ဂိတုမာတ် ၈ သၞာံ ၂၀၁၇ တေံမ္ဂး ကွးဘာစှ်တန်တံ သှ်လိက်ရောၚ်

by | Dec 15, 2016 | ပရိုၚ် | 0 comments

ပေါဲသှ်လိက်စှ်တန် သၞာံဏံဂှ် စကၠောန်အာ ပ္ဍဲဂိတုမာတ်(၈) သၞာံ ၂၀၁၇ တေံရောၚ်ဂှ် နူဌာနက္ဍိုက်ပ်စၟတ်လိက် ဍုၚ်ဗၟာ၊ ဌာနဝန်ဇၞော်ပရေၚ်ပညာ လလောၚ်ပ္တိတ်လဝ် ပ္ဍဲဂိတုဒဳဇြေမ်ဗာ ၁၀ ၊ သၞာံ၂၀၁၆ ဂှ် ဂွံဆဵုကေတ်ရ။

ပေါဲသၟာန်သှ်လိက် ဂိတုမာတ် ၂၀၁၇ ဂှ်ဝွံ အတိုၚ်လၟေၚ်ခံက်အၚ်အခိၚ်မ္ဂး စၟတ်တ္ၚဲ ၈-၃-၂၀၁၇ တ္ၚဲဗုဒ္ဓဝါ ဖါနူဂယး နူ (၉) နာဍဳ ဒဵုကဵု (၁၂) နာဍဳဂှ် သှ်လိက်ဗၟာ (မြန်မာစာ)၊ ၉-၃-၂၀၁၇ တ္ၚဲဗြဴဗ္တိဂှ် သှ်လိက်အၚ်္ဂလိက်၊ ၁၀-၃-၂၀၁၇ တ္ၚဲသိုက်ဂှ် သှ်သချာၚ်္၊ ၁၁-၃-၂၀၁၇ တ္ၚဲသ္ၚိသဝ်ဂှ် သှ် (စိတ်ကြိုက်မြန်မာစာ)၊၁၃-၃-၂၀၁၇ တ္ၚဲစန်ဂှ် သှ် ဘာသာဓာတု၊ ၁၄-၃-၂၀၁၇ တ္ၚဲအ္ၚာဂှ် သှ်ဘာသာရူပဗေဒ၊ ၁၅-၃-၂၀၁၇ တ္ၚဲဗုဒ္ဓဝါဂှ် ဘာသာဇဳဝဗေဒ၊ ဘောဂဗေဒ၊ ၁၆-၃-၂၀၁၇ တ္ၚဲဗြဴပ္တိဂှ် ဘာသာပထဝဳ၊ ၁၇-၃-၂၀၁၇ တ္ၚဲသိုက်ဂှ် သှ်ဘာသာဝၚ်ရောၚ် ဓမံက်ထ္ၜးလဝ်ရ။

ခံက်အၚ်အခိၚ် သှ်လိက် ၁၀ တန် (Copy)

ခံက်အၚ်အခိၚ် သှ်လိက် ၁၀ တန် (Copy)

“ကိစ္စခံက်အၚ်အခိၚ် သှ်လိက်စှ်တန်ဂှ် လိက်စၞောန် ဟွံစိုပ် ပ္ဍဲရုၚ်သ္ကိုပ်ပရေၚ်ပညာတွဵုရးမန်ဏီပုဟ်၊ ခံက်အၚ်အခိၚ် ပါကၠုၚ်ပ္ဍဲလိက်ပရိုၚ်ဂှ်ရ ဂွံဆဵုကေတ်တုဲ ကၠောန်တၞးဆာဲ ထ္ပက်စုတ်စၟတ်တဲတုဲ ပရးကဵုဏာလဝ် ဘာမဆေၚ်စပ်တံတုဲရ” သာ်ဝွံ ဥူမျဵုတေအ်အံၚ် သ္ကိုပ်ပရေၚ်ပညာ တွဵုရးဍုၚ်မန်ဟီုရ။

လၟိဟ်ညးလုပ်သှ်လိက်စှ်တန် (တွဵုရးဍုၚ်မန်) သွက်သၞာံဗ္တောန်ပညာ ၂၀၁၆-၂၀၁၇ ဏံဂှ် စိုပ်အခိၚ် ပ္တိတ်ကဵုကာဒ် သှ်လိက်စှ်တန်တေံမှ ရုၚ်သ္ကိုပ်ပရေၚ်ပညာတွဵုရးဍုၚ်မန်ဏံ ဂွံတီမာန်ရောၚ် ဥူမျဵုတေအ်အံၚ် ဆက်ဟီုရ။

