သ္ဘၚ်ကၞာစှေ်ဘာ တန်ဗတောန်ကွိုၚ်ကွိုက်မန် မရနုက်ကဵု (၃) ဝါ

by | Mar 19, 2012 | ပရိုၚ် | 2 comments

မိလျးထဝ် – ပ္ဍဲကဵုဂိတုမာတ်ချ် ၁၈ အခိၚ်ဗတံ(၆) နာဍဳဂှ် နူကဵုဂကောံယေန်သၞာၚ်မန်တံ ကၠောန်ဗဒှ် သ္ဘၚ်စှေ်ဘာ တန်ဗတောန်ကွိုၚ်ကွိုက်မန် မရနုက်ကဵု (၃) ဝါ ဒၞာဲဌာန်ဒတန် ယေန်သၞာၚ်မန်၊ ကွာန်ဝၚ်က၊ ပွိုၚ်ဍုၚ်သၚ်ခလပူရဳ၊ ခရိုၚ်ကာမ္မရဳ၊ ဍုၚ်သေံ တုဲဒှ်အာဗွဲမအံၚ်ဇၞးရ။

ပ္ဍဲကဵုသ္ဘၚ်ကၞာစှေ်ဘာဏံဂှ် ကောန်ဂကူမန် ညးမတန်တဴဒၟံၚ် ပ္ဍဲကဵုကွာန်ဝၚ်ကကီု၊ နူကဵုဂကောံမန်နာနာတံကီု၊ ကၟုဲကောန်ဍုၚ်သေံတံကီု မၞိဟ်ၜိုတ် ၁၀၀ တၠပြၚ် တိုန်စိုပ်အိုတ်ရ။

ကွးဘာတန်ဗတောန်လဝ်တံ တိၚ်တက်ထ္ၜးပျးကဵုဗါတ်ကဠာ (Photo-IMNA)

ကွးဘာတန်ဗတောန်လဝ်တံ တိၚ်တက်ထ္ၜးပျးကဵုဗါတ်ကဠာ (Photo-IMNA)

“သွက်ဂွံ ထပ်ဗတောန်အာကဵု ကွတ်ကွိၚ်ကွိုက် မသှေ်မံၚ်တံဂှ်ကီု၊ သွက်ဂွံဆက်ဗတောန်အာကဵု သၟတ်ဍောတ်တ်တံကီုတုဲ ပိုဲတံ ကလေၚ်ကော်ဘိက်နၚ် အ္စာနာဲထဝ်ပေၚ်ကဵု အ္စာနာဲမန်သိၚ်တံ မွဲဝါပၠန်ရ” သာ်ဝွံ နာဲကသုမန် ညးက္ဍိုက်ပ် ဂကောံဌာန်ဒတန်ယေန်သၞာၚ်မန် ဟီုရ။

တန်ဗတောန်ဏံဝွံ ရန်တၟံကဵုသ္ဂောံထိၚ်ဒဝ်မၚ်မွဲအာ ကွိၚ်ကွိုက်ယေန်သၞာၚ်မန် ကေၚ်နွံကၠုၚ်မွဲစွံကဵုဂကူမန် လအ်ကဵုလ္ၚီသၞာံတံဂှ်တုဲ နူကဵုဌာန်ဒတန်ယေန်သၞာၚ်မန်ဏံ ဖန်ဇန်ကၠုၚ် တန်ဗတောန်ကွိၚ်ကွိုက် မရနုက်ကဵု (၃) ဝါဂှ် လအ်ကြပ်ပွိုၚ် (၂) ဂိတုရ။

“လၟုဟ်ၜိုတ်ရ ပိုဲပံက်လဝ်ဘာကွိၚ်ကွိုက် ဗၞတ် (၃) ဝါပေၚ်အာကီုလေဝ် ကွတ်ကွိၚ်ကွိုက်မန်ကီု ဒွက်မန်ကှီု သှေ်တဴဒၟံၚ် ဗွဲမဂၠိုၚ်ဏီ ရန်တၟအ်ကဵု သွက်ဂွံစၠောံတဲ ထိၚ်ဒဝ်အာ ကွိၚ်ကွိုက်မန်တံတုဲ နူကဵုဌာန်ဒတန်ယေန်သၞာၚ်မန် ၜိုတ်သ္ပမာန် ဆက်ပံက်အာ တန်ဗတောန်လၟေၚ်ၚ်ပၠန်ဏောၚ်” သာ်ဝွံ ညးက္ဍိုက်ပ် ဌာန်ဒတန်ယေန်သၞာၚ်မန် နာဲကသုမန် ဆက်ဟီုရ။

