ၚုဟ်ထၜိုတ်စှေ်လောန် ရဲကၠအ်တအ်ကရောတ်

by | Nov 14, 2013 | ပရိုၚ် | 0 comments

နာဲမာန် – အကြာဏံ ၚုဟ်ထၜိုတ်စှေ်ဒၟံၚ် အဆက်က်တုဲ ‘ၚုဟ်ထၜိုတ် ကဵု ၚုဟ်ကပေါတ်တၞဟ်ဟ်’ ဟွံကိတ်ညဳရသွံ သာ်ဏံ တၠကၠအ်ထၜိုတ်တံ ကရဳကရောတ်ဒၟံၚ်အိုတ်ရ။

ၚုဟ်ထၜိုတ်ဂှ် စှေ်တုဲ စှေ်ပၠန် ၚုဟ်ကပေါတ်ရပ်စပ် နာနာသာ်ဂှ် လ္ပာ်ဂွံစှေ်ဂှ် ဟွံမွဲရ၊ ဂၠံၚ်လ္ပာ်ဂွံတိုန်ရနွံတုဲ ၚုဟ်ထၜိုတ်ကဵု ၚုဟ်ကပေါတ်ရပ်စပ်သုၚ်စောဲနာနာသာ်ဂှ် သွက်ဂွံစှ်ေဟွံမွဲရ ဗီုဏံ ဇၟာပ်ရဲတၠ ကၠအ်ထၜိုတ်တံ ကရောတ်ဒၟံၚ်အိုတ်ရ။

ထၜိုတ်(KIC)

ထၜိုတ်(KIC)

အပ္ဍဲဍုၚ်မန်ဝွံ အဓိကကမၠောန်ပရေၚ်ပိုန်ဒြပ်သ္ဇိုၚ်ဒၟံၚ်မၞိဟ်တံဂှ် ပရေၚ်ကမၠောန်ထၜိုတ်ရ ဒှ်တုဲ ဗၜိုတ်ၚုဟ်မး အောန်စှေ်အာဂှ် ပရေၚ်စသုၚ်မံၚ်စံၚ်လေဝ် ဍန်ဂြက်အာ ကီုရ၊ ‘ ၚုဟ်ဟၜိုတ်ဂှ် စှေ်တုဲ စှေ်ပၠန် – ၚုဟ် ကပေါတ် စနူၚုဟ်ထဝ်၊ ၚုဟ်သ္ၚု ကပေါတ်သုၚ်စောဲနာနာသာ်ဂှ် ဟွံစှေ်ဗက် ဗီုၚုဟ်ထၜိုတ်ရ၊ ၚုဟ်ထၜိုတ် ကဵု ၚုဟ်ကပေါတ် ယဝ်ရ စှေ်ဟွံညဳညးသ္ကံတှေ် သွက်ပိုဲရဲကၠံထၜိုတ်တံ ယျးကလဳတှေ် ဒးပေက်စ ထၜိုတ်ရနွံ’ ဗီုဏံ တၠကၠအ်ထၜိုတ် နာဲလောန် နူဍုၚ်ဇြပ်ဗု ဟီုကရောတ်ရ။

ၚုဟ်ထၜိုတ်တ္ၚဲဏံဝွံ ထၜိုတ်ကဆံၚ်(၃) ကော် ထၜိုတ်လောတ် (လွတ်) ဂှ် ၚုဟ်နွံအကြာ (၈၈၀) ဒကေဝ် သွက်မွဲပံၚ်ရ။ ထၜိုတ် ကြဳကြဳပၠုပ်(မှိုၚ်း)ဂှ် ၚုဟ်နွံအကြာ(၇၄၀) ဒကေဝ်တုဲ ထၜိုတ်ကဆံၚ် (၅) တီုတီုဂှ် ၚုဟ်နွံအကြာ (၆၅၀) ဒကေဝ် ဓဝ်ရ၊ တုဲကၠုၚ် ဗၞတ်အကြာမွဲဂိတုကၠာဂှ်မ္ဂး ထၜိုတ်ကဆံၚ် (၃) ကော်ဗၜိုတ်လောတ် (လွတ်) ဂှ် (၁၀၀၀) ဒကေဝ်ပြၚ် မံၚ်ရ၊ ဗၜိုတ်ကြဳကြဳဂှ် (၈၀၀) ဒကေဝ် ပြၚ်တုဲ ဗၜိုတ်တီုတီုကဆံၚ် (၅) ဂှ် (၇၀၀) ဒကေဝ် ပြၚ်မံၚ်ရ။

ၚုဟ်ထၜိုတ် လိုက်ဝှ်သၞာံဏံဝွံ နူစအခိၚ်တ္ၚဲကာတ်ခွါတ်ထၜိုတ်ဂွံဂှ် ၚုဟ်ထၜိုတ်စှေ်ဒၟံၚ်ဆက်က် ဒဵုကဵုလၟုဟ်ရ၊ ‘ပ္ဍဲကုမ္မဏဳဂှ် ဟွံဂွံပလံၚ်ဏာ ဍုၚ်ကြုက်ဏီပုဟ် ထၜိုတ်ဂအုံလဝ် ညံၚ်ဒဵု၊ ညးကၠုၚ်သွံတံလေဝ် ဟွံယျအ်ပုဟ်၊ နူဗ္တံဏံ ပိုဲဖျေံကေဝ်ဒၟံၚ်ထၜိုတ် လံဂွံတုဲဒှ် ဗ္တံ ၂ နာဍဳပြၚ်’ သာ်ဏံ ညးသွံရာန်ပၠုပ်ဒၟံၚ်ကုမ္မဏီ ယုၚ်ယှေန် မုဟ်ဍုၚ်ဂှ် ဟီုထ္ၜးရ။

