ပေဲါရုဲမာဲ (၂၀၂၀) ဏံ ပ္ဍဲရးနိဂီုတွဵုရးဍုၚ်မန် ပွိုၚ်ဍုၚ်မတ်မလီု ညးစၞးဗော်ညဳသၟဟ်မန် ဇၞးမာန်ရောၚ်

by | Nov 4, 2020 | ပရိုၚ် | 0 comments

မိလတိုပ်ဗု၊ အံက်တဝ်ဗာ ၃၀၊ ၂၀၂၀

ပေဲါရုဲမာဲအလန်ပထမ (၂၀၁၀) ကီု၊ အလန်ဒုတိယ (၂၀၁၅) ကီု ပ္ဍဲရးနိဂီုဍုၚ်ဇၞော်ပွိုၚ်ဍုၚ်မတ်မလီု ဟွံကေၚ်ဇၞးကၠုၚ်မွဲလှေ်ဂှ် ပ္ဍဲကဵုပေဲါရုဲမာဲ (၂၀၂၀) ဏံ အကာဲအရာ သွက်ဂွံဇၞးနွံရောၚ် ဥက္ကဌဂကောံအံၚ်ဇၞးမာဲ ပွိုၚ်ဍုၚ်မတ်မလီု နာဲအံၚ်တုၚ် သ္ၚဳဂၠိပ်လဝ်ရ။
‘ပိုဲပတုပ်ရံၚ်ကဵု ပေဲါရုဲမာဲ (၂၀၂၀) ကဵု (၂၀၁၅) တေံတှေ် အကာဲအရာသာခိုဟ်ကၠုၚ်၊ ဟိုတ်နူဗော်မန်ဂှ် ကောံကလောံကၠုၚ်တုဲတှေ် ဇြဟတ်လေဝ် ကောံကလောံကၠုၚ်၊ ဟီုကဵုဝၚ်ပေဲါရုဲမာဲ ပ္ဍဲပွိုၚ်ဍုၚ်မတ်မလီုဂှ် ဒၞာဲဏံဂှ် ဒှ်ဒၞာဲကျတွဵု ဒှ်မံၚ်ဟဂှ်၊ အလန်ဏံတှေ် ဗော်ပံၚ်ကောံတုဲ ဂွံကၠုၚ်ဇြဟတ်ခိုဟ်တိုန်ကီု၊ ပ္ဍဲကဵုညးစၞးအလံၚ်အမာတ် လုပ်ဒုၚ်ရုဲမာဲတ္ၚဲဏံဂှ်လေဝ် ဇြဟတ်ဆက်စၠောံ (Network) ညးတံလေဝ်နွံမံၚ်၊ ရံၚ်ကေတ်တှေ် အလန်ဏံ သွက်ဂွံဇၞး နွံမာန်ဏောၚ်’ သာ်ဏံ နာဲအံၚ်တုၚ် ဟီုသ္ၚဳဂၠိပ်ထ္ၜးရ။
ပ္ဍဲကဵုပွိုၚ်ဍုၚ်မတ်မလီုဂှ် ရံၚ်ကဵုဝၚ်ပေဲါရုဲမာဲ တုဲကၠုၚ်အလန်ပထမကီု၊ အလန်ဒုတိယတေံကီုဂှ် ဗော်ပရေၚ်ဍုၚ်ကွာန် မန်ကျကၠုၚ်ဒၟံၚ် အဆက်ဆက်ရ။ ဟိုတ်နူကေၚ်ဇၞးကၠုၚ်လဝ် ဟွံမွဲတုဲ ပ္ဍဲကဵုပရေၚ်ရုဲစှ် ညးစၞးအလံၚ်အမာတ်ဂှ်လေဝ် ဒှ်ခက်ခုဲနွံတၟာဂလိုၚ်ရ။ ၜိုန်ဂှ်လေဝ် အလန်ပေဲါရုဲမာဲ (၂၀၂၀) ဏံဂှ် အကာဲအရာ ညးစၞးဗော်ညဳသၟဟ်မန် ခိုဟ်မံၚ်ရောၚ်ဂှ် မၞိဟ်ဗွဲမဂၠိုၚ် သ္ၚဳဂၠိပ်တော်ဆလဝ်အိုတ်ရ။
