ပေဲါသၠာဲဂတးလညာတ် ပရူဓါတ်လလဳတၟအ်ချး ကေုာံ ထိၚ်ဒဝ်သယံဇာတ

by | Dec 6, 2014 | ပရိုၚ် | 0 comments

ပေဲါသၠာဲဂတးလညာတ် ပရူရုၚ်ဓါတ်လလဳတၟအ်ချးကေုာံ ထိၚ်ဒဝ်သယံဇာတ Impact from Clean Coal-Fired Power Plant and Strategy for empowerment local people ဝွံ ကၠောန်ဗဒှ်လဝ် အပ္ဍဲဂိတုဒဳဇြေန်ဗာ ၂ ကဵု ၃ ပွိုၚ် ၂ တ္ၚဲ ဒၞာဲအကြပ်ဒေသပယျဵုကျာ်ပိ ဍုၚ်သာန်ခလပူရဳ ဍုၚ်သေံမဒှ်ရ။

အဓိကရန်တၟံ ကဵုဇြဟတ်ဒရိုဟ်ကဵု ရဲဒေသဒၞာဲကိုန်အစဳဇန်ရုၚ်ဓါတ်လလဳတၟအ်ချးတံ ဂွံစဵုဒၞာကေုာံ ဒစဵုဒစးအာ အစဳဇန်ဂှ် ဗွဲမစိုပ်တရဴမာန်တုဲ ကၠောန်ဗဒှ်အာ ပေဲါသၠာဲဂတးလညာတဏံရ သာ်ဝွံ ညးလျိုၚ်ဆက်ဆောံဂကောံ Τowards Ecological Recovery and Regional Alliance -TERRA နာဲမန်ဒရဳ စာန်ထဝေါၚ် ဟီုရ။

ညးလျိုၚ်ဆက်ဆောံဂကောံ TERRA နာဲမန်ဒရဳ စာန်ထဝေါၚ် ဆက်ဟီုဂှ်တှေ် “ပွိုၚ် ၂ တ္ၚဲ ကၠောန်ဗဒှ်ဏာ workshop ဏံဂှ်တှေ် ဒှ်လဂံါကိုပ်ကၠာအိုတ်ကီုလေဝ် အကာဲအရာပြဟ်ဟ်ဏံ သွက်ရဲဒေသ အပ္ဍဲဒေသကိုန်အစဳဇန် ရုၚ်ဓါတ်လလဳတၟအ်ချးတံ ဗွဲတၟေၚ်ရဲဒေသ ဒဵုဖာလိန်တံဂှ် ညးတံ တီကၠိုဟ်ကၠုၚ် နဲကဲဗီုဂွံကံက်ပကောံတၚ်နၚ် စပ်ကဵုကွာန်၊ ပွဳပွူသဘာဝ၊ သယံဇာတ အပ္ဍဲဒေသတံမာန် ပိုဲပတှေ်ကေတ်ရ၊ စပ်ကဵုပရေၚ်ကမၠောန်ဏံဂှ်တှေ် အဓိကဂှ် ရဲဒေသတံရ ဆဂး ရဲဒေသတံမွဲဓဝ် ဒးကၠောန်အာ အဓိပ္ပါယ်ဂှ်ဟွံသေၚ် နူလ္ပာ်ဂကောံပိုဲတံလေဝ် ဘိုၚ်ကဵုအာရီုဗၚ်ဏောၚ်"သာ်ဝွံ ညးဟီုရ။

နကဵုဂကောံ NGO ထိၚ်ဒဝ်သဘာဝသေံတံဂှ် သွက်ရဲဒေသတံ ဗိုၚ်ကဵုအာအရီုဗၚ် စပ်ကဵုနဲကဲကံက်တၚ်နၚ် ကေုာံအထံက်ဗၚ်တၞဟ်ဟ် ဂမၠိုၚ်တုဲ ပရေၚ်ချဳဒရာၚ် လ္ပာ်ကုမ်ပဏဳ သွက်ဂွံအာဓလိုက်တမ်ရိုဟ် စပ်ကဵုကိုန်အစဳဇန် ရုၚ်ဓါတ်လလဳတၟအ်ချးတံဂှ်လေဝ် မၚ်ရံၚ်ကျောဝ် အာကဵုကီုရောၚ် သာ်ဝွံ ညးဆက်ဟီုရ။

