Categories
ပရိုၚ်

ရုၚ်ဆက်ဆောံဍုၚ်မတ်မလီု ကလေၚ်ပံက်ယျ

စၠန်ထဝ် – ရုၚ်ဆက်ဆောံ ဗော်ဍုၚ်မန်တၟိ ကၟာတ်လဝ်တံဂှ် ပဲါနူရုၚ်တၞဟ်ဟ်တုဲ ရုၚ်ဍုၚ်မတ်မလီုဂှ် ပ္ဍဲဂိတုဖေဖဝ်ဝါရဳ ၂၆ ဏံ ကလေၚ်ပံက်ယျရောၚ် ဂွံတီကေတ်ရ။

ပ္ဍဲရုၚ်ဆက်ဆောံ ဍုၚ်မတ်မလီု အရာပ်ၚာၚ်ဒဵုဂှ် လၟုဟ်မ္ဂးဒုသ္ကိုပ်ဗိုလ်ဇၞော် ဗညာဆာန်နန် နကဵုယာယဳကေတ်လဝ် တာလျိုၚ်ရ။

ရုၚ်ဆက်ဆောံ လ္တူဍုၚ်ဇြပ်ဗု
ဒုသ္ကိုပ်ဗိုလ်ဇၞော် ဗညာဆာန်နန်ဂှ် “လၟုဟ် ပ္ဍဲရုၚ်ဆက်ဆောံ ဍုၚ်မတ်မလီုဏံဂှ် အဲကေတ်လဝ်တာလျိုၚ် နကဵုယာယီ မွဲလစုတ်ကၠာ၊ အကြာဏံ ကောံဓရီုကမ္မတဳဗဟဵုတေံတှေ် ရုၚ်နွံဒၟံၚ်တုဲတုဲတံကီု၊ သီုဂွံပံက်အာရုၚ်တၟိတၟိတံကီုဂှ် ဖျေံအာညးတာလျိုၚ်တံပၠန်ဏောၚ်” သာ်ဝွံ ညးဟီုရ။

ဗော်ဍုၚ်မန်တၟိကဵု ဂကောံအလဵုအသဳတံ ကေတ်ဂွံတၚ်တုတ်စိုတ်ထပက်စၟတ်တဲ ပရေၚ်ဒေံါပန်ပှော်တုဲ မွဲတ္ၚဲပၠန်ဂှ် ကလေၚ်ပံက်ကၠုၚ် ရုၚ်ဆက်ဆောံဍုၚ်မတ်လလီုရောၚ် ညးရေၚ်တၠုၚ်ဖဵုပရေၚ်ၜိုဟ်လလမ်မန် နာဲတေန်အံၚ် ဟီုရ။

“ရုၚ်ဒးဒုၚ်ကၟာတ်လဝ်တံဂှ်လေဝ် ကလေၚ်ပံက်အာဏောၚ်၊ သီုဂွံလဝ်အခေါၚ် ပံက်ရုၚ်တၟိပၠန်ဏောၚ်၊ ဂွံကလေၚ်ပံက်အာရုၚ်ဆက်ဆောံပၠန်တှေ် မန်ပိုဲ ပရေၚ်အာကၠုၚ် ပဵုတုဲပြေပြံၚ်အာမာန်မံၚ်ဏောၚ်” သာ်ဝွံ နာဲတေန်အံၚ် ဟီုရ။

ရုၚ်ဆက်ဆောံတြေံ ဗော်ဍုၚ်မန်တၟိ ၄ ဒၞာဲဂှ် ဍုၚ်မတ်မလီု၊ ဍုၚ်ဇြပ်ဗု၊ ဍုၚ်ရေဝ်၊ ဍုၚ်ကျာ်ပိတံတုဲ ရုၚ်တၟိ သွက်ဂွံပံက်အာဂှ် ဍုၚ်မုဟ်ဍုၚ်၊ ဍုၚ်ကျာ်မြဟ်၊ ပွိုၚ်ဍုၚ်ပံၚ် ကွာန်ဇိုၚ်ကျာ်၊ ရးတၞၚ်သဳ ပွိုၚ်ဍုၚ်ဍာ်ဗု၊ ကွာန်ဍာ်တဴ ကေုာံ ဍုၚ်ဗိက်တံ ထပ်ပံက်အာရောၚ် ညးရေၚ်တၠုၚ်ဖဵု ပရေၚ်ၜိုဟ်လလမ်တံ ဟီုရ။

