နူကဵုယၟုအကံက် “ဘုန်းမြၚ့်” ပတိုန်လဝ်တုဲကၠုၚ် (၂၀၂၀) ဒဳဇြေမ်ဗာ ၃ တေံဂှ် ဒဒှ်ရ “နူကဵုဂကောံ UEC တအ် မၞိဟ် ၆ တၠ နုတ်တိတ်နူကဵုဂကောံတအ်ဂှ် ဒှ်ပရိုၚ်ဗၠေတ်ဗၠေတ်မွဲပိုတ်ရောၚ် နူကဵု ကဏ္ဍ “ဒး ဟွံဒးတုဲ ချပ်” ပိုဲတံ လ္ၚတ်ဂၠိုက်ဂၠာဲစၟဳစၟတ်လဝ်ရ။

Facebook Video Link>>https://bit.ly/3osSVrq

ပရိုၚ်ဝွံ ဟိုတ်သာ်လဵု ပရိုၚ်ဟွံဍာံ၊ ဒှ်ပရိုၚ်ဗၠေတ်ဗၠေတ်မွဲပိုတ်ရောဟီုမ္ဂး –
• ဒဒှ်ရ ပရိုၚ်ကမ္မယှေန်ပေဲါရုဲမာဲ ၆ တၠတံ နုက်တိတ်နူဂကောံကမ္မယှေန်ယျရောၚ်ဟီုဂှ် ဟွံဆဵုလတူမုက်လိက်ဌာန်ပရိုၚ်ဂမၠိုၚ်ကီု။
• ပရိုၚ်ဆက်စပ်ကဵုပရေၚ်ပရောကမ္မယှေန်ပေဲါရုဲမာဲမ္ဂး ဒဒှ်ရပရောဝွံ ပတိုန်ထ္ၜးဓမံက်လဝ် ပ္ဍဲကဵုမုက်လိက် ကမ္မယှေန်ပေဲါရုဲမာဲ UEC တံဟွံမွဲကီု။
• ဒဒှ်ရလတူပရိုၚ် ဂကောံကမ္မယှေန် ၆ တၠတံနုက်တိတ်အာနူကမ္မယှေန်ယျရောၚ် မုက်လိက် facebook ‘ဘုန်းမြၚ့်’ ဂှ် ဒှ်ပရိုၚ်ဗၠေတ်ဗၠေတ်မွဲရောၚ် ပ္ဍဲကဵုမုက်လိက် UEC တံ ဓမံက်ထ္ၜးလဝ်နွံရ။

ရံၚ်ကဵုတၚ်နၚ် ဟိုတ်ဖဵု ၃ သာ်ဏံတုဲ ပရိုၚ်ဝွံ ဒှ်ပရိုၚ်ဗၠေတ်ဗၠေတ်မွဲရောၚ်ဟီုဂှ် သွဟ်မံက်မံၚ်ရ။

ပရိသာတ်ပိုယ်တအ်လေဝ် ပရိုၚ်ဟွံဍာံ၊ ပရိုၚ်ဗၠေတ်ဗၠေတ်တအ်ဂှ် ယဝ်ဆဵုညာတ်ဒး လ္တူ facebook တအ်မ္ဂးတှ်ေ လ္ပပတှ်ေပြဟ်ဏီတုဲ ပရိုၚ်ဏံဂှ် ဒးဟာ ဗၠေတ်ဟာဂှ် ယဝ်ဒှ်ဒၟံၚ်သၠေဟ်ပၟာဏောၚ်တှ်ေ ဗဵုကျောဝ်ရံၚ် ပ္ဍဲဌာန်ပရိုၚ်ဂမၠိုၚ်ကီု၊ ပ္ဍဲ မုက်လိက် ကမ္မယှေန် ပေဲါရုဲမာဲ Union Election Commission ညိဂှ် မိက်ဂွံဗတိုက်ဖအောဝ်ဏာရ။