အတိုင်အခိုက်ကၞာသဘင်ကျာ်တၟအ် ကၠောန်ဗဒှ်ဒၟံင် ပ္ဍဲတွဵုရးဍုင်မန်၊ ပွိုင်ဍုင်မုဟ်ဍုင်၊ ဍုင်ကၟာဝက်ဂှ်မ္ဂး သၞာံဏံ ကၟုဲညးမကၠုင်ဝေင်သဘင် ဂၠိုင်နူသၞာံတုဲတေံရောင် နူညးဒေသတအ် ဂးရ။
သၟတ်နူကဵုဒေသဇဳ လၟိဟ်ကဵုလ္ၚီ ကၠုင်စိုပ်တုဲ ဒၞာဲတိက်မံင်စံင်ဟွံမွဲ ဒှ်ကၠုင်ဂှ်လေဝ် ညးတြုံ ဒေသဍုင်ကၟာဝက်မွဲတၠဂှ် ဂးရ။
“သၞာံဏံစဳဂၠိုင်မံင်။ တုဲ ၆ ကဵု ၇ စွေက်ဂှ် ဂဳတနွံမံင်လေဝ်။ ရံင်ကေတ်တှ်ေ သၞာံဏံ ရဲကၠုင်တိုန်ကျာ်တၟအ် ဂၠိုင်နူကဵုသၞာံတုဲတေံဏီ။ ကဵုလ္ၚီဟဂှ်ရ။ ဆဂး ချိုတ်တ်ပၠိုတ်တ်ဂှ် လဴဟွံဒးလေဝ်” သာ်ဝွံ ဟီုရ။
စနူဂိတုဝှ် ၆ စွေက် စဵုကဵုစိုပ် ၈ စွေက် နကဵုအခိုက်ကၞာယေန်သၞာင်မန်ကီု သီုပေါဲသဘင်ဂဳတ ကၠောန်ကၠုင်မံင် သဘင်ကျာ်တၟအ် ဇၟာပ်သၞာံနွံတုဲ ကၟုဲညးအာတရဴအဝဲစုင် နူဒေသဇဳတအ် အာစိုပ်မံင်ဂြုဂြုဂြီုဂြီုအိုတ်ရ။
ပ္ဍဲကာလ တ္ၚဲသဘင်ကျာ်မ္ဂး လံင်ဗဗေင်၊ ကဝါ်ကျာ်၊ ဗ္စဖျုင်စတုဒဳသာတုဲ ပေါဲဝေင်ဇြဟတ်တအ်ကီု ပါလုပ်ကၠောန်ဗဒှ်ဒၟံင်နွံဂှ်လေဝ် ဂွံတီကေတ်ရ။
ကၠာတေံ ညးလ္ၚောဝ်ကျာ်တအ်ဂှ် အခိင်ဗတံ တိုန်စိုပ်ဗဵုလ္ၚောဝ်မာန်ကီုလေဝ် ဟိုတ်နူကဵုပရင်ဂီုကၠီုနာနာတုဲ လၟုဟ်မ္ဂး စၟတ်လဝ်အခိင်တိုန်လ္ၚောဝ်ကျာ် ပ္ဍဲအခိင်တ္ၚဲရ။