သ္ဂောံချူခၞံ တမ်လိက်ဗ္တောန် တန်ကောန်ၚာ် သွက်ဥတုက္ညၚ် ဂွံဒှ်မွဲမူဂှ် ပံက်ဏာ ဂကောံမွဲ

by | Oct 13, 2016 | ပရိုၚ် | 0 comments

သွက်ဂွံချူခၞံ တမ်လိက်ဗ္တောန် တန်ကောန်ၚာ် ဂကောံဗ္တောန်လိက်ပတ်မန် ကေုာံ ယေန်သၞာၚ်ဗုဒ္ဓဘာ သာ အလုံဒေသရးမန် ဂွံဒှ်မွဲမူမာန်ဂှ် ဂကောံခမဳသၚ်ကီု သီုကဵုဂကောံတၠပညာမစိုန်သ္ကီု ကဵုသွာၚ်လိက် ပတ်မန်ဂမၠိုၚ် ပံၚ်တုဲ ပံက်ဏာဂကောံမွဲရောၚ် ဂွံတီကေတ်ရ။

တုဲကၠုၚ်ဂိတုအံက်တဝ်ဗ ါ(၁၂) ဂှ် ဂကောံဗ္တောန်လိက်မန် ကေုာံ ယေန်သၞာၚ်မန် ဗုဒ္ဓဘာသာ အလုံဒေသ ရးမန် သ္ပကောံဓရီုမရနုက်ကဵု (၂) ဝါ ပ္ဍဲဇြပ်မန် ဍုၚ်မတ်မလီုတုဲ ရုဲစှ်ပံက်ဏာမွဲဂကောံဂှ်တုဲ အပ္ဍဲဂှ်မ္ဂး ညး က္ဍိုက်ပ်ကမၠောန် ခမဳသၚ်မပ္တံကဵုကျာ်ဇၞော်အ္စာဘဒ္ဒန္တ ကျာ်ဇၞော်ကေတုမာလာ (ကွာန်ကံပလိုၚ်)၊ ပွိုၚ်ဍုၚ် ကံကြိက်၊ ကျာ်ဇၞော် အ္စာဘဒ္ဒန္တသြဘာသ (ကွာန်သၞေဟ်ဗ္ဒဝ်)၊ ပွိုၚ်ဍုၚ်မုဟ်ဍုၚ်၊ ကျာ်ဇၞော်အ္စာဘဒ္ဒန္တ သဳလ ဝန္တ ပွိုၚ်ဍုၚ်ဇြပ်ဗုတံပါလုပ်ရ။

ညးတိုန်စိုပ်ကောံဓရီု ဂကောံဗ္တောန်လိက်ပတ်မန်ဂမၠို်ၚ် (MNA)

ညးတိုန်စိုပ်ကောံဓရီု ဂကောံဗ္တောန်လိက်ပတ်မန်ဂမၠို်ၚ် (MNA)

သှေ်နူဂှ်တုဲ ဂကောံခမဳသၚ်က္ညတိုန်စိုပ်ကောံဓရီု မွဲပွိုၚ်ဍုၚ် (၂) ဇကု ပံၚ်ဖအိုတ် (၁၅) ဇကုကီု၊ လ္ပာ်ခရှ်ဂှ် ပူဂဵုတၠပညာစိုန်သ္ကီု သွာၚ်လိက်ပတ် (၁၀) တၠတံ ပါလုပ်ပ္ဍဲဂကောံ ‘ချူခၞံ တမ်လိက်ဗ္တောန် တန်ကောန်ၚာ် ဂကောံဗ္တောန်လိက်ပတ်မန် ကေုာံ ယေန်သၞာၚ်ဗုဒ္ဓဘာ အလုံဒေသရးမန် တန်ကောန်ၚာ်ဂှ်ရ။

