ၚုဟ်သြောံစှေ်မံၚ်သၟးဟွံက အဆံၚ်ရဲရာန်သြောံဟွံမွဲဒှ်မံၚ်ရောၚ် သၟာဗ္ၚတံဟီု

“အနှေန်သြောံဂှ် စှ်မံၚ်၊ အနှေန်သ္ၚုဂှ် ဟွံစှေ်ကွေံကွေံပုဟ်။ ကာန်ဗ္ၚဂှ်
ပတှေ်သြောံရတှေ် ဂွံကၠောန်ကမၠောန်ဂှ် ခက်ခုဲမံၚ်ရ။ အနှေန်သြောံစှေ်သၟးဟွံသေၚ်ဍံဟွံရာန်ဟဂှ်ရ။ မၞိဟ်သွံဂှ်နွံ မၞိဟ်ရာန်ဂှ် ဟွံမွဲဒှ်မံၚ်ဟဂှ်လေဝ်” သာ်ဝွံ သၟာဗ္ၚ ကဵုကွာန်နာၚ်သၠုၚ် နာဲၚိုဲဌေ ဟီုရ။ လၟုဟ်ဝွံ ပ္ဍဲအကြာကွာန်ဂှ် သၟာဗ္ၚတံ မိက်ဂွံသွံမံၚ်ကီုလေဝ် ရဲဂၠာဲရာန်သြောံ ဟွံမွဲတုဲညးလ္ၚဵုဂှ်ဟေၚ် နကဵုၚုဟ်ဒးစိုတ်တှေ် သွံရာန် (ကြိုက်ရောၚ်း၊ ကြိုက်ဝယ်) ဟၚ်သွံရာန်မံၚ်ညိညရောၚ် ညးဆက်ဟီုရ။ ပ္ဍဲကဵုပွိုၚ်ဍုၚ်မုဟ်ဍုၚ်ဝွံ သြာံဇၞော်ဂှ် (၁၀၀) နမ္ဂး (၇) ကိုတ်၊ သြာံ (ရေႊတဆုပ်) ဂှ် (၅)
ကိုတ် ၚုဟ်နွံမံၚ်တုဲ သြာံသ္ၚုမောဝ် (ပေါ်ဆန်းမွေး) ဂှ် သြာံပရေံမ္ဂး စဵုကဵု (၇)
ကိုတ် ဒးသွံတုဲ သြာံခိုဟ်ဟ်ဂှ် (၁၀) ကိုတ်ဟွံပေၚ် ဒှ်မံၚ်ရောၚ် ဂွံလ္ၚတ်တီကေတ်ရ။
“ၚုဟ်သြောံဒေသပိုဲဂှ် ဟွံညိၚ်ရပုဟ်။ ရဲစက်တံဂှ်လေဝ် သြာံသှေ်မံၚ် ပ္ဍဲကဵုစက်ဂှ်ရဗုတ်၊ ၚုဟ်ဍာံဍာံဂှ် ဍံဟွံဒှ်ရ။ ပဟ်ဟ်ဏံ သ္ၚုဂှ်ရ ဒှ်သွံရာန်မံၚ်၊ သြာံဂှ်တှေ် ရဲဗ္ၚရ ညးသွံမာန်တှေ်သွံဏာ၊ ရဲစက်တံဂှ် မွဲမှလေဝ် ဂွံရာန်ကွေံကွေံ ဍံဟွံဒှ်ပုဟ်။ သြာံခြိုၚ်လဝ် တြံတြေံဂှ်ရ
ဗုတ်မံၚ်ဗီုဂှ်သၟးရ” သာ်ဝွံ တၠစက်သ္ၚု ကုာံ ညးသွံရာန်သ္ၚု ရဲကွာန်ဝၚ်ဒုန် နာဲတိတ်နာၚ် ဟီုရ။ သြောံမၞုံဓာတ်ဍုက်ဍာ် (အစိုဓာတ်) (၁၄) က္ဍိုပ်ကၠံ သ္ပအ်၊ ကြဟ်ဟွံမွဲ သြာံအးအး မွဲန (၄၆)
ပံၚ်ဂှ် ခုတ်ပ္တန်အာ (၁၀၀) နမ္ဂး ၚုဟ်မး (၅) ကိုတ်ဒ္ကေဝ်ရောၚ် ကဵုဂကောံပၠတရဴ စဵုဒၞာအခေါၚ်အရာဗ္ၚ ေကုာံ သၠုၚ်ပ္တိုန်အခေါၚ်အရာပိုန်ဂြပ်သၟာဗ္ၚတံ လလောၚ်တြးကၠုၚ်လဝ် ပ္ဍဲကဵုဂိတုအံက်တဝ်ဗာ (၁၅) ဂှ်ရ။ “သြောံဂှ် ယဝ်ရဒှ်သ္ၚုကြံၚ်ၚ် (ဆန်ကြမ်း) သ္ၚုခိုဟ်ဟ်ဟွံသေၚ်တှေ် ကိတ်တွဵုလေဝ်။ ဥပမာ
လၟုဟ်သြောံ (ရေႊတဆုပ်) ၚုဟ်မံက်မံၚ် (၅) ကိုတ်တှေ် ကဵုၚုဟ်ဍေံဟီုဂှ် ကိတ်ညဳမံၚ်ရလေဝ်။ တုဲတှေ် ဍံဂှ် (၄၆) ပံၚ်ရတှေ် သီုသာအာညိဏီ။ သြာံဒေသပိုဲဂှ် ၜိုတ်
(၄၈) ပံၚ် မံၚ်ဏောၚ်” သာ်ဝွံ နာဲတိတ်နာၚ် ထပ်ဟီုရ။
သြောံတိတ်နူကဵုတွဵုရးဍုၚ်မန်ဂှ် ဍာ်ဒ္ကေဝ်သၠုၚ်မံၚ်ကီု စပ်ကဵုဒးစကာကောန်လိၚ်လေဝ်
ၚုဟ်မးကမၠောန်လၟေၚ်တ္ၚဲတံ သၠုၚ်မံၚ်ကီုတုဲ ခုတ်စွံၚုဟ်မး မွဲဒမြိပ်ဓဝ်ဂှ် ဒှ်ဟွံထေက်ရောၚ်
သၟာဗ္ၚမန်တံ ထံက်ထ္ၜးလဝ်နွံရ။
သၞာံတုဲကၠုၚ်တေံ အခိၚ်လၟုဟ်ဝွံ ၚုဟ်သြောံသၠုၚ်တိုန်မွဲဒမြိပ်ဓဝ်တုဲ အခိၚ်ဗီုဏံဂှ်
သြာံၚုမောဝ် (ပေါ်ဆန်းမွေး) (၁၀၀) နမ္ဂး စဵုကဵု (၁၇) ကိုတ်ပြၚ်တိုန်ကၠုၚ်တုဲ
အခိတ်သြောံတၟိတိတ်ဂှ်လေဝ် စဵုကဵု (၁၂) ကိုတ်ဂှ် ဍံကၠုၚ်သူကေတ် ပ္ဍဲကဵုဓနေၚ်ရောၚ်
ဂွံတီကေတ်ရ။