ကမ္မတဳကၠောန်ဗဒှ်တ္ၚဲကောန်ဂကူမန်ပွိုၚ်ဍုၚ်ဇြပ်ဗု ဒးထ္ပက်စၟတ်တဲ ဒုၚ်လျိုၚ်

by | Jan 30, 2012 | ပရိုၚ် | 1 comment

နာဲမာန် – ပ္ဍဲကဵုသဘၚ်တ္ၚဲကောန်ဂကူဂှ် ပွမဟီုဂလာန်ပရေၚ်ဍုၚ်ကွာန်ကီု ညံၚ်ဟွံဂွံဇီုကပါ်ဒးပရေၚ်ပါ်ထ္ကး ဆီကောန်ဂကူမွဲ ကဵုမွဲဂကူကီု စပ်ကဵုပရေၚ်ဂီုကၠီုကီု ညံၚ်ဂွံကေတ်လျိုၚ်မာန်ဂးတုဲ သတ္တတုဲကၠုၚ်ဂှ် ကမ္မတဳကၠောန် ဗဒှ်တ္ၚဲကောန် ဂကူမန်ပွိုၚ်ဍုၚ်ဇြပ်ဗုတံ နူကဵုဂကောံသ္ကိုပ်ပရေၚ်အုပ်ဓုပ်ပွိုၚ်ဍုၚ်ဂှ် ကဵုထ္ပက် စၟတ်တဲ တၚ်ဒုၚ်လျိုၚ်ရ။

ပရေၚ်ထ္ပက်စၟတ်ဒုၚ်လျိုၚ်ဂတိပါၚ်ဂှ် နူလက်ထက်အလဵုအသဳပၞာန်တေံ ကေၚ်နွံကၠုၚ် ဒှ်ကၠာလေဝ် စပ်ကဵုပရေၚ်ဂီုကၠီုဂှ် ကမ္မတဳကၠောန်ဗဒှ်တ္ၚဲကောန်ဂကူမန် ပွိုၚ်ဍုၚ်ဇြပ်ဗုတံ ဒှ်သံသယဟွံကၠးတုဲ ကလေၚ်သၟာန်ဏာ ညးလျိုၚ် သ္ကိုပ်ပရေၚ်အုပ်ဓုပ် ပွိုၚ်ဍုၚ် (ဦးကျော်ကောၚ်) တံရ။

ဗီုညးလျိုၚ်အုပ်ဓုပ်တံကလေၚ်သှ်ခၠေဝ်ဂှ် “တ္ၚဲကောန်ဂကူမန်ဂှ် ဖအိုတ်ဂှ်မန်တံရဏောဝ် သောၚ်ဂှ်ရ ညံၚ်ဟွံဂွိုအ်ဒှ်ဗြဒ္ဒညာဂှ် ဇကုတံဒးထိၚ်ဏေါဝ်”သာ်ဏံ ဗီုလျိုၚ်အုပ်ဓုပ် ပွိုၚ်ဍုၚ်ဟီုဂှ် ညးလျိုၚ်ကေၚ်ကာကမ္မတဳ တ္ၚဲကောန်ဂကူမန် ပွိုၚ်ဍုၚ်ဇြပ်ဗုမွဲတၠ ဟီုထ္ၜးရ။

