(UNICEF Myanmar) လလောၚ်ပ္တိတ်လဝ်ပရိိုၚ် ပ္ဍဲနဝ်ဝေမ်ဗာ (၃၀) ဂှ်တုဲ ဂွံတီကေတ်ရ။
အပ္ဍဲပွိုၚ်သၞာံ ၂၀၁၅ ဏံ နူဒပ်အလဵုအသဳ ကဵုအခေါၚ်နုက်တိတ် ကောန်ပၞာန်ကောန်ၚ္ၚာ် သီုအလန်ဏံမ္ဂး နုက်ပ္တိတ် ၁၄၆ တလတုဲရဂှ်လေဝ် ဂးလဝ် ပ္ဍဲလိက်လလောၚ်ပ္တိတ်ဂှ်ရ။
“ဂွံဆဵုကေတ် ကောန်ၚ္ၚာ်တအ်ဏံ ဂွံစဴပ္ဍဲမိမဍေံတအ်ဂှ်တုဲ မိပ်စိုတ် ဒှ်ပဳတိကွေံရ” သာ်ဝွံ ညးဇၞော် ပရေၚ်ပ္ညဳပ္ညပ် နွံယၟု Ms. Renata Lok Dessallien (ညးစၞးကုလသမဂ္ဂ ဌာန်ဒ္တန်ဍုၚ်ဗၟာ) သီုဒှ်ဥက္ကဌ ပံၚ်တောဲ ဂကောံ CTFMR ဂှ် ဟီုဂးလဝ် ပ္ဍဲလိက်ဂှ်ကီုရ။
ကဵုအခေါၚ် နုက်တိတ်နူဒပ် ကုကောန်ၚ္ၚာ်တအ် ဗီုဏအ်ဂှ် ဒုၚ်တၠုၚ်ဗွဲမမိပ်စိုတ်ရ၊တုဲပၠန် သွက်ဂွံဖ်အိုတ်ကၠေံ အခိုက်ရပ်စကာကောန်ၚ္ၚာ် ပ္ဍဲဒပ်ပၞာန်ဂှ်လေဝ် ဒပ်ပၞာန်ကီု အလဵုအသဳကၟိန်ဍုၚ်ကီု သီုကဵု ဂကောံ CTFMR ပိုဲ ဒးပံၚ်တောဲ ကၠောန်အာမွဲစွံထေက်ဏောၚ်ဂှ်လေဝ် ဂကောံ CTFMR ဂှ် ဂးရ။
အလဵုအသဳဗၟာဝွံ ပပ္တံနူဒုၚ်တဲတုပ်စိုတ် ထ္ပက်စၟတ်တဲကဵု ကုအစဳဇန် ပံၚ်တောဲရေၚ်တၠုၚ်ကလောန် ကရောံကုလသမဂ္ဂ Joint Action Plan ပ္ဍဲသၞာံ ၂၀၁၂ ၊ ဂိတုဂျုန်တေံဂှ်တုဲ ဒဵုကဵုတ္ၚဲဏအ်မ္ဂး ကဵုအခေါၚ် နုက်တိတ်နူဒပ် ကုကောန်ပၞာန်ကောန်ၚ္ၚာ် ဗၞတ် ၆၉၉ တလတုဲရဂှ်လေဝ် ဂးလဝ် ပ္ဍဲလိက်ဂှ်ရ။
ဘဝကောန်ၚ္ၚာ်ဂမၠိုၚ် မတိတ်ကၠုၚ်နူဒပ်ပၞာန်ဂှ် သ္ဂောံက္လေၚ်ဍိုပ်ဍဴတိုန်မာန်ပၠန်ဂှ် ပရေၚ်ကဵုဒြဟတ်စိုတ် ကုဍေံတအ်ကီု၊ တန်ဗ္တောန်ကွတ်ပညာ သွက်ဂွံဂယိုၚ်လမျီုကီု၊ ကလောန်သွက်ဂွံ ဂယိုၚ်လမျီုကီု နူ UNICEF (ဂကောံသြန်ဂအုံကောန်ၚ္ၚာ်) ရီုဗၚ်ထံက်အာဏောၚ် သာ်ဝွံ ထိတ်တ်ဥု သၞာဲဒါ ဆက်စၠောံ နူဂကောံဂှ် ဟီုရ။
