ပ္ဍဲဍုၚ်ကမ္မရဳ ၊ ဒေသသာဲယျော်ဂှ်ဝွံ ကိစ္စတၠသေဌဳသေံတအ် ပါ်ပရအ်ကဵုဂအာၚ်တိဂှ် ညးတာလျိုၚ်ဗၠာဲသၟိၚ်သေံတအ် လုပ်စိုပ်စၟဳစၟတ်တုဲ တၠသေဌဳသေံတအ် ကၠောန်သ္ပလီဠာန်မံၚ်ရောၚ် ဂွံတီကေတ်ရ။
နူတနေံဏအ် ဂိတုအဝ်ဂေတ် စၟတ်တ္ၚဲ (၁၃) ဂှ်ဝွံ တၠသေဌဳသေံ ပါ်ပရအ်ကဵုတိကၠအ်/ဂအာၚ်တိမးမးဂးတုဲ ကောန်ဂကူမန်ကီု သီုဂကူကရေၚ် လၟိဟ်ၜိုတ် (၆၀) တၠ သွက်သ္ဂောံကေတ်တၞးလိက်ဂအာၚ်တိဂှ် အာစိုပ်ထ္ပက်စၟတ်တဲအိုတ်တုဲ စရိတ်ထ္ပက်စၟတ်တဲဂှ် ဒးပအပ်ကဵုကၠုၚ်လဝ် ဩန်သေံ (၂၅၀၀) ၝာတ်ရ။
ဟိုတ်ဂှ်ရ ညးတာလျိုၚ်ဗၠာဲသၟိၚ်သေံတအ် လုပ်ကၠုၚ်စိုပ်စၟဳစၟတ်တၞးလိက်စၟတ်တဲကီု သီုကဵုသၟာန်သၟုက် ညးကေတ်ဂအာၚ်တိတအ်အိုတ်ရ။
ဆဂး စပ်ကဵုကိစ္စပါ်ပရအ်ဂအာၚ်တိဏအ်ဝွံ ပရေၚ်ဒဒှ်ဍာံဟွံသေၚ်တုဲ တိကၠအ်ဂအာၚ်တိ သ္ဂောံပါ်ပရအ်ကဵုဇေတ်တ်ဂှ် ဟွံမွဲရောၚ် ညးတာလျိုၚ်ဗၠာဲသၟိၚ်သေံတအ် သ္ဂးကၠုၚ်ရ။
ပြဟ်ဟ်ဏအ်ဝွံ ညးမဒှ်တၠသေဌဳသေံ မၞိဟ်ဗြဴၜါတၠဂှ် ညးတာလျိုၚ်ဗၠာဲသၟိၚ်သေံတအ် ရပ်ကော်ဏာတုဲ ဟိုတ်နူလုတ်လောန်လဝ် ဒုဟ်လီဠာန်ဩန်ညးဂမၠိုၚ်ဂှ်ရ ဒးဒုၚ်ပံက်အမှုဂဗုတ်ရောၚ် ဂွံတီကေတ်ရ။
ဗီုရုပ် – Thai News (สำนักข่าวกาญจน์)