တၠဂုဏ်အဇ္ဇ (ကော်) ဇြဝ်လာတ် ဟီုဂလာန်ပ္ဍဲကောံဓရီုဇၞော်ပရေၚ်ဂကူမန် သၞာံ (၂၀၁၂)

by ဌာန်ပရိုၚ်ဗၠးၜးမန် | Jan 23, 2012 | လညာတ်ပါ်ပါဲ | 0 comments

ဗီု တၠဂုဏ်အ္စာအဇ္ဇ (ကော်) ဇြဝ်လာတ်

ကဵုဂွံဍိုက်ပေၚ်ကဵုမ္ၚဵုသီုညးဖအိုတ်ညိ ကောန်ဂကူမန်ပိုဲတအ်။ တၠဂုဏ်ဂှ် ဟိုတ်နူဒစဵုဒစးသၞောဝ်အုပ်ဓုပ်ဍုၚ် (၂၀၀၈) ပေဲါရုဲမာဲ (၂၀၁၀)တုဲ ဒးကၠုၚ်ထံၚ်ရ။ စိုပ်ထံၚ်တုဲမှ ဂွံတီကေတ် ဒဒှ်ရကောန်ဂကူမန်ပိုဲ အပ္ဍဲဍုၚ်ပိုဲကီု၊ ဒၟံၚ်ဍုၚ်သၟာၚ်ကီု၊ ဂကောံနာနာကီု နကဵုပူဂဵုကီု ခမဳသၚ်ကီု ဂကောံသၟတ်တအ်ကီု ကဵုကၠုၚ်ရီုဗၚ်ထံက်ပၚ်ဂှ် လ္တူတၠဂုဏ်ဂှ် မိပ်စိုတ်တၚ်ဂုဏ်ဗွဲမလောန်ရ။

အဃောနွံပ္ဍဲထံၚ်တေံဂှ် ဂွံမိၚ်ကေတ် ကောန်ဂကူပိုဲဟွံဝိုတ်စ ဟွံထောံတၠဂုဏ်ပုဟ်ဂှ် ဂွံတီကေတ်တုဲ မိပ်စိုတ်ဝိုတ်ကၠေံဟွံမာန်ပုဟ်။ ပဳတိဏံဂှ် ရှ်သာနွံ (စခိုဟ်)ကွေံကွေံရ။ သွက်တၠဂုဏ်ဂှ် စအာပဳတိဏံ မွဲအာယုက်ရ။ အခိၚ်တၠဂုဏ် နွံပ္ဍဲထံၚ်တေံဂှ်တှေ် တၠဂုဏ် ဒုၚ်ဂိုၚ်ကေတ်လဝ် နကဵုစိုတ်ဓါတ်မွဲဂှ် လ္တူကောန်ဂကူ လ္တူဂကောံ လ္တူသ္ကအ်ရဲ မၚ်မွဲအာသစ္စမာန်မံၚ်လၟိုန်ရ။

ဂလာန်စိုတ်ဓါတ်တၠဂုဏ် ဂွံမံၚ်ပ္ဍဲထံၚ်မာန် လ္တူအလဵုအသဳတအ် ဖျေံလဝ်ထံၚ်ဂှ် ဆအယာံမာတ်ကာယတၠဂုဏ်ဟေၚ်ရ ဍေံဖျေံထံၚ်ဂွံ။ စိုတ်ဓါတ်တၠဂုဏ်ဂှ် ဆလအ်မှ ဍေံဖျေံထံၚ်ဟွံဂွံပုဟ်။ အခိၚ်တၠဂုဏ်နွံပ္ဍဲထံၚ်ဂှ် စပ်ကဵုပရေၚ်ကောန်ဂကူ ကၠောန်ဂွံမံၚ်ဏောၚ်ဂှ် မိက်ဂွံလဴထ္ၜးကဵုညိ။