အဓိကအပ္ဍဲ Workshop ဂှ် ဒါရိုက်တာ ဂကောံ Grenn PEACE – Thailand နာဲထာရာ ၜုန်ခါမ်ဇြဳ ဟီုဂးသောၚ်ကလးဏာ နကဵုက္ဍိုပ်လိက် (CLEAN COAL MYTH) အပ္ဍဲဂှ်မ္ဂး စပ်ကဵု ပရူပရာ ရုၚ်ဓါတ်လလဳတၟအ်ချးအပ္ဍဲဍုၚ်သၟာၚ်ဂမၠိုၚ်၊ ဂကူတၟးချးဂမၠိုၚ်၊ ပရေၚ်ဇီုကပိုက် လ္ပာ်ပွဳပွူသဘာဝဂမၠိုၚ်တံ ပါလုပ်တုဲ အစာဘာတက္ကသိုလ်သေံ Chulalongkorn University Μiss သောမ်ဖန် ဖေၚ်ခါမ်ဂှ်လေဝ် သောၚ်ကလးဏာ စပ်ကဵုပရေၚ်ဇီုကပိုက် လ္ပာ်ပရေၚ်ထတ်ယုက်၊ အန္တရာဲသၟူဓါတ်မတိတ်နူ ရုၚ်ဓါတ်လလဳ တၟအ်ချးဂမၠိုၚ် ကေုာံ ပရေၚ်ကမၠောန်အဓာန်ဂတ သွက်ဂွံဒစဵုဒစး စပ်ကဵုကိုန်အစဳဇန်တံ ပါလုပ်ရ။

ညးတိုန်စိုပ် ပေဲါသၠာဲဂတးလညာတ် မိထဝ်ဆာန်ဟီုဂှ်တှေ်"ပွိုၚ် ၂ တ္ၚဲဏံဂှ်တှေ် စပ်ကဵုတၟးချးတုဲ လ္ၚတ်ဂွံလဝ်တၟာဂလိုၚ်ရ ဗွဲတၟေၚ် ဟိုတ်နူသိုၚ်ရုၚ်ဓါတ်လလဳတၟအ်ချးတုဲ ပရေၚ်ဇီုကပိုက် သွက်ရဲဒေသတံ မပတံကဵု ပရေၚ်ထတ်ယုက် ပရေၚ်မံၚ်စံၚ် ပွဳပွူသဘာဝ ပရေၚ်ကမၠောန်ကမေတ်တံ ၜိုန်လဵုဍေံဒှ်မံၚ် အန္တရာဲရောဂှ်တှေ် တီကၠိုဟ်ကၠုၚ်တုဲ က္တဵုဒှ်ဓဝိၚ်ကု ရဲဒေသဒးမံၚ်ဒၟံၚ် အကြပ်ရုၚ်ဓါတ်လလဳတၟံချးတံဂှ်ကီုရ” သာ်ဝွံ ညးဟီုရ။

ပေဲါသၠာဲဂတးလညာတ်ဝွံ ဥက္ကဌ ဂကောံထိၚ်ဒဝ်ပွဳပွူသဘာဝTERRA နာဲဝဳရဝါတ် ထဳရပရသိုတ်၊ ညးလျိုၚ်ဆက်ဆောံ ဂကောံ TERRA နာဲမန်ဒရဳ စာန်ထဝေါၚ်၊ ဒါရိုက်တာဂကောံ Green PEACE – Thailand နာဲထာရာ ၜုန်ခါမ်ဇြဳ၊ အစာဘာတက္ကသိုလ်သေံ Chulalongkorn University Miss သောမ်ဖန် ဖေၚ်ခါမ်၊ ညးတာလျိုၚ် နူဗော်ဍုၚ်မန်တၟိဂမၠိုၚ်၊ ညးစၞးသၟတ် နူဒေသဖာလိန်တံ၊ ဂကောံ NGOs မၞုံအပ္ဍဲဒေသပယျဵုဂမၠိုၚ် ကေုာံညးတိုန်လ္ၚတ်တံ သီုဖအိုတ် မၞိဟ် ၃၀ တၠပြၚ်ၚ် တိုန်စိုပ်အိုတ်ရ။

သွက်ဂွံဒစဵုဒစး ကိုန်အစဳဇန် ရုၚ်ဓါတ်လလဳတၟအ်ချးဒေသဖာလိန်ဂးတုဲ သ္ဒးကံက်ပကောံအာတၚ်နၚ် အဓိကစပ်ကဵု ကွာန်၊ ပွဳပွူသဘာဝ ကေုာံ သယံဇာတ အပ္ဍဲဒေသတံတုဲ လက္ကရဴအိုတ် လိက်ဒုၚ်စဳရေၚ်စပ်ကဵုဒေသဂှ်မွဲ ညံၚ်ဂွံချူပတိတ်မာန်ဂှ် နူကဵုဂကောံ NGO ထိၚ်ဒဝ်သဘာဝ ကေုာံ သယံဇာတဍုၚ်သေံတံ ကဵုဏာကသပ် ကုသၟတ် နူဒေသဖာလိန် ညးတိုန်လဝ် ပေဲါသၠာဲဂတးလညာတ် တံဂှ်ရ။

