ဌာန်ပရိုၚ်ဗၠးၜးမန် – ဂိတုအဝ်ဂါတ် ၂၉ လောန်ကၠုၚ်ဏံဂှ် ရဲရပ်လွဟ်၂ တၠ ဒဳကၠုၚ်ကွဳလိုန်ဓါတ်တုဲ နကဵုလွဟ်ပန်စုတ်ဏာ ရုၚ်ဗၠာဲသၟိၚ်ဍုၚ်ဇြပ်ကီုလေဝ် လီုလာ်အာဟွံမွဲရ သာ်ဝွံ ဗၠာဲသၟိၚ်ဍုၚ်ဇြပ်ဗုမွဲတၠ ဟီုလဴရ။
“ဒၞာဲလဒေါဝ်ဍုၚ် ဂတမုက်ရုၚ်ဗၠာဲသၟိၚ် နူကဵုဂၠံၚ်မွဲလပါ် ဂှ် ပန်နၚ်ကဵုအမၠံက်တဲမွဲဂကူရ၊ မကမ်ဂှ် လုပ်အာအပ္ဍဲရုၚ်ကီုလေဝ် ဟွံဗတိုဟ်အာပုဟ်၊ ကၟာၚ်ဒပ်ဂှ်သရိုဟ်အာညိညကီုရ” သာ်ဝွံ ဗၠာဲသၟိၚ်ဂှ် ဟီုလဴကဵု်ရ။
ဂကူလွဟ်ပန်လဝ်ဂှ် M-40 ရောၚ် နူကဵုရုၚ်ဗၠာဲသၟီတံဟီုရ၊ ပ္ဍဲအခိၚ်နူဂယး ၜိုတ်ကြပ်တက်အခိၚ် ၁၁ နာဍဳဂှ် ပန်ဏာလဝ် ရုၚ်ဗၠာဲသၟိၚ်ဏံရ။
အတိုၚ်ညးမစီုသကီု ပရေၚ်လွဟ်တံဟီုမ္ဂး M-40 ဂှ် မကမ်ဗုမ်အလဵုအသဳတံမွဲဂကူဒှ်တုဲ လုပ်ပန်ဒၞာဲသာ်တံဏံမ္ဂး သုၚ်စောဲဂကူလွဟ် အမၠံက်တဲ M-79 ဒှ်မာန်ရောၚ်ဂးရ။
“သွက်ဂွံထပ်ပန်မွဲအလန်ပၠန်ဂှ် လွဟ်ဂှ်ဟွံကၠောန်ကမၠောန်ရ၊ အေဂှ် ရဲဍေံမွဲပၠန်ဂှ် ထပ်ပန်လွဟ်အေကေ ၜါပိမပၠန်တုဲ မွဲအလန်ဓဝ်ဍိုက်အာကွဳလိုန်ဓါတ် တိတ်အာလ္ပာ်ဂၠံၚ်အာဍုၚ်ရေဝ်တေံရ” သာ်ဝွံ နူဒၞာဲဂိက်သၞေဟ်ကွဳစက်ကွာန်ပ္ၚ မၞိဟ်ဂွံဆဵုလဝ်ကြပ်ပ်မွဲတၠ ဟီုလဴထ္ၜးကဵုရ။
အဃောပန်ဒၟံၚ်လွဟ်ဂှ် ရဲအာတရဴဍိုက်ကွဳစက်ကွာန်ပ္ၚတံ နွံကြပ်ဒၟံၚ်တုဲ ဗီုညးကဵုညး ဂြိပ်ဒဴအာအိုတ်ရ သာ်ဝွံ တၠကွဳစက်ကွာန်ပ္ၚမွဲတၠ ဟီုရ။
ပူဂဵုလဵု၊ ဂကောံလဵု ညံၚ်ဂွံတီကေတ်ချိုတ်တ်ပၠိုတ်ဂှ် ဆက်က်တုဲ ဗက်လ္ၚတ်စၟဳစၟတ်ဒၟံၚ်ဖိုဟ်ရောၚ် သာ်ဝွံညးတာလျိုၚ် ဗၠာဲသၟိၚ်ဍုၚ်ဇြပ်ဗုမွဲ ဟီုလဴရ။