သ္ကိုပ်ဝန်ဇၞော်မန်အာယုက် ၈ ဂိတု ခုၚ်ဂ္ဇံချဳဒရိုက်ဣရ

by | Dec 2, 2016 | ဂလာန်ညးဒါန်လိက် | 0 comments

တာလျိုၚ်သ္ကိုပ်ဝန်ဇၞော်လၟုဟ်ဏံ ညးတာလျိုၚ်အပ္ဍဲဗော်တံ မိက်ဂွံကဵုနုက်တိတ်မ္ဂး လွာဲလွာဲဂှ်နုက်တိတ်ကဵုရောၚ်ဂှ် အဃောကာလ ဗော် NLD ကၠောန်ကၠုၚ်ကောံဓရီု ပထမကမ္မတဳဗဟဵု လၟေၚ်ဆဋ္ဌမ ပ္ဍဲနဝ်ဝေမ်ဗာ ၁၂ တုဲဂှ် သ္ကိုပ်ဝန်ဇၞော်တွဵုရးမန် ဥူမေန်န်ဥူ ဟီုဂးလဝ်ကဵု ရဲမဳဒဳယာတံဂှ် ညးဗှ်ပရိုၚ်လ္ၚဵုတံ သတီဒးဏီရောၚ်ထေၚ်။

ဟိုတ်နူဟိုတ်သာ်လဵုတုဲ ဟီုဂလာန်နုက်တိတ်နူသ္ကိုပ်ဝန်ဇၞော်ရောဂှ် ဟွံဟီုပ္တိတ်ကဵုမဳဒဳယာတံရ။

သ္ကိုပ်ဝန်ဇၞော်ဥူမေန်န်ဥူ ကာလယဵုဒုၚ်သစာ ပ္ဍဲကၠတ်ထဝ်တွဵုရးမန် စၟတ်တ္ၚဲမာတ် ၃၀ တုဲကၠုၚ်တေံ (ကၠတ်ထဝ်မန်)

သ္ကိုပ်ဝန်ဇၞော်ဥူမေန်န်ဥူ ကာလယဵုဒုၚ်သစာ ပ္ဍဲကၠတ်ထဝ်တွဵုရးမန် စၟတ်တ္ၚဲမာတ် ၃၀ တုဲကၠုၚ်တေံ (ကၠတ်ထဝ်မန်)

တၟေၚ်မွဲဂှ် ရံၚ်ကေတ် ပ္ဍဲလလောၚ်ပၟိၚ် လၟေၚ်လၟိဟ် ၅/၁၁/၂၀၁၆ ကမ္မတဳရေၚ်တၠုၚ်ကေၚ်ကာဗဟဵု ဗော် NLD ပ္တိတ်လဝ် ပ္ဍဲစၟတ်တ္ၚဲနဝ်ဝေမ်ဗာ ၂၈ ၊၂၀၁၆ ဂှ်မ္ဂး တၞဟ်နသ္ဂောံလ္ၚတ်စၟဳစၟတ် ကမၠောန်ကိစ္စ မဒှ်ကၠုၚ် အပ္ဍဲတွဵုရးမန်ကေုာံ ရးတနၚ်သဳတေံတုဲ သွက်သ္ၚဳဂၠိပ်ပ္တိုန်ထ္ၜးကဵုအဆံၚ်လ္တူဂှ် ပံက်လဝ်ဂကောံ လ္ၚတ်စၟဳစၟတ်ကမၠောန်မွဲဂကောံဂှ် ဂွံဆဵုကေတ်ရ။

သွက်ဂွံလ္ၚတ်စၟဳစၟတ် ပရေၚ်တေၚ်ဗ္စိုပ်လဝ် စပ်ကဵုညးစၞးကၠတ်ထဝ်၊ ဂကောံအလဵုအသဳ တွဵုရးမန် ကဵု ရးတၞၚ်သဳဂှ် ပ္တိုန်လဝ်ညးက္ဍိုပ် ကုဥူညာဏ်ဝေန် ကမ္မတဳရေၚ်တၠုၚ်ကေၚ်ကာဗဟဵုတုဲ ပံက်လဝ်ဂကောံ လ္ၚတ်စၟဳစၟတ်မွဲရ။

အတိုၚ်ဌာန်ပရိုၚ်မဳဒဳယာနာနာတံ ဓမံက်ထ္ၜးကၠုၚ်လဝ်ဂှ်မ္ဂး ဒးစှေ်လ္ၚတ် ပရေၚ်ညးတၞဟ်တေၚ်လဝ် ကိစ္စသ္ကိုပ်ဝန်ဇၞော် တွဵုရးမန် ကေုာံ ညးစၞးကၠတ်ထဝ် ရးဒေသဇၞော် တၞၚ်သဳဂှ်တုဲ ဒးပ္တိုန်ထ္ၜးကဵု ဂကောံကမ္မတဳ ရေၚ်တၠုၚ်ကေၚ်ကာဗဟဵု NLD ရောၚ် ဂွံတီကေတ်ရ။