ကိစ္စချပ်ဇန်သွက်ဂွံတက်တြးပ္တိတ် တမ်လိက်ဗ္တောန် တန်ကောန်ၚာ် နူဂကောံဗ္တောန်လိက်ပတ်မန် ကေုာံ ယေန်သၞာၚ်ဗုဒ္ဓဘာသာအလုံဒေသရးမန်ဝွံ ဇၟာပ်အခိၚ်ဗ္တောန်လိက်ဥတုက္ညၚ်ဂှ် သဳကၠဳဖျေံကၠုၚ်နွံကီုလေဝ် ပရေၚ်ခက်ခုဲနာနာသာ်နွံတုဲ ဒဵုတ္ၚဲဏံ ဟွံဂွံဓမံက်ရုပ်ရဴကမၠောန်ဏီရ၊ ဟိုတ်နူဂှ်တုဲ ပ္ဍဲကဵုကောံဓရီုအလန် မရနုက်ကဵု (၂) ဝါဏံ သွက်ဂွံစဓမံက်ရုပ်ရဴကမၠောန်တက်ပ္တိတ်လိက်ဂှ် ပံက်ဏာ ဂကောံကမၠောန် မွဲဂကောံရ။

‘စပ်ကဵုကိစ္စ ချူခၞံတမ်လိက်ဗ္တောန်ဥတုက္ညၚ်ဏံ ဂွံဒှ်မွဲမူဟီုဂှ် ဍေံဒးဒှ်ထေက်ကွေံကွေံရ၊ လိက်ဗ္တောန်ဒၟံၚ်နူကဵု ပွိုၚ်ဍုၚ်ဂမၠိုၚ်တံချူဗ္တောန်ဒၟံၚ်လၟုဟ်ဂှ် ဟွံခိုဟ်ဂှ်ဟွံသေၚ် ခိုဟ်မံၚ်ကီုရ၊ ဆဂးဍေံဟွံစိုပ်တရဴ၊ ဣဏံချူခၞံ တမ်လိက်ဗ္တောန်ဏံဏောဝ်ဟီုတှေ် ညံၚ်ဂွံစိုပ်တရဴ၊ ဗ္တောန်တုဲညံၚ်ဂွံဇိပ်ဍိုပ်လုပ်အာက္ဍဟ်ပ္ဍဲကဵုကောန်ၚာ် တံဂှ်တှေ် ဒးစကာပညာနဲကဲ၊ ဒးနိဿဲနူအ္စာတၠပညာဍုၚ်နာနာတံတုဲတှေ် ဒးချူအာဏောဝ်’ သာ်ဏံ ညး စၞးနူသွာၚ်ကမ္မတဳပရေၚ်ပညာကောန်ဂကူမန် အ္စာဇြေ ပါလုပ် ပ္ဍဲဂကောံချူခၞံတမ်လိက်ဗ္တောန်ဂှ် ထံက် ဟီုဏာရ။

လၟေၚ်ကမၠောန်သွက်ဂွံချူခၞံ တမ်လိက်ဗ္တောန် နူဂကောံဗ္တောန်လိက်ပတ်မန် ကေုာံ ယေန်သၞာၚ်ဗုဒ္ဓဘာ သာ အလုံဒေသရးမန်ဝွံဂှ် ကိုပ်ကၠာဏံ တက်ပ္တိတ်အာ လၟေၚ်တန်ကောန်ၚာ်ကၠာတုဲ သွက်ဂွံဆက် တက် အာ လၟေၚ်တန်အဆံၚ်ၚ်ဂှ် နူကဵုဂကောံတံ ထပ်ချပ်အာပၠန်ရောၚ် ဂွံတီကေတ်ရ။

စပ်ကဵုလိက်ဗွဟ်ဂကောံဗ္တောန်လိက်ပတ်မန်ကေုာံ ယေန်သၞာၚ်ဗုဒ္ဓဘာသာဂှ် မူလိက်ကံဗိန်၊ မူလိက်ပွိုၚ် ဍုၚ်မုဟ်ဍုၚ်၊ မူလိက်ပွိုၚ်ဍုၚ်ဇြပ်ဗု မူလိက်ပွိုၚ်ဍုၚ်နာနာ မူလိက်ပွိုၚ်ဍုၚ်ညးကုညး တက်ပ္တိတ်ဗ္တောန်ကၠုၚ် လဝ်နွံတုဲ နူကဵုဂကောံ ချူခၞံတမ်လိက်ဗ္တောန် တန်ကောန်ၚာ်ဏံ ချူခၞံတုဲဒှ်အာမ္ဂး ဇၟာပ်ပွိုၚ်ဍုၚ်ဂမၠိုၚ် အလုံ ဒေသရးမန်ဂှ် မ္ဒးရပ်စပ်သုၚ်စောဲဗ္တောန်အာ လိက်ဗွဟ်တန်ကောန်ၚာ်ဏံ မွဲမူဟေၚ်ရောၚ် ဖျေံလဝ်နွံရ။