ပရေၚ်ညးလျိုၚ်အုပ်ဓုပ်ပွိုၚ်ဍုၚ်တံသောၚ်ကလးဂှ် ကမ္မတဳတ္ၚဲကောန်ဂကူတံ ဟွံပြေစိုတ်တုဲ “အတိုၚ်ရဲဂကောံအုပ်ဓုပ်တံ ဟီုဂှ် ပိုဲဟွံဒုၚ်ထ္ပက်စၟတ်တဲတုဲ အိုတ်ကၞောတ် ဍေံဒးကလေၚ်ဟီု လက္ကရဴ ဂကောံမန်ဂှ် ဂကောံဂီုကၠီုပါ်ပိုဲလေဝ် နွံမံၚ်ကီုရောၚ်” သာ်ဝွံ ညးလျိုၚ်အုပ်ဓုပ် (သ္ကိုပ်ပရေၚ်အုပ်ဓုပ်ပွိုၚ်ဍုၚ် ဦကျော်ကောၚ်) တံ ဟီုသာ်ဂှ်တုဲ ကမ္မတဳကၠောန်ဗဒှ်တ္ၚဲကောန်ဂကူ ပွိုၚ်ဍုၚ်ဇြပ်ဗုတံလေဝ် ဒးဒုၚ်ထ္ပက်စၟတ်တဲ တၚ်ဒုၚ်လျိုၚ်ဂှ်ရ။

စပ်ကဵုပရေၚ်တၚ်ဒုၚ်လျိုၚ် အသေအဟာန်တ္ၚဲကောန်ဂကူမန်ဂှ် ညးမဒှ် ဒုဥက္ကဌလၟိဟ် (၁) အ္စာသဝ်နာဲစောန်တၟးဟီု ဂှ် “လ္ပာ်ဗဟဵုပိုဲကီု လ္တူဍုၚ်မတ်မလီုကီုဂှ် ဗီုဇြပ်ဗုဂှ် ဟွံမွဲပုဟ်၊ နူစပိုဲအာပ္တိုန်လိက်အရၚ်ဗဟဵုဂှ် ဆဵုကဵု ဂအုပ်ဝန်ဇၞော် တွဵုရး အုၚ်မျေအ်ကီု၊ ပိုဲအာတ်သီုကဵုဒၞာဲကၠောန်ဗဒှ်တ္ၚဲကောန်ဂကူမန် ပ္ဍဲၝောံခန်ပွိုၚ်ဍုၚ်ဏီ၊ ညးတံဟီုဂှ် ညးတံကဵု အခေါၚ်ဟွံဂွိုအ် ဆဂး ညးတံထံက်ပၚ်ကဵု သၠဲၜါကိုဋ်ဏီ” သာ်ဏံ ဒုဥက္ကဌဂှ် ဟီုထ္ၜးရ။

ကိစ္စပရေၚ်တ္ၚဲကောန်ဂကူမန်ဂှ် လၟေၚ်အရိုဟ်ဟ်သၞာံ ပရေၚ်ပ္တိုန်လိက်ဂှ် ဗဟဵု ပွိုၚ်ဍုၚ်ဂမၠိုၚ် ကဆံၚ်ပွိုၚ်တိုက် ကဆံၚ်ကွာန် ကမ္မတဳကၠောန်တ္ၚဲကောန်ဂကူကဆံၚ်ၚ်တံ ဒးပ္တိုန်ဒၟံၚ်လိက်ဒုၚ်စဳရေၚ် ဇရေၚ်ညးအုပ်ဓုပ်ကဆံၚ်ၚ်တံ နွံရ။ “အခိၚ်တ္ၚဲဏံ လ္ပဟီုမအရေဝ်ပရေၚ်ဍုၚ်ကွာန်ဟီုဂှ် အခိၚ်ဂှ်ဟွံသေၚ်ရပုဟ်၊ အခိၚ်ဒးဟီုအရေဝ်ပရေၚ်ဍုၚ် ကွာန်ရဏောဝ်၊ တုဲတှေ် ပရေၚ်ပါ်ထ္ကးဆီဂကူတံ ပရေၚ်ဂီုကၠီုတံဂှ်ပၠန်လေဝ် ပ္ဍဲကဵုတ္ၚဲကောန်ဂကူမန်ဂှ် သက်ဒးဟီု ဝေၚ်လေဝ်ဟွံသေၚ်ပုဟ် ညးလျိုၚ်အုပ်ဓုပ်တံ ဟီုကၠုၚ်ဗီုဏံတှေ် မိက်ဂွံကရေပ်ဓရတ်ညးကံမွဲနဲ မွဲဗီု ဗီုဏံရောၚ် ပိုဲစွံ စိုတ်”သာ်ဏံ ဂကောံကေၚ်ကာဗဟဵု နာဲဃောသိုက်ဟီုရ။