ဗော်ဍုၚ်မန်တၟိဝွံ သၞာံ ၁၉၉၅ ဂိတုဂျောန် ၂၉ ဂှ် ဒေံါကၠုၚ်ပန်ပှော်လဝ်ကဵု အလဵုအသဳပၞာန် (နဝတ) တံတုဲ ဂွံကၠုၚ်အခေါၚ်ပံက်ရုၚ်ဆက်ဆောံ ၄ ဒၞာဲရ။

တုဲပၠန်ဟိုတ်နူ အတိုၚ်အလဵုအသဳနဝတတံဖျေံအစဳဇန် သွက်ဂွံပြံသၠာဲထောံ နကဵုဒပ်မၚ်ကွာန်၊ ဒပ်ပၞာန်မၚ်ပယျဵုဂှ် ဗော်ဍုၚ်မန်တၟိဟွံဒုၚ်တဲတုဲ သၞာံ ၂၀၁၀ ဂိတုဨပြဳ သတ္တဟလက္ကရဴအိုတ်လောန်ကၠုၚ်တေံ ဒေံါပန်ပှော်လီုလာ်အာဂှ် ရုၚ်ဆက်ဆောံမဆေၚ်စိုပ်ကဵု ဗော်ဍုၚ်မန်တၟိတံဖအိုတ် ကၟာတ်ကၠေံထောံအိုတ်ရ။

One reply on “ရုၚ်ဆက်ဆောံဍုၚ်မတ်မလီု ကလေၚ်ပံက်ယျ”

ပရိုၚ်ဏအ်မွဲပိုဒ်ဂှ် နူဗၟာကၠာဲနၚ်မန်တွဵုလေဝ် ဗှ်စခက်ကွေံကွေံ။ အမုမိက်ဂွံသဂးဂှ်ရော အဓိပ္ပါယ်လဵုဟီုမံၚ်ရောလေဝ်ကေတ်ဟွံဒးရ။ ပြေၚ်လဝ်သဒ္ဒါဍေံလေဝ် ဒၞာဲဍေံလေဝ်ဟွံစှေ်ဗီုပုဟ်။ ဌာန်ပရိုၚ်ဏအ် မၞိဟ်စၟဳစၟတ်လိက်ဟွံမွဲပုဟ်ဟာ။ ဟွံသေၚ်သာ်ဂှ်မဂးမၞိဟ် စၟဳစၟတ်လိက် ( အေဝ်ဒဳတာ) ဂှ် ဟွံချိုတ်ပၠိုတ်ဟာ ။ အေဝ်ဒဳတာဂှ် လိက်မန်ချူဒးဗှ်ဒးမံၚ် ခိုဟ်ဟ်ရဟာ။ ဗှ်ဝါတ်ကွေံကွေံ ပိုဒ်ဒလေဝ်ဟွံစှေ်ပုဟ်။ စုတ်လဝ်ယၟုဌာန်ပရိုၚ်မန်တုဲတှေ် ညိလေဝ်ဟွံပ ဂရုကဵုမလိက်ဇကုရဟာ! အေဝ်ဒဳတာဌာန်ပရိုၚ်ဏအ်ဂှ် မုပမံၚ်ရော ဗက်မိပ်မံၚ်ကဵုဗြဴဍောတ်ဟာ အာမံၚ်ရုၚ် ဗြဴစရာဲဍုၚ်ဟာ။ ဟွံသေၚ်တှေ်အာသုၚ်ဗၜူဝေၚ်ကၠးကၠးရဟာ။ ဟဂှ်ဟွံသေၚ်တှေ် ဂွံဂွံသြန်ဒဝ်လာတုဲ ဟွံစွံအရီုကဵုဌာန်ပရိုၚ်ဇကုတုဲ ဒးဂစာန်မံၚ် သွက်ဌာန်ပရိုၚ် မဟာဂကူဗၟာ တၞဟ်ဟ်တအ်ဟာ။ အစာချူပရိုၚ် ဌာန်ပရိုၚ်ဗၠးၜးမန်တအ်ဂှ် မုပမံၚ်အိုတ်ရော။ မိပ်မံၚ်ကဵုတြုံဗြဴအိုတ်ဟာ။ ကၠောန်ကမၠောန်မွဲမွဲယျတှေ် ပၠုပ်စိုတ်ဇြိုဟ်ဟ်နက်နက်ညိ။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.