၁၃၈၆ သၞာံ၊ ဂိတုစဲ ၅ မံက်၊ တ္ၚဲဗုဒ္ဓဝါ (2.4.2025) ဏံမ္ဂး ကောံဓရီုပရေင်ဂကူမန် သၞာံ- ၂၀၂၅ ကၠောန်ဗဒှ်အာပွိုင် ၅ တ္ၚဲ၊ ပ္ဍဲဌာနဘာဓာတုမာလာ အရာပ်ဇြေဂျိုဝ် ဍုင်မတ်မလီုရောင် ဂွံတီ ကေတ်ရ။ ကောံဓရီုဂှ် ကၠာတဲရန်လဝ် ကၠောန်ဗဒှ်အာ ပ္ဍဲကွာန်ကအ်ပလိုင် ခရိုင်သဓီုရ။ ကြပ်ကၠုင် ကဵု အခိင်ကၠောန်ကောံဓရီုဂှ် နာဲသြဆာန် က္ဍိုပ်သ္ကိုပ်ဒပ်ၜိုဟ်လလမ်ဂကူမန် (ပြည်သူ့ စစ်) ဒးဒုင်ပန်ဂစိုတ်တုဲ စဳဇန်လဝ် ကောံဓရီု ပ္ဍဲကွာန်ကအ်ပလိုင်ဂှ် ပြံင်စိုပ်ကၠုင် လ္တူဍုင်မတ်မလီုရ။

၁၃၈၆ သၞာံ၊ ဂိတုဖဝ်ရဂိုန်အိုတ် (28.3.2025) အခိင်ဒေါဝ်တ္ၚဲ (၁၂း၅၀) နာဍဳဂှ် တိချဳ M 7.7 ပ္ဍဲဒေသသဂါင်၊ မန္တလေဝ် မၞုံလဒေါဝ်ၝောံဍုင်ဗၟာတုဲ မပတံကျာ်စေတဳ၊ ဘုတ်၊ ဘာ၊ ရုင်၊ သ္ၚိဌာန်၊ ဒဒန်၊ ဂၠံင်ဍာန်ဂမၠိုင် လီုလာ်အာတုဲ သင်ပဝ်၊ မၞိဟ်ချိုတ်၊ ဒးဂွဵုဂွိုက် လၟိဟ်ဂၠိုင်ကဵုလ္ၚီရ။ ခေတ်ဏံ ဒှ်ဒၟံင်ခေတ်လပှ်ကျာ အေန်တာနေတ်တုဲ ဗီုရုပ်မၞိဟ်တံ ဒှ်မံင်ဒဒိုက် ဘဲဒဏ်သဘာဝ အလန်ဏံဂှ် မွဲဒမြိပ်ဓဝ် ပြးအလုံလိုက်မွဲရ။

အ္စာပရိုင် နူကဵုဍုင်သ္အာင်တအ် အာတ်မိက်ပ္တိုန်ထ္ၜးလဝ် သွက်ဂွံကၠုင်ကေတ်ပရိုင် ဆေင်ကဵုပရေင်ကသဳတိဍုင်ဗၟာဂှ် နူကဵုကံင်ဇြဳပၞာန်တအ် ထ္ၜးဟိုတ်ကဵု ဒၞါဲမံင်စံင် အာကၠုင်ဟွံပြေပြံင်ဂးတုဲ ကၟာတ်ဒၞါတဴအခေါင်ကေတ်ပရိုင်ရ။

နကဵုဒပ်စဵုဒၞါညးဍုင်ကွာန် (ဍုင်ရေဝ်) YPDF တအ်ဂှ် ဒုင်ကေတ်ပၠတရဴ ပရေင်ဍုင်ကွာန်၊ ပရေင်ပၞာန် ကံင်ဇြဳဖေဝ်ဒရေဝ်ဍုင်မန် MSFC တုဲ ဗ္တိုက်သရိုဟ်အာ ကံင်ဇြဳပၞာန် ကေုာံ သၞောတ်တၠအဝဵုပၞာန် ညံင်ဂွံအိုတ်အးဏောင် လလောင်တြးကၠုင်ရ။