ပ္ဍဲထံၚ်ဖာသီတေံဂှ် နူဂယး ၆ နာဍဳ မွဲအခိၚ် သဝ်တ္ၚဲ ၆ နာဍဳ မွဲအခိၚ် မွဲတ္ၚဲ (၂) အခိၚ်ဂှ် တၠဂုဏ်ဒယှေ်ဒၟံၚ် ရှေ်သှေ်ဒၟံၚ် ဒွက်ကောန်ဂကူလၟိုန်ရ။ ဒယှေ်ကညာၚ်ဒၟံၚ်မွဲကအ်ရ။ ၜိုန်ရနွံဒၟံၚ်ညးမွဲကီုလေဝ် စိုတ်ဓါတ်နွံမံၚ်ဏောၚ်တှေ် စၟတ်သမ္တီတ္ၚဲကောန်ဂကူပိုဲ ကၠောန်ဂွံရ တိသုန္ဓရဳဂှ် သ္ပသဘၚ်ကၞာရ။ ၜိုန်ရသဘၚ်ကၞာဟွံမွဲ အလာံဟွံမွဲကီုလေဝ် ရှေ်သှေ်တ္ၚဲကောန်ဂကူဂွံမံၚ်ဏောၚ်ဂှ် မိက်ဂွံလဴကီုရ။

အခိၚ်တၠဂုဏ် ဒးထံၚ် ပ္ဍဲအၚ်စိၚ်ကီု ဖါသီကီုဂှ် ဂွံဆဵုဂဗကဵု သၟာပရေၚ်ဍုၚ်ကွာန်တအ် တၟာဟလိုၚ်ရ၊ အခိၚ်ဂှ် စပ်ကဵုမူဍုၚ်ဗၟာဏံတုဲ ဂွံမိၚ်ကေတ်ရမျှာၚ်တုပ်ဂှ်တှေ် ကောန်ဍုၚ်အရေၚ်တအ် မၚ်စၟဳမံၚ် ကၟိန်ဍုၚ်ဖေဝ်ဒရေဝ်ကီုရ။ သၟာပရေၚ်ဍုၚ်ကွာန်ဗၟာတအ်ဂှ်တှေ် ဍေံတအ်ဟွံဒးစိုတ်ပုဟ်။

ပ္ဍဲကဵုဂိတု ဂျာန္နဝါရဳ ၁၃-၂၀၁၂ ဂွံဆဵုကေတ်မုက်မတ် မိမအ္စာတအ်ဂှ်ကီု၊ ပ္ဍဲတ္ၚဲဏံဂွံဆဵုကေတ် မုက်မတ်ကောန်ဂကူမန်ပိုဲ ပ္ဍဲကောံဓရီုဇၞော်ဏံတုဲ တၠဂုဏ်မိပ်စိုတ်ဗွဲမလောန်ရ။ နူကဵုဂကောံ MAU ဏံ ဘိက်တၠဂုဏ် ကဵုကၠုၚ်စိုပ်ဂှ်လေဝ် မိပ်စိုတ်ဗွဲမလောန်ရ။ နူကဵုညးစၞးတအ် ပ္တိုန်ထ္ၜး သ္ပစၟတ်သမ္တီကဵု တၠဂုဏ်ဂှ်လေဝ် မိပ်စိုတ်တၚ်ဂုဏ်ဗွဲမလောန်ရ။ ဟိုတ်နူကၠောန်ပရေၚ်ဍုၚ်ကွာန်တုဲ တၠဂုဏ်ဒးကၠုၚ်ထံၚ်။ စိုပ်မ္ၚးထံၚ်လေဝ် ဆက်တုဲကၠောန်အာပရေၚ်ဍုၚ်ကွာန်ဏောၚ်ဂှ် မိက်ဂွံကဵုဏာဂလာန်ဂတိပါၚ်ရ။ ပရေၚ်ပၠန်ဂတးပိုဲဂှ် ဟွံတုဲဏီပုဟ်၊ ဟွံစိုပ်တိုၚ်ပ္ကဴပိုဲဏီပုဟ် ကံကုသဵုဂကူမန် မန်ဂွံဖန်ကေတ်မာန် ညးညးအဲအဲ ကသေံကၟဝ် ဆဝ်မ္ၚုဟ်ညးသ္ကအ်တုဲ ကၠောန်အာညိဂှ် ဆဝ်မ္ၚုဟ်ဏာ အုပ်ကၠေံနိဂီုရအဴ။

