်ထိၚ်ဒဝ်သယံဇာတ ကေုာံပွဳပွူသဘာဝ ဟီုရ။
Category: ပရိုၚ်
ပ္ဍဲတွဵုရးမန် နွံ ၁၀ ပွိုၚ်ဍုၚ်ဂှ် ပွိုၚ်ဍုၚ်ရေဝ်မွဲရ ဟွံဂွံပၟတ်အလဵုအသဳဏီတုဲ ပပ္တံနူတ္ၚဲဏံ အပ္ဍဲပွိုၚ် ၁၈ ဂိတု အလုံပွိုၚ်ဍုၚ်ရေဝ် ဒးက္လိဂွံပၟတ် (ပၟတ်ဒးတၟး) ရောၚ် ရဴဝွံ ပ္ဍဲဂိတုမေ ၁၂ မံက် သ္ကိုပ်ဝန်ဇၞော်တွဵုရးမန် ဒံက်တာအေဇြာန် သ္ပပေါဲဆဵုဗဂ ကုမှာဇန်ကောန်ဍုၚ်ရေဝ် ပ္ဍဲဇြပ်သ္ဘၚ်ဓရ်ကျာ်စေတဳဒေါဝ်ဍုၚ်တုဲ ဟီုပ္တိတ်ဏာဂလာန်သာ်ဂှ်ရ။
ဗော်ဍုၚ်မန်တၟိဝွံ ပ္ဍဲကဵုဂကောံပ္ညဳပ္ညပ်ဒက်ပ္တန်ဓဝ်ညဳသာ ဗော်ပရေၚ်ဍုၚ်ကွာန်ဂကူမန်ဂှ် ဒေံါထောံဣယျရောၚ် ဂွံတီကေတ် အတိုၚ်တၚ်သ္ဂုတ်သွာတ် ကောံဓရီု ကမ္မတဳဗဟဵု ဗော်ဍုၚ်မန်တၟိရ။
ဌာနဗဟဵုပရေၚ်ဖေါအ်ဗြေဝ် ကမၠောန်ပိုန်ဂြပ်အဇာဍောတ် အဇာဒေါဝ် နွံသၟဝ်ဌာနဝန်ဇၞော်ကွတ်စက်ဂှ် စပံက်ကၠုၚ်လဝ် နူဂိတုအေဗရဴ (၄) သၞာံ ၂၀၁၂ တေံတုဲ ဌာနပရေၚ်ဖေါအ်ဗြေဝ် ကမၠောန်ပိုန်ဂြပ် အဇာဍောတ် အဇာဒေါဝ် ပ္ဍဲရးဒေသဇၞော် ကေုာံတွဵုရးတံဂှ် စပံက်ကၠုၚ်လဝ် နူဂိတုမေ သၞာံ ၂၀၁၄ တေံရ။
ဗွိုၚ်ယေန်သၞာၚ်ဒေသ ကျာ်ဣသိယဵု တွဵုရးဍုၚ်မန်ဂှ် အပ္ဍဲပွိုၚ် ၆ ဂိတုတုဲကၠုၚ်ဏံ က္လိဂွံသြန် ၚုဟ်လုပ် နူကဵုကၟုဲဍုၚ်သၟာၚ် နွံဗ္ဒာဲ ၅၀၀၀ ကိုဋ်ဒကေဝ်ရောၚ် ဂွံတီကေတ် နူဂကောံဂေါပကကျာ်ဣသိယဵုရ။
ပ္ဍဲဒပ်ပံၚ်ကောံ UNFC နွံကဵုဂကောံရပ်လွဟ်ကောန်ဍုၚ်အရၚ် ရ ဂကောံ ဟွံဂွံထ္ပက်စၟတ်တဲ NCA ဏီဂှ် ဂကောံကချေၚ် KIO/KIA ပ္တိုန်လဝ်လိက် သွက်ဂွံနုက်တိတ် နူ UNFC ဣရဂှ် ဂွံတီကေတ်ရ။
ဒဒန်သိုၚ်ကၠောန်လဝ် နကဵုယၟု သြၚ်လောန် (တ္ကံခၟိုၚ်) ဂှ် ပ္ဍဲပယျဵုယး အေဗရဴ ၂၇ ဂှ် ပြံၚ်လှာဲပ္တိုန်စုတ်ယၟုမ္ဂး ဒဒန်သ္ကိုပ်ပၞာန်အံၚ်သာန် (တ္ကံခၟိုၚ်) တုဲ ပ္ဍဲအခိၚ်နူဂယး ၉ နာဍဳကဵု ၄၅ မိဏေတ်ဂှ် စကၠောံအာကၠုၚ်ဒၟံၚ်ဣရ ဂွံတီကေတ်။
ဒဒန်သြၚ်လောန် (တ္ကံခၟိုၚ်) မစၠောံဆက်လဝ် မတ်မလီုကဵုတ္ကံခၟိုၚ်ဂှ်ဝွံ တ္ၚဲဏံဖါနူဂယးပြဟ် ပ္တိုန်စုတ်ထောံယၟုမ္ဂး “ဒဒန်သ္ကိုပ်ပၞာန်အံၚ်သာန် (တ္ကံခၟိုၚ်)” တုဲဒှ်အာဣရ ဂွံတီကေတ်။
ဒုၚ်သဇိုၚ်ကဵု ဂကောံရပ်လွဟ်ကောန်ဍုၚ်အရၚ် (၇) ဂကောံတံ ပံၚ်ကောံဒက်ပ္တန်လဝ် “ကမ္မတဳသဳကၠဳ ပ္ညဳပ္ညပ် ပရေၚ်ဍုၚ်ကွာန်အဆံၚ်ကၟိန်ဍုၚ်”ဂှ်တုဲ ဂၠာဲအာသွဟ်ပရေၚ်ၜိုဟ်လလံ နူမ္ၚးဂၠံၚ် NCA ရောၚ် သ္ကိုပ်ဗိုလ်တာအိုက်ကျဝ် ညးတာလျိုၚ် ကဏ္ဍ လလောၚ်ပရိုၚ် နူဒပ်ပၞာန်ဗၠးၜးကောန်ဂကူတအၚ် (ပလံၚ်) PSLF/TNLA ဟီုလဴကဵုဌာန်ပရိုၚ်မန် ပ္ဍဲတ္ၚဲအေဗရဴ ၂၀ ရ။
စပ်ကဵုကိစ္စဒဒန်ၜိသြၚ်လောန် မတ်မလီု-တ္ကံခၟိုၚ် မပြံၚ်စုတ်ယၟု “ဒဒန်သ္ကိုပ်ပၞာန်အံၚ်သာန်” ဂှ်တုဲ စၟတ်တဲ ဟွံထံက်ဂလာန် နူကဵုညးဍုၚ်ကွာန် ဗၞတ်ၜိုတ် ၂ ကိုဋ်ဘာ်က္လိဂွံမာန်ရောၚ် ရန်လဝ်သာ်ဂှ် ဂွံတီကေတ်ရ။