ပ္ဍဲတွဵုရးဍုၚ်မန် နွံဘာတန်သၠုၚ် ၉၀ ဘာ၊ ဘာတန်ဒေါဝ် ၁၀၆ ဘာ၊ ဘာတန်မူလ ၁၂၃၉ ဘာ၊ ပံၚ်ဖအိုတ်နွံ ၁၄၃၅ ဘာတုဲ ပ္ဍဲသၞာံဗ္တောန်ပညာ ၂၀၁၅-၂၀၁၆ တုဲကၠုၚ်ဏံ ညးသှ်လိက်စှ်တန် နွံ ၁၉,၆၈၁ တၠတုဲ ဟိုတ်နူနွံကဵု လၟိဟ်အံၚ် ရ,၇၄၉ တၠ (၃၉.၃၇%) ဂှ်ရ ပ္ဍဲအလုံမွဲဍုၚ်ဗၟာဏံမ္ဂး တွဵုရးဍုၚ်မန်ဂှ် အဆံၚ်အံၚ်ခိုဟ်အိုတ်ရ။

ပ္ဍဲသၞာံဗ္တောန်ပညာ ၂၀၁၅-၂၀၁၆ သၞာံအာဏံဂှ် မွဲအလုံဍုၚ်ဗၟာ ညးလုပ်သှ်လိက်စှ်တန် နွံ (၆၃၆ ၂၃၇) တၠ၊ လၟိဟ်မၞိဟ်အံၚ် နွံ (၁၉၀၃၃၈) တၠ၊ ၂၉.၉၂% သာ်ဝွံ ဂွံတီကေတ် အတိုၚ်ၜတ်ကၞာတ်ခံက်အၚ် စရၚ်အံၚ် ရးဒေသဇၞော်ကေုာံ တွဵုရးဂမၠိုၚ်တံရ။

Written by

Related Posts

အလာံကၟိန်ဍုင် ကဵု အလာံကောန်ဂကူဗၟာ ဗီုလဵုတၞဟ်ခြာရော

အလာံကၟိန်ဍုင် ကဵု အလာံကောန်ဂကူဗၟာ ဗီုလဵုတၞဟ်ခြာရော

ပ္ဍဲစင်အသေအဟာန်တ္ၚဲကောန်ဂကူမန် လ္ဒောဝ်တပ်တပ်ဂှ် ဒးပစူသၠုင်လဝ်အလာံကၟိန်ဍုင်ရောင် ဂျာန်နဝါရဳ ၃ တုဲ ကၠုင်ဂှ် နူကမ္မတဳကၠောန်ဗဒှ်တ္ၚဲကောန်ဂကူမန် ဗဟဵုတအ် ပတိတ်ကၠုင်လိက်စေဝ်ပၞောန် စပ်ကဵုအလာံတုဲ မၞိဟ်လ္ၚဵုဟွံ ပေင်စိုတ်ရ။

ပ္ဍဲသၞာံဏံ ညံၚ်ဂွံတြးအာ (Mon E-book)မွဲမာန်ဂှ် နကဵုဘာကဝ်လိက်ကောန်ဂကူမန် ဂစာန်ကၠောန်မံၚ်နွံ

ပ္ဍဲသၞာံဏံ ညံၚ်ဂွံတြးအာ (Mon E-book)မွဲမာန်ဂှ် နကဵုဘာကဝ်လိက်ကောန်ဂကူမန် ဂစာန်ကၠောန်မံၚ်နွံ

ပ္ဍဲကဵုသၞာံ ၂၀၂၅ ဏံ ညံၚ်မိမညးဍုၚ်ကွာန် ကေုာံ သၟတ်ကွးဘာမန်တအ် သ္ဂောံစကာအာ လိခ်ပတ်မန် လတူလပှ်ကျာမာန်ဂှ် နကဵုညးတာလျိုၚ်ဌာနကမၠောန်ပတိုန်လိခ်ပတ်မန် လတူဓါတ်လပှ်ကျာ ဘာကဝ်လိက်မန်တအ် ဂစာန်ကၠောန်မံၚ် (Mon E-book project) မွဲနွံဂှ် ဂွံတီကေတ်ရ။

စပ်ကဵုကမ္မတဳကၠောန်ဗဒှ်တ္ရဲကောန်ဂကူမန် ဗဟဵု ပတိတ်လိက် စေဝ်ပၞောန်အလာံတုဲ ညးဂမၠိုင် ပါ်ပါဲ

စပ်ကဵုကမ္မတဳကၠောန်ဗဒှ်တ္ရဲကောန်ဂကူမန် ဗဟဵု ပတိတ်လိက် စေဝ်ပၞောန်အလာံတုဲ ညးဂမၠိုင် ပါ်ပါဲ

ကြဴနူကဵု ကမ္မတဳကၠောန်ဗဒှ်တ္ရဲကောန်ဂကူမန် မရနုက်ကဵု (၇၈)ဝါ ဗဟဵုတံ ပတိတ်ကၠုင်လိက် စေဝ် ပၞောန် အလာံပ္ဍဲတ္ရဲကောန်ဂကူမန်ဂှ်တုဲ ညးဂမၠိုင် ဟီုပါ်ပါဲကၠုင်နွံရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.