ပ္ဍဲဒေသသ္ကုတ်သၟဝ်ကျာ ကေုာံ ဒိုဟ်ဨသာန် ကၟိန်ဍုင်သေံဝွံ စပ္တံနူဂိတုသေပ်တေမ်ဗာ စၟတ်တ္ၚဲ (၁၇) စဵုကဵု (၂၀) တေံ ဗြဲဇၞော်ဆက်ဂူမာန်ရောင် နူဌာနဗြဲကျာ ကေုာံ ဇလဗေဒသေံ (TMD) ကဵုလဝ်သတိရ။
ယဝ်ဗ္ၜတ်ဍာ်ဗြဲ “မိုးရေချိန်” ကောံကလောံကၠုင်မ္ဂး ပရေင်ဍာ်ဇၞော်ဍာ်ကလိုပ် ကေုာံ ဍာ်ဒဵုဂမၠိုင် ဇွောဝ်လိုအ်စှ်ေ ဒှ်မာန်ဂှ်ရ ဒၞာဲမကြပ်ကဵုဍာန်ဍာ်ဂမၠိုင်ကဵု ဒေသတိသဝ်ဂမၠိုင်ဂှ် စွံသတိဗွဲတၟေင်ညိ (TMD) ကဵုလဝ်ကသပ်ရ။
အပ္ဍဲအကြာဂိတုသေပ်တေမ်ဗာ စၟတ်တ္ၚဲ (၁၇ – ၂၀) ဏံဝွံ နကဵုညးအာတရဴဂမၠိုင်တံ သွက်ဂွံဝေင်ပဲါဂၠံင်ဍာန်တိသဝ်၊ ဂၠံင်ဍာန်ဍာ်ဒိုပ်ဂမၠိုင် ကေုာံ ဂၠံင်ဍာန်ဍာ်ဇၞော် မွဲနှေံမွဲနှေံညိဂှ်လေဝ် ဖ္တိုက်ဖၟောဝ်လဝ်ရ။
နဂၠုင်ဍောတ်ဍောတ် မၞုံပ္ဍဲဗလးၜဳဂမၠိုင်ဂှ်လေဝ် အပ္ဍဲကာလကဵုလဝ်သတိ ပွိုင် (၃) တ္ၚဲဏံ ညံင်သ္ဂောံဒေံါဇူဇိုင်သြင်ကီု၊ နညးဒဳယာဉ်ဍာ်တံ ညံင်ဂွံစွံသတိဒဳကီု ကေုာံ ညံင်ဂွံဝေင်ပဲါ ဒၞာဲဧရိယာ ကတဵုဒှ်လဗိုတ်ကျာဂှ်ကီု ကဵုလဝ်သတိရ။
ဇြဟတ်ကျာဂံက် “လေအေးထု” နူကၟိန်ဍုင်ကြုက်ဝွံ လုပ်ကၠုင်ဇရေင် သ္ကုတ်သၟဝ်ကျာလ္တူ ကေုာံ ဒိုဟ်ဨသာန်သ္ကုတ်လ္တူဂှ် စၟဳကေတ်လဝ်ရောင် (TMD) ဂးရ။