ပ္ဍဲဍုၚ်မဝ်တံၚ် (မောတောၚ်) ၊ ပွိုၚ်ဍုၚ်တၞၚ်သဳ၊ ရးဒေသတၞၚ်သဳဂှ်ဝွံ အပ္ဍဲပွိုၚ်မွဲတ္ၚဲဓဝ် ဒပ်ပၞာန်ပန်ဗ္တိုက်ထောံဖျေံဗမ်ကဵုက္ၜၚ်ကျာ (၂) ဝါတုဲ သ္ၚိဒၟံၚ်လ္ၚဵု လီုလာ်အာနွံရောၚ် ဂွံတီကေတ် နူဗော်သွးကရေၚ် ကေအေန်ယူ ခရိုၚ်ဗိက်ထဝဲါရ။
နူတနေံဏံ ဂိတုအေဗရဴ (၂၆) ၊ အခိၚ်နူဂယး ၜိုတ် (၁၁) နာဍဳဂှ် ဒပ်ပၞာန်တံ ပန်ဗ္တိုက်ထောံဖျေံဗမ် ပံၚ် (၂၅၀) ၊ (၄) မ နကဵုက္ၜၚ်ကျာ Jet Fighter အပ္ဍဲမံၚ်တဝ် စၟတ် (၁)၊ ဍုၚ်မံၚ်တဝ်ဂှ်ရ။
သၟာၚ်နူဂှ်ပၠန် အခိၚ်တ္ၚဲစေၚ် ၜိုတ် (၁) နာဍဳဂှ်လေဝ် အပ္ဍဲမံၚ်တဝ် စၟတ် (၉) ဂှ် ထပ်ထောံဖျေံဗမ် ပံၚ် (၂၅၀) ၊ (၂) မပၠန်ရ။
ဟိုတ်နူဒပ်ပၞာန်တံ ထောံဖျေံဗမ်ကဵုက္ၜၚ်ကျာ Jet Fighter ဂှ်ရ သ္ၚိဒၟံၚ်ညးဍုၚ်ကွာန် (၂) မ ဒးလီုလာ်အာနွံရဂှ် ခရိုၚ်ဗိက်ထဝဲါ ကေအေန်ယူတံ လလောၚ်ပ္တိတ်လဝ်ရ။
