တ္ၚဲဏအ် ဂိတုဂျူလာၚ်စၟတ်တ္ၚဲ (၂)၊ အခိၚ်နူဂယး (၁၁) နာဍဳကဝိုက်ဂှ်ဝွံ ပ္ဍဲခရိုၚ်မုဒ္ဒဟာန် ကၟိန်ဍုၚ်သေံ ကွဳစက်ကာ တေက်ဇီုဒးတုဲ သၚ် ၈ ဇကု ဒးကညစဴအာသွဝ်၊ ၇ ဇကု ဒးဘဲဝပ်နွံရောၚ် ဂွံဆဵုကေတ် ပ္ဍဲဌာန်ပရိုၚ်သေံဂမၠိုၚ်ရ။
သၚ်ဗၞတ် (၃၂) ဇကုဏအ်ဝွံ သ္ဂောံကညကွာ်တရဴတ္ၚဲဓမ္မဂှ်တုဲ ပ္ဍဲကဵုဂၠံၚ်ဇၞော် ကွဳစက်ကာမွဲဖ္ဍိုက် တေက်ဇီုဒးအာမွဲအသိၚ်ထတ်တ်ဂှ် သၚ် ၅ ဇကု ဒးစဴအာသွဝ် ကဵု ၇ ဇကု ဒးလဝ်ဘဲဝပ်နွံတုဲ ပ္ဍဲကဵုဂှ် သၚ် ၃ ဇကု ဟိုတ်နူဒးလဝ်ဘဲဝပ်သကတ်မြဟ်ဂှ်ရ ပလံၚ်ဏာရုၚ်ဂဥုဲဗွဲဂတာပ်အခိၚ်ကီုလေဝ် ဒးကညစဴအာသွဝ်သီု ၃ ဇကုတုဲ အပံၚ်သၚ် ၈ ဇကု ဒးစဴအာသွဝ်ကီုရ။
မွဲကရောံဂှ်ဝွံ ဂကောံရီုဗၚ်မၞိဟ် ကေုာံ ညးအရာပ်နွံကြပ်ဗ္ဒါဲတအ် ဘိုၚ်ရီုဗၚ်ကပှ်ကိုၚ်ကေတ်တုဲ သၚ်ဒးလဝ်ဘဲဝပ်ဂှ် ပလံၚ်ပစိုပ်ဏာလဝ်ရုၚ်ဂဥုဲမုဒ္ဒဟာန်တေံတုဲ လွဳလွတ်ကဵုမံၚ်ရ။
ညးတၠကွဳစက်ကာဏအ်ဝွံ ကၠတ်ကွဳစက်ကာ ဂြိပ်တိတ်ကၠုၚ်နူဇရေၚ်သ္ၚိမိမဂးတုဲ ဒှ်မံၚ်သၟတ်ကောန်ၚာ်တြုံ အာယုက် (၁၂) သၞာံ မွဲအသိၚ်ဒဳဒမြိပ်ကွဳစက်ကာဂှ် အာတေက်ဇီုဒး သၚ်ကညကွာ်မံၚ်တရဴ ပ္ဍဲကဵုဂၠံၚ်ဇၞော်ဂှ်ရ။
ပြဟ်ဟ်ဏအ်ဝွံ ပရူဒဒှ်ကိစ္စက္တဵုအာလဝ်တုဲဂှ် ညးတာလျိုၚ်ဗၠာဲသၟိၚ်သေံတအ် ဆက်ဂၠိုက်ဂၠာဲစၟဳစၟတ် မံၚ်ဖိုဟ်တုဲ အမှုဒုဟ်ဒဏ်သာ်လဵု မုဟိုတ်သာ်လဵု ဒးကေတ်အာအရေဝ်ဂှ် သ္ပဒ္တန်လဝ်ဟွံမာန်ဏီရ။
