ပ္ဍဲဍုၚ်ကျာ်ပိ စဂၠံက်မာဲ သေမ်ကာဒ်ဖုၚ် GSM အလန်ကၠာအိုတ်

by | Aug 2, 2013 | ပရိုၚ် | 0 comments

မာံသုတ – ပ္ဍဲဂိတုအဝ်ဂါတ် (၁) ပွိုၚ်အပ္ဍဲမွဲပွိုၚ်တ္ၚဲဂှ် Sim Card သေမ်ကာဒ်ဖုၚ် နူဌာနကမၠောန်ပရေၚ်ဆက်စၠောံဗၟာ ၚုဟ်မးတန် (၁၅၀၀) ဒကေဝ်ဂှ် အလန်ကၠာအိုတ်ဂၠံက်မာဲ ပ္ဍဲဍုၚ်ကျာ်ပိ၊ ပယျဵုကၟိန်ဍုၚ်သေံ – ဗၟာဂှ် တုဲဒှ်အာရ။

လ္တူဍုၚ်ကျာ်ပိ (၄) အရာပ်နွံတုဲ သွက်မွဲအရာပ်မ္ဂး အခေါၚ်ဂွံသေမ်ကာဒ်ဖုၚ် GSM (၃၀) ရဂှ် သ္ကိုပ်အုပ်ဓုပ်အရာပ်မွဲတၠ ဟီုရ။
ညးဝွံ “အပ္ဍဲကဵုသေမ်ကာဒ်ဖုၚ် (၃၀) ဂှ် သွက်သ္ကိုပ်အုပ်ဓုပ်၊ ရုၚ်ကဵုဘာလကျာ်တံဂှ် ကဵုသေမ်ကာတ် (၃) တၞးတုဲ သွက်ကောန်အရာပ်တံဂှ် ဒးဂၠံက်ကေတ်မာဲ အပ္ဍဲသေမ်ကာတ် (၂၇) ဂှ်ရ” သာ်ဝွံ ဟီုရ။
ညးကဵုလဝ်စရၚ် သွက်ဂွံဂၠံက်မာဲဂမၠိုၚ်တံဂှ် အရာပ်မွဲ (၁၀၉) တၠ၊ အရာပ်ၜါ (၇၃) တၠ၊ အရာပ်ပိ (၁၄၉) တၠ ကေုာံ အရာပ်ပန် (၁၃၀) တၠ မဒှ်ရ။
သွက်ပွိုၚ်ဍုၚ်ပါ်ကျာ်ပိဂှ် ပ္ဍဲကဵုအလန်ကၠာအိုတ်ဏံ ပၞောဝ်ကဵုသေမ်ကာဒ်ဖုၚ် GSM (၂၀၀) တၞးဂှ် သွက်သၞာဲဒဴအလဵုအသဳလ္တူဍုၚ်ဂှ် သေမ်ကာဒ် (၈၀)၊ သွက်အရာပ် (၄) အရာပ်ဂှ် သေမ်ကာတ် (၁၂၀) တၞး ရုၚ်သ္ကိုပ်အုပ်ဓုပ်ပွိုၚ်ဍုၚ်တံ ပါ်ပရအ်ကဵုလဝ်ရ။

ပ္ဍဲဍုၚ်ကျာ်ပိဝွံ ဟိုတ်နူတိုၚ်ဒယိုၚ် GSM မၞုံမွဲတၞုၚ်ဓဝ်တုဲ လဆောဝ်လဆောဝ် လိုၚ်ဖုၚ်ပိုတ်စှေ်အာမံၚ် ဂွံတီရ။

ယၚ်သေမ်ကာဒ်ဖုၚ် သွက်ဂွံဒှ်ဗဗွဲဓဝ်ဂှ် ရုပ်ဗီု Passport ၃ ဗီုကီု၊ သီုတၞးဆာဲကာတ်စၟတ်သမ္တီ ကောန်ဍုၚ်မွဲကီု ဒးချုက်လိက်ကသုက် ပ္ဍဲရုၚ်သ္ကိုပ်အုပ်ဓုပ်ပွိုၚ်ဍုၚ်ပါ်ဂှ်ရောၚ် ကဵုလဝ်သမ္တီနွံရ။

ညးဂၠံက်ဂွံဇၞးမာဲသေမ်ကာဒ်မွဲတၠဂှ် “သွက်သေမ်ကာဒ်မွဲတၞးဂှ် ဒးကဵုသြန် ၁၀၀ ၜါတ်ရ။ ဇေတ်တ်တှေ် သြန် (၁၅၀၀) ဒကေတ်ဂှ် ၅၀ ၜါတ်ရနွံ။ ညံၚ်ရဴဒးကဵု သွက်ၚုဟ်စရိတ်ဂၠံၚ် ၅၀ ၜါတ်ရ” သာ်ဝွံဟီုရ။

ပ္ဍဲသေမ်ကာဒ် SIM Card ဖုၚ်ဂှ် ၚုဟ်ကော်ဖုၚ် (၃၀၀) ဒကေဝ် ပါလုပ်မံၚ်ဒတုဲတုဲ ကၠာသြန်ဟွံအိုတ် အပ္ဍဲပွိုၚ် (၁၅) တ္ၚဲဂှ် အောန်အိုတ်ဒးဗပေၚ်စုတ်သြန် ၅၀၀၀ ဒကေဝ်ပၠန်ရောၚ် ဂွံတီရ။