‘ယဝ်ရဒးရေၚ်ဟီုကဵု ပရေၚ်ဇၞးမာဲဏောၚ်ဟီုတှေ် အကာဲအရာသွက်ဂွံဇၞးဂှ် ဒံက်တာ (ဟိန်းပိုၚ်ထူးချစ်) အလံၚ်အ မာတ်ကၠတ်ထဝ်တွဵုရး စၟတ် (၂) ဒှ်မုက်ဂၞန် (၁)၊ မုက်ဂၞန် (၂) ဂှ်ဟီုတှေ် အ္စာၝောံမိကျေန်သောန် (မိကြၚ်စွမ်း) (ကၠတ်ထဝ်ကောန်ဂကူ ၅)၊ ဒၞာဲတတိယဂှ်တှေ် သီုမၞိဟ် (၃) နာဲဝဏ္ဏသဵု (အလံၚ်အမာတ်ကၠတ်ထဝ်တွဵုရး စၟတ် ၁)၊ (ဒေါ်ဆွေဆွေထက်) (အလံၚ်အမာတ်ကၠတ်ထဝ်ကောန်ဂကူ ၄) ပိုဲသ္ၚဳဂၠိပ်လဝ်ဗီုဂှ်ဍေံနွံ’ သာ်ဏံ နာဲအံၚ်တုၚ် ဆက်သ္ၚဳဂၠိပ်ထ္ၜးရ။
ပ္ဍဲကဵုညးစၞးအလံၚ်အမာတ် ကၠတ်ထဝ်ညးဍုၚ်ကွာန်၊ ကၠတ်ထဝ်ကောန်ဂကူ၊ ကၠတ်ထဝ်တွဵုရးဂှ် အကာဲအရာ သွက်ဂွံဇၞးမာန်နွံဂၠိုၚ်တုဲ ပ္ဍဲကဵုဒၞာဲကၠတ်ထဝ်ကောန်ဂကူအရၚ်မွဲတၠဂှ် ဒှ်မံၚ်သွက်ဂကူဂလိုၚ်၊ မၞိဟ်ဂလိုၚ်တုဲ အကာဲအရာ ဟွံခိုဟ်စကွေံကွေံရောၚ် သ္ဂးရ။
ပ္ဍဲကဵုပွိုၚ်ဍုၚ်မတ်မလီုဂှ် ဗော်ညဳသၟဟ်မန်၊ ဗော်ခိုၚ်ကၠိုက်ပရေၚ်ဖေါအ်ဗြေဝ်ကၟိန်ဍုၚ် (ပြည်ထောၚ်စုကြံ့ခိုၚ်ရေးနှၚ့်ဖွံ႕ ဖြိုးရေးပါတီ)၊ ဗော်အေန်အေဝ်ဒဳ၊ ဗော် (ပြည်ထောၚ်စုကောၚ်းကျိုးဆောၚ်ပါတီ)၊ ဗော် (အမျိုးသားတိုးတက် ရေးပါတီ)၊ ဗော် (အမျိုးသားနိုၚ်ၚံရေးဒီမိုကရက်တစ်ပါတီ) ကေုာံ ညးစၞပူဂဵု သွက်ဂွံလုပ်ပြိုၚ်နွံရ။