စပ္တံနူဂိတုမာတ်မံက်ဏံတုဲ ဒပ်ဗၠာဲသၟိင်ထိင်ဒဝ်ကောပ်ကာဲကွဳစက်ယာန် (ယာဉ်ထိန်းရဲ) တံ ပတေင်ဂရတ်ပတိုန် ပရေင်စၟဳစၟတ် ရပ်ကွဳစက်၊ ကွဳလိုန်ဓာတ်တုဲ တပ်မံင်ဒန်ဩန်ဂှ် ဒှ်အစဳ ဇန် သွက်ဂွံဂၠာဲဗပေင်ကောန်ပၞာန် နဲတၟိမွဲပၠန်ရောင် ပရိုင်ကြပ်ကဵု ညးတာလျိုင်ဗၠာဲသၟိင် ဍုင်မတ်မလီုမွဲတၠဂှ် ဟီုလဴထ္ၜးရ။

ဂကောံဒက်မိတ်ကောန်ဂကူမန်(သဟာဲမန်) ဖျေံသ္ဇိုၚ် ဍုၚ်သေၚ်ကာပေါဝ်ဝွံ ရန်ကဵုဂွံဒှ်အထံက်အရီု သွက်ပရေၚ်ပညာမန် ဂွံဇၞော်မောဝ်အာ ပ္ဍဲအနာဂတ်ဂတတေံမာန်တုဲ ကဵုအာလာပ်ပညာ (scholarship) ကုကွးဘာကဝ်လိက်ကောန်ဂကူမန်တံနွံရောၚ်ဂှ် ဂွံတီကေတ်လဝ်ရ။

ပ္ဍဲဍုင်ၜင်ကံက်၊ ကၟိန်ဍုင်သေံဂှ် သၟာကမၠောန်ကောန်ဍုင်ဗၟာ ကၠောန်ဒၟံင်ကမၠောန်ပရေင်သၟးဇ္ၚးမြံင်ဍာ်ပိုက် (၂) တၠ ဟိုတ်နူယှတ်ပၟတ်ဓါတ်လလဳတုဲ ဒးဒုင်ချိုတ်အာနွံရောင်ဂှ် ဂွံတီကေတ်ရ။

စပ်ကဵုပရေင်ဂီုကၠီုဂကူမ္ဂး ပ္ဍဲကောံဓရီုဇၞော်ပရေင်ဂကူမန် သၞာံ (၂၀၂၅) ဏံ ဒးသဳကၠဳထေက်ရောင် သၟာပရေင်ဍုင်ကွာန်လ္ၚဵု စှေ်စိုတ်ရ။

ပ္ဍဲကဵုတ္ၚဲဏံ ဂိတုဖရဂိုန် (၈) စွေက်၊ အခိင်နူဂယး (၂) နာဍဳသေံဂှ် နူကဵုဗၠာဲသၟိင်သေံသၚ်္ခဠဗူရဳ (ကွာန်ဝၚ်္က) တံ ထပ်ကလေင်ရပ်ဂွံဏာလဝ် ကောန်ဍုင်ဗၟာရဲညးကၠတ်လုပ်ဍုင်သေံတံ လၟိဟ် (၂၃) တၠပၠန်တုဲ အပ္ဍဲဂှ်တှေ် သီုပါလုပ်ကောန်ၚာ် (၆) တၠကီုရောင် ဂွံဆဵုကေတ် ပ္ဍဲဌာန်ပရိုင်သေံဂမၠိုင်ရ။

ဂိတုအေပရဴမံက်ဏံမ္ဂး သွက်ဂွံကၠောန်အာကောံဓရီုပရေင်ဂကူမန် သၞာံ ၂၀၂၅ နွံရောင် ညးလုက်စုက်ကဵု ကမ္မတဳ ကၠောန်ဗဒှ်ကောံဓရီုပရေင်ဂကူမန် မွဲတၠ ဟီုထ္ၜးရ။