ဆေၚ်ဖျာ ကေုာံ ဌာနဒုၚ်ဒါန်သ္ၚိဗယိတံ သ္ပပွပလာပ်စိုတ် ရဲလ္ၚောတ်ကျာ်တံမ္ဂး ဒးဒုၚ်ကေတ်အရေဝ်ရောၚ်

by | Nov 18, 2016 | ပရိုၚ် | 0 comments

ပ္ဍဲဌာန်တရဴတိုန်ကျာ်ဣသိယဵု (ဍုၚ်ကျာ်ထဝ်၊ တွဵုရးမန်) ဂှ် ဆေၚ်ဖျာကေုာံ ဌာနဒုၚ်ဒါန်သ္ၚိဗယိတံ ယဝ်သ္ပပွပလာပ်စိုတ် ညးတိုန်လ္ၚောဝ်ကျာ်တံမ္ဂး ကေတ်အာအရေဝ် နပွမကၟာတ်ထောံဗွဲယာယဳရောၚ် ရဴဝွံ ဂွံတီကေတ် နူဂကောံဂေါပကကျာ်ရ။

စပ်ကဵုဆေၚ်ဖျာ ကေုာံ ဌာနဒုၚ်ဒါန်သ္ၚိဗယိတံဂှ်တုဲ လက်ထက်ဂကောံဂေါပကတၟိဏံ ပ္တိတ်ကဵုလဝ်စေဝ်ပၞောန် နွံဒၟံၚ်တုဲ ယဝ်ဟွံဒ္ဂေတ်ဗက် အတိုၚ်စေဝ်ပၞောန်ဂှ်မ္ဂး ဗွဲကိုပ်ကၠာ ကော်ကဵုသတိ၊ အလန်ဒုတိယ ဆက်ဒှ်ဒၟံၚ်ဏီမ္ဂး ကဵုဒုဟ်ကၟာတ်ထောံ ဗွဲယာယဳရောၚ်။

 ဗီုစေတဳကျာ်ဣသိယဵု  (Facebook)

ဗီုစေတဳကျာ်ဣသိယဵု (Facebook)

“ဌာနဒုၚ်ဒါန်သ္ၚိဗယိဂှ် ကဵုလဝ်ကာန်ထရာ် မၞိဟ်တုဲတုဲကၠုၚ်တေံရ၊ ညံၚ်ဂွိုအ်ဒှ်ပလာပ်စိုတ်ကဵု ရဲတိုန်လ္ၚောဝ်ကျာ်ဂှ် ကဵုညးတံဒုၚ်ဒါန်အပ္ဍဲသ္ၚိဗယိဂှ်ရ၊ ဟွံက္လၚ် ဟွံဒ္ဂေတ်ဗက် တိတ်ဒုၚ်ဒါန် ဒဵုကဵုမ္ၚးတှေ် ဒးဒုၚ်ကေတ်အရေဝ်ဏောၚ်၊ ဆေၚ်ဖျာ ဟွံမၚ်မွဲစေဝ်ပၞောန်ဂှ် ကေတ်အရေဝ်တုဲယျ” သာ်ဝွံ ဒံက်တာအေဇြာန် ဂကောံဂေါပကကျာ် ဟီုရ။

ပ္ဍဲလက်ထက်ဂေါပကတၟိဏံ သွက်ရဲအာလ္ၚောဝ်ကျာ်တံ သ္ဂောံအာလ္ၚောဝ်ၜိုဟ်ဟ် ညံၚ်ဂွိုအ်ဒှ် ပရေၚ်ပလာပ်ပထုဲစိုတ်ဂှ် ဖန်ဇန်လဝ်ကီုရ၊ ညံၚ်ဂွံစှေ်ဗီု ပြေပြံၚ်အလုံညးဖအိုတ်ဂှ် ကေတ်အခိၚ်တုဲ ဒးပလေဝ်အာရောၚ် ဒံက်တာအေဇြာန် ဂးရ။

ဂေါပကတၟိဏံ ဌာနဇၞော်ဒုၚ်ဒါန်သွက်ကျာ်မွဲဂှ်ရ ရပ်လဝ်တုဲ ပၞောဝ်ကဵုသ္ၚိဗယိ (၉) မ နွံပ္ဍဲပွဳဗွိုၚ်ဒဵုကျာ်ဂှ် သ္ၚိဗယိမိနန်ဂြၚ်ထဝ် (ရေႊနန်းကျၚ်) ကဵု သ္ၚိဗယိအပါဇၞော်ဒဵုကျာ်သိယဵု (ကျိုက်ထီးရိုးဘိုဘိုကြီး) ဂှ် ကဵုလဝ်ကာန်ထရာ် ကု (ရိုးရိုးလေး) ရောၚ် သာ်ဝွံ (ဦးစိန်းမြၚ့်) နူဂကောံဂေါပကကျာ် ဟီုရ။

