ပ္ဍဲတွဵုရးမန် ပွိုၚ်ဍုၚ်ကျာ်မြဟ်ဂှ် သိုၚ်ခၞံဗ္ဒိုပ်သွက်ညးထပိုတ်ဂဥုဲၜူမာဲတံဏောၚ်

by | Jun 14, 2018 | ပရိုၚ် | 0 comments

ႏူကုႝဒပ္ဗၜာဲသဿိင္တြဳႝရးမန္ သြက္ဂြံပအပ္ဂဥဳဲၐူမာဲ ဒးစံင္ပလုီဂွ္ ႏြံဒဿံင္ မဂဥဳဲေခ်ံ ၆၄၇၇၁.၇၅ ဂရာမ္၊ ဘင္ ၁၁၇၇. ၅၉ ဂရာမ္၊ ICE ၈. ၅၇ ဂရာမ္၊ တှးဘိင္ဘင္ (ဘိန္းစာရြက္) ၂၉၇၈. ၅၂ ဂရာမ္၊ ထၞိဳတ္ဘိင္ကွ္ကွ္ ၈. ၅ ဂရာမ္တုဲ အလုံဖအိုတ္ဏံ ငၛဳဟ္မးေဍံ ႏြံ ၃၂၅၂၉၄၇၈၅.၈ ဒေကဝ္ေရာင္


ဗ္ဒိုပ်သွက်ဂွံကလေၚ်ပ္တန်ဘဝညးထပိုတ်ဂဥုဲၜူမာဲတံဂှ် သိုၚ်ခၞံ ပ္ဍဲပွိုၚ်ဍုၚ်ကျာ်မြဟ်ရောၚ် သာ်ဝွံ ဂွံတီလဝ် နူအလဵုအသဳ တွဵုရးမန်ရ။
ဗ္ဒိုပ်ကလေၚ်ပ္တန်ဘဝ သွက်ညးထပိုတ်ဂဥုဲၜူမာဲတံနွံမ္ဂး ကမၠောန်ဗ္တိုက်သၟးဂဥုဲၜူမာဲ အံၚ်ဇၞးမာန်ဏောၚ် သာ်ဝွံ ဥူကိုဝ်ကိုဝ်နာၚ် သ္ကိုပ်စၞောန်ပ္ညုၚ် ဌာနက္ဍိုက်ပ်ဒုၚ်သဇိုၚ်ဝန်ပရေၚ်မၞိဟ် (လူမှုဝန်ထမ်း) ဂးရ။

“ပ္ဍဲတွဵုရးပိုဲလေဝ် စပ်ကဵုသၟတ်တံတုဲ ကဏ္ဍဘဲအန္တရာဲဂဥုဲၜူမာဲဂှ် ကိစ္စဇၞော်ဇၞော်ကွေံကွေံရ။ လၟုဟ်ဏံ ပ္ဍဲရုၚ်ဂဥုဲဇၞော်ညးဍုၚ်ကွာန်ဂှ် ကေတ်ဒၟံၚ်တာလျိုၚ် သီုကမၠောန်ထပိုတ်ဂဥုဲၜူမာဲရ၊ ဆ္ဂး ထပိုတ်ဂဥုဲၜူမာဲတုဲ ဒးဆက်မၚ်မွဲရံၚ်စံၚ်အာ ညးထပိုတ်ဂဥုဲၜူမာဲတံပၠန်ဏောၚ်။ ဒှ်သာ်ဂှ်ရ ပ္ဍဲတွဵုရးဏံ ဒၞါဲထပိုတ်ဂဥုဲၜူမာဲကီု ဒၞါဲသွက်ဂွံမၚ်မွဲရံၚ်စံၚ် ဘဝညးထပိုတ်ဂဥုဲၜူမာဲတံကီု ထေက်ကဵုဒးနွံ ပ္ဍဲမွဲဒၞါဲဓဝ်ဏောၚ်” သ္ကိုပ်စၞောန်ပ္ညုၚ်ဂှ် ဂးရ။

အတိုၚ်မူဝါဒကောန်ဂကူ ဆေၚ်ကဵုဗ္တိုက်သၟးဂဥုဲၜူမာဲဂှ်မ္ဂး ဒၞါဲသွက်ဂွံသိုၚ်ခၞံ ဗ္ဒိုပ်မၚ်မွဲရံၚ်စံၚ် ညးထပိုတ်ဂဥုဲၜူမာဲဂှ် နူအလဵုအသဳတွဵုရးမန် ဖျေံကဵုလဝ်တုဲဣရ၊ ဗ္ဒိုပ်ညံၚ်ဂွံဒှ်ဂှ် ဌာနက္ဍိုက်ပ် ဒုၚ်သဇိုၚ်ဝန်ပရေၚ်မၞိဟ် ကေတ်တာလျိုၚ် ဒးသိုၚ်ကဵုဏောၚ် သာ်ဝွံ သ္ကိုပ်ဗိုလ်ဇၞော် ဝေန်နာၚ်ဥူ (ဝန်ဇၞော် ဂီုကၠီုကေုာံပယျဵုဓနက်-တွဵုရးမန်) ဂးရ။