ပ္ဍဲကဵုတန်ဗတောန်ဏံဂှ် (၁) တန်ဗတောန် ကွိုၚ်ကွိုက်သဇိုၚ် (၂) တန်ဗတောန်ဒွက်ဇၞော် (၃) တန်ဗတောန်ကွိၚ်ကွိုက်ကဆံၚ်သၠုၚ် သာ်ဝွံ ပါ်လဝ်အတန်တုဲ ကွးဘာ(၂၈)တၠ တိုန်စိုပ်ကတ်လ္ၚတ် အံၚ်ဇၞးလဝ်ရ။

“သၟတ်တံအပ္ဍဲဍုၚ်ဗၟာတေံဂှ် သွက်ဂွံကတ်ဗတောန်ကွိၚ်ကွိုက်မန် စန်ဒက်ဟွံလောဲပုဟ်၊ တုဲတှေ် သၟတ်မန်အပ္ဍဲဍုၚ်ပိုဲတံ ဗွဲမဂၠိုၚ်ဂှ်တှေ် စိုတ်လုပ်စဒၟံၚ်ကဵု ဂဳတဂတာပ်ခေတ်ဂၠိုၚ် စပ်ကဵုကွိၚ်ကွိုက်ယေန်သၞာၚ်မန်ဂှ်တှေ် စိုတ်လုပ်စအောန်ကွေံကွေံ” သာ်ဝွံ အ္စာကွိၚ်ကွိုက်မန် နာဲထဝ်ပေၚ်ဟီုရ။

တုဲပၠန် “ဂွံဆဵုကေတ် သၟတ်အပ္ဍဲကွာန်ဝၚ်ကတံ စိုတ်လုပ်စကဵု ကွိၚ်ကွိုက်ယေန်သၞာၚ်မန်သာ်ဏံဂှ် ပိုဲမိပ်စိုတ်၊ လၟုဟ်ပိုဲဂှ်လေဝ် အာယုက်ဇၞော်မံၚ်ယျတှေ် ယဝ်ရ မၞိဟ်ဆက်ထိၚ်ဒဝ်အာဟၟဲမ္ဂး ကွိၚ်ကွိုက်မန်ပိုဲတံ ကၠေံကၠက်အာမာန်ဏောၚ်၊ ဟိုတ်ဂှ်ရ မိက်ဂွံကဵုသၟတ်တံ ဆက်ထိၚ်ဒဝ်အာ ကွိက်ကွိုၚ်မန်ပိုဲဏံရ၊ သာ်ဝွံ အ္စာထဝ်ပေၚ် ဆက်ဟီုဏာဂလာန်ရ။

ကွိၚ်ကွိုက်အခိုက်ကၞာယေန်သၞာၚ်မန်ဂှ် ဂကောံအစာနာဲထဝ်ပေၚ်တံ ကေၚ်ကဵုကၠုၚ်လဝ် ကွတ်ဗတောန်ပ္ဍဲဍုၚ်အမေရိကာန်၊ ကွာန်ဝၚ်က ကေုာံ ပ္ဍဲဇြပ်သဘၚ်ဓဝ်မန် ဍုၚ်မတ်မလီု နွံကၠုၚ်ပိဒၞာဲဏံရ။

