သ္ကိုပ်ဝန်ဇၞော် တွဵုရးဍုၚ်မန် ဥူမေန်န်ဥူ ဒုၚ်ယဵုသစာတုဲဒှ်

by ဌာန်ပရိုၚ်ဗၠးၜးမန် | Apr 1, 2016 | ပရိုၚ် | 0 comments

ဥူမေန်န်ဥူ တိုန်ဒှ်သ္ကိုပ်ဝန်ဇၞော် နကဵုအသံဂလာန်သမ္မတဂှ် ဒုၚ်ယဵုကေတ်သစာ ပ္ဍဲကၠတ်ထဝ်တွဵုရးမန် ပ္ဍဲဂိတုမာတ် ၃၁ ဂှ်ကီုရ။

ပ္ဍဲကောံဓရီု လၟေၚ်ပက္ကတိ အလန်ပထမ (တ္ၚဲစတုတ္ထ ) ကၠတ်ထဝ်တွဵုရးမန် အလန်ဒုတိယ မကၠောန်သ္ပမံၚ် ပ္ဍဲတ္ၚဲ ဂိတုမာတ် ၃၁ ဂှ် ဥူမေန်န်ဥူ ဒုၚ်ယဵု ဓဝ်သစာ ပ္ဍဲဂတမုက် ဒဝ်တေန်န်အိ ဥက္ကဌကၠတ်ထဝ် တွဵုရးမန်ရ။

ဥူမေန်န်ဥူ သ္ဂးဂှ် “ကလောန် ဌာနဝန်ဇၞော်တံဂှ် အဲဒးရံၚ်မဏီ။ စပ်ကဵုပရေၚ်ပညာတှေ် ပ္ဍဲပွိုၚ်ဍုၚ်လဵုဂှ် ဍိုန်လျမံၚ်ရော၊ၜိုတ်အဲတီဂှ်တှေ် ပ္ဍဲဒေသကောန်ဂကူတံ ဘာဗ္တောန်လိက်တံ ဍိုန်လျမံၚ်။ အခါရ အလဵုအဲ အာစိုပ် ဂွံဆဵုကေတ်မ္ဂး ဒၞါဲဍိုန်လျတံဂှ် ပခိုဟ်ကဵုကၠာဏောၚ်။ အဓိက ဒၞါဲဂကူကောန်ဍုၚ်အရၚ်ဂှ် အဲပခိုဟ်ကၠာဏောၚ်” သာ်ဝွံ ဂးကဵုဌာန်ပရိုၚ်ဗၠးၜးမန်ရ။

သ္ကိုပ်ဝန်ဇၞော်တွဵုရးဍုၚ်မန် ဥူမေန်န်ဥူ က္လိဂွံအယုက် ၄၆ ဝွံ တုဲလဝ်ဘာ နကဵု သွာၚ်အေန်ဂျေန်နဳယာ B.E (Electronics) တုဲ ကာလဂတမတ်ဏံ ကၠောန်မံၚ် ကမၠောန်ကၠအ်ထ္ၜိုတ်ရဂှ် ဂွံဆဵုကေတ် ပ္ဍဲဝၚ်ပူဂဵုညးတေံရ။

ဥူမေန်န်ဥူ ဂအုပ်ဝန်ဇၞော်တွဵုရးမန် အဃောဗှ်ဒၟံၚ် ဓဝ်ဒုၚ်သစာ (MNA)

ဥက္ကဌကၠတ်ထဝ် ကဵု ဂအုပ်ဝန်ဇၞော် တွဵုရးမန် (MNA)

ပ္ဍဲတွဵုရးဍုၚ်မန်ဏံ အခေါၚ်ဗၠးၜး နွံဂၠိုၚ်နူ ခေတ် အလဵုအသဳ ၊ ခေတ်ကၠတ်ထဝ် တုဲကၠုၚ်တေံဏီရဂှ် ဂွံဆဵုမံၚ်။ ညးဒုၚ်ကာတံလေဝ် ညံၚ်ရဴသ္ဂီုသ္ဂဴ မြာၚ်မြဴဒၟံၚ်ကီု ဥက္ကဌတၟိ ကၠတ်ထဝ်ဏံဂှ်လေဝ် နကဵုမုက်မတ် က္တိုၚ်ၚ်ကၟဟ်ဟ် အာကာရမြဟ်ဟ် ဒုၚ်တၠုၚ်တဴ ညးလ္ၚတ်တံဂှ်လေဝ် ဂွံဆဵုကေတ် ဥူတာန်ဇြဝ် ဂးရ။

မွဲလ္ပာ်ဂှ် ဂအုပ်ဝန်ဇၞော်တၟိ ဥူမေန်န်ဥူဏံ လဆဵုဂဗ ပရေၚ်ဍုၚ်ကွာန်အောန်မံၚ်၊ တတ်ကၠုၚ် ပ္ၚံက်ပရေၚ်ဍုၚ်ကွာန်အောန်မံၚ် ဂးတုဲ ညးစၞးကၠတ်ထဝ် လ္ၚဵုတံ ပါ်ပါဲထံက်ထ္ၜးကၠုၚ်ကီုရ။