ကိစ္စတၚ်ဒးဒုၚ်လျိုၚ် ဒးထ္ပက်စၟတ်တဲဂှ် “လ္ပာ်ပွိုၚ်ဍုၚ်မုဟ်ဍုၚ်ပိုဲလေဝ် မုဟွံမိၚ်ပုဟ် ပရေၚ်ဒုၚ်စဳရေၚ်ဂှ်ရ ပိုဲဒုၚ်စဳရေၚ် ဏာတုဲယျ၊ ဒုၚ်စဳရေၚ်ဏာတုဲတှေ် တုဲရ မုလေဝ် ညးတံ သက်ဂွံဒးမှာန်ဟွံမွဲပုဟ်” သာ်ဏံ ညးမဒှ်ဂကောံကေၚ်ကာ ကမ္မတဳကၠောန်ဗဒှ်တ္ၚဲကောန်ဂကူမန် ပွိုၚ်ဍုၚ်မုဟ်ဍုၚ် နာဲမာန်ဂကူ ဟီုထ္ၜးကဵုရ။

ပရေၚ်တ္ၚဲကောန်ဂကူမန်ပွိုၚ်ဍုၚ်ဇြပ်ဗု ဒးဒုၚ်ကေတ်လျိုၚ် စဵုဒၞာ ဟီုအရေဝ်ပရေၚ်ဍုၚ်ကွာန်ကီု ပရေၚ်ပါ်ထ္ကးဆီ ဂကောန်ဂကူ မွဲကဵု မွဲဂှ်ကီု ကေတ်လျိုၚ်ပရေၚ်ဂီုကၠီုဂှ်ကီု ကမ္မတဳကၠောန်ဗဒှ်တ္ၚဲကောန်ဂကူပွိုၚ်ဍုၚ်ဇြပ်ဗုတံ ဒးပ္တိုန်ထ္ၜးကဵု ကမ္မတဳကၠောန်ဗဒှ်တ္ၚဲကောန်ဂကူ ကဆံၚ်ဗဟဵုရောၚ်ဂှ်လေဝ် ဂကောံကေၚ်ကာပွိုၚ်ဍုၚ်ဇြပ်ဗုမွဲတၠ ဟီု ထ္ၜးရ။

Written by

Related Posts

သၟာကမၠောန်ဆုဲပြံၚ်တအ်တက်က္ဍိုပ်တုဲ ဗက်ကၠတ်ၜှ်ပလှ်သတ်ဆုအကြာကၠအ် ဒှ်ဂၠိုၚ်တိုန်

သၟာကမၠောန်ဆုဲပြံၚ်တအ်တက်က္ဍိုပ်တုဲ ဗက်ကၠတ်ၜှ်ပလှ်သတ်ဆုအကြာကၠအ် ဒှ်ဂၠိုၚ်တိုန်

သၟာကမၠောန်ဆုဲပြံၚ်တအ်တက်က္ဍိုပ်တုဲ ဗက်ကၠတ်ၜှ်ပလှ်သတ်ဆု အကြာကၠအ်ညးဍုၚ်ကွာန်တအ် က္တဵုဒှ်ဂၠိုၚ်တိုန်ကၠုၚ်ကွေံကွေံရောၚ် တၠကၠအ်သတ်ဆု နူပွိုၚ်ဍုၚ်ရေဝ်မွဲတၠ ဟီုရ။