Written by

Related Posts

ကွးဘာနူဘာကောန်ဂကူလ္ၚဵု ပြံၚ်ကၠောံဘာတန်အလဵုအသဳဂှ် ဂအုပ်ဘာတအ် ဟွံဒုၚ်တဲ

ကွးဘာနူဘာကောန်ဂကူလ္ၚဵု ပြံၚ်ကၠောံဘာတန်အလဵုအသဳဂှ် ဂအုပ်ဘာတအ် ဟွံဒုၚ်တဲ

ကွးဘာနူဘာကောန်ဂကူလ္ၚဵု ပြံၚ်ကၠောံဘာတန်အလဵုအသဳဂှ် ဂအုပ်ဘာတအ်ဟွံဒုၚ်တဲတုဲ ကွးဘာတအ် ဂွံဆက်တိုန်ဘာဂှ် ဒှ်ဒၟံၚ်ပရေၚ်ခက်ခုဲဖိုဟ်ရောၚ် ညးတာလျိုၚ် ဂကောံ ကေၚ်ကာပွိုၚ်ဍုၚ် (ဗွိုၚ်ပ္ဍဲဍုၚ်) မွဲတၠ ဟီုလဴထ္ၜးရ။

ပိုဲမၞိဟ်တံ အာယုက်ဇၞော်ကၠုင်မ္ဂး

ပိုဲမၞိဟ်တံ အာယုက်ဇၞော်ကၠုင်မ္ဂး

အာယုက်ဇၞော်ကၠုင် ဗျုကၠုင်မ္ဂး ပ္ဍဲခန္ဓကာယပိုဲဏံ မွဲသာ်လေဝ် ဟွံခိုဟ်ရ။ အာယုက်အကြာ ၄၅ – ကဵု – ၆၀ ဂှ် လက်သဏ်ယဲ ထေက်ကဵုပိုဲတံ မ္ဒးစွံသတိ ညံင်ရဴသ္ဂောံစွံသတိမာန်တုဲ သွက်ရသ္ဂောံစဵုဒၞါ သ္ဂောံလွဳပရာမာန်ဂှ် လိက်ပရေင် မဒှ်ဗဟုသုတ စပ်ကဵုပရေင်ထတ်ယုက်ဏံ ဗှ်လ္ၚတ်လဝ်တုဲ မ္ဒးပါ်ပရအ်ဏာကဵုကောန်ဂကူမန် ညးမဗှ်လိက်တံရ။

ကိုန်စဳဇန်ရပ်ကွဳစက်ယာန် ဟွံရုပ်သီဏီတုဲ ကွဳလိုန်ဓာတ်၊ ကွဳစက်တအ် ဒးတိတ်ကမၠောန် အကြာဘဲအန္တရာဲဒးဒုၚ်ရပ်

ကိုန်စဳဇန်ရပ်ကွဳစက်ယာန် ဟွံရုပ်သီဏီတုဲ ကွဳလိုန်ဓာတ်၊ ကွဳစက်တအ် ဒးတိတ်ကမၠောန် အကြာဘဲအန္တရာဲဒးဒုၚ်ရပ်

ကိုန်စဳဇန်ရပ်ကွဳစက်ယာန် ဟွံရုပ်သီဏီဂှ်ရ ကွဳလိုန်ဓာတ်၊ ကွဳစက်တအ် ဟိုတ်နူဒေါံဇူကမၠောန်လအ် ဒှ်ခက်ခုဲတုဲ ဒးတိတ်ကမၠောန်အကြာဘဲအန္တရာဲ ဒးဒုၚ်ရပ်ဂှ်ရောၚ် ညးသွံခၞေဝ်ကေဝ် အကြာကွာန် ပွိုၚ်ဍုၚ်မုဟ်ဍုၚ်မွဲတၠ ဟီုရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.