Written by

Related Posts

ဂကူမန်တအ် စိုပ်အခိၚ်ဒးစွံအာရီုကဵုဖျုန် ကမၠောန်ပၠန်ဂတးဂၠိုင်င်

ဂကူမန်တအ် စိုပ်အခိၚ်ဒးစွံအာရီုကဵုဖျုန် ကမၠောန်ပၠန်ဂတးဂၠိုင်င်

လက္ကရဴနူသၞာံ ၁၉၉၅ သွက်ဂွံတက်ကျာသဳကၠဳ ဒက်ပ္တန်အာဇြဟတ်ပရေင်ပညာ၊ ပရေင်ပိုန်ဒြပ်၊ ပရေင်ထတ်ယုက်တုဲ ဗော်ဍုၚ်မန်တၟိ ဒေါံကၠုင်ပန်ပှော်ကဵု တၠအဝဵုပၞာန်ဗမာတအ်ရ။ နူဗော်ဍုၚ်မန်တၟိ ဒေါံကၠုၚ်ပန်ပှော်တုဲဗက် စပ္တံနူရုင်ဆက်ဆောံဗော်ဍုၚ်မန်တၟိ၊ ရုင်ပိုန်ဒြပ်ဗော်ဍုၚ်မန်တၟိကီု အာစိုပ်ဖျေံကၠုင် လ္တူဍုင်ဇၞော်ဗီုကဵုဍုင် လ္ဂုၚ်၊ မတ်မလီုတအ်တုဲ နူဂှ်မွဲအဆံၚ် ကၠောန်ကၠုင်ပေါဲဆဵုဂဗ သောင်ကလး ကုညးဍုင်ကွာန် လ္တူဂၠံင်တရဴဗော်တအ်ရ။ ဟီုဍန်ဍန်မ္ဂး စနူတ္ၚဲဝွံတုဲ အခေါၚ်အရာဂကူမန် ၜိုတ်ကေတ်ဂွံ ၜိုတ်ကၠောန်ဂွံဂှ် ကၠောန်အာကေတ်အာရောင် ပ္တဝ်ကၠုၚ်က္ဍိုပ်ရ။

တ္ၚဲအာစာကဝိမန် မရနုက်ကဵု(၉)ဝါဏံ သီုကၠောန်ဗဒှ်အာ ကောံဓရီုဇၞော်ဂကောံအာစာကၞေဟ်မန်ရောၚ်

တ္ၚဲအာစာကဝိမန် မရနုက်ကဵု(၉)ဝါဏံ သီုကၠောန်ဗဒှ်အာ ကောံဓရီုဇၞော်ဂကောံအာစာကၞေဟ်မန်ရောၚ်

တ္ၚဲအာစာကဝိမန် မရနုက်ကဵု (၉) ဝါဏံဝွံ ရန်လဝ်သွက်ဂွံကၠောန်အာ ပ္ဍဲဘာရာမည နိကာယ ဘာဝေဠုဝန် ကွာန်ဖအံက် ပွိုၚ်ဍုၚ်မတ်မလီုနွံတုဲ ပ္ဍဲတ္ၚဲဂှ်မ္ဂး သီုကၠောန်အာ ကောံဓရီုဇၞော် ဂကေံာအာစာကၞေဟ်မန် အလန်စတုတ္တနွံရောၚ်ဂှ် ဂွံလဝ်ပရိုၚ်ရ။

ညးဒေသရေဝ်သၟဝ်ကျာတံ ဒးဒုင်ကဵုမံင်အကံက်ခေါန် မၞိဟ်၊ ကၠအ် ကဵုဂကောံရပ်လွဟ်နာနာ

ညးဒေသရေဝ်သၟဝ်ကျာတံ ဒးဒုင်ကဵုမံင်အကံက်ခေါန် မၞိဟ်၊ ကၠအ် ကဵုဂကောံရပ်လွဟ်နာနာ

ပ္ဍဲကာလပၠန်ဂတးတ္ရဲဏံဂှ် ညးဒေသရေဝ်သၟဝ်ကျာတံ သွက်ဂွံအာကမၠောန်ကီု သွက်ကၠအ်သွဝ်ကီု ဒးဒုင်ကဵုမံင်အကံက် ခေါန်ကဵုဂကောံရပ်လွဟ်တံ ဂကောံဗွဲမဂၠိုင်ရောင် သ္ဂးမံင်အိုတ်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.