Categories
ပရိုၚ်

ဗက်ကဵုဒါန်ခတဵုတၟံ ကုကွးဘာ ဘာကေါန်ဂကူမန်

ဒဒှ်ရခတဵုတၟံ လုပ်ဒၟံၚ်အဝေါၚ်ဏီဂှ် မိက်ဂွံကဵုတီကီု၊ ကွးဘာမန်တအ် ခရိတ်ခတဵုတၟံအိုတ် ဂွံသက်သာကီုရန်တုဲ ပ္ဍဲဂိတုဂျောန် ၂၀ ဂှ် ဗက်ကဵုဒၟံၚ်ဒါန် ခတဵုတၟံကဵုသတ်ဒကှော် ပ္ဍဲဘာကောန်ဂကူမန် ဣရ ဂွံတီကေတ်။

ကွးဘာမန်ဂမၠိုၚ် သီုကဵုခတဵုတၟံ(MNA)
ကွးဘာမန်ဂမၠိုၚ် သီုကဵုခတဵုတၟံ(MNA)

တၠဒါန်ကောန်ကွာန်မုဟ်ဒုန် (တ္ကံခၟိုၚ်) မစိုပ်ဒၟံၚ်ဍုၚ်မ္ၚးတေံကီု သြန်ဂအုံဒေသကီုပံၚ်ပကောံတုဲ တၠဂုဏ်ဥက္ကံသ သ္ပက္ဍိုပ် အာကဵုမံၚ်ဒါန်ခတဵုတၟံ ပ္ဍဲဘာကောန်ဂကူမန်တအ်ရ။

တၠဂုန်ဥက္ကံသ “ သၞာံဏအ် စွံအဓိကကဵု ဘာပိုဲဂွိုအ်ကဵုလဝ် ပ္ဍဲသၞာံအာတေံတုဲ ပိုဲအာကဵုဒါန်။ အဓိက ပ္ဍဲဘာကောန်ဂကူမန် ကွာန်လေအ်တက်၊ ကွာန်နာၚ်သၠုၚ် ပွိုၚ်ဍုၚ်မုဟ်ဍုၚ်ဂှ် ပိုဲအာကဵုကၠာအိုတ်” ဂးရ။

တုဲတှေ် ဘာကောန်ဂကူမန် နွံပ္ဍဲ ပွိုၚ်ဍုၚ်ဇြပ်ဗု၊ ပွိုၚ်ဍုၚ်ရေဝ် ဒေသဖါလိန်၊ ပွိုၚ်ဍုၚ်လှာဒကှ်၊ ပွိုၚ်ဍုၚ်ကျာ်မြဟ် ကေုာံ ဘာနွံပ္ဍဲတိဍာ်ဗော်ဍုၚ်မန်တၟိတေံဂှ်လေဝ် ဆက်ကဵုအာကီုဏောၚ် တၠဂုဏ်ဥက္ကံသ ဂးရ။

လ္တုန်ပထမဏအ် တရးကဵုဒါန် ခတဵုတၟံ ၂၀၀၀ မဏောၚ်ဒှ်တုဲ ကောန်ကွးဘာမွဲတှေ် ခတဵုတၟံ မွဲမကဵု သတ်ဒကှော် (၅) တၞုၚ် ဂွံမာန်ဏောၚ် ဂွံတီကေတ်ရ။

“ပ္ဍဲဘာမန်ပိုဲ အဃောဂြက်မံၚ်ဏအ် ညးတအ်ကၠုၚ်ထံက်ပၚ် ဗီုဗီုဏအ်ဂှ် မိပ်စိုတ်ကွေံကွေံရ” မိနန္ဒာဒေဝဳ ဂအုပ်ဘာ ဘာမူလလောန်ကောန်ဂကူမန် ဂးရ။

သၞာံအာဏအ် အဃောစိုပ်အာ ပ္ဍဲဘာကောန်ဂကူ ဒေသတိဍာ်ဗော်ဂှ် ပ္ဍဲကောန်ကွးဘာတအ် ခတဵုတၟံ တိတ်ဒၟံၚ်ၜါကရေက်၊ ဂရီုဍေံလေဝ်ဟွံမွဲရ ဂွံဆဵုညာတ်ကေတ်ဗီုဂှ်တုဲ ဗက်ကသေအ် မိဿဟာဲ သ္ကအ်ရဲ မစိုပ်မံၚ်ဌာန်သ္ၚောဲ သီုကဵုတၠစေတနာ ပ္ဍဲဒေသတအ်တုဲ အာထံက်ပၚ် ခတဵုတၟံကဵုသတ်ဒကှော် အလန်ကၠာအိုတ် တၠဂုဏ်ဥက္ကံသ ဂးရ။

သၞာံအာဏအ် ဂွံဏာခတဵုတၟံ ၃၀၀၀ မတုဲ အာထံက်ပၚ်လဝ် ပ္ဍဲဘာမန်ဂမၠိုၚ် ဒေသကၞောတ်ၜဳရေဝ်၊ဍုၚ်ခေါဇဴ ရေဝ်သမၠုၚ်ကျာ ကေုာံ ဘာ နွံပ္ဍဲပွဳပွူ ဗော်ဍုၚ်မန်တၟိကီုရ ဂွံတီကေတ်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.