← ကောံဓရီုဇၞော်ပရေၚ်ဂကူမန် အလန်ဆဌမတုဲဒှ်အာ သွက်ကဆံၚ်ဂွံတုပ်သၟဟ် KIO သဳကၠဳကုအလဵုအသဳ →

Written by

ဝိရောဓိ ကောံဓရီု ပရေင်ဂကူမန် ကေုာံ လညာတ်ပံက်တြင်

by ဌာန်ပရိုၚ်ဗၠးၜးမန် | Apr 3, 2025 | လညာတ်ပါ်ပါဲ

စပ္တံနူ အခိင်ဂယးပြဟ် ညးမကျိုင်လဝ် ကယျိုင် ဗုဍာဲတအ် ရံင်ဆာဲမံင် အိုတ်ရ။ အဝယ်ဇၞော်ဗျု၊ ဍောတ်သွတ်၊ တြုံဗြဴ စုင်လေင် ဗီုညးကဵုညး ဇက်ဂၠောဲအာမံင် ဇရေင် ကောန်ဓရီု ပရေင်ဂကူရ။ အသိင် ပသာန်ကရာန် ကတဴ ဥတု ကညာင် ဂှ်လဝ် ကတဴ ကတာန်မံင် ဗွဲမသ္ကာတ်မြဟ်ရ။ မွဲကရောံ ဂိမာန် ကညင်ဏအ်ကတဴ သွက်တရဴ ပရေင် ချဳဓရာင် ဂကူမန်ဂှ် သင်တအ်ကီု၊ က္ဍိုပ်သ္ကိုပ် ဂကူတအ်ကီု၊ ပူဂဵု ဆာန်ဂကူတအ် မွဲကရောံ မွဲစွံ ဇက်ဂၠောဲအာမံင် ကောံဓရီုဂှ်လေဝ် ရံင်ဆာဲ ကွေံရ။ ညးစၞး၊ ညးလ္ၚတ် ကေုာံ ညးမဘိုင်ရေင်တၠုင် ကၠောန်ၜိုတ်မံင် ဂမၠိုင်တအ် ဂြုဂြုဂြီဂြီ ဇက်ဂၠောဲ အာမံင်ဂှ် ဒှ်တဴပီတိ ဗွဲမလောန်ရ။

လအ်အာဂြက်အာ ပၞာန်မိစ္ဆာ

by ဌာန်ပရိုၚ်ဗၠးၜးမန် | Feb 18, 2025 | လညာတ်ပါ်ပါဲ

ဥပဒေယိုက်ဝန်ပၞာန်ဍုင်ဗၟာ မစၞောန်ပျးကၠုင်လဝ် နူကဵုခေတ်(နအဖ)တေံ သ္ပပ္တံနူ ဂိတုဨဗရေယ် သၞာံ ၂၀၂၄ ဂှ် သကိုပ်ပၞာန် မေန်အံင်လှာင်တံ ပၠောပ်လမျီုတုဲ စထမံက်ကၠုင်ရုပ်ရဴရ။ ဟိုတ်နူပၠန်ဂတး ညးဍုၚ်ကွာန် မံက်ကၠုင်ဂၠိုင်တုဲ ဒြဟတ်ဒပ်ပၞာန် မေန်အံင်လှာင်တံ ချိုတ်၊ ဖျေံလွဟ်၊ ဒဴတိတ်နူပၞာန် ဂၠိုင်ကၠုင်ဂှ်ရ ဒြဟတ်ဒပ်ပၞာန်ဍုင်ဗၟာ အောန်ကြဳစှ်ေကၠုင်ရ။

0 Comments

Submit a Comment Cancel reply

This site uses Akismet to reduce spam. Learn how your comment data is processed.