က္ဍိုပ်သ္ကိုပ်အဆံၚ်လ္တူဗော်မန်ၜါ ဆဵုဂဗသဳကၠဳလုပ်သၞောဝ် အလန်ကၠာအိုတ်

by | Jan 5, 2018 | ပရိုၚ် | 0 comments

သွက်ပရေၚ်ပံၚ်ကောံဗော် ဂွံဒှ်ကၠုၚ်တုဲ ဟွံဒးကေတ်မၞိဟ်အကြာမွဲသာ် ပ္ဍဲဂိတုဂျာန္နဝါရဳ စၟတ်တ္ၚဲ ၂၊ သၞာံ ၂၀၁၈ ဂှ် ညးမဒှ်က္ဍိုပ်သ္ကိုပ်အဆံၚ်လ္တူ
နူဗော်ကောန်ဂကူမန်ကဵု ဗော်ဒဳမဵုကရေဇြဳအလုံရးမန်တံၜါလ္ပာ် ဆဵုဂဗသဳကၠဳညးသ္ကံ လုပ်သၞောဝ် အလန်ကၠာအိုတ် ဒၞဲါၝောံ ခန်ပိုၚ်ခေတ် လ္တူဍုၚ်မတ်မလီုရ။

လ္ပာ်ဗော်ကောန်ဂကူမန် ဒုဥက္ကဌ နာဲတၠနန်၊ ညးအုပ်ကာနာနာ နာဲလျးတၟး၊ ဖက်ဆောညးအုပ်ကာ နာဲသဵု မျေတ် ကေုာံ ကမ္မတဳကေၚ်ကာဗဟဵု နာဲဃောသိုက်၊ မိကျေဝ်ကျေဝ်ညဳတံကဵု လ္ပာ်ဗော်ဒဳမဵုကရေ ဇြဳအလုံရးမန်ဂှ် ဒုဥက္ကဌ နာဲဆာန်တိ၊ ဖက်ညးအုပ်ကာ နာဲသာန်တေန် ကေုာံ ကမ္မတဳကေၚ်ကာဗဟဵု နာဲမိုၚ်မိုၚ်တံ ပါလုပ်ဆဵုဂဗ သဳကၠဳကၠုၚ်လဝ် နဒဒှ်စၞးဗော်ကဵုဗော် လုပ်သၞောဝ်ရ။

ကႜိဳပ္သၠိဳပ္အဆံင္လၱဴေဗာ္မနၞါ ဆႝုဂဗသ႘ကၜ႘လုပ္ေသှာဝ္ အလန္ကၜာအိုတ္

ဒုဥက္ကဌ ဗော်ဒဳမဵုကရေဇြဳအလုံရးမန် နာဲဆာန်တိဂှ် “ပရောကိစ္စသွက်ဂွံပံၚ်ကောံကီု ပရေၚ်ဂကူ သွက်ဌာန်ဂတ မု ကၠောန်ကီုဂှ် ဒှ်အဓိကလေဝ် ဟီုစဂွံ” သာ်ဝွံ ဟီုကဵုဌာန်ပရိုၚ်မန်ရ။

ပ္ဍဲကဵုညးစၞးက္ဍိုပ်သ္ကိုပ်အဆံၚ်လ္တူ ဗော်ကဵုဗော် ဆဵုဂဗသဳကၠဳညးသ္ကံလုပ်သၞောဝ်အလန်ကၠာအိုတ်ဏံဂှ် အံၚ်ဇၞးမံၚ် ရောၚ် ဟီုစဂွံတုဲ သွက်ဂွံပ္တိတ်လိက်လလောၚ်တြး စပ်ကဵုပရေၚ်ပံၚ်ကောံဗော်ၜါ မွဲစွံဂှ်လေဝ် က္လိဂွံတၚ် တုပ်စိုတ်ကီု ရောၚ် ညးဆက်ဟီုရ။

