Homeပရိုၚ်ပ္ဍဲခရိုၚ်ပူကေတ် ဟိုတ်နူခဒမ်သ္ၚိတိုက်ပၟတ်တူတုဲ မၞိဟ်ချိုတ် (၁၁) တၠ၊ ဒးဝပ် (၃၀) တၠပြၚ်

ပ္ဍဲခရိုၚ်ပူကေတ် ဟိုတ်နူခဒမ်သ္ၚိတိုက်ပၟတ်တူတုဲ မၞိဟ်ချိုတ် (၁၁) တၠ၊ ဒးဝပ် (၃၀) တၠပြၚ်

တ္ၚဲဏအ် ဂိတုနဝ်ဝေမ်ဗာ စၟတ်တ္ၚဲ (၁၆) အခိၚ်နူဂယးပြဟ် (၃) နာဍဳဂှ်ဝွံ ပ္ဍဲခရိုၚ်ပူကေတ် ကၟိန်ဍုၚ်သေံ၊ အရာပ်ပါတံၚ် ဒၞါဲခဒမ်သ္ၚိတိုက်မွဲဒၞါဲဂှ် ဟိုတ်နူပၟတ်တူဇၞော်ကဵုဇြဟတ်တုဲ မၞိဟ်ချိုတ် (၁၁) တၠ ကေုာံ မၞိဟ်ဒးဘဲဝပ် (၃၀) တၠပြၚ်နွံရောၚ် ဂွံတီကေတ်ရ။

မွဲအသိၚ်ပၟတ်ထၞာန်ကၠောံတူ လလအ်ဂွံပွိုၚ် (၂) နာဍဳဂှ် ဂကောံပၠိုတ်ပၟတ်တအ် ထိၚ်ပၠိုတ်ပၟတ်မာန်ကၠုၚ်လဝ်တုဲ ခဒမ်သ္ၚိတိုက် ဗၞတ် (၅) ထပ်၊ ကပေါတ် ကေုာံ ကွဳလိုန်ဓါတ်ဂၠိုၚ်ကဵုဖ္ဍိုက်တအ်ဂှ် ဒးဆောံလေၚ်ကၠုၚ်ဗွဲမဂၠိုၚ်နွံရ။

မွဲအခိၚ်ပၟတ်တူဂှ်မ္ဂး ညးမဒှ်အုပ်ဓုပ်ပွိုၚ်ဍုၚ် နာဲချိုဝ်တဳနရေန် ခါဇြောန် ကၠုၚ်စိုပ်စၟဳစၟတ် ရံၚ်အကာဲအရာတုဲ ဂကောံရီုဗၚ်မၞိဟ်တအ် ကေုာံ ညးမၞုံကဵုတာလျိုၚ်တအ် ဗွဲမဂတာပ်အခိၚ် ဟံၚ်ပြာ်ကေတ်လဝ်မၞိဟ်တအ်တုဲ မၞိဟ်ချိုတ်ကဵု မၞိဟ်ဒးဘဲဝပ်တအ်ဂှ် ပလံၚ်ပစိုပ်ဏာလဝ် ရုၚ်ဂဥုဲဍုၚ်ပူကေတ်တေံကီုရ။

ပြဟ်ဟ်ဏအ်ဝွံ ဂကောံရီုဗၚ်မၞိဟ်တအ် ဂၠိုက်ဂၠာဲဟံၚ်ပြာ်ကေတ်မံၚ်မၞိဟ်တအ်တုဲ ပရူဒဒှ်ပၟတ်ဂွံကၠောံတူ၊ မၞိဟ်ချိုတ် / ဒးဘဲဝပ်တအ် နွံဂလိုၚ်လဵုရောဂှ် ညးတာလျိုၚ်တအ် ဟွံဂွံလလောၚ်ပရိုၚ်ဏီတုဲ သ္ပဒ္တန်ဟွံမာန်ဏီရ။

RELATED ARTICLES

Most Popular

Recent Comments

nara on DSCF1116