ရဲလ္ၚောဝ်ကျာ်တံ ညံၚ်ဂွံတိုန်အာ နကဵုစိုတ်လျုၚ်ၚ်မာန် သၟးဇ္ၚးအာခၟိက် သီုစွံအာဒၞာဲထောံခၟိက်ကီုရောၚ်တုဲ ဗလးပ္ဍဲဝၚ်ကျာ်တေံ သွက်ဂွံအးၚးလၟိုန်ဂှ်လေဝ် ကော်လဝ် ညးဒုၚ်ကာတၟိတၟိ အရၚ်ဂွံသၟးဇ္ၚးတံကီု ဂွံတီကေတ် နူဂကောံဂေါပကဂှ်ကီုရ။

စေတဳကျာ်ဣသိယဵု ဓါတ်သော်ဂမျိုၚ်ဝွံ ဒှ်ဒ္တန်အာဲကၟာဲယေန်သၞာၚ်တြေံတြဟ်မန်မွဲတုဲ မွဲမွဲသၞာံ ကၟုဲလ္ၚောဝ်ကျာ် သီုအပ္ဍဲဍုၚ် သီုနူဍုၚ်မ္ၚးတံ ကၠုၚ်စိုပ် ၜိုတ် ၂ ပြကောဋိကိုဋ်ပြၚ်ရဂှ်လေဝ် ဂွံတီလဝ် အတိုၚ်စရၚ်ကၟုဲလ္ၚောဝ်ကျာ် ဌာနဟဝ်တေဝ်ကဵုပရေၚ်အာတရဴ ရုၚ်ပါ်မတ်မလီုရ။

ပၞောဝ်ကမၠောန်အာတရဴဂမၠိုၚ် ပ္ဍဲတွဵုရးဍုၚ်မန်ဏံ စေတဳကျာ်ဣသိယဵုဂှ် ဒှ်ဌာန်ဒယှ်ပြာထာအိုတ်မွဲတုဲ နွံကဵု ပွသြန်လုပ်ဂၠိုၚ်အိုတ်ကီု ဂွံတီကေတ်ရ။

Written by

Related Posts

ပ္ဍဲအရာလိင်မၞိဟ်သ္ပကောန်ပၞာန်ဗၟာစၞးအရာပ်ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု ဒးကၠတ်ဗပေင်စုတ်လဝ်ဩန် သွာင်ပရဟိတကွာန်

ပ္ဍဲအရာလိင်မၞိဟ်သ္ပကောန်ပၞာန်ဗၟာစၞးအရာပ်ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု ဒးကၠတ်ဗပေင်စုတ်လဝ်ဩန် သွာင်ပရဟိတကွာန်

သွက်ဂွံဗပေင်လဝ်ဩန် ဒၞာဲလိင်မၞိဟ်သ္ပကောန်ပၞာန်ဗၟာစၞးအရာပ်-ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု မ္ဒးကၠတ်ဗ ပေင်စုတ်လဝ်ဩန် သွာင်ပရဟိတကွာန်နွံမံင်ရောင် ညးလုပ်ဂကောံအုပ်ဓုပ်ကွာန် ဒေသဍုင်မန်မွဲတၠ ဟီုလဴ ထ္ၜးရ။

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ပိုဲမၞိဟ်တံမ္ဂးဂှ် ဇၟာပ်ပ်တ္ၚဲ မ္ဒးဆဵုဂဗမံင်ကဵုပြသၞာဂမၠိုင်တုဲ ဇၟာပ်ပ်တ္ၚဲ ပိုဲမၞိဟ်တံ မ္ဒးပသောင်ဒၟံင် ပြသၞာရ။ စပ်ကဵုပသောင်ပြသၞာဂှ် ယဝ်ရစိစောန်မံင်အရာဇဳသာ်မ္ဂး က္လိဂွံဂုဏ်ဖဵု ဗွဲမဂၠိုင်မာန်ရ။ ပြသၞာလ္ၚဵု မဆဵုဂဗလၟုဟ်ဂှ် ကြံင်မ္ၚိုဟ်နူကဵု ပြသၞာကေင်ဆဵုဂဗလဝ် လောန်ကၠုင်တုဲတုဲတေံ ဂၠိုင်ကဵုဆလေဝ်ဒှ်မာန်ရ။ ပြသၞာဂှ် ဗွဲမဂတာပ်တဲ သီုဟွံမွဲကဵုပရေင်ခက်ခုဲ သောင်က္လးမာန်မ္ဂး ဒှ်ညးမၞုံကဵုအစောန်စရာဲခိုဟ်ရ။ ဇၟာပ်ပ်ပြသၞာ နဲသောင်က္လးဍေံ နွံမွဲဗီုဓဝ်ဟွံသေင်ရ။ သွက်သ္ဂောံသောင်က္လးပြသၞာဂှ် ဗီုလဵုပိုဲပလေဝ်ပလေတ်လဝ်နွံနွံ အရာပိုဲဟွံတီလဝ်တံ နွံမံင်လၟိုန်ရ။ ဟိုတ်ဂှ်ရ ပြသၞာညံင်ဟွံဂွံဒှ်ဂှ် မ္ဒးစွံလဝ်သတိလၟိုန်တုဲ ဒှ်ပြသၞာရမ္ဂး မ္ဒးပသောင်ကၠေံ ဍေံပြဟ်ဟ်ရောင်။

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.