“သွက်ဂွံပံက်ဗ္ဒိုပ် ကလေၚ်ပ္တန်ပ္တဴဘဝတံဏံဂှ် မူဝါဒ ကၟိန်ဍုၚ်နွံမံၚ်ရ။ တွဵုရးပိုဲလေဝ် သွက်ဂွံပံက်ဗ္ဒိုပ်ဗီုဏံဂှ် ပိုဲကၠောန်ဒၟံၚ်ဖိုဟ်ရ။ ဒၞါဲသွက်ဂွံသိုၚ်ဂှ် ဂွံလဝ်ပ္ဍဲကျာ်မြဟ်။ သွက်ဂွံသိုၚ်စမြိုၚ်ဂှ် ဌာနဒုၚ်သဇိုၚ်ဝန်ပရေၚ်မၞိဟ် ဒးသိုၚ်ဏောၚ်” သ္ကိုပ်ဗိုလ်ဇၞော်ဝေန်နာၚ်ဥူ ဂးရ။
ပ္ဍဲတွဵုရးမန်ဂှ် ဆပရေၚ်သွံရာန်ဂဥုဲၜူမာဲ၊ ကေတ်ဏာနၚ်ဂဥုဲၜူမာဲ၊ ညးစသုၚ်ဂဥုဲၜူမာဲတံသၟးရ နွံတုဲ အဆံၚ်ဂွံကၠောန်ပ္တိတ်ဂှ် ဟွံမွဲရ။ ဒၟါနူဂှ်ရ အမှုဆေၚ်ကဵုဂဥုဲၜူမာဲဂှ် အောန်နူ ရးတၞဟ်ဟ် တွဵုရးတၞဟ်ဟ်ဏီဏောၚ် ညးဆက်ဟီုရ။

ဂိတုဂျောန် ၂၆ ဏံမ္ဂး ဒှ်တ္ၚဲဗ္တိုက်သၟးဂဥုဲၜူမာဲ အလုံဂၠးကဝ်ဏောၚ်တုဲ နူကဵုဒပ်ဗၠာဲသၟိၚ်တွဵုရးမန် သွက်ဂွံပအပ်ဂဥုဲၜူမာဲ ဒးစံၚ်ပလီုဂှ် နွံဒၟံၚ် မဂဥုဲချေံ ၆၄၇၇၁.၇၅ ဂရာမ်၊ ဘၚ် ၁၁၇၇. ၅၉ ဂရာမ်၊ ICE ၈. ၅၇ ဂရာမ်၊ တၞးဘိၚ်ဘၚ် (ဘိန်းစာရွက်) ၂၉၇၈. ၅၂ ဂရာမ်၊ ထ္ၜိုတ်ဘိၚ်ကှ်ကှ် ၈. ၅ ဂရာမ်တုဲ အလုံဖအိုတ်ဏံ ၚုဟ်မးဍေံ နွံ ၃၂၅၂၉၄၇၈၅.၈ ဒကေဝ်ရောၚ် သာ်ဝွံ ဂွံတီကေတ် နူဝန်ဇၞော် ပရေၚ်ဂီုကၠီုကေုာံပရေၚ်ပယျဵုဓနက် တွဵုရးမန်ကီုရ။

Written by

Related Posts

ပရေင်တြးပၟတ်ဓာတ်လလဳ ပ္ဍဲဒေသရေဝ်သၟဝ်ကျာ ဖအောန်ဖျေံလဝ်အခိင်

ပရေင်တြးပၟတ်ဓာတ်လလဳ ပ္ဍဲဒေသရေဝ်သၟဝ်ကျာ ဖအောန်ဖျေံလဝ်အခိင်

ဟိုတ်နူပရေင်ခက်ခုဲကၠေင်စက်တုဲ ဓာတ်လလဳဒေသရေဝ်သၟဝ်ကျာ ဖအောန်ဖျေံအခိင် ဗလးပၟတ်ရောင် နူကဵုတၠကမၠောန် ဗလးဓာတ်လလဳ ပတိတ်လလောင်လဝ်ရ။

သွက်ဂွံလိင်မၞိဟ်ယိုက်ဝန်ပၞာန်ဗၟာ စၞးကွာန်ဂှ် အုပ်ဓုပ်ကွာန်တံ ကၠတ်ဗက်မံင်ဩန် နဲညးကဵုညးနွံ

သွက်ဂွံလိင်မၞိဟ်ယိုက်ဝန်ပၞာန်ဗၟာ စၞးကွာန်ဂှ် အုပ်ဓုပ်ကွာန်တံ ကၠတ်ဗက်မံင်ဩန် နဲညးကဵုညးနွံ

လဂွံကဵုသၞောဝ်ဥပဒေ ညးဍုင်ကွာန်တံ ဇၟာပ်အာယုက်စိုပ် ဒးလုပ်ယိုက်ဂၠေင်သ္ပကောန်ပၞာန်ဗၟာဂှ် အုပ်ဓုပ်ကွာန်တံ နဲကဲညးကဵုညး ကၠတ်ဗက်မံင်ဩန်တုဲ ဂၠာဲလိင်ဗပေၚ်စုတ်လဝ်မၞိဟ် စၞးကွာန်နွံ ရောင် ညးလုပ်ဂကောံအုပ်ဓုပ်ကွာန် ပွိုင်ဍုင်ရေဝ်သၟဝ်ကျာ မွဲတၠ ဟီုလဴထ္ၜးရ။

ပ္ဍဲတ္ရဲကောန်ဂကူမန်ဂှ် ဟွံကၟာတ်ဘာလေဝ် ကွးဘာတိုန် ဟွံမွဲ

ပ္ဍဲတ္ရဲကောန်ဂကူမန်ဂှ် ဟွံကၟာတ်ဘာလေဝ် ကွးဘာတိုန် ဟွံမွဲ

ပ္ဍဲတ္ၚဲကောန်ဂကူမန် မာ် (၁) စွေက်ဂှ် ၜိုန်ရဘာဟွံကၟာတ်ကၠာလေဝ် နကဵုဓဝ်သမ္တီဇကုကဵုဇကု ကွးဘာတံ ဟွံတိုန်ဘာအိုတ်ရောင် မိမတံကဵု ကွးဘာတံ ဟီုရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.