Written by

Related Posts

ညးအဝဲကၠောန်ကမၠောန်တအ် တိတ်ကၠောန်စဍုၚ်မ္ၚးဂၠိုၚ်တုဲ စိုပ်အခိၚ်ဗတမ်မ ဂၠာဲကောန်ကမၠောန်ဝါတ်

ညးအဝဲကၠောန်ကမၠောန်တအ် တိတ်ကၠောန်စဍုၚ်မ္ၚးဂၠိုၚ်တုဲ စိုပ်အခိၚ်ဗတမ်မ ဂၠာဲကောန်ကမၠောန်ဝါတ်

ညးဍုၚ်ကွာန်အဝဲကၠောန်ကမၠောန်တအ် တိတ်အာကၠောန်စဍုၚ်မ္ၚးဂၠိုၚ်တုဲ ဇၟာပ် စိုပ်အခိၚ်ဗတမ်မဏံ ဂၠာဲကောန်ကမၠောန်ဝါတ်မံၚ်ရောၚ် တၠဝါဗ္ၚတအ်ဟီုရ။

ပေါဲရုဲမာဲဒှ်မ္ဂး သ္ကိုပ်ဗိုလ်ပၞာန်တံ ညးဂှ်ပါလုပ် ပ္ဍဲပေါဲရုဲမာဲတုဲ ညးဂှ်ဆက်သှ်ေ ပ္ဍဲဒပ်ပၞာန်ရော?

ပေါဲရုဲမာဲဒှ်မ္ဂး သ္ကိုပ်ဗိုလ်ပၞာန်တံ ညးဂှ်ပါလုပ် ပ္ဍဲပေါဲရုဲမာဲတုဲ ညးဂှ်ဆက်သှ်ေ ပ္ဍဲဒပ်ပၞာန်ရော?

ခြာဟွံလအ် ပေါဲရုဲမာဲမေန်အံၚ်လှာၚ်တံဒှ်ကၠုၚ်မ္ဂး အကာဲအရာ သ္ကိုပ်ဗိုလ်ပၞာန်ဂမၠိုၚ် ဒှ်အာဗီုကဵု လောန်ကၠုၚ် ၁၅ သၞာံတေံပၠန်ရောၚ်။ ပေါဲရုဲမာဲ ၂၀၁၀ လောန်ကၠုၚ်တေံ ပ္ဍဲဒပ်ပၞာန်ဂှ် ညးဂှ်သှ်ေပ္ဍဲဒပ်တုဲ ညးဂှ်လုပ်ပေါဲရုဲမာဲဂှ် ဒှ်ကၠုၚ်ပဟေဠိမွဲရ။ လၟုဟ်လေဝ် က္ဍိုပ်သ္ကိုပ်ပၞာန် မေန်အံၚ်လှာၚ်ဂှ် ညးတာလျိုၚ်ပၞာန်ဇၞော်ဇၞော် ပ္ဍဲရုၚ်ပၞာန်တံ ညးဂှ် စိုတ်လုပ်စကဵုပေါဲရုဲမာဲကီုရောဂှ် ဗက်သၟာန်ကေတ်မံၚ်စရၚ်ရောၚ် နူကဵုတမ်ရိုဟ်ပရိုၚ် နေပျဳဒဝ်တံ သ္ဂးရ။

ဒပ်မန်မွဲဂကောံ သွက်ဂွံလုပ်ပံၚ်တောဲ ပ္ဍဲဗော်ဍုၚ်မန်တၟိ (ဗတိုက်သရိုဟ်တၠအဝဵုပၞာန်) / ဒပ်မန်ရာမည နွံ

ဒပ်မန်မွဲဂကောံ သွက်ဂွံလုပ်ပံၚ်တောဲ ပ္ဍဲဗော်ဍုၚ်မန်တၟိ (ဗတိုက်သရိုဟ်တၠအဝဵုပၞာန်) / ဒပ်မန်ရာမည နွံ

ဒပ်မန်မွဲဂကောံ သွက်ဂွံလုပ်ပံၚ်တောဲ ပ္ဍဲဗော်ဍုၚ်မန်တၟိ (ဗတိုက်သရိုဟ်တၠအဝဵုပၞာန်) /ဒပ်မန်ရာမညဂှ် တုပ်လဝ်စိုတ် ဗွဲအပြောံနွံမံၚ်ရောၚ် ဥက္ကဌ ကမ္မတဳက္ဍိုက်ပ် ပရေၚ်ဍုၚ်ကွာန်၊ ပရေၚ်ပၞာန် နာဲဇဲယ ဟီုဓမံက်ကၠုၚ်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.