အပ္ဍဲပွိုၚ်ဍုၚ်ဇြပ်ဗုကပေါတ်သတ္တုမွဲဂကူ ဒတုံစှေ်ကၠုၚ် နူအာကာသ

by | Nov 27, 2012 | ပရိုၚ် | 0 comments

မာံသုတ – ကပေါတ်သကုတ်ဒါန် (သတ္တု) ဟွံတီယၟုမွဲဂကူ သီုရမျာၚ်ဖံက်ဗတိုဟ် ညံၚ်ရမျာၚ်ပ္ကဴပၟတ် ဗွဲတၟေၚ်တၟဟ် ဒတုံစှေ်ကၠုၚ် နူအာကာသ ပ္ဍဲဂိတုနဝ်ဝေမ်ပါ ၂၂ အခိၚ်နူဂယး ပ္ဍဲပွိုၚ်ဍုၚ်ဇြပ်ဗုရောၚ်ဂှ် ဂွံတီကေတ် နူညးဒေသတံရ။

ကပေါတ်တံဂှ် အခိၚ်နူဂယး ၜိုတ် ၆ နာဍဳဂှ် နူအာကာသ ဒတုံစှေ်ကၠုၚ် သီုရမျာၚ်ဖံက်ဗတိုဟ်တုဲ အပ်ပြာပ်ဏာကဵု ဂကောံဂီုကၠီုပၞာန် (စရဖ) ပွိုၚ်ဍုၚ်ဇြပ်ဗုရောၚ် ဂွံတီကေတ်ရ။

ကပေါတ်မဒါန်ခ္ဍမ်ခ္ဍမ် ဒတုံနူအာကာသ(Facebook-ဇြပ်ဗု)

“ညးဆဵုလဝ်နမတ် နာဲပါန် ကၠုၚ်ဟီုကဵုအဲဂှ် ရမျာၚ်ဂဂဵုဓရိၚ်ညံၚ်ညံၚ်၊ ရမျာၚ်ဖံက်ခတိုဟ်ပ္ကဴပၟတ်ညံၚ်ညံၚ် မိၚ်တုဲ ကဝေက်ကပေါတ်တံဂှ် ဒတုံစှေ်ကၠုၚ်။ အဲဂှ် ပလံၚ်ဏာပရိုၚ်ကဵု ဂကောံဂီုကၠီုပွိုၚ်ဍုၚ်။ စၟဳစၟတ်ရံၚ်ဂှ် တုပ်မံၚ်ပသဲသောၚ်ညံၚ်ညံၚ်ရ” သာ်ဝွံ ၝောံမၞိဟ်အုပ်ဓုပ်ကွာန်ပ္ၚ နာဲဝေန်ချဵု ဟီုရ။

ပ္ဍဲလိက်ပရိုၚ် မပ္တိတ်နူတနေံတေံဂှ် ကပေါတ်မကလိဂွံ နူကွာန်ပ္ၚဝွံ မၞုံဇမၠိၚ် ၂.၈ ပေ၊ ဗွိုက် ၈ ၝောံတဲတုဲ မၞုံလျိုၚ် ၜိုတ် ၄ ပံၚ်ရောၚ် ဓမံက်ထ္ၜးလဝ်ရ။

ပ္ဍဲကွာန်အၚ်ခေဝ် မၞုံဇမ္ၚောဲ နူကွာန်ပ္ၚ လပါ်သၠုၚ်ကျာ ၜိုတ် ၄ တိုၚ်တေံဂှ်လေဝ် ကောန်ကွာ်လ္ၚဵုတံ ဂွံမိၚ်ကေတ်ရမျာၚ်ညံၚ်ဂဂဵုဓရိၚ်၊ ညံၚ်ရမျာၚ်ဖံက်ခတိုဟ်ပ္ကဴပၟတ်ကီုတုဲ မုရဴကပေါတ်မွဲလေဝ် ဂၠာဲဟွံဆဵုဏီရ။

တုပ်တဴသာ်ဂှ်ကီု ဇရေၚ်ကွာန်ဝါကလဳ မၞုံလပါ်ဗၟံက်ကွာန်ပ္ၚ ၜိုတ် ၅ တိုၚ်ဂှ်လေဝ် ဟံၚ်ဂွံကပေါတ်မဒါန်ခ္ဍမ်ခ္ဍမ် အရံၚ်သာ်ယက် မၞုံဗွိုက် ၄၃ ၝောံတဲ၊ ဇုက်ပၞောန်လဒေါဝ် ၄၇ ၝောံတဲ ပ္ဍဲကြုၚ်ဇရေၚ်ကွာန်ဂှ်ရောၚ်ဂှ် ဓမံက်ထ္ၜးလဝ် ပ္ဍဲလိက်ပရိုၚ်အလဵုအသဳပၠန်ရ။

စၟတ်တ္ၚဲ ၂၅ ဂှ်ပၠန် ပ္ဍဲကွာန်သခါန်ဂျဳ ဒၞာဲကၠအ်နာဲအံၚ်သာန်ဂှ်လေဝ် ထပ်ကပှ်ဂွံကပေါတ်မဒါန်ခ္ဍမ်ခ္ဍမ်ဂှ် ပအပ်ကဵုလဝ် ညးတာလျိုၚ်ဂီုကၠီုဍုၚ်ဇြပ်ဗုတံဂှ် လိခ်ပရိုၚ်အလဵုအသဳဗၟာ ချူထမံက်လဝ်နွံရ။

