ညံၚ်ဟွံဂွံဆက်ဒေါံကၟိုၚ်
ပခိုၚ်အိုတ်ညိ
ညံၚ်ရဴဝိပက်ဂွံအိုတ်
စိုတ်ဓါတ် ချိုတ်တုပ် ဂျိုၚ်တုပ်ကဵုဂွံနွံ —
ဆီပြး သှေ်ဝၚ်
ဂၚ်မံၚ် ပ္ဍဲအာရီု
ဆ္ဂး မၚ်စၟဳမံၚ်ဂှ် ဂီုကၠီု
ဍာ်ရမတ်ဒးပြဟ်မံၚ် ညံၚ်ရဴပုံအာဂီု —
ညးဒး ညးဒုၚ်
နူဍုၚ်စိုပ်ရး
ပြးဇးပေၚ်မံၚ် ဒေသဆီမည
သၞဟာ ? မိတ်ဟာ ? ညးမွဲဟွံဂံၚ်ချပ်ဗ္စာ —
ဣလဵုရော–? ဂီုကၠီုမန်
ဣလဵုရော–? ရီုဗၚ်မန်
ဣလဵုရော–? ဆာန်မ္ဂးရီုဗၚ် ဂိုဟ်မ္ဂးမၚ်မွဲ
ဘဲဝိပက် ထပိုတ်မံၚ်ရိုဟ်ကၞက် မၞိဟ်မၞုံကဵုကဆံၚ် —
အဝ် ဘဝဍိက်ပၠက်
ကြက်ဟွံမွဲ ညံၚ်ရဴဆုကြိက်
ညးထနိက် အဲဗါ် ဍေံဗိုန် ဗှေ်လိုန်
ဒုၚ်အာလၟိုန်ထာဝရ ရဟာ–? ဟံသာချပ်ရံၚ် —
ရာမည သ္ဂံၚ်နန် ကလအ်