ပရေၚ်ဍုၚ်ကွာန် ဂစာန်ပြံၚ်လှာဲကၠုၚ်ညိဂှ် ပရေၚ်ဖေါအ်ဗြေဝ်တဴတက်လေဝ် ဗက်ကၠုၚ်ကီု စပ္တံ ၚုဟ်ကွဳစက်ယျအ်စှေ်တုဲ မၞိဟ်တံ ရာန်ဍိုက်ကွဳစက်မာန်ကၠုၚ် ညာတ်ညးတၞဟ် ရာန်ဍိုက်ကွဳစက်တှေ် ဇကုလေဝ် ဒးချပ်ဂစာန်ရာန်ကၠုၚ် တုဲတှေ် ကပေါတ်ဂတာပ်ခေတ် စနူဖုၚ်၊ စနူတိုအ်ယျေန် (ကဠာဍာ်ကလောံ)၊ တဳဗဳဟပှေ် (LCD, EVD) ပၚ်ကာ နာနာလေဝ် ပိုဲမၞိဟ်တံ မိက်ဂွံသုၚ် စောဲမံၚ်ဖအိုတ်ရ၊ လၟုဟ် ၚုဟ်ထၜိုတ် ကဵု ကပေါတ်တံဂှ် ၚုဟ်စှေ် ဟွံတုပ်သၟဟ်တှေ် ဗီုပိုဲရဲထၜိုတ်မန်တံ ဒှ်ခက်ခုဲရ ဗီုဏံ တၠကၠအ်ဗၜိုတ် နာဲလှ ရဲကွာန်ပ္ၚ ဟီုကရောတ်ထ္ၜးရ။

Written by

Related Posts

ပရေင်တြးပၟတ်ဓာတ်လလဳ ပ္ဍဲဒေသရေဝ်သၟဝ်ကျာ ဖအောန်ဖျေံလဝ်အခိင်

ပရေင်တြးပၟတ်ဓာတ်လလဳ ပ္ဍဲဒေသရေဝ်သၟဝ်ကျာ ဖအောန်ဖျေံလဝ်အခိင်

ဟိုတ်နူပရေင်ခက်ခုဲကၠေင်စက်တုဲ ဓာတ်လလဳဒေသရေဝ်သၟဝ်ကျာ ဖအောန်ဖျေံအခိင် ဗလးပၟတ်ရောင် နူကဵုတၠကမၠောန် ဗလးဓာတ်လလဳ ပတိတ်လလောင်လဝ်ရ။

သွက်ဂွံလိင်မၞိဟ်ယိုက်ဝန်ပၞာန်ဗၟာ စၞးကွာန်ဂှ် အုပ်ဓုပ်ကွာန်တံ ကၠတ်ဗက်မံင်ဩန် နဲညးကဵုညးနွံ

သွက်ဂွံလိင်မၞိဟ်ယိုက်ဝန်ပၞာန်ဗၟာ စၞးကွာန်ဂှ် အုပ်ဓုပ်ကွာန်တံ ကၠတ်ဗက်မံင်ဩန် နဲညးကဵုညးနွံ

လဂွံကဵုသၞောဝ်ဥပဒေ ညးဍုင်ကွာန်တံ ဇၟာပ်အာယုက်စိုပ် ဒးလုပ်ယိုက်ဂၠေင်သ္ပကောန်ပၞာန်ဗၟာဂှ် အုပ်ဓုပ်ကွာန်တံ နဲကဲညးကဵုညး ကၠတ်ဗက်မံင်ဩန်တုဲ ဂၠာဲလိင်ဗပေၚ်စုတ်လဝ်မၞိဟ် စၞးကွာန်နွံ ရောင် ညးလုပ်ဂကောံအုပ်ဓုပ်ကွာန် ပွိုင်ဍုင်ရေဝ်သၟဝ်ကျာ မွဲတၠ ဟီုလဴထ္ၜးရ။

ပ္ဍဲတ္ရဲကောန်ဂကူမန်ဂှ် ဟွံကၟာတ်ဘာလေဝ် ကွးဘာတိုန် ဟွံမွဲ

ပ္ဍဲတ္ရဲကောန်ဂကူမန်ဂှ် ဟွံကၟာတ်ဘာလေဝ် ကွးဘာတိုန် ဟွံမွဲ

ပ္ဍဲတ္ၚဲကောန်ဂကူမန် မာ် (၁) စွေက်ဂှ် ၜိုန်ရဘာဟွံကၟာတ်ကၠာလေဝ် နကဵုဓဝ်သမ္တီဇကုကဵုဇကု ကွးဘာတံ ဟွံတိုန်ဘာအိုတ်ရောင် မိမတံကဵု ကွးဘာတံ ဟီုရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.