သွက်ကောန်င္ရာ် နူအဝဲအာယုက် (၉) ဂိတု စဵုကဵုစိုပ် (၅) သၞာံ မၞုံလ္တူဍုင်ကျာ်ပိ ဒေသပယျဵုတအ်ဂှ် နူကဵုဌာနထတ်ယုက်အလဵုအသဳပၞာန်တအ် ထ္ပက်ဒၟံင်ကဵု ဂဥုဲစဵုဒၞါယဲဗရန်နာ်ကဵု ယဲမှုက်နွံရောင် ညးဒေသဍုင်ကျာ်ပိတအ် ဟီုလဴကၠုင်ရ။
စပ်ကဵုထ္ပက်ဂဥုဲစဵုဒၞါ သွက်ကောန်ၚာ် လ္တူဍုင်ကျာ်ပိဝွံ ပ္ဍဲဂိတုနဝ်ဝေမ်ဗါ စၟတ်တ္ရဲ (၉) တ္ရဲဏအ်ဂှ် အရာပ် (၁)၊ စၟတ်တ္ၚဲ (၁၀) ဂှ် အရာပ် (၂)၊ စၟတ်တ္ၚဲ (၁၁) ဂှ် အရာပ် (၃)၊ စၟတ်တ္ၚဲ (၁၂) ဂှ် အရာပ် (၄)၊ စၟတ်တ္ရဲ (၁၃) ဂှ် အရာပ်ထဝ်မေအ်ပါ မွဲတ္ၚဲ မွဲအရာပ် စနူအခိင်နူဂယး (၇) နာဍဳ ထ္ပက်အာကဵုပွိုင် (၅) တ္ရဲရောၚ် လဂွံဂကောံဌာနထတ်ယုက် အလဵုအသဳပၞာန်တအ် လလောင်တြးလဝ်ဂှ် ဂွံတီကေတ်ရ။
ဒှ်သာ်ဂှ်ရ ကောန်င္ရာ်ဇကု ထ္ပက်လဝ်ဂဥုဲစဵုဒၞါဂှ် တုဲဒှ်ကီုဒှ်၊ ဟွံဂွံထ္ပက်ဏီကီုဒှ် ကၠုင်စိုပ်ထ္ပက်အိုတ်ညိဂှ်လေဝ် ဗက်ဆဝ်ဗ္ရုဟ်လဝ်နွံရ။
“ဂဥုဲစဵုဒၞါဏံဂှ် နူကဵုဌာနထတ်ယုက်အလဵုအသဳဟေၚ် ပ္တိတ်လဝ်ကဵုတုဲတှ်ေ ဂကောံ (ကြက်ခြေနီ) လ္တူဍုၚ်ကျာ်ပိကဵု ဂကောံ (ကျေးလက်ကျန်းမာရေး) ဌာနအလဵုအသဳတံ ပံၚ်ကောံတုဲ ရေၚ်တၠုၚ်ကဵု သွက်ကောန်ၚာ်ညးဍုၚ်ကွာန်တံရောၚ်” သာ်ဝွံ ညးဒေသတီပရူဒဒှ်မွဲတၠဂှ် ဟီုထ္ၜးရ။
နူကဵုဌာနထတ်ယုက်အလဵုအသဳပၞာန်တအ် ပွမကၠုင်ထ္ပက်ကဵုဂဥုဲစဵုဒၞါယဲ သွက်ကောန်င္ရာ် မၞုံလ္တူဍုင်ကျာ်ပိသာ်ဏအ်ဂှ် ဗွဲကြဴနူပၞာန်သီအဝဵု စနူသၞာံ ၂၀၂၁ တုဲ အလန်ဏအ်ဂှ် ဒှ်အလန်ကိုပ်ကၠာအိုတ်ရောင် ဂးရ။
ဆေင်စပ်ကဵုမပ္တံပရေင်အုပ်ဓုပ်၊ ပရေင်ဂီုကၠီု လ္တူဍုင်ကျာ်ပိဂှ် နူကဵုသၞာံ ၂၀၂၂ တေံ ဂကောံရပ်လွဟ်ကရေင် KNU ကဵု DKB တအ် လုပ်ထိင်ဒဝ်လဝ် စဵုကဵုတ္ရဲဏအ်ဖိုဟ်ရောင် ဂွံတီကေတ်ရ။