ယဝ်ရ အပ္ဍဲတ္ၚဲစၟတ်လဝ်ဂှ် ဟွံဗပေၚ်စုတ်သြန်မ္ဂး အာယုက်သေမ်ကာဒ်အိုတ်အာကီုလေဝ် အခိၚ်လၟုဟ်ဝွံ ကလေၚ်အာတ်ပ္တိုန်စရၚ်ထပ်ဆက်ဗပေၚ်အာယုက်မာန်ရောၚ်ဂှ် ဂွံတီကေတ် နူဌာနပရေၚ် ကမၠောန်ဆက်စၠောံဗၟာတံရ။

သွက်သ္ဂောံထပ်ဆက်အာယုက်မာန်ဂှ် တၞးဆာဲကာဒ်စၟတ်သမ္တီကောန်ဍုၚ် တၠသေမ်ကာဒ်ကီု၊ သီုဗီုပြၚ်စၟတ်သမ္တီလဝ်ဂှ် ပ္တိုန်ဗ္စိုပ်ဂရၚ်ပ္တီကဵု ဇရေၚ်မာန်နေဂျာရးဒေသဇၞော်တေံမာန်ရောၚ် ဂွံတီရ။

သေမ်ကာဒ်ဖုၚ် ၚုဟ်မးတန် (၁၅၀၀) ဒကေဝ် CDMA 800 MHz ဂှ်ဝွံ ပ္ဍဲသၞာံ (၂၀၁၃) ဂိတုအေဗရဴဂှ်ကီု၊ ပ္ဍဲဂိတုဂျူလာၚ် (၂၅) လောန်ကၠုၚ်ဏံဂှ်ကီု ဌာနပရေၚ်ကမၠောန်ဆက်စၠောံဗၟာတံ ပါ်ပရအ်သွံပတိတ်ကဵုမံၚ် ကုဇၟာပ်ပ်တွဵုရးကဵု ရးဒေသဇၞော်ဂမၠိုၚ် မဒှ်ရ။

Written by

Related Posts

သၟာကမၠောန်ဆုဲပြံၚ်တအ်တက်က္ဍိုပ်တုဲ ဗက်ကၠတ်ၜှ်ပလှ်သတ်ဆုအကြာကၠအ် ဒှ်ဂၠိုၚ်တိုန်

သၟာကမၠောန်ဆုဲပြံၚ်တအ်တက်က္ဍိုပ်တုဲ ဗက်ကၠတ်ၜှ်ပလှ်သတ်ဆုအကြာကၠအ် ဒှ်ဂၠိုၚ်တိုန်

သၟာကမၠောန်ဆုဲပြံၚ်တအ်တက်က္ဍိုပ်တုဲ ဗက်ကၠတ်ၜှ်ပလှ်သတ်ဆု အကြာကၠအ်ညးဍုၚ်ကွာန်တအ် က္တဵုဒှ်ဂၠိုၚ်တိုန်ကၠုၚ်ကွေံကွေံရောၚ် တၠကၠအ်သတ်ဆု နူပွိုၚ်ဍုၚ်ရေဝ်မွဲတၠ ဟီုရ။

ကွးဘာနူဘာကောန်ဂကူလ္ၚဵု ပြံၚ်ကၠောံဘာတန်အလဵုအသဳဂှ် ဂအုပ်ဘာတအ် ဟွံဒုၚ်တဲ

ကွးဘာနူဘာကောန်ဂကူလ္ၚဵု ပြံၚ်ကၠောံဘာတန်အလဵုအသဳဂှ် ဂအုပ်ဘာတအ် ဟွံဒုၚ်တဲ

ကွးဘာနူဘာကောန်ဂကူလ္ၚဵု ပြံၚ်ကၠောံဘာတန်အလဵုအသဳဂှ် ဂအုပ်ဘာတအ်ဟွံဒုၚ်တဲတုဲ ကွးဘာတအ် ဂွံဆက်တိုန်ဘာဂှ် ဒှ်ဒၟံၚ်ပရေၚ်ခက်ခုဲဖိုဟ်ရောၚ် ညးတာလျိုၚ် ဂကောံ ကေၚ်ကာပွိုၚ်ဍုၚ် (ဗွိုၚ်ပ္ဍဲဍုၚ်) မွဲတၠ ဟီုလဴထ္ၜးရ။

ပိုဲမၞိဟ်တံ အာယုက်ဇၞော်ကၠုင်မ္ဂး

ပိုဲမၞိဟ်တံ အာယုက်ဇၞော်ကၠုင်မ္ဂး

အာယုက်ဇၞော်ကၠုင် ဗျုကၠုင်မ္ဂး ပ္ဍဲခန္ဓကာယပိုဲဏံ မွဲသာ်လေဝ် ဟွံခိုဟ်ရ။ အာယုက်အကြာ ၄၅ – ကဵု – ၆၀ ဂှ် လက်သဏ်ယဲ ထေက်ကဵုပိုဲတံ မ္ဒးစွံသတိ ညံင်ရဴသ္ဂောံစွံသတိမာန်တုဲ သွက်ရသ္ဂောံစဵုဒၞါ သ္ဂောံလွဳပရာမာန်ဂှ် လိက်ပရေင် မဒှ်ဗဟုသုတ စပ်ကဵုပရေင်ထတ်ယုက်ဏံ ဗှ်လ္ၚတ်လဝ်တုဲ မ္ဒးပါ်ပရအ်ဏာကဵုကောန်ဂကူမန် ညးမဗှ်လိက်တံရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.