“လပါ်ဒိုဟ်အဂၞဲ ဍုၚ်ဇြပ်ဗု ပ္ဍဲကြုၚ်ခေါန်၊ ဖာဗြတံဂှ်လေဝ် ဂွံမိၚ်မံၚ်ရမျာၚ် ဗီုဏံကီုဏောၚ် ပိုဲမိၚ်ပရိုၚ်၊ ကၠာအိုတ်ဂှ် ပိုဲတံထေၚ် က္ၜၚ်ကျာခတိုဟ် ပ္ဍဲအကးဏောၚ်။ အုပ်ဓုပ်ကွာန် မဆေၚ်စပ်တံ နူတနေံဏံ အတိုၚ်မွဲတ္ၚဲ ဗက်ဂၠာဲသၟာန်သၟုက်မံၚ်။ မုဟိုတ်ရောဂှ် ဟွံတီဟိုတ်ဖဵုဍေံ ဒဵုကဵုလၟုဟ်ဏီပုဟ်” သာ်ဝွံ တခဳမွဲတၠ နူရုၚ်အုပ်ဓုပ်နာနာ ပွိုၚ်ဍုၚ်ဂှ် ဟီုရ။

စပ်ကဵုပရူဏံတုဲ ပရေၚ်ဒဒှ်ဍာံဂှ် နူဌာနမဆေၚ်စပ်တံ ဟီုသောၚ်ကလးကဵု ဟွံမာန်ဏီတုဲ ကောန်ဍုၚ်ပွိုၚ်ဍုၚ်ဇြပ်ဗုတံ ထေၚ်ခယျမံၚ် ကဝေက်ကပေါတ် နူဌာနစက်ယာန်အာကာသရောၚ် ဂွံတီကေတ်ရ။

Written by

Related Posts

ပ္ဍဲအရာလိင်မၞိဟ်သ္ပကောန်ပၞာန်ဗၟာစၞးအရာပ်ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု ဒးကၠတ်ဗပေင်စုတ်လဝ်ဩန် သွာင်ပရဟိတကွာန်

ပ္ဍဲအရာလိင်မၞိဟ်သ္ပကောန်ပၞာန်ဗၟာစၞးအရာပ်ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု ဒးကၠတ်ဗပေင်စုတ်လဝ်ဩန် သွာင်ပရဟိတကွာန်

သွက်ဂွံဗပေင်လဝ်ဩန် ဒၞာဲလိင်မၞိဟ်သ္ပကောန်ပၞာန်ဗၟာစၞးအရာပ်-ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု မ္ဒးကၠတ်ဗ ပေင်စုတ်လဝ်ဩန် သွာင်ပရဟိတကွာန်နွံမံင်ရောင် ညးလုပ်ဂကောံအုပ်ဓုပ်ကွာန် ဒေသဍုင်မန်မွဲတၠ ဟီုလဴ ထ္ၜးရ။

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ပိုဲမၞိဟ်တံမ္ဂးဂှ် ဇၟာပ်ပ်တ္ၚဲ မ္ဒးဆဵုဂဗမံင်ကဵုပြသၞာဂမၠိုင်တုဲ ဇၟာပ်ပ်တ္ၚဲ ပိုဲမၞိဟ်တံ မ္ဒးပသောင်ဒၟံင် ပြသၞာရ။ စပ်ကဵုပသောင်ပြသၞာဂှ် ယဝ်ရစိစောန်မံင်အရာဇဳသာ်မ္ဂး က္လိဂွံဂုဏ်ဖဵု ဗွဲမဂၠိုင်မာန်ရ။ ပြသၞာလ္ၚဵု မဆဵုဂဗလၟုဟ်ဂှ် ကြံင်မ္ၚိုဟ်နူကဵု ပြသၞာကေင်ဆဵုဂဗလဝ် လောန်ကၠုင်တုဲတုဲတေံ ဂၠိုင်ကဵုဆလေဝ်ဒှ်မာန်ရ။ ပြသၞာဂှ် ဗွဲမဂတာပ်တဲ သီုဟွံမွဲကဵုပရေင်ခက်ခုဲ သောင်က္လးမာန်မ္ဂး ဒှ်ညးမၞုံကဵုအစောန်စရာဲခိုဟ်ရ။ ဇၟာပ်ပ်ပြသၞာ နဲသောင်က္လးဍေံ နွံမွဲဗီုဓဝ်ဟွံသေင်ရ။ သွက်သ္ဂောံသောင်က္လးပြသၞာဂှ် ဗီုလဵုပိုဲပလေဝ်ပလေတ်လဝ်နွံနွံ အရာပိုဲဟွံတီလဝ်တံ နွံမံင်လၟိုန်ရ။ ဟိုတ်ဂှ်ရ ပြသၞာညံင်ဟွံဂွံဒှ်ဂှ် မ္ဒးစွံလဝ်သတိလၟိုန်တုဲ ဒှ်ပြသၞာရမ္ဂး မ္ဒးပသောင်ကၠေံ ဍေံပြဟ်ဟ်ရောင်။

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.