မိစၠန်ထဝ်
ဒဝ်အံၚ်သာန်သုကျဳ ပေၚ်အယုက် (၆၅) သၞာံဏံဂှ် နူဂကောံညးဗြဴမန် မၞုံဒေသပယျဵု ဍုၚ်သေံ–ဗၟာတံ ကၠောန်ဗဒှ်ခန်ကၞာ တ္ၚဲမ္ၚဵုဒှ်မၞိဟ်ရ။
ပ္ဍဲကဵုအခန်ကၞာဂှ်ဝွံ ဂကောံညးဗြဴမန်ကေုာံ သၟတ်မၞံုဒၟံၚ်ပ္ဍဲဒေသပယျဵုသေံ-ဗၟာ ၜိုတ် ရ၀ တၠပြၚ်တံ တိုန်စိုပ် ကၠောန်ဗဒှ်ဏာ ဗွဲမအံၚ်ဇၞးရ။
ညးမတိုန်စိုပ် ဂကောံသၟတ်တံဝွံ ဗီုပြၚ် ဒဝ်အံၚ်သာန်သုကျဳ တတ်ထပါ်ကၠုၚ် အခိၚ်ညးစှေ်ပရေၚ်စန္ဒက် ပ္ဍဲဍုၚ်ဗၟာတေံကီု၊ သီုပရေၚ်ဒဒှ် ဒဳပေဝ်ယျေန်ကီုဂှ် နကဵုဗီုပြၚ်ထ္ၜးဇာတ် ပတိုန်ထ္ၜးဏာကဵု ညးမတိုန်စိုပ်တံရ။
ဒဝ်အံၚ်သာန်သုကျဳဝွံ ဍုၚ်ဗၟာညံၚ်သ္ဂောံဂွံ ဒဳမဝ်ကရေဇြဳကီု၊ ကောန်ဂကူကောန်ဍုၚ်အရၚ်တံ ညံၚ်ဂွံတိတ်ဗၠးအာ နူဘဝသၟဝ်တဲ တၠအဝဵုပၞာန်ဂှ် ဂစာန်လွဳပရာမံၚ် နကဵုအစောန်စရာဲပေၚ်ၚ်ဂှ်ရ မိက်ဂွံဗှ်ဗၞုဟ်ဂုဏ်ညးကီု၊ သီုကဵုပတိုန်ဂုဏ်စရာဲကဵုညးကီုတုဲ မဒးကၠောန်ဗဒှ် ခန်ကၞာတ္ၚဲညးဒှ်မၞိဟ်ဂှ်ရောၚ် ကော်မတဳကၠောန်ဗဒှ်တ္ၚဲဒှ်မၞိဟ်ဒဝ်သုမွဲတၠ ဟီုရ။
“ဒဝ်သုဂှ် ၜိုန်ရ ဒှ်မံၚ်ညးဗြဴမွဲတၠကီုလေဝ် ညးဍုၚ်ကွာန်တံ ညံၚ်ဂွံတိတ်ဗၠးနူ ဘဝသၟဝ်တဲတၠအဝဵုပၞာန်ဂှ် ဂစာန်ကဵုမံၚ်၊ ဗီုညးဂစာန်ေရၚ်တၠုၚ်မံၚ်ဂှ် ပိုဲတံကေတ်ဂုဏ်စရာဲကွေံကွေံရ၊ တုဲပၠန် သွက်ကောန်ဂကူမန်ပိုဲ ဂွံဗၠးတိတ်နူဘဝဍိက်ဂှ်လေဝ် ညးဖိုၚ်ဂစာန်မံၚ်ကီုဏောၚ် စၟဳစလဝ်ရ” သာ်ဝွံ ညးဆက်ဟီုရ။
ညးမတိုန်စိုပ်အခန်ကၞာတံ ဟီုဂှ်တှေ် ဒဝ်သုဝွံ ၜိုန်ရဒှ်မံၚ်ညးဗြဴမွဲကီုလေဝ် သွက်ဍုၚ်သ္ဂောံဂွံ ဒဳမဝ်ကရေဇြဳဂှ် ဒစဵုဒစးကဵု အလဵုအသဳပၞာန်ဗၟာ ဂံၚ်ၚ်သကာသကာကီု၊ ဂၠးကဝ်လေဝ် စၟတ်သမ္တီမံၚ် ညံၚ်ရဴသဂံၚ်ဗြဴမွဲကီုတုဲ နကဵုသၟတ်တံ ဒးကေတ်ဂုဏ်စရာဲ၊ သီုကဵုရှေ်သှေ် ထေက်ကဵုဒးကေတ်ပတောံညးရောၚ် ဟီုအိုတ်ရ။
တုဲပၠန် ပ္ဍဲဍုၚ်မလေဝ်ယှာတေံလေဝ် ဂကောံဒဳမဝ်ကရေဇြဳ တိဍာ်ဗၠးၜး၊ ဂကောံကောန်ဂရိတ်ဇြောဝ်မဳ (ဇိုမီးအမျိုးသားကွန်ကရက်) ကေုာံ ဂကောံဒဳမဵုကရေဇြဳကောန်ဂကူရခေၚ်တံ ပ္ဍဲတ္ၚဲဒဝ်သုဒှ်မၞိဟ်ဂှ် သီုကဵုပတိတ်လိက်လလောၚ်တြးနွံရ။
ပ္ဍဲလိက်လလောၚ်တြးဂှ်ဝွံ (၁) ဗွဲမပြဟ် ဗလးကဵု ဒဝ်အံၚ်သာန်သုကျဳ၊ ဥူခန်ထောန်ဥူ ကေုာံ ကောန်ထံၚ်သၟာပရေၚ်ဍုၚ်ကွာန်တံ (၂) ကလေၚ်သ္ၚဳဂၠိပ်ကဵု သၞောဝ်သဇိုၚ် ဥပဒေ ၂၀၀၈ (၃) ကောန်ဂကူဂမၠိုၚ် ဂွံပါလုပ်မာန်ဂှ် နကဵုဗဗွဲဓဝ် ကၠောန်ဗဒှ်ကဵု ပ္ဍဲပေဲါရုဲမာဲဗၠးဗၠးၜးၜး တံမဒှ်ရ။
0 Comments