ကွးဘာနူဘာကောန်ဂကူလ္ၚဵု ပြံၚ်ကၠောံဘာတန်အလဵုအသဳဂှ် ဂအုပ်ဘာတအ် ဟွံဒုၚ်တဲ

ကွးဘာနူဘာကောန်ဂကူလ္ၚဵု ပြံၚ်ကၠောံဘာတန်အလဵုအသဳဂှ် ဂအုပ်ဘာတအ် ဟွံဒုၚ်တဲ

ကွးဘာနူဘာကောန်ဂကူလ္ၚဵု ပြံၚ်ကၠောံဘာတန်အလဵုအသဳဂှ် ဂအုပ်ဘာတအ်ဟွံဒုၚ်တဲတုဲ ကွးဘာတအ် ဂွံဆက်တိုန်ဘာဂှ် ဒှ်ဒၟံၚ်ပရေၚ်ခက်ခုဲဖိုဟ်ရောၚ် ညးတာလျိုၚ် ဂကောံ ကေၚ်ကာပွိုၚ်ဍုၚ် (ဗွိုၚ်ပ္ဍဲဍုၚ်) မွဲတၠ ဟီုလဴထ္ၜးရ။

ပိုဲမၞိဟ်တံ အာယုက်ဇၞော်ကၠုင်မ္ဂး

ပိုဲမၞိဟ်တံ အာယုက်ဇၞော်ကၠုင်မ္ဂး

အာယုက်ဇၞော်ကၠုင် ဗျုကၠုင်မ္ဂး ပ္ဍဲခန္ဓကာယပိုဲဏံ မွဲသာ်လေဝ် ဟွံခိုဟ်ရ။ အာယုက်အကြာ ၄၅ – ကဵု – ၆၀ ဂှ် လက်သဏ်ယဲ ထေက်ကဵုပိုဲတံ မ္ဒးစွံသတိ ညံင်ရဴသ္ဂောံစွံသတိမာန်တုဲ သွက်ရသ္ဂောံစဵုဒၞါ သ္ဂောံလွဳပရာမာန်ဂှ် လိက်ပရေင် မဒှ်ဗဟုသုတ စပ်ကဵုပရေင်ထတ်ယုက်ဏံ ဗှ်လ္ၚတ်လဝ်တုဲ မ္ဒးပါ်ပရအ်ဏာကဵုကောန်ဂကူမန် ညးမဗှ်လိက်တံရ။

1 Comment

  1. ဗၟာတအ်ဂှ် စိုတ်စၞာဲဂၠိုၚ်မံၚ် ဍေံတအ် ပလီုပလာ်ဂွံ နာနာသာ်ရောၚ် တ္ၚဲကောန်ဂကူမန်ပ္ဍဲကဵု ဍုၚ်ကျာ်ပိလေဝ်
    ဗုမ်ကေၚ်ခတိုဟ် သဘၚ်ကျာ်ကွာန်လၟိုၚ်လေဝ်ဗုမ်ကေၚ်ခတိုဟ် သဘၚ်ကျာ်ကွာန်ကရေၚ်ပ္ဍဲကဵုအကၠေတ်လေဝ်ဗုမ်
    ကေၚ်ခတိုဟ် ဗၟာတအ် ဗလးနၚ် ကောန်ဂကူတၞဟ်မွဲမွဲတၠ ဟွံသေၚ်သာ်ဂှ် ဗလးနၚ်ကောန်မန်ရိရိ မွဲတၠတုဲ ကဵုပ
    လီု သဘၚ်မန်ဂှ် ကေၚ်နွံကၠုၚ်မံၚ် စွံသတိကဵုဇၞော်ညိ ဂကူမန်တအ် ဇၟာပ်ကောန်မန် ကဵုသဂွံဝေၚ်သဘၚ် တ္ၚဲပ္တန်
    ဍုၚ်ဟံသာဝတဳ မိပ်မိပ်မြဟ်မြဟ်တုဲ ကဵုသဂွံဗၠးဘဲအန္တရာဲအိုဿီုညိ’

    Reply

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.