“ရံၚ်လ္တူ အရာစိုတ်ဍေံတအ်လုပ်စဂှ်တုဲ သွက်သြန်ဂွံလုပ်ဂှ် ဖန်ကဵုဍေံတအ် ကလောန်ပရေၚ်ပိုန်ဒြပ် တဲဍောတ်တ်မွဲဏောၚ်၊ စပ်ကဵုပရေၚ်ပညာဂှ်လေဝ် ကောန်ၚ္ၚာ်တအ်ဏအ် ဂွံက္လေၚ်တိုန်ဘာမာန်ပၠန်ဂှ် ရီုဗၚ်အာ နကဵုသၞောတ်ဗ္တောန်ပညာဗွဲမ္ၚး (ဗွဲဇမ္ၚောဲ-အဝေးသၚ်း) ဏောၚ်” ထိတ်တ်ဥူ ဂးရ။
ပ္ဍဲသၞာံ ၂၀၀ရ ဂှ် ဒပ်အလဵုအသဳ ကဵု ဒပ်ရပ်လွဟ် (၇) ဂကောံတအ် လုပ်အာစရၚ် ညးအုပ်ကာ ကုလသမဂ္ဂ နဒဒှ် ဂကောံ ပကောံဒၟံၚ်ကောန်ၚ္ၚာ် စကာဒၟံၚ်ကောန်ၚ္ၚာ် အပ္ဍဲပဋိပက္ခလွဟ် ရ။
ဂကောံရပ်လွဟ် (၇) ဂကောံမ္ဂးဂှ် ဒပ်ပၞာန်ကရေၚ်ဗုဒ္ဓဘာသာ DKBA၊ ဒပ်ပၞာန်ဗၠးၜး ကချေၚ် KIA ၊ ဒပ်ပၞာန်ပရေၚ်ဗၠးၜးကောန်ဂကူကရေၚ် KNLA ၊ ကံၚ်ဇြဳ ပရေၚ်ၜိုဟ်လလံ ကရေၚ် KNLA-PC ၊ ဒပ်ပၞာန်ကရေၚ်ဍာဲ KA ၊ ဒပ်ပၞာန်သေံဇၞော် သ္ကုတ်သမၠုၚ်ကျာ SSA-S၊ ဒပ်ပၞာန်ပရေၚ်ညဳသၟဟ် ရးဝ UWSA တအ်ရ။
ဂကောံဖ်အိုတ် မပါဒၟံၚ်ပ္ဍဲလိက်ဒုၚ်စဳရေၚ် ညးအုပ်ကာကုလသမဂ္ဂဂှ် ညးညးအဲအဲ ဒိုအ်ကၠေံ ပွမပကောံပကေဝ်ဒၟံၚ် ကောန်ၚ္ၚာ်သၟတ်တအ်ဂှ်ညိ အဲအာတ်မိက်ဏာရ။ တုဲပၠန် သွက်ဂွံဒက်ပ္တန် ပရေၚ်ၜိုဟ်လလံ ညံၚ်ဂွံတန်ကြန်လ်အိတ်တွဵု ပ္ဍဲဍုၚ်ဗၟာဂှ်လေဝ် နဲကဲပံၚ်ကၠောန်မွဲစွံဂွံ နွံမ္ဂး ဒုၚ်တဲ ဒုၚ်တၠုၚ်မံၚ်ရ သာ်ဝွံ ညးဇၞော်ပရေၚ်ပ္ညဳပ္ညပ် နွံယၟု Ms. Renata Lok Dessallien (ညးစၞးကုလသမဂ္ဂ ဌာန်ဒ္တန်ဍုၚ်ဗၟာ) သီုဒှ်ဥက္ကဌ ပံၚ်တောဲ CTFMR ဂှ် ဂးတဴရ။