ညးဇၞော်အုပ်ဓုပ် “မာန်နေဂျာ” ဆေင်သွံကၠေင်စက် PP 1 မၞုံကြပ်သၞေဟ်ကင် (ကနိုင်းဒါတိုးဂိတ်) ၊ ကွာန် “ကနိုင်းဒါ” ၊ ပွိုင်ဍုင်ထဝဲါ၊ ရးတၞင်သဳဂှ် ဒးဒုင်ပန်ဂစိုတ်ကဵုလွဟ်တုဲ ဒးဒုင်ပၠံင်ၜးဏာ ကွဳစက်နွံရောင် အတိုင်ညးဒေသတံ ဟီုဂးလဝ်ဂှ် ဂွံတီကေတ်ရ။
ဂိတုသေပ်တေမ်ဗာ စၟတ်တ္ၚဲ (၁၄) ၊ နူတနေံဏံ အခိင်နူဂယး ၜိုတ် (၅) နာဍဳဂှ် ညးတြုံၜါတၠ စိုပ်ကၠုင်ဇရေင်ဆေင်သွံကၠေင်စက် PP 1 တုဲ ပန်ဂစိုတ်ဏာ ညးဇၞော်အုပ်ဓုပ် “မာန်နေဂျာ” ဆေင်သွံကၠေင်စက် “ဦးဟန်စိုင်းအောင်” အာယုက် (၃၉) သၞာံဂှ်ရ။
“ဦးဟန်စိုင်းအောင်” ဒးဒုင်ပန်ကဵုလွဟ်ဂှ်ဝွံ ဟိုတ်နူဒးအာဘဲဝပ် ပ္ဍဲသြိုဟ်၊ ပ္ဍဲဗုင်တုဲ ဒးချိုတ်အာ ပ္ဍဲကဵုဒၞာဲဂှ်ဟေင်ရ။
သၟာရပ်လွဟ်ၜါတၠဂှ်ဝွံ ပန်ဂစိုတ်ဏာ “ဦးဟန်စိုင်းအောင်” တုဲ ကွဳစက်ညးဍိုက်နင်ဂှ်လေဝ် ကေတ်ဏာလဝ်ကီုရောင် ဂွံတီကေတ်ရ။
“ညးပန်ဂစိုတ်ကဵုလွဟ်တံဂှ်တှ်ေ ညးဂှ်ရောဟီုဂှ် ဟွံတီကေတ်ဏီရ” သာ်ဝွံ ညးဒေသမွဲတၠ ဟီုရ။
မာန်နေဂျာဆေင်သွံကၠေင်စက် “ဦးဟန်စိုင်းအောင်” ဝွံ နူကဵုဂကောံရပ်လွဟ်လဵု၊ မူဟိုတ်ဂွံပန်ဂစိုတ်ဏာကဵုလွဟ်ဂှ်လေဝ် ဟွံဂွံတီကေတ်ဏီရ။
“ဦးဟန်စိုင်းအောင်” ဝွံ ဒှ်ဇာတိ ကွာန် “ကမြောကင်း” ၊ ပွိုင်ဍုင်လံင်လုင်ရဂှ်လေဝ် ဂွံတီကေတ် နူညးဒေသတံရ။