တုဲကၠုၚ်ဂိတုအေပရဴ ၁၈ ဂှ်နူကဵု ကမ္မတဳတိုၚ်ကၠောန်ကောံဓရီုဇၞော်ဗွိုၚ်အပ္ဍဲဍုၚ်တံ ရုဲစှ်လဝ်လၟိဟ်ညးစၞး နူ ကဵုသွာၚ်ဂကောံနာနာတံ တုဲဒှ်ကီုလေဝ် ကလေၚ်သ္ပဒတန်ပ္ဍဲကဵုဂကောံပံၚ်ကောံလိက်ပတ်ယေန်သၞာၚ် မန်ဗဟဵုပၠန်ရောၚ် ညးတာလျိုၚ်တံ ဟီုထ်ၜးရ။
‘နကဵုပိုဲ ကမ္မတဳတိုၚ်ဂှ်တှေ် ရုဲစှ်လဝ်ဗွဲအပြောံတုဲဒှ်ရ၊ ဆဂးတှေ် ညးစၞးနူသွာၚ်ဂကောံဂှ်ရ ပိုဲရုဲရန်လဝ်နွံ၊ နကဵုယၟုစရၚ်ချိုတ်တ်ပၠိုတ်ဂှ်ဟွံသေၚ်ဏီ၊ သွာၚ်ကမ္မတဳတိုၚ်ပိုဲသၟးဂှ် ပိုဲဟွံမိက်သ္ပဒတန်ဏီပုဟ်၊ ပိုဲသ္ပကောံ ဓရီုပ္ဍဲကဵုဂကောံလိက်ပတ်ပံၚ်ကောံလိက်ပတ်ဗဟဵု တုဲတှေ် ကလေၚ်ကေတ်သ္ပဒတန်ပ္ဍဲကဵု လိက်ပတ်ပံၚ် ကောံဗဟဵုပၠန်ဏောဝ်’ သာ်ဏံ သွာၚ်ကမၠောန်ဒုၚ်တၠုၚ်ဖျေံဒၞာဲ နာဲဗညာဂ္ဇံ ဟီုထ်ၜးရ။
ဒစးဒုၚ်ကောံဓရီုဇၞော် ဗွိုၚ်အပ္ဍဲဍုၚ် ကၠောန်လဝ် ပ္ဍဲဂိတုမာတ် ၂၀၁၆ (GS)
နူကဵုကမ္မတဳတိုၚ်ဗွိုၚ်အပ္ဍဲဍုၚ်တံရန်လဝ်ဂှ် ညးစၞးဗော်ဒဳမဵုကရေဇြဳအလုံရးမန်ဂှ် ၄ တၠ၊ ညးစၞး ဗော်ကောန်ဂ ကူမန်ဂှ် ၄ တၠ၊ ဗော်ညးဗြဴဂှ် ၃ တၠ၊ စၞးဂကောံပံၚ်ကောံလိက်ပတ်ယေန်သၞာၚ်မန် ဟဵု ၂ တၠ၊ စၞးဂကောံ ဗ္တောန်လိက်ပတ်ယေန်သၞာၚ်မန် အလုံဒေသရးမန် ၂ တၠ၊ ဂကောံသၟတ်မန်ပံၚ်တောဲ ၂ တၠ၊ ဂကောံညးဗြဴ မန်ပံၚ်တောဲ ၂ တၠ၊ ဂကောံမဟာဇန်မန်ပံၚ်တောဲ ၂ တၠ၊ ဂကောံလိက်ပတ်-သၟတ် ဒုၚ်သ္ဇိုၚ်ကဵုပွိုၚ်ဍုၚ်ဂ မၠိုၚ်ဂှ် ၁၃ တၠ၊ ဂကောံသုတေသနဝၚ်မန် ၁ တၠ၊ ဂကောံဇါတ်မန်ပံၚ်ကောံ ၁ တၠ၊ ဂကောံဂဳတမန်ပံၚ် ကောံ ၁ တၠ၊ စၞးရးလ္ဂုၚ်-ရးဗ္ဂော-ရးမာန္တလေဝ်-ရးတနၚ်္သဳ ၄ တၠ၊ ညးဘိက်ထေက် ၃ တၠ သာ်ဝွံ ရန်ရုဲစှ် လဝ်နွံရ။
‘ညးစၞးနူကဵုပိုဲရုဲစှ်လဝ်ဏံဂှ်တှေ် ရန်ရုဲလဝ်အပြောံရဏောဝ်၊ ပိုဲကလေၚ်သဳကၠဳဆုဲပြံၚ် ကလေၚ်ပဠေဝ် ရ နုက်ဗပေၚ်နွံမံၚ်ဏီရောၚ်၊ ဒးကလေၚ်သ္ပဒတန်ပ္ဍဲကဵု ဂကောံပံၚ်ကောံလိက်ပတ်ဗဟဵုပၠန်ရောၚ်’ သာ်ဏံ နာဲဗညာဂ္ဇံဂှ် ဆက်ဟီုထ်ၜးရ။
ညးစၞးကမ္မတဳတိုၚ်တံ ရန်ရုဲစှ်လဝ်ဂှ် စၟတ်တ္ၚဲ အေပရဴ ၂၄ ဏံမ္ဂး ကော်ကောံဓရီုဂကောံပံၚ်ကောံလိက်ပတ် ယေန်သၞာၚ်မန်ဗဟဵုတုဲ ကလေၚ်ရုဲစှ်သ္ပဒတန် ပ္ဍဲကောံဓရီုဂှ်ပၠန်ရောၚ် ဂွံတီကေတ်ေနူကဵုညးတာလျိုၚ်ကမ္မ တဳတိုၚ်တံရ။