ညးအုပ်ကာနာနာ ဗော်ကောန်ဂကူမန် နာဲလျးတၟးဂှ်လေဝ် “ပရေၚ်ပံၚ်ကောံၜါဗော်ဂှ် ဆက်တုဲသဳကၠဳအာ ညးသ္ကံ ဏောၚ်။ အဓိကဂှ် ညးစၞးမွဲလ္ပာ်ပိပိ ဆဵုဂဗလဝ်ညးသ္ကံ ပိဝါ ဂွံလဝ်တၚ်တုပ်စိုတ်တံဂှ် က္ဍိုပ်သ္ကိုပ်အဆံၚ်လ္တူ ၜါလ္ပာ်တံ တုပ်စိုတ် ပဒ္တန်တုဲ သွက်ဂွံပံၚ်တောဲပ္တိတ်အာလိက်လလောၚ်တြး အဆံၚ်ဗဟဵုလေဝ်” သာ်ဝွံ ဟီုရ။

ကမၠောန်ပံၚ်ကောံ ဗော်ပရေၚ်ဍုၚ်ကွာန်ဟီုဂှ် တ္ၚဲလဵုပံၚ်ရ သာ်ဏံ ဂွံဟီုပိုတ်တ်သ္ကုတ်တ်ဂှ် ခက်မံၚ်ဂှ်ရ အခိၚ်လဵု ပံၚ်မာန် အခိၚ်လဵုဒှ်မာန်ဂှ် တန်တဴကဵုပညဳညးသ္ကံၜါလ္ပာ်ကၠာလေဝ် က္ဍိုပ်သ္ကိုပ်အဆံၚ်လ္တူၜါဗော် ဆဵုညးသ္ကံ သာ်ဏံဒှ် ကၠုၚ်ဂှ် ဒှ်လက်သဏ်ခိုဟ် ဗွဲမဂၠိုၚ်ရောၚ်ဂှ်လေဝ် ညးဆက်ဟီုရ။

ၜိုန်ဂှ်လေဝ် ပ္ဍဲကဵုကောံဓရီုဇၞော်ပရေၚ်ဍုၚ်ကွာန်မန် သွက်ဂွံကၠောန်အာဂိတုဂျာန္နဝါရဳ ၁၃-၁၄ ပွိုၚ် ၂ တ္ၚဲတေံဂှ် ဗော်ကောန်ဂကူမန်ကီု ဗော်ဒဳမဵုကရေဇြဳအလုံရးမန်ကီု ဟွံတိုန်စိုပ်ရောၚ် တုပ်လဝ်စိုတ်နွံတုဲ ဗော်ညးကဵုညး သွက်ဂွံပ္တိတ်အာလိက်လလောၚ်တြး နွံရောၚ် ဂွံတီကေတ်ရ။

သွက်ပရေၚ်ပံၚ်ကောံဗော်တုဲ ဟွံဒးကေတ်မၞိဟ်ပညဳပညပ်အကြာမွဲသာ် ပပ္တံနူဂိတုနဝ်ဝေမ်ဗါ ၈၊ သၞာံ ၂၀၁၇ တေံ ညးစၞးဗော်ၜါလ္ပာ်တံ ဆဵုဂဗသဳကၠဳကၠုၚ်လဝ် နဗီုပြၚ်ဗွဲပလး ပေၚ်ဂွံ ၃ ဝါတုဲ က္ဍို်ပ်သ္ကိုပ်အဆံၚ်လ္တူဗော်ကဵုဗော်တံ ဒှ်ဆဵုညးသ္ကံလုပ်သၞောဝ်သာ်ဏံ မာန်ကၠုၚ်အလန်ကၠာအိုတ်ရ။