Written by

Related Posts

အလာံကၟိန်ဍုင် ကဵု အလာံကောန်ဂကူဗၟာ ဗီုလဵုတၞဟ်ခြာရော

အလာံကၟိန်ဍုင် ကဵု အလာံကောန်ဂကူဗၟာ ဗီုလဵုတၞဟ်ခြာရော

ပ္ဍဲစင်အသေအဟာန်တ္ၚဲကောန်ဂကူမန် လ္ဒောဝ်တပ်တပ်ဂှ် ဒးပစူသၠုင်လဝ်အလာံကၟိန်ဍုင်ရောင် ဂျာန်နဝါရဳ ၃ တုဲ ကၠုင်ဂှ် နူကမ္မတဳကၠောန်ဗဒှ်တ္ၚဲကောန်ဂကူမန် ဗဟဵုတအ် ပတိတ်ကၠုင်လိက်စေဝ်ပၞောန် စပ်ကဵုအလာံတုဲ မၞိဟ်လ္ၚဵုဟွံ ပေင်စိုတ်ရ။

ပ္ဍဲသၞာံဏံ ညံၚ်ဂွံတြးအာ (Mon E-book)မွဲမာန်ဂှ် နကဵုဘာကဝ်လိက်ကောန်ဂကူမန် ဂစာန်ကၠောန်မံၚ်နွံ

ပ္ဍဲသၞာံဏံ ညံၚ်ဂွံတြးအာ (Mon E-book)မွဲမာန်ဂှ် နကဵုဘာကဝ်လိက်ကောန်ဂကူမန် ဂစာန်ကၠောန်မံၚ်နွံ

ပ္ဍဲကဵုသၞာံ ၂၀၂၅ ဏံ ညံၚ်မိမညးဍုၚ်ကွာန် ကေုာံ သၟတ်ကွးဘာမန်တအ် သ္ဂောံစကာအာ လိခ်ပတ်မန် လတူလပှ်ကျာမာန်ဂှ် နကဵုညးတာလျိုၚ်ဌာနကမၠောန်ပတိုန်လိခ်ပတ်မန် လတူဓါတ်လပှ်ကျာ ဘာကဝ်လိက်မန်တအ် ဂစာန်ကၠောန်မံၚ် (Mon E-book project) မွဲနွံဂှ် ဂွံတီကေတ်ရ။

စပ်ကဵုကမ္မတဳကၠောန်ဗဒှ်တ္ရဲကောန်ဂကူမန် ဗဟဵု ပတိတ်လိက် စေဝ်ပၞောန်အလာံတုဲ ညးဂမၠိုင် ပါ်ပါဲ

စပ်ကဵုကမ္မတဳကၠောန်ဗဒှ်တ္ရဲကောန်ဂကူမန် ဗဟဵု ပတိတ်လိက် စေဝ်ပၞောန်အလာံတုဲ ညးဂမၠိုင် ပါ်ပါဲ

ကြဴနူကဵု ကမ္မတဳကၠောန်ဗဒှ်တ္ရဲကောန်ဂကူမန် မရနုက်ကဵု (၇၈)ဝါ ဗဟဵုတံ ပတိတ်ကၠုင်လိက် စေဝ် ပၞောန် အလာံပ္ဍဲတ္ရဲကောန်ဂကူမန်ဂှ်တုဲ ညးဂမၠိုင် ဟီုပါ်ပါဲကၠုင်နွံရ။

2 Comments

  1. ဆက်ဗ္တောန်အာမံၚ် ကွတ်ယေန်သၞာၚ်ဂကူ ဟွံဂွံသကုတ်ခြာ မနွံတဴကဵု လွဳသာ်ဏအ်ဂှ် ကေတ်စဂုန်စရာဲ ကုညး မအာက္ဍိုပ် ကေုာံသၟတ်အနာဂတ်ပိုဲဗွဲမလော်ရ ယေန်သၞာၚ်ဂကူပိုဲ ပိုဲဟွံဆက်မၚ်မွဲအာမ္ဂး ကြက်မသဒး ကၠေအ်ဗ္ဒန်အာ ဗီုဍုၚ်မန်ပိုဲရောၚ် အခိုက်
    ကၞာယေန်သၞာၚ်ဂကူဂှ် ဒှ်စရာဲဂကူပိုဲရ

    ဆာန်နာဲမၞိက်ရတ်

    Reply
  2. ကွိၚ်ကွိုက်

    Reply

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.