Categories
ပရိုၚ်

ပ္ဍဲကဵုဒေသပယျဵု ဗော်ဍုၚ်မန်တၟိရပ်ဂွံဂဥုဲချေံ ၅၀ မ

ဂျူရဳဆာဲ
သၟဝ်တဲတိဍာ်ဗော်ဍုၚ်မန်တၟိအုပ်ဓုပ်လဝ် ပ္ဍဲဒေသပယျဵုပွိုၚ်ဍုၚ်ကျာ်ပိ ကရပ်ကွာန်ပလိုၚ်ဂျပါန်ဂှ် ညးတာလျိုၚ်ဗော်တံ ရပ်ဂွံဂဥုဲချေံ ၅၀ မရ သာ်ဝွံ ညးတာလျိုၚ်ဗော်မွဲတၠဟီုရ။

မၞိဟ်မိက်ဂွံရာန်ဂဥုဲချေံဂှ် အဃောလဴထ္ၜးမံၚ်ကဵုညးတာလျိုၚ်ဗော်
မၞိဟ်မိက်ဂွံရာန်ဂဥုဲချေံဂှ် အဃောလဴထ္ၜးမံၚ်ကဵုညးတာလျိုၚ်ဗော်

စပ်ကဵုဂဥုဲချေံဏံတုဲ ပ္ဍဲဂိတုသေပ်တေန်ပါ ၂၇ အခိၚ်တ္ၚဲစေၚ်ဂှ်ရပ်ဂွံလဝ် မၞိဟ် ၃ တၠဂွံတီလဝ်ရ။

“အဟိန်ဍေံပလံၚ်ဂဥုဲချေံကဵုရဲရာန်တံဏံဂှ် ပိုဲရပ်ဂွံအကြာဂၠံၚ်ရ” ဂှ် သာ်ဝွံညးတာလျိုၚ်ဗော်ဟီုရ။

မၞိဟ်ကေတ်နၚ်ဂဥုဲချေံဏအ်ဂှ် ဟီုလေပ်ဒၟံၚ်အရေဝ် မန်၊ ဗၟာ၊ ကရေၚ်၊ သေံ ၄ ဘာသာ ဒှ်ဂကူဗၟာမွဲတုဲ ဖျေံလဝ်သဇိုၚ်ပ္ဍဲကဵုဍုၚ်ကျာ်ပိရ သာ်ဝွံဂွံတီကီုလေဝ် ဆက်တုဲသွက်ဂွံထမံက်ပတိတ်အာ မၞိဟ်ဆေၚ်စပ်သွံရာန်ဂဥုဲချေံတံနွံဒၟံၚ်ဏီတုဲ ယၟုညးတအ်ဂှ် နူကဵုဗော်ဍုၚ်မန်တၟိတအ် ဟွံမိက်ကဵုထမံက်ပတိတ်ဏီရ။

ပ္ဍဲကဵုဒေသပယျဵုကျာ်ပိဝွံ မဂဥုဲချေံမွဲမမ္ဂး ၚုဟ်မးနွံမံၚ် ၁၁၀ ၜါတ်ရောၚ်ဂှ် ဂွံတီရ။
လောန်ကၠုၚ် ဂိတုဂျာန်နဝါရဳ ၁၂ ဂှ်လေဝ် ကရပ်ကွာန်ပလိုၚ်ဂျပါန် ပ္ဍဲကွာန်ဂူၜဴဂှ် မဂဥုဲချေံ ၜိုတ် ၂၀၀ မကဵု သြန်ၜါတ်ဆက်စပ်ကဵုပရေၚ်သွံရာန်ဂဥုဲချေံ ၜိုတ်၂ ဠက်ဘာ်ပြၚ် ရပ်ဂွံလဝ်ကီုရောၚ် ညးတာလျိုၚ်ဗော်ဍုၚ်မန်တၟိတံ ဟီုရ။

တုပ်ကဵုပရေၚ်ဏံကီု သၞာံ ၂၀၁၀ ဂိတုနဝ်ဝေန်ဗါတေံဂှ်လေဝ် အကြာဍုၚ်ကျာ်ပိကဵု-သၚ်ခလပူရဳ ပ္ဍဲကဵုသၞေဟ်ကၚ်တၞံပကုက်ဂှ် နူကဵုလကျာ်မန်မွဲဇကု ညးတာလျိုၚ်သေံတံ ရပ်ဂွံဂဥုဲချေံ (၅၉၂၆) မ ကီုရ။

အကြာဒေသပယျဵုသေံကဵုဗၟာ ပ္ဍဲဍုၚ်ကျာ်ပိကဵု ဍုၚ်သၚ်ခလပူရဳကီု၊ ဒၞာဲကဵုသၞေဟ်ကၚ်တတ်ကၠောံပယျဵုတံကီုဂှ် ရပ်ဂွံဒၟံၚ်ဂဥုဲချေံအလန်ဆက်ဒၟံၚ်တုဲ စနူဂိတုသေပ်တေန်ပါ မံက်ဏအ်ဂှ် အလဵုအသဳသေံတံ သၠုၚ်လဝ်ဇြဟတ်ပရေၚ်စၟဳစၟတ်ရဂှ် ရဲတတ်ကၠောံမံၚ်ပယျဵုတအ် ဟီုဂးဒၟံၚ်အိုတ်ရ။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.