ပ္ဍဲလက်ထက်အလဵုအသဳ ဥူအုၚ်မျေအ် သ္ကိုပ်ဝန်ဇၞော် တွဵုရးဍုၚ်မန်တုဲကၠုၚ်တေံဂှ် ပံက်စွံလဝ် ဌာနဝန်ဇၞော် (၉) ဌာနတုဲ လက်ထက်အလဵုအသဳ NLD လၟုဟ်ဏံဂှ် ပ္ဍဲတွဵုရးမန်ဏံ သီုဌာန ဂအုပ်ဝန်ဇၞော်မှ ပံက်စွံ ဌာနဝန်ဇၞော် (၆) ဌာနဓဝ်ရ။ စရၚ်ယၟု ဝန်ဇၞော် အလဵုအသဳတွဵုရးမန်ဂှ်လေဝ် ခြာဟွံလအ် လလောၚ်ပ္တိတ်ဏောၚ် ဂွံမိၚ်လဝ်ရ။

ကၠတ်ထဝ်တွဵုရးမန် အလန်ဒုတိယဝွံ စိုပ်ဂိတုအေဗရဴ (၄) တေံမ္ဂး ဆက်ကၠောန်အာ ကောံဓရီုလၟေၚ်ပက္ကတိ အလန်ဒုတိယပၠန်ဏောၚ် ဒဝ်တေန်န်အိ ဥက္ကဌ ကၠတ်ထဝ်တွဵရးမန် လလောၚ်လဝ်ရ။

သမ္မတ ဒုသမ္မတ တံကဵု ဝန်ဇၞော်ကၟိန်ဍုၚ် ၁၈ တလတံလေဝ် ဒုၚ်ယဵုလဝ်သစာ ပ္ဍဲကၠတ်ထဝ်ကၟိန်ဍုၚ် တုဲမံၚ်ကီုရ ဂွံတီကေတ်။

← ဗော်ကောန်ဂကူမန် လလောၚ်ပ္တိတ်လိက်လစွံစိုတ် လ္တူအလဵုအသဳ သမ္မတ ဥူထေန်ကျဝ် သဘၚ်သၟာန်သွဟ်လိက်ဥတုက္ညၚ် ကဆံၚ်ပွိုၚ်တိုက် အလုံပွိုၚ်ဍုၚ်မုဟ်ဍုၚ် ကၠောန်ဗဒှ်မွဲဗီုပြၚ်ဓဝ် →

Written by

အခိၚ်ဗြဲတမ်သၞာံဏံ ဒးစွံသတိကဵု ဂဂဵုတးပန်၊ ကျာထတ်၊ တိလာ်ရောၚ် ဌာနဗြဲကျာတအ် ကဵုလဝ်သတိ

by ဌာန်ပရိုၚ်ဗၠးၜးမန် | May 13, 2025 | ပရိုၚ်

ပ္ဍဲတွဵုရးဍုၚ်မန်ဝွံ စိုပ်ကၠုၚ်အခိၚ်မုတ်သုန်ဗြဲကျာ စလုပ်ရဒှ်တုဲ ဒးစွံသတိကဵု အန္တရာဲဘဲဒဏ်သဘာဝ က္တဵုဒှ်ရောၚ် ဌာနဗြဲကျာတအ် ကဵုလဝ်သတိရ။

ဗော်ပရေင်ဍုင်ကွာန် သ္ပစၞးကဵုဂကူမန်ဂှ် ဣလဵုရော?

by ဌာန်ပရိုၚ်ဗၠးၜးမန် | May 12, 2025 | ပရိုၚ်, လညာတ်ပါ်ပါဲ

“ပ္ဍဲဂကူမွဲမွဲ သွက်သ္ဂောံဖန်ဇန် ဖျေံသ္ဂုတ်သွာတ် စပ်ကဵုပရေင်နာနာ လ္တူဂကူဂှ် သ္အာင်အာနူကဵု ဗော်ပရေင်ဍုင်ကွာန်တုဲ ဂကောံ၊ ပူဂဵု၊ တၠပညာလဵုလေဝ် အခေါင်ဟွံမွဲ” ဂလာန်သာ်ဏံ ဂွံမိင်ကေတ်မံင် နူကဵုညးအာက္ဍိုပ် ဗော်ပရေင်ဍုင်ကွာန်မန် မွဲဏှေံမွဲဏှေံရ။ ဇၟာပ်ပ်မိင်ဂှ် ဟွံကေင်သာယာကၠုင် ပ္ဍဲကတောဝ်မွဲလှ်ေရ။ မိင်တုဲ ချပ်မံင်ပ္ဍဲစိုတ်သ္ၚိတ်တ်လၟိုန်ဂှ် “ယဝ်အဲဒှ်ညးအာက္ဍိုပ် ဗော်ပရေင်ဍုင်ကွာန်မ္ဂး ဂလာန်မြဴသာ်ဏံ ဆလအ်လေဝ် အဲဟွံဟီုတုဲ မ္ဒးဗတိုက်သရိုဟ်ကၠေံ ဂလာန်သာ်ဝွံဏောင်”။

0 Comments

Submit a Comment Cancel reply

This site uses Akismet to reduce spam. Learn how your comment data is processed.