အဃောတိုန်ဒှ် သ္ကိုပ်ဝန်ဇၞော်က္တဴက္တဴလဴလဴတေံဂှ် မွဲဂိတုမွဲဝါ ဆဵုကဵုရဲမဳဒဳယာတံရောၚ်ဂှ်လေဝ် သ္ကိုပ်ဝန်ဇၞော်ဏံရ၊ ဟွံသေၚ်ကဵုအခိၚ်အခါ တောဲအာကၠုၚ်ဒၟံၚ် ကေုာံရဲခရဵုနဳ (ခရိုနီ) ဒယှ်ဒယှ်တံဂှ်လေဝ် သ္ကိုပ်ဝန်ဇၞော်ဏံရ၊ သ္ပမုသာတုဲ ပါန်အခေါၚ်ကဵု ကောံဓရီုကၠတ်ထဝ်ဂှ်လေဝ် သ္ကိုပ်ဝန်ဇၞော်ဏံရ၊ ဂၠိန်ဒိဒၟံၚ် ကၠတ်ထဝ်ဂှ်လေဝ် သ္ကိုပ်ဝန်ဇၞော်ဏံရ နမပ္တံ ဝိသေသနသာ်ဏံ အမြာဲပ္ဍးဒၟံၚ် ပ္ဍဲမုက်ပရိုၚ်မှာဇန် ကၠုၚ်နူဂၠးအာကသ အေန်တာနေတ် Online တေံရ။

သရောပ်မ္ဂး ပ္ဍဲကဵုကၠတ်ထဝ်မွဲ ညးစၞး NLD တံ ၜိုန်ရအုပ်ဓလီုဂွံလဝ်ဂၠိုၚ်အိုတ်ဒှ်ကီုလေဝ် နကဵုသ္ကိုပ်ဝန်ဇၞော် အလဵုအသဳမွဲ စန်ဒက်ထိၚ်ခွါ ပၠတရဴဟွံမာန်ဂှ် ဒှ်တၚ်ဍိုန်လျညးတေံရောၚ် မိက်ဂွံထံက်ထ္ၜးရ။

ဒှ်သာ်ဂှ်ရ သ္ကိုပ်ဝန်ဇၞော်ဏံ ဆက်ဂွံတာလျိုၚ်ဏီဟာ ဟွံဂွံရဟာဂှ် ဒှ်အရာသ္ဂုတ်သွာတ် ဗော် NLD ဟေၚ်ရတုဲ ကုသ္ကိုပ်ဝန်ဇၞော် အယုက် ၈ ဂိတုဏံ ဆက်စွံလဝ်အတိုၚ်ဏံရဟာ၊ ဟွံသေၚ်တှေ် ကလေၚ်ခါန်ပ္တိုန်တၟိ မွဲပၠန်ဟာဂှ် ကောန်ညးရမန်တံ ဇမၠိၚ်ကအ်တုဲ မၚ်စၟဳရံၚ်ဒၟံၚ်ရအဴ။

Written by

Related Posts

ဂၠံၚ်တရဴ ဇကုကဵုဇကု

ဂၠံၚ်တရဴ ဇကုကဵုဇကု

ပ္ဍဲကဵုပရေၚ်ဍုၚ်ကွာန် ပြိုၚ်ပ္ကာန်စန်ဒက်ဒၟံၚ် ကောန်ဂကူကောန်ဍုၚ်အရၚ်တအ်တ္ၚဲဏံဂှ် ကောန်ဍုၚ်အရၚ်လ္ၚဵု ပါဗက်သၟဝ်ဂၠံၚ်တရဴလ္ပာ်တေံနွံ၊ ကောန်ဍုၚ်အရၚ်လ္ၚဵု ပါဗက်သၟဝ်ဂၠံၚ်တရဴလ္ပာ်ဏံနွံရ။သွက်ဂွံဒက်ပ္တန်အာ ကၟိန်ဍုၚ်အနာဂတ်ဏံဂှ် မွဲလ္ပာ်ဂှ် ဖန်ဇန်ပလေဝ်ပလေတ်ဒၟံၚ်...

ဂၠံၚ်တရဴ ဇကုကဵုဇကု

လိုက်ဝှ်တိကှ်ဏံ စွံသတိတုဲ ကၠောန်ပေဲါသဘၚ်အိုတ်ညိ

လိုက်ကၠုၚ်ဝှ်မ္ဂး သဘၚ်အခိုက်ကၞာ၊ သဘၚ်ကျာ်၊ သဘၚ်ဒေသညးကဵုညး၊ အခိုက်ဒေသညးကဵုညး ကၠောန်တဴသ သဘၚ်အိုတ်ရ။ သၞာံတုဲကၠုၚ်တေံဂှ် ဟိုတ်နူအသိၚ်ဘဲယဲကပ်တုဲ ပရေၚ်သဘၚ်ပေဲါတအ်ဂှ် ဒးဒေံါဇူလဝ်တုဲ အခိၚ် လိုက်ဝှ်ဏံ ညးတာလျိုၚ်တအ် ပံက်ကဵုအခေါၚ်ဗဒှ်ပေဲါရ။သ္ပဟိုတ်ကဵု ပရေၚ်ဗွဝ်ဖျာဂၠးတိကီု၊...

ဂၠံၚ်တရဴ ဇကုကဵုဇကု

ဗွဝ်ဖျာဆက်ထပက်တိုန် ဒဵုစိုပ်မတ်ဗြဲဏီဟာ?

ထဝ်လျိုၚ်မွဲဒကေဝ် ကြပ် (၃၀) ကိုဋ်၊ ၚုဟ်ကၠေၚ်ဓာတ်မွဲလဳတာ ကြပ် (၃၀၀၀)၊ ကၠေၚ်ဒဳဇြေဝ် ကြပ် (၄၀၀၀)၊ ၚုဟ်လှာဲသြန် သြန်ဗၟာ (၁) ဒကေဝ် သြန်သေံ (၁၀၀) ၝာတ်ဂှ် ဟွံကေၚ်မိၚ်မွဲလှေ် တ္ၚဲဏံ ဂွံမိၚ် ဂွံဆဵုကၠုၚ်ဣရ။နကဵုအသိၚ်အလိုန် ပရေၚ်ဗွဝ်ဖျာတိုန်ဂှ်တုဲ မပ္တံကဵု ကပေါတ်အရပ်စပ်မၞိဟ်တအ်၊...

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.