Written by

Related Posts

ပရေင်ဍုင်ကွာန်ဟီုမ္ဂးဂှ်

ပရေင်ဍုင်ကွာန်ဟီုမ္ဂးဂှ်

“ဗီုလဵုရောရဲ အကာဲအရာပရေင်ဍုင်ကွာန် ဗီုလဵုဒှ် မေန်အံင်လှာင်တံ ပလေဝ်ပလေတ်တိုန် ပရေင်ပေါဲရုဲမာဲယျတှ်ေ ဗော်ညဳသၟဟ်မန်လေဝ် က္လင်ကေတ်ရမျာင်တှ်ေ ချဳတိုန်ညိညိရ။ ဗီုလဵုရဲ ဗီုလဵုချပ်လဝ်နွံ ပံက်စသြိုဟ်ညိကီုလေဝ် ပိုဲက္လင်တုဲ သ္ဂောံကဵုဝေင်ကသပ်ကီုလေဝ်” ရမျာင်ဏံ တိတ်ကၠုင် နူဝိုင်တက်ကျာ ဇျှေင်ကဝ်ဖဳမွဲဒၞါဲရ။ “အဝ်ရဲ အဲစိုတ်ပြေ ဍောင်ၜိုတ်အာကဵု ပရေင်ဍုင်ကွာန်မန်တံရ။ ရဲတံဟွံဂွံကၠောန်လဝ်ဏီတှ်ေ အလန်ဏံ ရဲတံလုပ်ကၠောန်ညိ။ အဲဘိုင်ကဵုဒြဟတ်ဏောင်လေဝ်” “ဟာရဲမွဲပၠန်လေဝ် ပိုဲရဲပရေင်ဍုင်ကွာန်ဟွံသေင်လေဝ် ရဲတံရ ကေင်ကၠောန် ပိုဲညးကွာန်တံ မုဟွံဆေင်ကဵုပရေင်ဍုင်ကွာန်ပုဟ်လေဝ်ရဲ” ညးချူလိက်ဂွံမိင်ကေတ် ရမျာင်ညးတံတုဲ ဒှ်ချူကၠုင်လိက်ပရေင်လညာတ်ဝွံရ။

မရာပ်ဗာ rubber ၚုဟ်ခိုဟ်တုဲ ညးဂၠာဲကပှ်သွံဂၠိုၚ်

မရာပ်ဗာ rubber ၚုဟ်ခိုဟ်တုဲ ညးဂၠာဲကပှ်သွံဂၠိုၚ်

အခိၚ်လဒေါဝ်ကသီု ကမၠောန်ကၟိတ်အောန်မံၚ်တ္ၚဲဏံဂှ် မရာပ်ဗာၚုဟ်ခိုဟ်တုဲ မၞိဟ်ဂၠာဲကပှ်သွံ မရာပ်ဗာလ္ၚဵု ဒှ်မံၚ်ကမၠောန်ကဵု ပရေၚ်ကပှ်မရာပ်ဗာဂှ်ရောၚ် မၞိဟ်ရေၚ်တၠုၚ်သွံရာန် မရာပ်ဗာ နူဍုၚ်ဇြပ်ဗုမွဲတၠ ဟီုရ။

အစဳဇန် ရပ်သီ ကွဳစက်၊ ကွဳလိုန်ဓာတ် အပ္ဍဲသ္ၚိ ဟွံမွဲဏီဂး

အစဳဇန် ရပ်သီ ကွဳစက်၊ ကွဳလိုန်ဓာတ် အပ္ဍဲသ္ၚိ ဟွံမွဲဏီဂး

ကိုန်စဳဇန် ရပ်သီကွဳစက်၊ ကွဳလိုန်ဓာတ်တ္ၚဲဏံဂှ် အစဳဇန် ရပ်သီအပ္ဍဲသ္ၚိ ဟွံမွဲဏီရောၚ် ညးတာလျိုၚ်သကိုပ်ဗၠာဲသၟိၚ်ဍုၚ်မန်မွဲတၠ ဟီုဂးလဝ်ဂှ် ညးတာလျိုၚ် ဗော်ပရေၚ်ဍုၚ်ကွာန်မန်မွဲတၠ ဟီုလဴထ္ၜးရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.